ໂຢຊວຍ 22:9 - ພຣະຄຳພີສັກສິ

⁹ ດັ່ງນັ້ນ ປະຊາຊົນ​ເຜົ່າ​ຣູເບັນ, ກາດ ແລະ​ມານາເຊ​ຕາເວັນອອກ ຈຶ່ງ​ໄດ້​ຄືນ​ສູ່​ຖິ່ນຖານ. ພວກເຂົາ​ໄດ້​ຈາກ​ຊາວ​ອິດສະຣາເອນ​ພວກອື່ນໆ ທີ່​ເມືອງ​ຊີໂລ​ໃນ​ດິນແດນ​ການາອານ ອອກ​ກັບ​ໄປ​ສູ່​ດິນແດນ​ຂອງ​ພວກຕົນ ຄື​ດິນແດນ​ກີເລອາດ ບ່ອນ​ທີ່​ພວກເຂົາ​ໄດ້​ຮັບ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ຜ່ານ​ທາງ​ໂມເຊ.

ໂຢຊວຍ 22:9 Jak'a apnaqawi uñst'ayäwi

2 ຊາມູເອນ 2:9

ຢູ່​ໃນ​ເມືອງ​ນີ້ ອັບເນ​ໄດ້​ແຕ່ງຕັ້ງ​ອີຊະໂບເຊັດ​ໃຫ້​ເປັນ​ກະສັດ​ປົກຄອງ ເຂດແດນ​ກີເລອາດ, ອາເຊ ຢິດຊະເຣນ, ເອຟຣາອິມ, ເບັນຢາມິນ ແລະ​ທົ່ວ​ທັງ​ດິນແດນ​ອິດສະຣາເອນ​ອີກ​ດ້ວຍ.

1 ຂ່າວຄາວ 5:9

ພວກເຂົາ​ມີ​ຝູງສັດ​ຢ່າງ​ຫລວງຫລາຍ​ໃນ​ດິນແດນ​ກີເລອາດ. ດັ່ງນັ້ນ ພວກເຂົາ​ຈຶ່ງ​ເຂົ້າ​ຢຶດເອົາ​ດິນແດນ​ທາງທິດ​ຕາເວັນອອກ ໄກ​ໄປ​ຈົນເຖິງ​ຖິ່ນ​ແຫ້ງແລ້ງ​ກັນດານ​ແລະ​ເລີຍ​ໄປ​ຈຸ​ແມ່ນໍ້າ​ເອີຟຣັດ.

ຈົດບັນຊີ 32:1

ເຜົ່າ​ຣູເບັນ​ແລະ​ກາດ​ມີ​ຝູງສັດ​ເປັນ​ຈຳນວນ​ຫລວງຫລາຍ. ເມື່ອ​ພວກເຂົາ​ເຫັນ​ວ່າ ດິນແດນ​ຢາເຊ​ກັບ​ກີເລອາດ​ເໝາະ​ສຳລັບ​ການ​ລ້ຽງ​ສັດ

ຈົດບັນຊີ 32:20

ໂມເຊ​ຕອບ​ວ່າ, “ຖ້າ​ພວກເຈົ້າ​ຫາກ​ໝາຍຄວາມວ່າ​ຢ່າງ​ນັ້ນ​ແທ້ ແລ້ວ​ຊ້ອງໜ້າ​ພຣະເຈົ້າຢາເວ​ຢູ່​ທີ່​ນີ້ ຈົ່ງ​ຕຽມຕົວ​ເຂົ້າ​ໄປ​ສູ້ຮົບ.

ຈົດບັນຊີ 32:22

ແລະ​ຢຶດຄອງ​ເອົາ​ດິນແດນ​ມາ​ເປັນ​ກຳມະສິດ. ຫລັງຈາກ​ນັ້ນ ພວກເຈົ້າ​ຈຶ່ງ​ຈະ​ສາມາດ​ກັບຄືນ​ມາ​ໄດ້ ຍ້ອນ​ພວກເຈົ້າ​ໄດ້​ເຮັດ​ຕາມ​ຄຳສັນຍາ​ທີ່​ໃຫ້​ໄວ້​ກັບ​ພຣະເຈົ້າຢາເວ ແລະ​ກັບ​ພີ່ນ້ອງ​ຊາວ​ອິດສະຣາເອນ​ຂອງ​ພວກເຈົ້າ​ແລ້ວ ພຣະເຈົ້າຢາເວ​ກໍ​ຈະ​ຮັບ​ຮູ້​ວ່າ ດິນແດນ​ທີ່​ທາງ​ຟາກ​ຕາເວັນອອກ​ນີ້​ເປັນ​ຂອງ​ພວກເຈົ້າ​ຕໍ່ໜ້າ​ພຣະເຈົ້າຢາເວ.

