ໂຢຊວຍ 3:16 - ພຣະຄຳພີສັກສິ

¹⁶ ທັນໃດນັ້ນ ນໍ້າ​ທີ່​ໄຫລ​ມາ​ຈາກ​ທາງ​ເໜືອ​ກໍ​ຢຸດ​ໄຫລ​ແລະ​ໂຮມ​ເຂົ້າ​ກັນ​ທີ່​ເມືອງ​ອາດາມ ຢູ່​ໃກ້​ກັບ​ເມືອງ​ຊາເຣທານ ສາຍ​ນໍ້າ​ທີ່​ໄຫລ​ລົງ​ສູ່​ທະເລຕາຍ​ຖືກ​ຕັດຂາດ​ໝົດກ້ຽງ ແລະ​ປະຊາຊົນ​ຈຶ່ງ​ສາມາດ​ຂ້າມ​ນໍ້າ​ໄປ​ໃກ້​ກັບ​ເມືອງ​ເຢຣິໂກ​ໄດ້.

ໂຢຊວຍ 3:16 Jak'a apnaqawi uñst'ayäwi

ປະຖົມມະການ 14:3

ກະສັດ​ທັງ​ຫ້າ​ຄົນ​ນີ້​ຮ່ວມ​ກັນ​ເຂົ້າ​ເປັນ​ພັນທະມິດ ແລະ​ໂຮມ​ກຳລັງ​ກັນ​ຢູ່​ໃນ​ທົ່ງ​ຮາບພຽງ​ສິດດິມ ຊຶ່ງ​ໃນ​ປັດຈຸບັນ​ນີ້​ແມ່ນ​ທະເລຕາຍ.

1 ກະສັດ 4:12

ບາອານາ ລູກຊາຍ​ຂອງ​ອາຮີລຸດ ຮັບຜິດຊອບ​ເມືອງ​ຕາອານັກ, ເມກິດໂດ ແລະ​ທົ່ວ​ທັງ​ອານາເຂດ​ໃກ້​ກັບ​ເມືອງ​ເບັດ​ເຊອານ​ໃກ້​ເມືອງ​ຊາເຣທານ ທາງທິດໃຕ້​ເມືອງ​ຢິດຊະເຣນ ແລະ​ຈາກ​ເມືອງ​ເບັດ​ເຊອານ​ຈົນເຖິງ​ອາເບັນ​ເມໂຮລາ​ແລະ​ເມືອງ​ໂຢກເມອາມ.

1 ກະສັດ 7:46

ກະສັດ​ໄດ້​ສັ່ງ​ໃຫ້​ເຮັດ​ສິ່ງ​ເຫຼົ່ານີ້​ທີ່​ໂຮງ​ຫລອມ ຢູ່​ລະຫວ່າງ​ເມືອງ​ຊຸກໂກດ ແລະ​ເມືອງ​ຊາເຣທານ​ໃນ​ຮ່ອມພູ​ຈໍແດນ.

ເພງ^ສັນລະເສີນ 114:3

ທະເລແດງ​ໄດ້​ຫລຽວເບິ່ງ ແລະ​ປົບໜີໄປ ແມ່ນໍ້າ​ຈໍແດນ​ໄດ້​ຢຸດ​ໄຫລ​ແລ້ວ​ກໍ​ໄຫລ​ຄືນ​ມາ​ອີກ.

ເພງ^ສັນລະເສີນ 114:5

ມີ​ຫຍັງ​ນໍ​ທີ່​ເກີດຂຶ້ນ ໂອ ເຈົ້າ​ທະເລ​ເອີຍ ຈຶ່ງ​ເຮັດ​ໃຫ້​ເຈົ້າ​ປົບໜີ​ເປີດ​ໄປ​ຢ່າງ​ນັ້ນ? ໂອ ແມ່ນໍ້າ​ຈໍແດນ​ເອີຍ ເຈົ້າ​ເດ​ເປັນ​ຈັ່ງ​ໃດ? ເປັນຫຍັງ​ຈຶ່ງ​ຢຸດ​ໄຫລ​ແລະ​ໄຫລ​ຄືນ​ມາ​ອີກ?

