ໂຢຊວຍ 23:13 - ພຣະຄຳພີສັກສິ

¹³ ກໍ​ໃຫ້​ພວກເຈົ້າ​ຮູ້ແນ່​ວ່າ ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຈະ​ບໍ່​ຂັບໄລ່​ຊົນຊາດ​ເຫຼົ່ານັ້ນ​ອອກ​ໜີ ເມື່ອ​ພວກເຈົ້າ​ບຸກໜ້າ​ເຂົ້າ​ໄປ. ນອກຈາກນີ້ ພວກເຂົາ​ຈະ​ເປັນ​ດັ່ງ​ແຮ້ວ​ແລະ​ຫລຸມ​ດັກຈັບ​ເພື່ອ​ໃຫ້​ພວກເຈົ້າ​ໄດ້​ຮັບ​ອັນຕະລາຍ ແລະ​ເປັນ​ດັ່ງ​ໄມ້ແສ້​ຂ້ຽນ​ຫລັງ ຫລື​ສ້ຽນ​ໃນ​ຕາ​ທີ່​ເຮັດ​ໃຫ້​ພວກເຈົ້າ​ໄດ້​ຮັບ​ຄວາມ​ເຈັບປວດ. ເລື່ອງ​ນີ້​ຈະ​ມີ​ຢູ່​ຕໍ່ໄປ​ຈົນກວ່າ​ບໍ່ມີ​ຜູ້ໃດ​ໃນ​ພວກເຈົ້າ​ເຫຼືອ​ຢູ່​ໃນ​ດິນແດນ​ອັນ​ສວຍງາມ​ນີ້ ຊຶ່ງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ມອບ​ໃຫ້​ພວກເຈົ້າ.

ໂຢຊວຍ 23:13 Jak'a apnaqawi uñst'ayäwi

1 ກະສັດ 11:4

ແລະ​ເມື່ອ​ເຖິງ​ເວລາ​ເພິ່ນ​ເຖົ້າແກ່​ແລ້ວ ພວກ​ນາງ​ກໍໄດ້​ນຳພາ​ເພິ່ນ​ໄປ​ຂາບໄຫວ້​ບັນດາ​ພະ​ຕ່າງຊາດ. ເພິ່ນ​ບໍ່ໄດ້​ສັດຊື່​ຕໍ່​ພຣະເຈົ້າຢາເວ ພຣະເຈົ້າ​ຂອງ​ເພິ່ນ ດັ່ງ​ກະສັດ​ດາວິດ​ພໍ່​ຂອງ​ເພິ່ນ.

2 ກະສັດ 17:18

ດ້ວຍເຫດນີ້ ພຣະເຈົ້າຢາເວ​ຈຶ່ງ​ໂກດຮ້າຍ​ຊາວ​ອິດສະຣາເອນ ແລະ​ກຳຈັດ​ພວກເຂົາ​ໃຫ້​ໜີ​ຫ່າງ​ຈາກ​ສາຍຕາ​ຂອງ​ພຣະອົງ​ໂດຍ​ຈົ່ງ​ໄວ້​ແຕ່​ອານາຈັກ​ຢູດາຍ​ພວກດຽວ​ເທົ່ານັ້ນ.

2 ກະສັດ 17:20

ພຣະເຈົ້າຢາເວ​ໄດ້​ປະຖິ້ມ​ຊາດ​ອິດສະຣາເອນ​ທັງໝົດ ໂດຍ​ລົງໂທດ​ແລະ​ມອບ​ພວກເຂົາ​ໄວ້​ໃນ​ກຳມື​ຂອງ​ເຫຼົ່າ​ສັດຕູ​ຜູ້​ໂຫດຫ້ຽມ ຈົນ​ໃນທີ່ສຸດ ພຣະອົງ​ໄດ້​ຂັບໄລ່​ພວກເຂົາ​ໃຫ້​ໜີ​ຫ່າງ​ຈາກ​ສາຍຕາ​ຂອງ​ພຣະອົງ.

