ໂຢຊວຍ 24:33 - ພຣະຄຳພີສັກສິ

³³ ຕໍ່ມາ ເອເລອາຊາ​ລູກຊາຍ​ຂອງ​ອາໂຣນ​ກໍ​ຕາຍໄປ ແລະ​ຊາກສົບ​ຂອງ​ເພິ່ນ​ໄດ້​ຖືກ​ຝັງ​ໄວ້​ຢູ່​ທີ່​ເມືອງ​ກີເບອາ ຊຶ່ງ​ເປັນ​ເມືອງ​ໃນ​ເຂດ​ເນີນພູ​ເອຟຣາອິມ. ເມືອງ​ນີ້​ໄດ້​ຍົກ​ໃຫ້​ເປັນ​ກຳມະສິດ​ຂອງ​ຟີເນຮາ.

ໂຢຊວຍ 24:33 Jak'a apnaqawi uñst'ayäwi

2 ຊາມູເອນ 20:21

ບໍ່ແມ່ນ​ແຜນການ​ຂອງ​ພວກເຮົາ. ມີ​ຊາຍ​ຄົນ​ໜຶ່ງ​ຊື່​ວ່າ​ເຊບາ ລູກຊາຍ​ຂອງ​ບີກຣີ ຄົນ​ມາ​ຈາກ​ແຖບ​ເນີນພູ​ເອຟຣາອິມ ໄດ້​ເລີ່ມ​ກະບົດ​ຕໍ່ສູ້​ກະສັດ​ດາວິດ. ຈົ່ງ​ມອບ​ຊາຍ​ຄົນ​ນີ້​ໃຫ້​ແກ່​ພວກເຮົາ​ສາ ແລະ​ພວກເຮົາ​ກໍ​ຈະ​ໄປ​ຈາກ​ເມືອງ.” ນາງ​ຕອບ​ວ່າ, “ພວກ​ຂ້ານ້ອຍ​ຈະ​ໂຍນ​ຫົວ​ຂອງ​ລາວ​ຂ້າມ​ກຳແພງ​ໄປ​ໃຫ້​ທ່ານ.”

1 ກະສັດ 4:8

ຕໍ່ໄປນີ້ ແມ່ນ​ລາຍຊື່​ຂອງ​ພວກ​ຂ້າຣາຊການ​ສິບສອງ​ຄົນ ແລະ​ເຂດ​ທ້ອງຖິ່ນ​ທີ່​ພວກເຂົາ​ຮັບຜິດຊອບ​ມີ​ດັ່ງນີ້: ເບນເຮີ ຮັບຜິດຊອບ​ເຂດ​ເນີນພູ​ເອຟຣາອິມ.

2 ກະສັດ 5:22

ເກຮາຊິ​ຕອບ​ວ່າ, “ບໍ່ມີ​ຫຍັງດອກ ແຕ່​ນາຍ​ຂອງ​ຂ້ານ້ອຍ​ສົ່ງ​ຂ້ານ້ອຍ​ມາ​ບອກ​ທ່ານ​ວ່າ ໃນ​ຫວ່າງກີ້​ນີ້ເອງ​ມີ​ຜູ້ທຳນວາຍ​ສອງ​ຄົນ​ໃນ​ໝວດ​ເຂດ​ເນີນພູ​ເອຟຣາອິມ​ມາຮອດ ເອລີຊາ​ຢາກ​ໃຫ້​ທ່ານ​ເອົາ​ເງິນ​ສາມພັນ​ແທ່ງ ແລະ​ເສື້ອ​ທີ່​ສວຍງາມ​ສອງ​ຊຸດ​ໃຫ້​ພວກເພິ່ນ.”

ເອຊະຣາ 7:5

ບຸກກີ​ເປັນ​ລູກຊາຍ​ຂອງ​ອາບີຊູອາ, ອາບີຊູອາ​ເປັນ​ລູກຊາຍ​ຂອງ​ຟີເນຮາ, ຟີເນຮາ​ເປັນ​ລູກຊາຍ​ຂອງ​ເອເລອາຊາ, ເອເລອາຊາ​ເປັນ​ລູກຊາຍ​ຂອງ​ອາໂຣນ.

ພຣະທຳ​ໂຢບ 30:23

ຂ້ານ້ອຍ​ຮູ້ວ່າ​ພຣະອົງ​ກຳລັງ​ສົ່ງ​ຂ້ານ້ອຍ​ໄປ​ສູ່​ຄວາມຕາຍ ໄປ​ສູ່​ເຄາະກຳ​ທີ່​ຮັກສາ​ໄວ້​ສຳລັບ​ທຸກໆຄົນ​ນັ້ນ.

