ໂຢຊວຍ 22:23 - ພຣະຄຳພີສັກສິ

²³ ຖ້າ​ພວກຂ້ອຍ​ບໍ່​ເຊື່ອຟັງ​ພຣະເຈົ້າຢາເວ​ໂດຍ​ສ້າງ​ແທ່ນບູຊາ​ຂຶ້ນ​ເປັນ​ຂອງ​ສ່ວນຕົວ ເພື່ອ​ເຜົາ​ເຄື່ອງ​ຖວາຍບູຊາ ຫລື​ເພື່ອ​ຖວາຍບູຊາ​ພືດຜົນ​ເປັນເມັດ ຫລື​ຖວາຍ​ເພື່ອ​ຄວາມ​ສາມັກຄີທຳ. ຖ້າ​ພວກຂ້ອຍ​ໄດ້​ເຮັດ​ເຊັ່ນນັ້ນ ຂໍ​ໃຫ້​ພຣະເຈົ້າຢາເວ​ເປັນ​ຜູ້​ລົງໂທດ​ພວກຂ້ອຍ.

ໂຢຊວຍ 22:23 Jak'a apnaqawi uñst'ayäwi

ປະຖົມມະການ 9:4

ແຕ່​ມີ​ສິ່ງ​ໜຶ່ງ​ທີ່​ເຈົ້າ​ບໍ່​ຕ້ອງ​ກິນ​ຄື: ຊີ້ນ​ທີ່​ມີ​ເລືອດ; ເພາະ​ເລືອດ​ແມ່ນ​ຫລັກ​ສຳຄັນ​ແຫ່ງ​ຊີວິດ.

2 ຂ່າວຄາວ 24:22

ກະສັດ​ໂຢອາດ​ໄດ້​ລືມໄລ​ຄຸນງາມ​ຄວາມດີ​ທີ່​ເຢໂຮຍອາດາ ພໍ່​ຂອງ​ເຊກາຣີຢາ​ໄດ້​ເຮັດ​ໄວ້​ແກ່​ຕົນ ຈົນ​ເພິ່ນ​ຕ້ອງ​ປະຫານ​ເຊກາຣີຢາ. ກ່ອນ​ເຊກາຣີຢາ​ໃກ້​ຈະ​ສິ້ນໃຈ​ຕາຍ ເພິ່ນ​ໄດ້​ຮ້ອງ​ຂຶ້ນ​ວ່າ, “ຂໍ​ໃຫ້​ພຣະເຈົ້າຢາເວ​ເບິ່ງ​ສິ່ງ​ທີ່​ທ່ານ​ກຳລັງ​ເຮັດ​ແລະ​ລົງໂທດ​ທ່ານ​ດ້ວຍ.”

ເອເຊກຽນ 3:18

ຖ້າ​ເຮົາ​ປະກາດ​ວ່າ​ຄົນຊົ່ວ​ຜູ້ໜຶ່ງ​ຈະ​ຕ້ອງ​ຕາຍ, ແຕ່​ເຈົ້າ​ບໍ່​ໄດ້​ຕັກເຕືອນ​ລາວ​ໃຫ້​ປ່ຽນ​ຈາກ​ທາງ​ຊົ່ວ​ຂອງ​ລາວ​ເພື່ອ​ຈະ​ໄດ້​ຊີວິດ, ລາວ​ກໍ​ຈະ​ຕາຍໄປ​ຍ້ອນ​ບາບກຳ​ຂອງ​ລາວ ແລະ​ເຮົາ​ຈະ​ຖື​ວ່າ​ເຈົ້າ​ເປັນ​ຜູ້​ຮັບຜິດຊອບ​ຕໍ່​ການຕາຍ​ຂອງ​ຄົນ​ນັ້ນ.

ເອເຊກຽນ 33:6

ແຕ່​ຖ້າ​ຄົນເຝົ້າຍາມ​ເຫັນ​ສັດຕູ​ກຳລັງ​ມາ ແລະ​ບໍ່​ເປົ່າແກ​ປຸກ​ເຕືອນ ສັດຕູ​ກໍ​ຈະ​ມາ​ຂ້າ​ຄົນບາບ​ທັງຫລາຍ​ຖິ້ມ; ແລ້ວ​ເຮົາ​ກໍ​ຈະ​ຖື​ວ່າ ການຕາຍ​ນັ້ນ​ເປັນ​ຄວາມຜິດ​ຂອງ​ຜູ້ເຝົ້າຍາມ.

