ໂຢຊວຍ 23:8 - ພຣະຄຳພີສັກສິ

⁸ ແຕ່​ຈົ່ງ​ສັດຊື່​ຕໍ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ຕາມ​ທີ່​ພວກເຈົ້າ​ເຄີຍ​ປະຕິບັດ​ມາ​ຈົນ​ເທົ່າ​ທຸກ​ວັນນີ້.

ໂຢຊວຍ 23:8 Jak'a apnaqawi uñst'ayäwi

2 ກະສັດ 18:6

ເພິ່ນ​ສັດຊື່​ຕໍ່​ພຣະເຈົ້າຢາເວ, ເຊື່ອຟັງ​ພຣະອົງ​ສະເໝີ ແລະ​ຖື​ຮັກສາ​ຄຳສັ່ງ​ທຸກ​ຂໍ້​ທີ່​ພຣະເຈົ້າຢາເວ​ໄດ້​ມອບ​ໃຫ້​ແກ່​ໂມເຊ​ນັ້ນ​ຢ່າງ​ລະມັດ​ລະວັງ.

ກິດຈະການ 11:23

ເມື່ອ​ເພິ່ນ​ໄດ້​ມາ​ຮອດ ແລະ​ເຫັນ​ພຣະຄຸນ​ພຣະເຈົ້າ​ອວຍພອນ​ຄົນ​ເຫຼົ່ານັ້ນ​ຢ່າງ​ໃດ​ເພິ່ນ​ກໍ​ດີໃຈ ແລະ​ເຕືອນ​ເຂົາ​ທຸກຄົນ​ໃຫ້​ສັດຊື່ ແລະ​ຕັ້ງໝັ້ນຄົງ​ໃນ​ອົງພຣະ​ຜູ້​ເປັນເຈົ້າ​ດ້ວຍ​ສຸດຈິດ​ສຸດໃຈ​ຂອງ​ເຂົາ.

ພຣະບັນຍັດສອງ 10:20

ຈົ່ງ​ຢຳເກງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ນະມັດສະການ​ແຕ່​ພຣະອົງ​ເທົ່ານັ້ນ. ຈົ່ງ​ສັດຊື່​ຕໍ່​ພຣະອົງ ແລະ​ກ່າວ​ຄຳສັນຍາ​ໃນ​ພຣະນາມ​ຂອງ​ພຣະອົງ​ເທົ່ານັ້ນ.

ພຣະບັນຍັດສອງ 11:22

ຈົ່ງ​ເຊື່ອຟັງ​ຢ່າງ​ສັດຊື່​ກົດບັນຍັດ​ທຸກ​ຂໍ້ ທີ່​ຂ້າພະເຈົ້າ​ໄດ້​ມອບ​ໃຫ້​ພວກເຈົ້າ​ຄື: ຈົ່ງ​ຮັກ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ຈົ່ງ​ປະຕິບັດ​ທຸກໆ​ສິ່ງ​ຕາມ​ທີ່​ພຣະອົງ​ສັ່ງ ແລະ​ຈົ່ງ​ສັດຊື່​ຕໍ່​ພຣະອົງ.

ພຣະບັນຍັດສອງ 13:4

ຈົ່ງ​ຕິດຕາມ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ແລະ​ຍ້ອງຍໍ​ສັນລະເສີນ​ໃຫ້ກຽດ​ພຣະອົງ ຈົ່ງ​ເຊື່ອຟັງ​ພຣະອົງ​ແລະ​ປະຕິບັດ​ຕາມ​ຂໍ້ຄຳສັ່ງ​ຂອງ​ພຣະອົງ ຈົ່ງ​ນະມັດສະການ​ພຣະອົງ​ແລະ​ຈົ່ງ​ສັດຊື່​ຕໍ່​ພຣະອົງ.