ເພງ^ສັນລະເສີນ 29:10

ພຣະເຈົ້າຢາເວ​ປົກຄອງ​ເໜືອ​ນໍ້າ​ເລິກ​ທັງຫລາຍ ພຣະເຈົ້າຢາເວ​ນັ່ງ​ປົກຄອງ​ດັ່ງ​ກະສັດ​ຕະຫຼອດໄປ​ເປັນນິດ.

ເພງ^ສັນລະເສີນ 33:7

ພຣະອົງ​ໄດ້​ໂຮມ​ທະເລ​ທຸກ​ແຫ່ງ​ໄວ້​ໃນ​ບ່ອນດຽວ ຂັງ​ມະຫາສະໝຸດ​ເລິກ​ໃນ​ບ່ອນ​ຂອງ​ມັນ​ນັ້ນ.

ເພງ^ສັນລະເສີນ 66:6

ພຣະອົງ​ໄດ້​ປ່ຽນ​ທະເລ​ເລິກ​ໃຫ້​ເປັນ​ດິນແຫ້ງ​ໄປ ປູ່ຍ່າຕາຍາຍ​ຂອງ​ພວກເຮົາ​ໄດ້​ຍ່າງ​ຂ້າມ​ນໍ້າ​ນັ້ນ ຢູ່​ທີ່​ນັ້ນ​ພວກເພິ່ນ​ຕ່າງ​ກໍ​ຊົມຊື່ນ​ຍິນດີ ເພາະ​ສິ່ງ​ທີ່​ພຣະອົງ​ໄດ້​ກະທຳ​ນັ້ນ.

ເພງ^ສັນລະເສີນ 74:15

ພຣະອົງ​ໄດ້​ເຮັດ​ໃຫ້​ລຳນໍ້າ​ແລະ​ນໍ້າພຸ​ຫລັ່ງໄຫລ ພຣະອົງ​ເຮັດ​ໃຫ້​ແມ່ນໍ້າ​ບົກແຫ້ງ​ລົງ​ໄດ້.

ເພງ^ສັນລະເສີນ 77:19

ພຣະອົງ​ຍ່າງ​ເທິງ​ຄື້ນ​ນໍ້າ​ຂ້າມ​ທ້ອງ​ທະເລ​ໄປ ແຕ່​ບໍ່ມີ​ຮອຍ​ບາດ​ຍ່າງ​ຂອງ​ພຣະອົງ​ໃຫ້​ປາກົດ​ເປັນ​ທີ່​ເຫັນ​ໄດ້.

ເພງ^ສັນລະເສີນ 78:13

ພຣະອົງ​ໄດ້​ແຍກ​ນໍ້າ​ທະເລ​ແລະ​ໄດ້​ນຳ​ພວກເຂົາ​ຜ່ານ​ໄປ ພຣະອົງ​ໄດ້​ເຮັດ​ໃຫ້​ນໍ້າ​ແຍກ​ຕັ້ງ​ຂຶ້ນ​ເປັນ​ກຳແພງ.

ອົບພະຍົບ 14:21

ໂມເຊ​ໄດ້​ເດ່​ມື​ຂອງຕົນ​ອອກ​ໄປ​ສູ່​ທະເລ ແລະ​ພຣະເຈົ້າຢາເວ​ໄດ້​ບັນດານ ໃຫ້​ລົມຮ້ອນ​ທາງ​ທິດ​ຕາເວັນອອກ​ພັດ​ທະເລ​ຕະຫລອດ​ຄືນ. ລົມ​ໄດ້​ພັດ​ທະເລ​ຢູ່​ຢ່າງ​ລຽນຕິດ​ຈົນ​ເຫັນ​ພື້ນດິນ​ແຫ້ງ. ນໍ້າ​ໄດ້​ແຍກ​ອອກ​ຈາກ​ກັນ​ເປັນ​ທາງຍ່າງ

ອົບພະຍົບ 14:22

ແລະ​ຊາວ​ອິດສະຣາເອນ​ໄດ້​ຍ່າງ​ເທິງ​ພື້ນດິນ​ແຫ້ງ​ຜ່ານ​ຂ້າມ​ໄປ ໂດຍ​ມີ​ນໍ້າ​ຂັ້ນ​ທັງສອງ​ຂ້າງ​ເໝືອນ​ກຳແພງ.