2 ກະສັດ 25:21

ໃນ​ຂົງເຂດ​ຮາມັດ. ກະສັດ​ໄດ້​ຂ້ຽນ​ຕີ​ພວກເຂົາ ແລະ​ຂ້າ​ພວກເຂົາ​ເສຍ​ໃນ​ທີ່ນັ້ນ. ດັ່ງນັ້ນ ປະຊາຊົນ​ຊາວ​ຢູດາ​ຈຶ່ງ​ໄດ້​ຖືກ​ກວາດລ້າງ​ອອກ​ຈາກ​ດິນແດນ​ຂອງ​ພວກຕົນ​ໄປ​ເປັນ​ຊະເລີຍ​ໃນ​ຕ່າງຖິ່ນ.

2 ກະສັດ 25:26

ຊາວ​ອິດສະຣາເອນ​ທັງໝົດ​ກັບ​ຄົນຮັ່ງມີ ແລະ​ຄົນ​ທຸກຈົນ ພ້ອມທັງ​ພວກ​ນາຍ​ທະຫານ​ຕ່າງ​ກໍ​ປົບໜີໄປ​ປະເທດ​ເອຢິບ ເພາະ​ຢ້ານ​ຊາວ​ບາບີໂລນ.

ເພງ^ສັນລະເສີນ 69:22

ຂໍ​ໃຫ້​ງານລ້ຽງ​ອັນ​ໃຫຍ່ໂຕ​ນັ້ນ​ທຳລາຍ​ພວກເຂົາ​ລົງ ຂໍ​ໃຫ້​ການລ້ຽງ​ອັນ​ສັກສິດ​ເຮັດ​ໃຫ້​ພວກເຂົາ​ຫຼົ້ມຈົມ​ເຖີດ.

ອົບພະຍົບ 10:7

ບັນດາ​ຂ້າຣາຊການ​ຈຶ່ງ​ຖາມ​ກະສັດ​ຟາໂຣ​ວ່າ, “ຊາຍ​ຄົນ​ນີ້​ຍັງ​ຈະ​ເຮັດ​ໃຫ້​ພວກເຮົາ​ເດືອດຮ້ອນ​ຢູ່​ອີກ​ເຫິງ​ປານໃດ? ຈົ່ງ​ປ່ອຍ​ຊາວ​ອິດສະຣາເອນ​ໄປ​ນະມັດສະການ​ພຣະເຈົ້າຢາເວ ພຣະເຈົ້າ​ຂອງ​ພວກເຂົາ​ສາ. ທ່ານ​ບໍ່​ເຫັນ​ບໍ​ວ່າ ເອຢິບ​ກຳລັງ​ຈິບຫາຍ​ວາຍວອດ​ພຽງ​ໃດ​ແລ້ວ?”

ອົບພະຍົບ 23:33

ຢ່າ​ຍອມ​ໃຫ້​ພວກເຂົາ​ອາໄສ​ຢູ່​ໃນ​ດິນແດນ​ຂອງ​ພວກເຈົ້າ. ຖ້າ​ພວກເຈົ້າ​ຍອມ ພວກເຂົາ​ຈະ​ພາ​ພວກເຈົ້າ​ເຮັດ​ບາບ​ຕໍ່ສູ້​ເຮົາ. ຖ້າ​ພວກເຈົ້າ​ຂາບໄຫວ້​ພະ​ຂອງ​ພວກເຂົາ ການ​ກະທຳ​ເຊັ່ນນັ້ນ​ກໍ​ຈະ​ເປັນ​ບ້ວງແຮ້ວ​ອັນ​ຮ້າຍກາດ ສຳລັບ​ດັກຈັບ​ພວກເຈົ້າ​ເອງ.

ອົບພະຍົບ 34:12

ຢ່າ​ເຮັດ​ຂໍ້​ຕົກລົງ​ໃດໆ​ກັບ​ປະຊາຊົນ​ໃນ​ດິນແດນ ທີ່​ເຈົ້າ​ກຳລັງ​ຈະ​ເຂົ້າ​ໄປ​ຢູ່​ນີ້​ເດັດຂາດ ເພາະ​ສິ່ງ​ນັ້ນ​ຈະ​ເປັນ​ບ້ວງແຮ້ວ​ອັນ​ຮ້າຍກາດ​ດັກຈັບ​ພວກເຈົ້າ.

