ໂຢຊວຍ 22:33 - ພຣະຄຳພີສັກສິ

³³ ຊາວ​ອິດສະຣາເອນ​ໄດ້​ຮັບ​ຄວາມ​ພໍໃຈ ແລະ​ພາກັນ​ສັນລະເສີນ​ພຣະເຈົ້າ. ພວກເຂົາ​ບໍ່ໄດ້​ເວົ້າ​ເຖິງ​ເລື່ອງ​ອອກ​ໄປ​ເຮັດ​ເສິກ​ລ້າງຜານ​ແຜ່ນດິນ ບ່ອນ​ທີ່​ປະຊາຊົນ​ຣູເບັນ​ແລະ​ກາດ​ໄດ້​ຕັ້ງ​ຖິ່ນຖານ​ຢູ່​ນັ້ນ​ອີກ​ຕໍ່ໄປ.

ໂຢຊວຍ 22:33 Jak'a apnaqawi uñst'ayäwi

1 ຂ່າວຄາວ 29:20

ແລ້ວ​ກະສັດ​ດາວິດ​ກໍໄດ້​ສັ່ງ​ປະຊາຊົນ​ວ່າ, “ຈົ່ງ​ຍ້ອງຍໍ​ສັນລະເສີນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ສາ” ແລະ​ທີ່​ປະຊຸມ​ທັງໝົດ​ກໍ​ຍ້ອງຍໍ​ສັນລະເສີນ​ພຣະເຈົ້າຢາເວ ພຣະເຈົ້າ​ແຫ່ງ​ບັນພະບຸລຸດ​ຂອງ​ພວກເຂົາ ພ້ອມທັງ​ໄດ້​ຂາບລົງ ແລະ​ຍ້ອງຍໍ​ໃຫ້ກຽດ​ຕໍ່ໜ້າ​ພຣະເຈົ້າຢາເວ ແລະ​ກະສັດ​ຂອງ​ພວກຕົນ.

ສຸພາສິດ 25:25

ຍິນ​ຂ່າວດີ​ຈາກ​ແດນໄກ ກໍ​ເທົ່າກັບ​ໄດ້​ດື່ມ​ນໍ້າເຢັນ​ເມື່ອ​ຄໍ​ແຫ້ງ.

ດານີເອນ 2:19

ແລ້ວ​ໃນ​ຄືນນັ້ນ ພຣະເຈົ້າ​ກໍໄດ້​ເຜີຍ​ເລື່ອງ​ເລິກລັບ​ໃຫ້​ດານີເອນ​ຮູ້​ທາງ​ນິມິດ ແລະ​ລາວ​ຈຶ່ງ​ສັນລະເສີນ​ພຣະເຈົ້າ​ແຫ່ງ​ສະຫວັນ​ວ່າ,

ລູກາ 2:28

ຊີເມໂອນ​ກໍໄດ້​ອູ້ມ​ເອົາ​ພຣະ​ກຸມມານ​ໄວ້​ໃນ​ອ້ອມ​ແຂນ​ຂອງຕົນ ແລະ​ສັນລະເສີນ​ພຣະເຈົ້າ​ວ່າ,

ກິດຈະການ 15:12

ດັ່ງນັ້ນ ພີ່ນ້ອງ​ທັງໝົດ​ຈຶ່ງ​ມິດງຽບ ແລະ​ຟັງ​ບາຣະນາບາ​ກັບ​ໂປໂລ ເລົ່າ​ການ​ອັດສະຈັນ ແລະ​ໝາຍສຳຄັນ​ຕ່າງໆ ທີ່​ພຣະເຈົ້າ​ໄດ້​ກະທຳ​ຜ່ານ​ພວກເພິ່ນ ໃນ​ທ່າມກາງ​ຄົນຕ່າງຊາດ.

ກິດຈະການ 15:31

ເມື່ອ​ອ່ານ​ແລ້ວ​ທຸກຄົນ​ຕ່າງ​ກໍ​ເຕັມ​ໄປ​ດ້ວຍ​ຄວາມ​ຊົມຊື່ນ​ຍິນດີ ເພາະ​ຄຳ​ໜູນໃຈ​ໃນ​ຈົດໝາຍ​ນັ້ນ.

2 ໂກຣິນໂທ 7:7

ແລະ​ບໍ່​ພຽງແຕ່​ການ​ມາ​ຂອງ​ຕີໂຕ​ເທົ່ານັ້ນ, ແຕ່​ດ້ວຍ​ການ​ທີ່​ພວກເຈົ້າ​ໄດ້​ຊູໃຈ​ຂອງ​ຕີໂຕ​ອີກ​ດ້ວຍ ຕາມ​ທີ່​ຕີໂຕ​ໄດ້​ມາ​ເລົ່າ​ໃຫ້​ຟັງ​ເຖິງ​ຄວາມ​ອາໄລ ແລະ​ຄວາມ​ໂສກເສົ້າ​ຂອງ​ເຈົ້າ​ທັງຫລາຍ ກັບ​ທັງ​ໃຈ​ຮ້ອນຮົນ​ຂອງ​ພວກເຈົ້າ​ທີ່​ມີ​ຕໍ່​ເຮົາ ຈຶ່ງ​ເຮັດ​ໃຫ້​ເຮົາ​ມີ​ຄວາມ​ຊົມຊື່ນ​ຍິນດີ​ທະວີ​ຂຶ້ນ.

ເອເຟໂຊ 1:3

ສາທຸການ​ແດ່​ພຣະເຈົ້າ ຄື​ພຣະບິດາເຈົ້າ​ຂອງ​ອົງ​ພຣະເຢຊູ​ຄຣິດເຈົ້າ​ຂອງ​ເຮົາ​ທັງຫລາຍ ຜູ້​ໄດ້​ຊົງ​ໂຜດ​ປະທານ​ພຣະພອນ​ທຸກປະການ​ຝ່າຍ​ວິນຍານ ໃຫ້​ແກ່​ເຮົາ​ທັງຫລາຍ​ໃນ​ສະຫວັນ​ສະຖານ​ໂດຍ​ພຣະຄຣິດ.

ໂຢຊວຍ 22:30

ເມື່ອ​ປະໂຣຫິດ​ຟີເນຮາ, ພວກ​ຜູ້ນຳ​ປະຊາຊົນ​ອິດສະຣາເອນ, ພ້ອມ​ດ້ວຍ​ບັນດາ​ຫົວໜ້າ​ຄອບຄົວ​ເຜົ່າ​ຕ່າງໆ​ທາງ​ທິດ​ຕາເວັນຕົກ ໄດ້ຍິນ​ຄຳ​ອະທິບາຍ​ຂອງ​ປະຊາຊົນ​ໃນ​ເຜົ່າ​ຣູເບັນ, ກາດ ແລະ​ມານາເຊ​ຕາເວັນອອກ​ແລ້ວ ພວກເຂົາ​ກໍ​ພໍໃຈ.

ໂຢຊວຍ 22:32

ແລ້ວ​ຟີເນຮາ​ແລະ​ພວກ​ຜູ້ນຳ​ເຫຼົ່ານັ້ນ​ກໍໄດ້​ອຳລາ​ຈາກ​ພວກ​ຣູເບັນ, ພວກ​ກາດ, ໃນ​ດິນແດນ​ກີເລອາດ​ກັບ​ເມືອ​ລາຍງານ​ຕໍ່​ປະຊາຊົນ​ອິດສະຣາເອນ​ທີ່​ການາອານ.