ໂຢຊວຍ 23:2 - ພຣະຄຳພີສັກສິ

² ສະນັ້ນ ເພິ່ນ​ຈຶ່ງ​ເອີ້ນ​ຊາວ​ອິດສະຣາເອນ​ທຸກຄົນ​ມາ ມີ​ດັ່ງນີ້: ພວກ​ເຖົ້າແກ່, ພວກຫົວໜ້າ, ພວກ​ຜູ້ປົກຄອງ ແລະ​ພວກ​ເຈົ້າໜ້າທີ່​ຂອງ​ປະຊາຊົນ. ເພິ່ນ​ບອກ​ພວກເຂົາ​ວ່າ, “ດຽວ​ນີ້​ຂ້າພະເຈົ້າ​ກໍ​ເຖົ້າແກ່​ຫລາຍ​ແລ້ວ

ໂຢຊວຍ 23:2 Jak'a apnaqawi uñst'ayäwi

1 ກະສັດ 1:1

ມາບັດນີ້ ກະສັດ​ດາວິດ​ກໍ​ເຖົ້າແກ່​ຊະຣາ​ຫລາຍ​ແລ້ວ ເຖິງ​ແມ່ນ​ວ່າ ພວກ​ຄົນ​ຮັບໃຊ້​ຫົ່ມ​ຜ້າ​ໃຫ້​ເພິ່ນ​ຫລາຍ​ຜືນ​ກໍ​ຍັງ​ບໍ່​ອົບອຸ່ນ.

1 ກະສັດ 8:1

ແລ້ວ​ກະສັດ​ໂຊໂລໂມນ​ກໍໄດ້​ເຊີນ​ບັນດາ​ຜູ້ນຳ​ເຜົ່າ​ກັບ​ຕະກຸນ​ຕ່າງໆ ຂອງ​ຊາດ​ອິດສະຣາເອນ​ທັງໝົດ​ມາ​ປະຊຸມກັນ​ຢູ່​ທີ່​ນະຄອນ​ເຢຣູຊາເລັມ ເພື່ອ​ນຳ​ເອົາ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ຈາກ​ພູເຂົາ​ຊີໂອນ​ເມືອງ​ຂອງ​ດາວິດ ໄປ​ທີ່​ພຣະວິຫານ.

1 ຂ່າວຄາວ 23:2

ກະສັດ​ດາວິດ​ໄດ້​ເອີ້ນ​ຜູ້ນຳ​ຊາດ​ອິດສະຣາເອນ​ທັງໝົດ​ປະໂຣຫິດ​ທຸກຄົນ ແລະ​ພວກເລວີ​ທັງໝົດ​ມາ​ປະຊຸມ​ກັນ.

1 ຂ່າວຄາວ 28:1

ກະສັດ​ໄດ້​ສັ່ງ​ບັນດາ​ຂ້າຣາຊການ​ທັງໝົດ​ໃນ​ຊາດ​ອິດສະຣາເອນ ໃຫ້​ມາ​ປະຊຸມ​ກັນ​ທີ່​ນະຄອນ​ເຢຣູຊາເລັມ. ດັ່ງນັ້ນ ຂ້າຣາຊການ​ທັງໝົດ​ຂອງ​ເຜົ່າ​ຕ່າງໆ, ບັນດາ​ຂ້າຣາຊການ​ຜູ້​ທີ່​ໄດ້​ບໍລິຫານ​ວຽກ​ການ​ຂອງ​ອານາຈັກ ບັນດາ​ຜູ້ນຳ​ຂອງ​ຕະກຸນ​ຕ່າງໆ, ບັນດາ​ເຈົ້າໜ້າທີ່​ຜູ້​ເບິ່ງແຍງ​ຊັບສົມບັດ ແລະ​ສັດ​ຂອງ​ກະສັດ ແລະ​ຂອງ​ບັນດາ​ລູກຊາຍ​ຂອງ​ເພິ່ນ ຕະຫລອດ​ທັງ​ບັນດາ​ຂ້າຣາຊການ​ໃນ​ວັງ, ພວກ​ທະຫານ​ທີ່​ເກັ່ງກ້າ, ພວກ​ນັກຮຽນ​ຮູ້ ແລະ​ບັນດາ​ຜູ້​ອາວຸໂສ ກໍໄດ້​ມາ​ເຕົ້າໂຮມ​ກັນ​ຢູ່​ທີ່​ນະຄອນ​ເຢຣູຊາເລັມ.