ຈົດບັນຊີ 32:26

ລູກ​ເມຍ​ກັບ​ຝູງສັດ​ຂອງ​ພວກເຮົາ​ຈະ​ຢູ່​ໃນ​ເມືອງ​ກີເລອາດ​ນີ້.

ຈົດບັນຊີ 32:29

“ຖ້າ​ຊາວ​ກາດ​ກັບ​ຊາວ​ຣູເບັນ​ຫາກ​ຕຽມພ້ອມ​ສູ້ຮົບ ແລະ​ຂ້າມ​ແມ່ນໍ້າ​ຈໍແດນ​ໄປກັບພວກເຈົ້າ​ຕໍ່ໜ້າ​ພຣະເຈົ້າຢາເວ ແລະ​ຖ້າ​ພວກເຂົາ​ຫາກ​ຊ່ວຍ​ພວກເຈົ້າ​ຢຶດຄອງ​ດິນແດນ​ໄດ້​ແລ້ວ ຈົ່ງ​ມອບ​ດິນແດນ​ກີເລອາດ​ໃຫ້​ເປັນ​ສົມບັດ​ຂອງ​ພວກເຂົາ.

ພຣະບັນຍັດສອງ 3:18

ໃນ​ເວລາ​ດຽວກັນ​ນັ້ນ ຂ້າພະເຈົ້າ​ໄດ້​ໃຫ້​ຄຳແນະນຳ​ພວກເຂົາ​ດັ່ງນີ້ ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ມອບ​ເຂດແດນ ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ​ນີ້​ໃຫ້​ພວກເຈົ້າ​ຢຶດຄອງ. ບັດນີ້ ຈົ່ງ​ປະກອບ​ອາວຸດ​ໃຫ້​ພວກ​ນັກຮົບ​ຂອງ​ພວກເຈົ້າ ແລະ​ໃຊ້​ພວກເຂົາ​ໃຫ້​ຂ້າມ​ແມ່ນໍ້າ​ຈໍແດນ ອອກ​ໜ້າ​ເຜົ່າ​ອື່ນໆ​ຂອງ​ຊາດ​ອິດສະຣາເອນ ເພື່ອ​ໄປ​ຊ່ວຍ​ຢຶດຄອງ​ດິນແດນ​ໃຫ້​ພວກເຂົາ.

ພຣະບັນຍັດສອງ 3:20

ຈົ່ງ​ຊ່ວຍເຫລືອ​ພີ່ນ້ອງ​ຊາວ​ອິດສະຣາເອນ​ຂອງ​ພວກເຈົ້າ ຈົນກວ່າ​ພວກເຂົາ​ໄດ້​ຢຶດຄອງ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ມອບ​ໃຫ້​ພວກເຂົາ ຢູ່​ທາງ​ຟາກ​ຕາເວັນຕົກ​ແມ່ນໍ້າ​ຈໍແດນ ແລະ​ຈົນກວ່າ​ພວກເຂົາ​ຢູ່​ໃນ​ທີ່ນັ້ນ​ຢ່າງ​ສະຫງົບສຸກ ເໝືອນ​ດັ່ງ​ພຣະອົງ​ໄດ້​ເຮັດ​ໃຫ້​ພວກເຈົ້າ​ຢູ່​ຢ່າງ​ສະຫງົບສຸກ​ແລ້ວ​ທາງ​ຟາກ​ນີ້. ຫລັງຈາກ​ນັ້ນ​ແລ້ວ ພວກເຈົ້າ​ຈົ່ງ​ກັບຄືນ​ເມືອ​ສູ່​ດິນແດນ ທີ່​ພຣະເຈົ້າຢາເວ​ໄດ້​ມອບ​ໃຫ້​ແກ່​ພວກເຈົ້າ​ທາງ​ຟາກ​ນີ້.

ພຣະບັນຍັດສອງ 34:1

ໂມເຊ​ໄດ້​ຂຶ້ນ​ຈາກ​ທົ່ງ​ຮາບພຽງ​ໂມອາບ​ໄປ​ທີ່​ພູເຂົາ​ເນໂບ ຈົນ​ໄປ​ເຖິງ​ຈອມພູ​ປີສະກາ ຊຶ່ງ​ຢູ່​ກົງກັນຂ້າມ​ກັບ​ເມືອງ​ເຢຣິໂກ ແລະ​ຢູ່​ທີ່​ນັ້ນ​ພຣະເຈົ້າຢາເວ​ໄດ້​ສຳແດງ​ໃຫ້​ເພິ່ນ​ເຫັນ​ດິນແດນ​ທັງໝົດ ດັ່ງນີ້: ເຂດແດນ​ກີເລອາດ​ໄກ​ໄປ​ຮອດ​ທາງທິດເໜືອ​ສຸດ​ຂອງ​ເມືອງ​ດານ

ໂຢຊວຍ 13:11

ດິນແດນ​ນັ້ນ​ຍັງ​ລວມເອົາ​ທັງ​ກີເລອາດ, ອານາເຂດ​ຂອງ​ຊາວ​ເກຊູ​ແລະ​ຊາວ​ມາອາກາ, ພູເຂົາ​ເຮີໂມນ​ທັງໝົດ ແລະ​ພູພຽງ​ບາຊານ​ທັງໝົດ​ຈົນເຖິງ​ເມືອງ​ສາເລກາ.