ເພງ^ສັນລະເສີນ 49:10

ໃຜໆ​ກໍ​ເຫັນ​ໄດ້​ວ່າ​ມະນຸດ​ທຸກຄົນ​ຕ້ອງຕາຍ ທັງ​ຄົນໂງ່ຈ້າ​ເບົາປັນຍາ​ແລະ​ນັກປາດ​ດ້ວຍ. ພວກເຂົາ​ໄດ້​ປະ​ຄວາມ​ຄູນຮັ່ງຄູນມີ​ໄວ້​ໃຫ້​ຜູ້ໃດ ກໍ​ໃຫ້​ລູກຫລານ​ຂອງ​ເຂົາເຈົ້າ.

ອົບພະຍົບ 6:23

ອາໂຣນ​ໄດ້​ແຕ່ງງານ​ກັບ​ນາງ​ເອລີເຊບາ ຜູ້​ທີ່​ເປັນ​ລູກສາວ​ຂອງ​ອຳມີນາດາບ ແລະ​ເປັນ​ເອື້ອຍ​ຂອງ​ນາໂຊນ. ນາງ​ເກີດ​ລູກຊາຍ​ສີ່​ຄົນ​ໃຫ້​ລາວ ດັ່ງນີ້: ນາດາບ, ອາບີຮູ, ເອເລອາຊາ ແລະ​ອີທາມາ.

ອົບພະຍົບ 6:25

ເອເລອາຊາ ລູກຊາຍ​ຂອງ​ອາໂຣນ ໄດ້​ລູກສາວ​ຄົນ​ໜຶ່ງ​ຂອງ​ປູຕີເອນ​ມາ​ເປັນ​ເມຍ; ແລະ​ນາງ​ເກີດ​ລູກຊາຍ​ຜູ້ໜຶ່ງ​ໃຫ້​ລາວ​ຊື່​ວ່າ ຟີເນຮາ. ຄົນ​ເຫຼົ່ານີ້​ເປັນ​ຫົວໜ້າ​ຄອບຄົວ​ຕ່າງໆ ແລະ​ເປັນ​ຕະກຸນ​ຕ່າງໆ​ຂອງ​ເຜົ່າ​ເລວີ.

ເຊກາຣີຢາ 1:5

ປູ່ຍ່າຕາຍາຍ​ຂອງ​ພວກເຈົ້າ​ແລະ​ຜູ້ທຳນວາຍ​ເຫຼົ່ານັ້ນ ບໍ່ໄດ້​ມີ​ຊີວິດ​ຢູ່​ຕໍ່ໄປ​ແລ້ວ.

ຈົດບັນຊີ 3:32

ຫົວໜ້າ​ຂອງ​ພວກ​ເລວີ​ແມ່ນ​ເອເລອາຊາ ລູກຊາຍ​ຂອງ​ປະໂຣຫິດ​ອາໂຣນ. ລາວ​ດູແລ​ຄົນ​ທີ່​ມີ​ໜ້າທີ່​ຮັກສາ​ບ່ອນ​ສັກສິດ​ທີ່ສຸດ​ໃນ​ຫໍເຕັນ.

ກິດຈະການ 13:36

ຝ່າຍ​ດາວິດ, ເມື່ອ​ໄດ້​ປະຕິບັດ​ໃນ​ຄາວ​ອາຍຸ​ຂອງທ່ານ ຕາມ​ຄວາມປະສົງ​ຂອງ​ພຣະເຈົ້າ ແລ້ວ​ເພິ່ນ​ໄດ້​ຕາຍໄປ, ເພິ່ນ​ໄດ້​ຖືກ​ຝັງ​ໄວ້​ຢູ່​ກັບ​ບັນພະບຸລຸດ​ຂອງ​ເພິ່ນ ແລະ​ປະສົບ​ຄວາມ​ເປື່ອຍເນົ່າ.

ເຮັບເຣີ 7:24

ແຕ່​ພຣະເຢຊູເຈົ້າ ອົງ​ຊົງ​ດຳລົງ​ຕຳແໜ່ງ​ປະໂຣຫິດ​ຕະຫລອດໄປ ເພາະ​ພຣະອົງ​ຊົງ​ດຳລົງ​ຢູ່​ນິຣັນດອນ.

