ໂຢຊວຍ 24:13 - ພຣະຄຳພີສັກສິ

¹³ ເຮົາ​ໄດ້​ໃຫ້​ດິນແດນ​ແຫ່ງໜຶ່ງ​ແກ່​ພວກເຈົ້າ ໂດຍ​ທີ່​ພວກເຈົ້າ​ບໍ່ໄດ້​ຂຸດຄົ້ນ​ຖາກຖາງ ແລະ​ໄດ້​ໃຫ້​ເມືອງຕ່າງໆ​ໂດຍ​ທີ່​ພວກເຈົ້າ​ບໍ່ໄດ້​ກໍ່ສ້າງ. ບັດນີ້​ພວກເຈົ້າ​ກຳລັງ​ອາໄສ​ຢູ່​ໃນ​ທີ່ນັ້ນ ແລະ​ກິນ​ໝາກ​ອະງຸ່ນ​ກັບ​ໝາກ​ກອກເທດ​ຈາກ​ຕົ້ນ ໂດຍ​ທີ່​ພວກເຈົ້າ​ບໍ່ໄດ້​ປູກຝັງ​ໄວ້​ເລີຍ.’

ໂຢຊວຍ 24:13 Jak'a apnaqawi uñst'ayäwi

ອົບພະຍົບ 6:8

ເຮົາ​ຈະ​ນຳ​ພວກເຈົ້າ​ເຂົ້າ​ໄປ​ສູ່​ດິນແດນ ທີ່​ເຮົາ​ໄດ້​ສັນຍາ​ໄວ້​ຢ່າງ​ໜັກແໜ້ນ​ນັ້ນ​ວ່າ ຈະ​ມອບ​ໃຫ້​ແກ່​ອັບຣາຮາມ, ອີຊາກ ແລະ​ຢາໂຄບ; ແລະ​ເຮົາ​ຈະ​ມອບ​ດິນແດນ​ໃຫ້​ເປັນ​ກຳມະສິດ​ຂອງ​ພວກເຈົ້າ. ເຮົາ​ແມ່ນ​ພຣະເຈົ້າຢາເວ.”’

ສຸພາສິດ 13:22

ຄົນດີ​ປະ​ຊັບສົມບັດ​ໄວ້​ໃຫ້​ລູກຫລານ, ແຕ່​ຊັບສົມບັດ​ຂອງ​ຄົນບາບ​ກໍ​ສະສົມ​ໄວ້​ສຳລັບ​ຄົນ​ຊອບທຳ.

ພຣະບັນຍັດສອງ 19:1

“ຫລັງຈາກ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ທຳລາຍ​ຊົນຊາດ​ຕ່າງໆ​ໃນ​ດິນແດນ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຳລັງ​ຈະ​ມອບ​ໃຫ້​ພວກເຈົ້າ ແລະ​ຫລັງຈາກ​ພວກເຈົ້າ​ໄດ້​ຢຶດເອົາ​ເມືອງ, ເຮືອນຊານ​ບ້ານຊ່ອງ ແລະ​ຕັ້ງ​ຫຼັກແຫຼ່ງ​ຢູ່​ທີ່​ນັ້ນ​ແລ້ວ

ພຣະບັນຍັດສອງ 8:7

ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ກຳລັງ​ນຳພາ​ພວກເຈົ້າ​ເຂົ້າ​ໄປ​ຢູ່​ໃນ​ດິນແດນ​ທີ່​ອຸດົມສົມບູນ​ແລະ​ຮັ່ງມີ ຊຶ່ງ​ມີ​ແມ່ນໍ້າ​ແລະ​ຫ້ວຍ​ຮ່ອງ, ນໍ້າ​ອອກ​ບໍ່ ແລະ​ນໍ້າ​ບາດານ​ທີ່​ໄຫລ​ອອກ​ມາ​ຈາກ​ຮ່ອມພູ​ແລະ​ເນີນພູ​ທັງຫລາຍ

ໂຢຊວຍ 11:13

ແຕ່​ໂຢຊວຍ​ບໍ່ໄດ້​ຈູດ​ເມືອງ​ຕ່າງໆ​ຕາມ​ໂຄກ​ຕາມ​ເນີນ ເວັ້ນໄວ້​ແຕ່​ເມືອງ​ຮາໂຊ​ພຽງ​ເມືອງ​ດຽວ.

ໂຢຊວຍ 21:45

ພຣະເຈົ້າຢາເວ​ໄດ້​ຮັກສາ​ຄຳສັນຍາ​ທຸກໆ​ຂໍ້ ທີ່​ພຣະອົງ​ໄດ້​ສັນຍາ​ໄວ້​ກັບ​ປະຊາຊົນ​ອິດສະຣາເອນ. ທຸກໆ​ຢ່າງ​ກໍໄດ້​ເກີດຂື້ນ.