ເອເຊກຽນ 33:8

ຖ້າ​ເຮົາ​ປະກາດ​ວ່າ​ຄົນຊົ່ວ​ຜູ້ໜຶ່ງ​ກຳລັງ​ຈະ​ຕາຍ ແຕ່​ເຈົ້າ​ບໍ່ໄດ້​ຕັກເຕືອນ​ລາວ​ໃຫ້​ປ່ຽນ​ທິດທາງ​ເພື່ອ​ຊ່ວຍ​ຊີວິດ​ຂອງຕົນ​ໄວ້; ແລ້ວ​ລາວ​ກໍ​ຈະ​ຕາຍ​ເສຍ​ທັງໆ​ທີ່​ຍັງ​ເປັນ​ຄົນ​ບາບ​ຢູ່; ເຮົາ​ຈະ​ຖື​ວ່າ​ການຕາຍ​ຂອງ​ຄົນ​ນັ້ນ ເປັນ​ຄວາມ​ຮັບຜິດຊອບ​ຂອງເຈົ້າ.

ພຣະບັນຍັດສອງ 12:11

ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຈະ​ເລືອກ​ເອົາ​ແຫ່ງ​ດຽວ ໃຫ້​ເປັນ​ບ່ອນ​ນະມັດສະການ​ພຣະອົງ ແລະ​ທີ່​ນັ້ນ​ພວກເຈົ້າ​ຕ້ອງ​ນຳ​ເອົາ​ທຸກໆ​ສິ່ງ​ທີ່​ຂ້າພະເຈົ້າ​ໄດ້​ສັ່ງ ໄປ​ຖວາຍ​ແກ່​ພຣະອົງ​ດັ່ງນີ້: ສັດ​ສຳລັບ​ເຜົາບູຊາ​ແລະ​ເຄື່ອງ​ບູຊາ​ຕ່າງໆ, ເຄື່ອງ​ຖວາຍ​ໜຶ່ງສ່ວນສິບ​ກັບ​ເຄື່ອງ​ຖວາຍ​ອື່ນໆ, ພ້ອມ​ທັງ​ເຄື່ອງ​ຖວາຍ​ພິເສດ​ທີ່​ພວກເຈົ້າ​ໄດ້​ສັນຍາ ວ່າ​ຈະ​ຖວາຍ​ແກ່​ພຣະເຈົ້າຢາເວ.

ພຣະບັນຍັດສອງ 18:19

ລາວ​ຈະ​ກ່າວ​ໃນ​ນາມ​ຂອງ​ເຮົາ ແລະ​ເຮົາ ຈະ​ລົງໂທດ​ຜູ້​ປະຕິເສດ​ທີ່​ຈະ​ເຊື່ອຟັງ​ລາວ.

ໂຢຊວຍ 22:24

ບໍ່ແມ່ນ​ດອກ ການ​ທີ່​ພວກຂ້ອຍ​ໄດ້​ສ້າງ​ແທ່ນບູຊາ​ນີ້​ຂຶ້ນ ເພາະ​ຢ້ານ​ວ່າ​ໃນ​ພາຍຂ້າງໜ້າ​ພວກ​ລູກຫລານ​ຂອງ​ພວກເຈົ້າ​ຈະ​ຖາມ ພວກ​ລູກຫລານ​ຂອງ​ພວກຂ້ອຍ​ວ່າ ‘ພວກເຈົ້າ​ມີ​ສ່ວນ​ກ່ຽວຂ້ອງ​ຫຍັງ​ກັບ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ?

1 ຊາມູເອນ 20:16

ກໍ​ຂໍ​ໃຫ້​ຄຳສັນຍາ​ທີ່​ພວກເຮົາ​ມີ​ຕໍ່ກັນ​ນີ້​ຍັງ​ຄົງ​ຢູ່. ຖ້າ​ເຈົ້າ​ເຮັດ​ຜິດ​ຕໍ່​ຄຳສັນຍາ​ນີ້ ພຣະເຈົ້າຢາເວ​ຈະ​ລົງໂທດ​ເຈົ້າ​ເອງ.”