ອົບພະຍົບ 14:29

ສ່ວນ​ຊາວ​ອິດສະຣາເອນ​ນັ້ນ​ກໍໄດ້​ຍ່າງ​ໄປ​ເທິງ​ພື້ນດິນ​ແຫ້ງ​ຢ່າງ​ປອດໄພ​ຄື: ບ່ອນ​ມີ​ນໍ້າ​ຂັ້ນ​ທັງສອງ​ຂ້າງ​ດັ່ງ​ກຳແພງ.

ອົບພະຍົບ 15:8

ພຣະອົງ​ເປົ່າ​ທະເລ​ດ້ວຍ​ລົມຫາຍໃຈ ແລະ​ນໍ້າ​ຈຶ່ງ​ກາຍເປັນ​ຟອງ​ສູງ​ໃຫຍ່; ຟອງນໍ້າ​ໄດ້​ຢືນ​ແຂງ​ຄ້າງ​ເໝືອນ​ດັ່ງ​ກຳແພງ. ທ້ອງ​ທະເລ​ອັນ​ກວ້າງ ແລະ​ເລິກ​ຢ່າງ​ເຫຼືອ​ຫລາຍ; ກໍ​ເລີຍ​ກາຍ​ຄ້າງ​ແຂງ​ແໜ້ນໜັກ​ໄປ​ຈົນ​ສິ້ນ.

ເອຊາຢາ 50:2

ເປັນຫຍັງ​ປະຊາຊົນ​ຂອງເຮົາ​ຈຶ່ງ​ບໍ່​ຍອມ​ຕອບ​ນໍ ເມື່ອ​ເຮົາ​ມາ​ຊ່ວຍກູ້​ເອົາ​ພວກ​ເຂົາເຈົ້າ. ເມື່ອ​ເຮົາ​ເອີ້ນ​ຫາ ເປັນຫຍັງ​ພວກເຂົາ​ຈຶ່ງ​ບໍ່​ຕອບ​ນໍ? ຫລື​ວ່າ​ເຮົາ​ອ່ອນແອ​ຫຼາຍ​ທີ່​ຈະ​ຊ່ວຍ​ໃຫ້​ພົ້ນ? ເຮົາ​ສັ່ງ​ຄຳດຽວ​ເທົ່ານັ້ນ ນໍ້າ​ໃນ​ທະເລ​ກໍ​ແຫ້ງ​ລົງ ແລະ​ແມ່ນໍ້າ​ນັ້ນ​ກໍ​ກາຍເປັນ​ຖິ່ນ​ແຫ້ງແລ້ງ ແລ້ວ​ຝູງ​ປາ​ໃນ​ແມ່ນໍ້າ​ນັ້ນ​ກໍ​ຈະ​ຕາຍໄປ ຍ້ອນ​ນໍ້າ​ໃນ​ລຳທານ​ບໍ່ມີ​ເສຍ​ແລ້ວ.

ເອເຊກຽນ 47:8

ເພິ່ນ​ໄດ້​ກ່າວ​ແກ່​ຂ້າພະເຈົ້າ​ວ່າ, “ນໍ້າ​ນີ້​ໄຫລ​ຜ່ານ​ດິນແດນ​ໄປ​ທາງທິດ​ຕາເວັນອອກ ແລະ​ໄຫລ​ລົງ​ໄປ​ສູ່​ຮ່ອມພູ​ຈໍແດນ​ແລະ​ໄປ​ສູ່​ທະເລຕາຍ. ເມື່ອ​ໄຫລ​ລົງ​ໄປ​ໃນ​ທະເລຕາຍ ນໍ້າ​ນີ້​ກໍ​ເຮັດ​ໃຫ້​ນໍ້າເຄັມ​ໃນ​ທະເລ​ກາຍເປັນ​ນໍ້າຈືດ.

ນາຮູມ 1:4

ພຣະອົງ​ສັ່ງ​ທະເລ​ກວ້າງ ແລະ​ກໍ​ເຫືອດແຫ້ງ​ລົງ ທັງ​ເຮັດ​ໃຫ້​ແມ່ນໍ້າ​ທັງຫລາຍ​ບົກແຫ້ງ​ໝົດສິ້ນ. ທົ່ງ​ບາຊານ​ກໍ​ແຫ້ງແລ້ງ ພູ​ກາເມນ​ກໍ​ເຫລືອງຫລ່າ ມວນ​ມາລາ​ໃນ​ເລບານອນ​ກໍ​ຫ່ຽວແຫ້ງ​ຕາຍໄປ.