ອົບພະຍົບ 34:16

ລູກຊາຍ​ຂອງ​ພວກເຈົ້າ​ອາດ​ແຕ່ງງານ​ກັບ​ຍິງສາວ​ຊາວ​ຕ່າງດ້າວ​ເຫຼົ່ານັ້ນ ຊຶ່ງ​ອາດ​ພາ​ໃຫ້​ລູກຊາຍ​ຂອງ​ພວກເຈົ້າ​ບໍ່​ສັດຊື່​ຕໍ່​ເຮົາ ແລະ​ໜີໄປ​ຂາບໄຫວ້​ບັນດາ​ພະ​ຂອງ​ຄົນ​ເຫຼົ່ານັ້ນ​ກໍໄດ້.

ເອເຊກຽນ 28:24

ບໍ່ມີ​ຊາດ​ໃກ້ຄຽງ​ຊາດ​ໃດ​ທີ່​ໄດ້​ດູຖູກ​ຊາດ​ອິດສະຣາເອນ​ນັ້ນ ຈະ​ເປັນ​ສ້ຽນໜາມ ເໝືອນ​ໜາມ​ຍອກອົກ​ຂອງ​ຊາດ​ອິດສະຣາເອນ​ອີກ​ຕໍ່ໄປ. ແລ້ວ​ພວກເຂົາ​ຈະ​ຮູ້ວ່າ​ເຮົາ​ແມ່ນ​ອົງພຣະ​ຜູ້​ເປັນເຈົ້າ ພຣະເຈົ້າ.’

ຈົດບັນຊີ 33:55

ແຕ່​ຖ້າ​ພວກເຈົ້າ​ຫາກ​ບໍ່​ໄລ່​ພວກເຂົາ​ອອກ​ໄປ​ໃຫ້​ໝົດ ພວກ​ທີ່​ເຫຼືອ​ຢູ່​ກໍ​ຈະ​ສ້າງ​ຄວາມ​ເດືອດຮ້ອນ​ໃຫ້​ພວກເຈົ້າ ດັ່ງ​ສ້ຽນ​ຄາຕາ ແລະ ຈະ​ຄ່ອຍ​ຕໍ່ສູ້​ພວກເຈົ້າ.

ລູກາ 21:24

ພວກເຂົາ​ຈະ​ລົ້ມ​ລົງ​ດ້ວຍ​ຄົມ​ດາບ ແລະ​ຈະ​ຖືກ​ຈັບ​ກວາດ​ໄປ​ເປັນ​ຊະເລີຍ​ໃນ​ທົ່ວ​ທຸກ​ປະເທດ ແລະ​ຄົນ​ບໍ່​ນັບຖື​ພຣະເຈົ້າ​ກໍ​ຈະ​ຢຽບຢໍ່າ​ນະຄອນ​ເຢຣູຊາເລັມ ຈົນກວ່າ​ຈະ​ຄົບ​ກຳນົດ​ເວລາ​ຂອງ​ພວກເຂົາ.”

ພຣະບັນຍັດສອງ 29:28

ພຣະເຈົ້າຢາເວ​ກິ້ວໂກດ​ຫລາຍ ແລະ​ຍ້ອນ​ຄວາມ​ກິ້ວ​ໂກດ​ນີ້ ພຣະອົງ​ຈຶ່ງ​ຖອນ​ຫຼັກແຫຼ່ງ​ໃນ​ດິນແດນ​ທີ່​ພວກເຂົາ​ໄດ້​ອາໄສ​ຢູ່​ນັ້ນ ແລະ​ຂັບໄລ່​ພວກເຂົາ​ອອກ​ໄປ​ອາໄສ​ຢູ່​ຕ່າງຖິ່ນ​ດັ່ງ​ທີ່​ເປັນ​ຢູ່​ໃນ​ທຸກ​ວັນນີ້.’