ພຣະບັນຍັດສອງ 31:28

ຈົ່ງ​ເອີ້ນ​ຫົວໜ້າ​ເຜົ່າ​ທັງໝົດ​ແລະ​ເຈົ້າໜ້າທີ່​ຂອງພວກເຈົ້າ ມາ​ປະຊຸມ​ກັນ​ຢູ່​ຊ້ອງໜ້າ​ຂ້າພະເຈົ້າ ເພື່ອ​ວ່າ​ຂ້າພະເຈົ້າ​ຈະ​ໄດ້​ບອກ​ສິ່ງ​ເຫຼົ່ານີ້​ເປັນ​ບົດເພງ​ສູ່​ພວກເຂົາ​ຟັງ; ຂ້າພະເຈົ້າ​ຈະ​ວິງວອນ​ສະຫວັນ​ແລະ​ແຜ່ນດິນ​ໂລກ​ໃຫ້​ເປັນ​ພະຍານ​ເພື່ອ​ຕໍ່ສູ້​ພວກເຂົາ.

ໂຢຊວຍ 13:1

ເມື່ອ​ໂຢຊວຍ​ເຖົ້າແກ່​ແລະ​ມີ​ອາຍຸ​ສູງ​ແລ້ວ. ພຣະເຈົ້າຢາເວ​ໄດ້​ກ່າວ​ແກ່​ເພິ່ນ​ວ່າ, “ເຈົ້າ​ກໍ​ເຖົ້າແກ່​ແລະ​ມີ​ອາຍຸ​ສູງ​ແລ້ວ ແຕ່​ຍັງ​ມີ​ດິນແດນ​ຢູ່​ອີກ​ຫລາຍ​ແຫ່ງ​ທີ່​ເຈົ້າ​ຈະ​ຕ້ອງ​ຢຶດຄອງ ດັ່ງນີ້:

ໂຢຊວຍ 23:3

ພວກເຈົ້າ​ໄດ້​ເຫັນ​ທຸກສິ່ງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ກະທຳ​ຕໍ່​ຊົນຊາດ​ທັງປວງ​ຍ້ອນ​ເລື່ອງ​ພວກເຈົ້າ. ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສູ້ຮົບ​ເພື່ອ​ພວກເຈົ້າ.

ໂຢຊວຍ 24:1

ຕໍ່ມາ ໂຢຊວຍ​ໄດ້​ເອີ້ນ​ເຜົ່າ​ຕ່າງໆ​ຂອງ​ຊາດ​ອິດສະຣາເອນ ເຂົ້າ​ມາ​ເຕົ້າໂຮມ​ກັນ​ທີ່​ເມືອງ​ຊີເຄມ. ເພິ່ນ​ໄດ້​ເອີ້ນ​ເອົາ​ພວກ​ເຖົ້າແກ່, ພວກ​ຫົວໜ້າ, ພວກ​ຜູ້ປົກຄອງ ແລະ​ບັນດາ​ເຈົ້າໜ້າທີ່​ຂອງ​ຊາດ​ອິດສະຣາເອນ ມາ​ຢູ່​ຊ້ອງໜ້າ​ພຣະເຈົ້າ.

1 ຊາມູເອນ 12:2

ແລະ​ດຽວ​ນີ້​ພວກເຈົ້າ​ກໍ​ມີ​ກະສັດ​ໂຊນ​ເປັນ​ຜູ້​ນຳພາ. ສຳລັບ​ຂ້າພະເຈົ້າ​ເອງ​ນັ້ນ​ເຖົ້າແກ່​ແລະ​ຜົມ​ກໍ​ຫງອກ​ຫລາຍ​ແລ້ວ ແລະ​ພວກ​ລູກຊາຍ​ຂອງ​ຂ້າພະເຈົ້າ​ກໍ​ຍັງ​ຢູ່​ນຳ​ພວກເຈົ້າ. ຂ້າພະເຈົ້າ​ເປັນ​ຜູ້ນຳ​ຂອງ​ພວກເຈົ້າ​ແຕ່​ຍັງ​ໜຸ່ມ​ຈົນເຖິງ​ດຽວນີ້.