ຮາບາກຸກ 3:8

ຂ້າແດ່​ພຣະເຈົ້າຢາເວ ຄົງ​ແມ່ນ​ແມ່ນໍ້າ​ຕ່າງໆ​ນັ້ນ​ບໍ ທີ່​ໄດ້​ເຮັດ​ໃຫ້​ພຣະອົງ​ຕ້ອງ​ລົງໂທດ​ໂກດຮ້າຍ? ແມ່ນ​ນໍ້າ​ທະເລ​ທີ່​ໄດ້​ເຮັດ​ໃຫ້​ພຣະອົງ​ກີ້ວໂກດ​ບໍ? ພຣະອົງ​ຜ່ານ​ໄປມາ​ເທິງ​ກ້ອນເມກ​ທັງຫລາຍ​ນັ້ນ ກ້ອນເມກ​ໃນ​ພະຍຸຮ້າຍ​ຄື​ລົດມ້າ​ຂອງ​ພຣະອົງ ຂະນະທີ່​ນຳ​ໄຊຊະນະ​ມາ​ສູ່​ປະຊາຊົນ​ຂອງ​ພຣະເຈົ້າ.

ຈົດບັນຊີ 34:3

ຊາຍແດນ​ທາງໃຕ້​ຈະ​ຢຽດ​ອອກ​ຕັ້ງແຕ່​ຖິ່ນ​ແຫ້ງແລ້ງ​ກັນດານ​ຊິນ ເລີຍ​ໄປ​ຕາມ​ຊາຍແດນ​ຂອງ​ເອໂດມ. ທາງທິດ​ຕາເວັນອອກ ຊາຍແດນ​ທາງດ້ານ​ໃຕ້​ເລີ່ມ​ແຕ່​ສົ້ນ​ສຸດ​ຂອງ​ທະເລຕາຍ

ພຣະບັນຍັດສອງ 1:1

ພຣະທຳ​ເຫຼັ້ມ​ນີ້​ໄດ້​ບັນທຶກ​ຖ້ອຍຄຳ​ຂອງ​ໂມເຊ ທີ່​ໄດ້​ກ່າວ​ແກ່​ປະຊາຊົນ​ອິດສະຣາເອນ ຄາວ​ທີ່​ພວກເຂົາ​ຢູ່​ໃນ​ຖິ່ນ​ແຫ້ງແລ້ງ​ກັນດານ ທາງ​ຟາກ​ຕາເວັນອອກ​ຂອງ​ແມ່ນໍ້າ​ຈໍແດນ ທີ່​ທົ່ງ​ຮາບພຽງ​ຈໍແດນ​ໃກ້​ຊູຟະ ລະຫວ່າງ​ເມືອງ​ປາຣານ​ດ້ານ​ໜຶ່ງ ແລະ​ເມືອງ​ຕ່າງໆ​ອີກ​ດ້ານ​ໜຶ່ງ ເຊັ່ນ: ໂຕເຟນ, ລາບານ, ຮາເຊໂຣດ ແລະ​ດີຊາຮາບ. (

ພຣະບັນຍັດສອງ 3:17

ທາງທິດ​ຕາເວັນຕົກ ເຂດແດນ​ຂອງ​ພວກເຂົາ​ຍາວ​ອອກ​ໄປ​ຮອດ​ແມ່ນໍ້າ​ຈໍແດນ ຕັ້ງແຕ່​ທະເລສາບ​ຄາລີເລ​ໃນ​ຕອນເໜືອ ລົງ​ມາ​ຮອດ​ທະເລຕາຍ​ໃນ​ຕອນ​ໃຕ້ ແລະ​ເລີຍ​ມາ​ຮອດ​ຕີນ​ພູ​ປີສະກາ​ທາງທິດ​ຕາເວັນອອກ.

ໂຢຊວຍ 12:3

ລວມທັງ​ຮ່ອມພູ​ຂອງ​ແມ່ນໍ້າ​ຈໍແດນ ແຕ່​ທະເລສາບ​ຄາລີເລ​ໄປ​ທາງທິດໃຕ້ ຈົນເຖິງ​ເບັດ​ເຢຊີໂມດ (ທາງທິດ​ຕາເວັນອອກ​ຂອງ​ທະເລຕາຍ) ແລະ​ຕີນ​ພູ​ປີສະກາ.