ໂຢຊວຍ 13:25

ເຂດແດນ​ຂອງ​ພວກເຂົາ​ນັ້ນ ມີ​ດັ່ງນີ້: ຢາເຊ​ແລະ​ເມືອງ​ທັງໝົດ​ຕາມ​ພູ​ກີເລອາດ, ດິນແດນ​ເຄິ່ງ​ໜຶ່ງ​ຂອງ​ຊາວ​ອຳໂມນ​ໄປ​ຈົນເຖິງ​ເມືອງ​ອາໂຣເອ ທີ່​ຢູ່​ທາງທິດ​ຕາເວັນອອກ​ຂອງ​ຣັບບາ

ໂຢຊວຍ 13:31

ຊຶ່ງ​ໄດ້​ກວມ​ເອົາ​ເຄິ່ງ​ໜຶ່ງ​ຂອງ​ກີເລອາດ, ອັດຊະຕາໂຣດ​ແລະ​ເອັດເຣອີ ແລະ​ເມືອງ​ໃຫຍ່ໆ​ໃນ​ອານາຈັກ​ຂອງ​ເຈົ້າໂອກ​ທີ່​ບາຊານ. ທັງໝົດ​ນີ້​ແມ່ນ​ໄດ້​ຖືກ​ມອບໝາຍ​ໃຫ້​ຄອບຄົວ​ຕ່າງໆ ທີ່​ສືບ​ເຊື້ອສາຍ​ມາ​ຈາກ​ມາກີ​ລູກຊາຍ​ຂອງ​ມານາເຊ.

ໂຢຊວຍ 22:10

ເມື່ອ​ເຜົ່າ​ຣູເບັນ, ກາດ ແລະ​ມານາເຊ​ຕາເວັນອອກ​ໄດ້​ມາ​ຮອດ​ເມືອງ​ເກລີໂລດ ທີ່​ຍັງ​ຢູ່​ທາງຟາກ​ຕາເວັນຕົກ ຂອງ​ແມ່ນໍ້າ​ຈໍແດນ​ນັ້ນ; ພວກເຂົາ​ກໍໄດ້​ສ້າງ​ແທ່ນບູຊາ​ອັນ​ໃຫຍ່​ທີ່​ເປັນ​ໜ້າປະທັບ​ໃຈ​ໄວ້​ຢູ່​ໃກ້​ແມ່ນໍ້າ​ນັ້ນ.

ພວກ^ຜູ້ປົກຄອງ 20:1

ດັ່ງນັ້ນ ຊາວ​ອິດສະຣາເອນ​ທຸກຄົນ​ຈາກ​ເມືອງ​ດານ​ທາງ​ພາກເໜືອ ຈົນເຖິງ​ເບເອນເຊບາ​ທາງ​ພາກໃຕ້ ຕະຫລອດ​ທັງ​ພວກ​ທີ່​ມາ​ຈາກ​ດິນແດນ​ກີເລອາດ ທາງພາກ​ຕາເວັນອອກ​ຈຶ່ງ​ໄດ້​ຕອບສະໜອງ​ຄຳ​ຮຽກຮ້ອງ. ພວກເຂົາ​ໄດ້​ມາ​ເຕົ້າໂຮມ​ກັນ​ເປັນ​ນໍ້າໜຶ່ງໃຈດຽວ ຊ້ອງໜ້າ​ພຣະເຈົ້າຢາເວ​ທີ່​ເມືອງ​ມີຊະປາ.

ພວກ^ຜູ້ປົກຄອງ 5:17

ສ່ວນ​ເຜົ່າກາດ​ຍັງ​ຢູ່​ທາງ​ຝັ່ງ​ແມ່ນໍ້າ​ຈໍແດນ ເຜົ່າ​ດານ​ກໍ​ຢູ່​ທີ່​ກຳປັ່ນ​ຂອງ​ພວກເຂົາ​ພຸ້ນ. ເຜົ່າ​ອາເຊ​ກໍ​ອາໄສ​ຢູ່​ຕາມ​ແຄມ​ຝັ່ງ​ທະເລ​ຫລວງ ທີ່​ທ່າ​ເຮືອ​ທັງຫລາຍ​ຕາມ​ຊາຍ​ຝັ່ງ​ທະເລ​ພຸ້ນ.