ໂຢຊວຍ 24:24 - ພຣະຄຳພີສັກສິ

²⁴ ແລ້ວ​ປະຊາຊົນ​ກໍ​ເວົ້າ​ກັບ​ໂຢຊວຍ​ວ່າ, “ພວກເຮົາ​ຈະ​ບົວລະບັດ​ຮັບໃຊ້​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ແລະ​ຈະ​ເຊື່ອຟັງ​ຂໍ້ຄຳສັ່ງ​ຂອງ​ພຣະອົງ.”

ໂຢຊວຍ 24:24 Jak'a apnaqawi uñst'ayäwi

2 ຂ່າວຄາວ 15:14

ພວກເຂົາ​ພາກັນ​ກ່າວ​ຄຳ​ສາບານ​ໂດຍ​ພຣະເຈົ້າຢາເວ​ດ້ວຍ​ສຽງດັງ​ວ່າ​ຈະ​ເຮັດ​ຕາມ​ພັນທະສັນຍາ​ນັ້ນ ແລ້ວ​ພວກເຂົາ​ກໍໄດ້​ໂຮຮ້ອງ, ເປົ່າແກ ແລະ​ເປົ່າເຂົາສັດ.

ອົບພະຍົບ 19:8

ປະຊາຊົນ​ທັງໝົດ​ຈຶ່ງ​ຕອບ​ພ້ອມ​ກັນ​ວ່າ, “ພວກເຮົາ​ຈະ​ເຮັດ​ທຸກໆ​ສິ່ງ​ທີ່​ພຣະເຈົ້າຢາເວ​ໄດ້​ກ່າວ.” ແລ້ວ​ໂມເຊ​ກໍ​ຂຶ້ນ​ໄປ​ແຈ້ງ​ຕໍ່​ພຣະເຈົ້າຢາເວ ຕາມ​ທີ່​ປະຊາຊົນ​ໄດ້​ຕອບ​ນັ້ນ.

ອົບພະຍົບ 24:3

ໂມເຊ​ຈຶ່ງ​ໄດ້​ນຳ​ຂໍ້ຄຳສັ່ງ ແລະ​ກົດ​ຕ່າງໆ​ຂອງ​ພຣະເຈົ້າຢາເວ​ໄປ​ບອກ​ປະຊາຊົນ ແລະ​ປະຊາຊົນ​ທຸກຄົນ​ໄດ້​ຕອບ​ພ້ອມ​ກັນ​ວ່າ, “ພວກເຮົາ​ຈະ​ເຮັດ​ທຸກໆ​ສິ່ງ​ຕາມ​ທີ່​ພຣະເຈົ້າຢາເວ​ໄດ້​ກ່າວ.”

ອົບພະຍົບ 24:7

ແລ້ວ​ເພິ່ນ​ກໍ​ອ່ານ​ໜັງສື​ພັນທະສັນຍາ​ດ້ວຍ​ສຽງດັງ​ສູ່​ປະຊາຊົນ​ຟັງ. ພວກເຂົາ​ຕ່າງ​ກໍ​ເວົ້າ​ວ່າ, “ພວກ​ຂ້ານ້ອຍ​ທັງໝົດ​ຈະ​ເຊື່ອຟັງ​ພຣະເຈົ້າຢາເວ ແລະ​ຈະ​ເຮັດ​ທຸກໆ​ສິ່ງ​ຕາມ​ທີ່​ພຣະອົງ​ໄດ້​ສັ່ງ​ໄວ້.”

ເຢເຣມີຢາ 42:6

ເຖິງ​ແມ່ນ​ວ່າ​ຂໍ້ຄຳສັ່ງ​ນັ້ນ​ຈະ​ພໍໃຈ​ພວກເຮົາ ຫລື​ບໍ່​ກໍຕາມ ພວກເຮົາ​ກໍ​ຈະ​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ຄື​ອົງ​ທີ່​ພວກເຮົາ​ກຳລັງ​ຂໍຮ້ອງ​ທ່ານ​ໃຫ້​ພາວັນນາ​ອະທິຖານ​ຫາ​ນັ້ນ. ທຸກສິ່ງ​ຈະ​ເປັນ​ໄປ​ໂດຍ​ດີ​ສຳລັບ​ພວກເຮົາ ຖ້າ​ພວກເຮົາ​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ.”