ພຣະບັນຍັດສອງ 30:18

ຂ້າພະເຈົ້າ​ຂໍ​ປະກາດ​ວ່າ ພວກເຈົ້າ​ຈະ​ຖືກ​ທຳລາຍ​ຢ່າງ​ໝົດສິ້ນ​ໃນ​ບັດນີ້​ແລະ​ໃນ​ທີ່​ນີ້. ພວກເຈົ້າ​ຈະ​ບໍ່ມີ​ອາຍຸ​ຍືນຍາວ​ໃນ​ດິນແດນ​ທີ່​ທາງ​ຟາກ​ແມ່ນໍ້າ​ຈໍແດນ ຊຶ່ງ​ພວກເຈົ້າ​ກຳລັງ​ຈະ​ເຂົ້າ​ໄປ​ຢຶດຄອງ​ນັ້ນ.

ພຣະບັນຍັດສອງ 4:26

ຖ້າ​ເປັນ​ເຊັ່ນນັ້ນ ຂ້າພະເຈົ້າ​ຂໍ​ໃຫ້​ສະຫວັນ​ກັບ​ແຜ່ນດິນ​ໂລກ ຈົ່ງ​ເປັນ​ພະຍານ​ຕໍ່ສູ້​ພວກເຈົ້າ​ໃນ​ວັນນີ້ ແລະ​ພວກເຈົ້າ​ຈະ​ດັບສູນ​ຈາກ​ດິນແດນ​ນີ້​ໃນບໍ່ຊ້າ. ພວກເຈົ້າ​ຈະ​ບໍ່ໄດ້​ຢູ່​ຍາວນານ​ໃນ​ດິນແດນ​ທີ່​ພວກເຈົ້າ​ກຳລັງ​ຈະ​ຂ້າມ​ແມ່ນໍ້າ​ຈໍແດນ​ໄປ​ຢຶດຄອງ​ນັ້ນ ແລະ​ພວກເຈົ້າ​ຈະ​ຖືກ​ທຳລາຍ​ຈົນ​ໝົດ​ສິ້ນ.

ພຣະບັນຍັດສອງ 7:16

ຈົ່ງ​ທຳລາຍ​ທຸກໆ​ຊົນຊາດ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ມອບ​ໄວ້​ໃຕ້​ອຳນາດ​ຂອງ​ພວກເຈົ້າ ແລະ​ຢ່າ​ສະແດງ​ຄວາມ​ເມດຕາ​ໃດໆ​ແກ່​ພວກເຂົາ. ຢ່າ​ຂາບໄຫວ້​ບັນດາ​ພະ​ຂອງ​ພວກເຂົາ ເພາະ​ສິ່ງ​ນັ້ນ​ເປັນ​ການ​ທຳລາຍ​ພວກເຈົ້າ​ເອງ.

2 ຕີໂມທຽວ 2:26

ແລະ​ໃຫ້​ພວກເຂົາ​ຮູ້ສຶກ​ຕື່ນຕົວ ຈຶ່ງ​ຫລຸດພົ້ນ​ຈາກ​ບ່ວງແຮ້ວ​ຂອງ​ມານຮ້າຍ ຜູ້​ຊຶ່ງ​ຈັບ​ພວກເຂົາ​ໄວ້​ໃຫ້​ເຮັດ​ຕາມ​ຄວາມປະສົງ​ຂອງ​ມັນ.

ພວກ^ຜູ້ປົກຄອງ 2:21

ເຮົາ​ຈຶ່ງ​ຈະ​ບໍ່​ຂັບໄລ່​ຊົນຊາດ​ໃດໆ ທີ່​ຍັງເຫລືອ​ຢູ່​ໃນ​ດິນແດນ​ນີ້​ໃຫ້​ອອກ​ໜີໄປ ເມື່ອ​ໂຢຊວຍ​ໄດ້​ຕາຍໄປ​ແລ້ວ.