ພຣະບັນຍັດສອງ 13:5

ແຕ່​ຜູ້​ທີ່​ແກ້​ຄວາມຝັນ​ຫລື​ຜູ້ທຳນວາຍ ທີ່​ບອກ​ພວກເຈົ້າ​ໃຫ້​ກະບົດ​ຕໍ່ສູ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ອົງ​ທີ່​ໄດ້​ນຳພາ​ພວກເຈົ້າ​ອອກ​ມາ​ຈາກ​ປະເທດ​ເອຢິບ ບ່ອນ​ທີ່​ພວກເຈົ້າ​ເຄີຍ​ຕົກ​ເປັນ​ທາດ. ຄົນຊົ່ວຮ້າຍ​ຢ່າງ​ນີ້​ຊັກຊວນ​ພວກເຈົ້າ​ໃຫ້​ໜີ​ຈາກ​ທາງ​ດຳເນີນ​ຊີວິດ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສັ່ງ​ໄວ້​ໃຫ້​ເດີນ​ຕາມ. ຈົ່ງ​ກຳຈັດ​ຄວາມ​ຊົ່ວຮ້າຍ​ນີ້​ໃຫ້​ດັບ​ສິ້ນ​ໄປ​ຈາກ​ທ່າມກາງ​ພວກເຈົ້າ ພວກເຂົາ​ຕ້ອງ​ຖືກ​ລົງໂທດ​ເຖິງ​ຕາຍ.

ພຣະບັນຍັດສອງ 4:4

ແຕ່​ພວກ​ທີ່​ສັດຊື່​ຕໍ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກໍ​ຍັງ​ມີ​ຊີວິດ​ຢູ່​ເທົ່າ​ເຖິງ​ທຸກ​ວັນນີ້.

ພຣະບັນຍັດສອງ 8:20

ເໝືອນ​ດັ່ງ​ທີ່​ພຣະເຈົ້າຢາເວ​ທຳລາຍ​ຊົນຊາດ​ທັງຫລາຍ​ຕໍ່ໜ້າ​ພວກເຈົ້າ​ຢ່າງໃດ ພວກເຈົ້າ​ກໍ​ຈະ​ຖືກ​ທຳລາຍ​ຍ້ອນ​ບໍ່ໄດ້​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຢ່າງນັ້ນ.”

ໂຢຊວຍ 22:5

ຈົ່ງ​ໃຫ້​ແນ່ໃຈ​ວ່າ ພວກເຈົ້າ​ເຊື່ອຟັງ​ກົດບັນຍັດ​ທີ່​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ພວກເຈົ້າ​ຄື: ຈົ່ງ​ຮັກ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ, ຈົ່ງ​ປະຕິບັດ​ຕາມ​ຄວາມປະສົງ​ຂອງ​ພຣະອົງ, ຈົ່ງ​ເຊື່ອຟັງ​ຂໍ້ຄຳສັ່ງ​ຂອງ​ພຣະອົງ, ຈົ່ງ​ສັດຊື່​ຕໍ່​ພຣະອົງ ແລະ​ຈົ່ງ​ບົວລະບັດ​ຮັບໃຊ້​ພຣະອົງ​ດ້ວຍ​ສຸດໃຈ​ແລະ​ດ້ວຍ​ສຸດຈິດ ຂອງ​ພວກເຈົ້າ.”

ໂຢຊວຍ 23:7

ເພື່ອ​ພວກເຈົ້າ​ຈະ​ບໍ່​ເຂົ້າ​ສ່ວນ​ກັບ​ປະຊາຊົນ​ຕ່າງໆ​ທີ່​ເຫຼືອ​ຢູ່​ກັບ​ພວກເຈົ້າ ຫລື​ຮ້ອງ​ຫາ​ພະ​ຂອງ​ພວກເຂົາ ຫລື​ສາບານ​ໃນ​ນາມ​ຂອງ​ບັນດາ​ພະ​ນັ້ນ ຫລື​ຂາບໄຫວ້​ມັນ​ດ້ວຍ.

ໂຢຊວຍ 23:9

ພຣະເຈົ້າຢາເວ​ໄດ້​ຂັບໄລ່​ຊົນຊາດ​ໃຫຍ່ ແລະ​ມີ​ອຳນາດ​ອອກ​ໜີ​ຈາກ​ພວກເຈົ້າ ໃນ​ຂະນະທີ່​ພວກເຈົ້າ​ບຸກໜ້າ​ເຂົ້າ​ໄປ ແລະ​ບໍ່ມີ​ຜູ້ໃດ​ໃນ​ພວກເຂົາ​ສາມາດ​ຕ້ານທານ​ພວກເຈົ້າ​ໄດ້.