ໂຢຊວຍ 14:1

ຕໍ່ໄປນີ້​ແມ່ນ​ການ​ແບ່ງປັນ​ດິນແດນ​ການາອານ ທີ່​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ​ໃຫ້​ປະຊາຊົນ​ອິດສະຣາເອນ. ປະໂຣຫິດ​ເອເລອາຊາ, ໂຢຊວຍ​ລູກຊາຍ​ຂອງ​ນູນ ແລະ​ບັນດາ​ຫົວໜ້າ​ຄອບຄົວ​ຂອງ​ຊາວ​ອິດສະຣາເອນ​ໃນ​ເຜົ່າ​ຕ່າງໆ ໄດ້​ແບ່ງປັນ​ດິນແດນ​ນີ້​ໃຫ້​ແກ່​ພົນລະເມືອງ​ຂອງ​ພວກເຂົາ.

ໂຢຊວຍ 22:13

ແລ້ວ​ປະຊາຊົນ​ອິດສະຣາເອນ​ກໍໄດ້​ສົ່ງ​ຟີເນຮາ​ລູກຊາຍ​ຂອງ​ປະໂຣຫິດ​ເອເລອາຊາ ໄປ​ຫາ​ປະຊາຊົນ​ເຜົ່າ​ຣູເບັນ, ກາດ ແລະ​ມານາເຊ​ຕາເວັນອອກ​ຢູ່​ໃນ​ດິນແດນ​ກີເລອາດ.

ພວກ^ຜູ້ປົກຄອງ 17:8

ລາວ​ໄດ້​ໜີ​ຈາກ​ເມືອງ​ເບັດເລເຮັມ​ເພື່ອ​ໄປ​ຊອກ​ຫາ​ບ່ອນ​ຢູ່​ໃນ​ທີ່​ອື່ນ. ໃນ​ຂະນະທີ່​ເດີນທາງ​ໄປ​ນັ້ນ ລາວ​ໄດ້​ແວ່​ເຂົ້າ​ໄປ​ໃນ​ເຮືອນ​ຂອງ​ມີກາ ຊຶ່ງ​ຢູ່​ທາງ​ແຖບ​ເນີນພູ​ເອຟຣາອິມ.

ພວກ^ຜູ້ປົກຄອງ 18:13

ຈາກ​ບ່ອນ​ນີ້ ພວກເຂົາ​ກໍ​ມາ​ຮອດ​ເຮືອນ​ຂອງ​ມີກາ​ທີ່​ເຂດ​ເນີນພູ​ເອຟຣາອິມ.

1 ຊາມູເອນ 1:1

ຍັງ​ມີ​ຊາຍ​ຄົນ​ໜຶ່ງ​ຊື່​ວ່າ ເອນການາ ຄົນ​ໃນ​ເຜົ່າ​ເອຟຣາອິມ ຜູ້​ທີ່​ອາໄສ​ຢູ່​ໃນ​ເມືອງ​ຣາມາ​ໃນ​ເຂດ​ເນີນພູ​ເອຟຣາອິມ. ລາວ​ເປັນ​ລູກຊາຍ​ຂອງ​ເຢໂຣຮາມ​ແລະ​ຫລານຊາຍ​ຂອງ​ເອລີຮູ ແລະ​ເປັນ​ຄົນ​ໃນ​ຄອບຄົວ​ໂຕຮູ ຊຶ່ງ​ເປັນ​ສ່ວນ​ໜຶ່ງ​ຂອງ​ຕະກຸນ​ຊູເຟ.

1 ຊາມູເອນ 9:4

ລາວ​ໄດ້​ຜ່ານ​ເຂດ​ເນີນພູ​ເອຟຣາອິມ​ກັບ​ອານາເຂດ​ຊາລີຊາ​ໄປ ແຕ່​ກໍ​ບໍ່​ພົບ​ລໍ​ເລີຍ. ດັ່ງນັ້ນ ພວກເຂົາ​ຈຶ່ງ​ຜ່ານ​ໄປ​ທາງ​ອານາເຂດ​ຊາອາລິມ ແຕ່​ກໍ​ບໍ່​ພົບ​ລໍ​ອີກ. ພວກເຂົາ​ຈຶ່ງ​ຜ່ານ​ໄປ​ທາງ​ອານາເຂດ​ເບັນຢາມິນ ແຕ່​ກໍ​ບໍ່​ພົບ​ລໍ​ເຊັ່ນກັນ.