ໂຢຊວຍ 15:2

ດິນແດນ​ທາງທິດໃຕ້​ນີ້​ເລີ່ມ​ແຕ່​ທາງ​ໃຕ້​ສຸດ​ຂອງ​ທະເລຕາຍ

ໂຢຊວຍ 16:7

ແລ້ວ​ຈາກ​ຢາໂນອາ​ລົງ​ມາ​ເຖິງ​ອາຕາໂຣດ​ແລະ​ນາອາຣາ ຈົນ​ໄປ​ເຖິງ​ເມືອງ​ເຢຣິໂກ​ແລະ​ສຸດ​ທີ່​ແມ່ນໍ້າ​ຈໍແດນ.

ໂຢຊວຍ 3:13

ເມື່ອ​ພວກ​ປະໂຣຫິດ ຜູ້​ທີ່​ຫາມ​ຫີບ​ພັນທະສັນຍາ​ຂອງ​ພຣະເຈົ້າຢາເວ ອົງພຣະ​ຜູ້​ເປັນເຈົ້າ ແຫ່ງ​ແຜ່ນດິນ​ໂລກ ຈຸ່ມຕີນ​ລົງ​ໃນ​ແມ່ນໍ້າ​ຈໍແດນ ແລະ​ແມ່ນໍ້າ​ຈໍແດນ​ທີ່​ໄຫລ​ລົງ​ມາ​ແຕ່​ທາງເໜືອ​ກໍ​ຈະ​ຢຸດ​ໄຫລ​ໂຮມ​ກັນ​ຢູ່​ບ່ອນດຽວ.”

ໂຢຊວຍ 4:22

ໃຫ້​ພວກເຈົ້າ​ບອກ​ພວກເຂົາ​ເຖິງ​ເວລາ​ທີ່​ຊາວ​ອິດສະຣາເອນ ໄດ້​ຂ້າມ​ແມ່ນໍ້າ​ຈໍແດນ​ເທິງ​ພື້ນດິນ​ແຫ້ງ.

ໂຢຊວຍ 5:1

ເມື່ອ​ກະສັດ​ທັງໝົດ​ຂອງ​ຊາວ​ອາໂມ ທີ່​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ແລະ​ກະສັດ​ທັງໝົດ​ຂອງ​ຊາວ​ການາອານ ທີ່​ຢູ່​ໃກ້​ທະເລ​ເມດີແຕຣາເນ​ໄດ້ຍິນ​ວ່າ ພຣະເຈົ້າຢາເວ​ໄດ້​ເຮັດ​ໃຫ້​ແມ່ນໍ້າ​ຈໍແດນ​ແຫ້ງ ຈົນ​ປະຊາຊົນ​ອິດສະຣາເອນ​ຂ້າມ​ໄປ​ໄດ້; ກະສັດ​ເຫຼົ່ານີ້​ຕ່າງ​ກໍ​ຢ້ານກົວ​ແລະ​ເສຍຂວັນ​ຍ້ອນ​ຊາວ​ອິດສະຣາເອນ.

ພວກ^ຜູ້ປົກຄອງ 7:22

ໃນ​ຂະນະທີ່​ທະຫານ​ຂອງ​ກີເດໂອນ​ເປົ່າແກ​ຂຶ້ນ​ນັ້ນ ພຣະເຈົ້າຢາເວ​ກໍ​ບັນດານ​ໃຫ້​ຄົນ​ທີ່​ຢູ່​ໃນ​ຄ້າຍພັກ​ຈັບ​ດາບ​ຂຶ້ນ​ຕໍ່ສູ້​ກັນ​ເອງ. ພວກເຂົາ​ແລ່ນ​ໜີໄປ​ທາງ​ເມືອງ​ຊາເຣທານ ຈົນເຖິງ​ເມືອງ​ເບັດຊິດຕາ​ແລະ​ເມືອງ​ອາເບັນ​ເມໂຮລາ​ທີ່​ຢູ່​ໃກ້​ບ້ານ​ຕັບບັດ.