ໂຢຊວຍ 21:1 - ພຣະຄຳພີສັກສິ

¹ ບັນດາ​ຫົວໜ້າ​ຂອງ​ຄອບຄົວ​ເລວີ​ໄດ້​ພາກັນ​ໄປ​ຫາ​ປະໂຣຫິດ​ເອເລອາຊາ, ໂຢຊວຍ ລູກຊາຍ​ຂອງ​ນູນ ແລະ​ຫົວໜ້າ​ຄອບຄົວ​ຕ່າງໆ​ຂອງ​ທຸກ​ເຜົ່າ​ໃນ​ຊາດ​ອິດສະຣາເອນ.

ໂຢຊວຍ 21:1 Jak'a apnaqawi uñst'ayäwi

ປະຖົມມະການ 49:7

ຂ້ອຍ​ຂໍ​ສາບແຊ່ງ​ໄວ້ ຄວາມ​ໂຫດຫ້ຽມ​ຂອງ​ພວກເຂົາ. ຍ້ອນ​ເມົາມົວ​ໂມໂຫ​ຈຶ່ງ​ລືມ​ຕົວ​ເຮັດ​ຊົ່ວ​ໄວ້. ຂ້ອຍ​ຈະ​ໃຫ້​ພວກເຂົາ​ແຕກ​ກະຈັດ​ກະຈາຍ​ໄປ​ທົ່ວ​ອິດສະຣາເອນ; ຂ້ອຍ​ຈະ​ໃຫ້​ພວກເຂົາ​ແຕກ​ກັນ​ໃນ​ພວກ​ເຂົາເຈົ້າ.

ອົບພະຍົບ 6:14

ຣູເບັນ​ຜູ້​ເປັນ​ລູກຊາຍກົກ​ຂອງ​ຢາໂຄບ​ມີ​ລູກຊາຍ​ສີ່​ຄົນ ດັ່ງນີ້: ຮານົກ, ປານລູ, ເຮຊະໂຣນ ແລະ​ການໝີ; ພວກເຂົາ​ໄດ້​ເປັນ​ບັນພະບຸລຸດ​ຂອງ​ເຜົ່າ​ຕ່າງໆ ທີ່​ໄດ້​ໃສ່​ຊື່​ຂອງ​ພວກເຂົາ.

ອົບພະຍົບ 6:25

ເອເລອາຊາ ລູກຊາຍ​ຂອງ​ອາໂຣນ ໄດ້​ລູກສາວ​ຄົນ​ໜຶ່ງ​ຂອງ​ປູຕີເອນ​ມາ​ເປັນ​ເມຍ; ແລະ​ນາງ​ເກີດ​ລູກຊາຍ​ຜູ້ໜຶ່ງ​ໃຫ້​ລາວ​ຊື່​ວ່າ ຟີເນຮາ. ຄົນ​ເຫຼົ່ານີ້​ເປັນ​ຫົວໜ້າ​ຄອບຄົວ​ຕ່າງໆ ແລະ​ເປັນ​ຕະກຸນ​ຕ່າງໆ​ຂອງ​ເຜົ່າ​ເລວີ.

ຈົດບັນຊີ 35:1

ພຣະເຈົ້າຢາເວ​ໄດ້​ບອກ​ໂມເຊ​ໃນ​ທົ່ງ​ຮາບພຽງ​ຂອງ​ໂມອາບ ທີ່​ຟາກ​ໜຶ່ງ​ອີກ​ຂອງ​ແມ່ນໍ້າ​ຈໍແດນ​ຈາກ​ເມືອງ​ເຢຣິໂກ​ວ່າ,

ຈົດບັນຊີ 35:8

ຈຳນວນ​ເມືອງ​ຂອງ​ຊາວ​ເລວີ​ແຕ່ລະເຜົ່າ​ນີ້​ໃຫ້​ກຳນົດ​ເອົາ​ຕາມ​ຂະໜາດ​ຂອງ​ເຂດແດນ.”

ໂຢຊວຍ 14:1

ຕໍ່ໄປນີ້​ແມ່ນ​ການ​ແບ່ງປັນ​ດິນແດນ​ການາອານ ທີ່​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ​ໃຫ້​ປະຊາຊົນ​ອິດສະຣາເອນ. ປະໂຣຫິດ​ເອເລອາຊາ, ໂຢຊວຍ​ລູກຊາຍ​ຂອງ​ນູນ ແລະ​ບັນດາ​ຫົວໜ້າ​ຄອບຄົວ​ຂອງ​ຊາວ​ອິດສະຣາເອນ​ໃນ​ເຜົ່າ​ຕ່າງໆ ໄດ້​ແບ່ງປັນ​ດິນແດນ​ນີ້​ໃຫ້​ແກ່​ພົນລະເມືອງ​ຂອງ​ພວກເຂົາ.

ໂຢຊວຍ 17:4

ພວກ​ນາງ​ໄດ້​ໄປ​ຫາ​ປະໂຣຫິດ​ເອເລອາຊາ, ໂຢຊວຍ​ລູກຊາຍ​ຂອງ​ນູນ, ພ້ອມ​ທັງ​ບັນດາ​ຜູ້ນຳ ແລະ​ເວົ້າ​ວ່າ, “ພຣະເຈົ້າຢາເວ​ໄດ້​ສັ່ງ​ໂມເຊ​ມອບ​ດິນແດນ​ສ່ວນ​ໜຶ່ງ ໃຫ້​ເປັນ​ກຳມະສິດ​ຂອງ​ພວກ​ຂ້ານ້ອຍ ຄື​ກັນ​ກັບ​ບັນດາ​ຜູ້ຊາຍ​ທີ່​ເປັນ​ຍາດຕິພີ່ນ້ອງ​ຂອງ​ພວກ​ຂ້ານ້ອຍ.” ດັ່ງນັ້ນ ຕາມ​ຄຳສັ່ງ​ຂອງ​ພຣະເຈົ້າຢາເວ ພວກ​ນາງ​ຈຶ່ງ​ໄດ້​ຮັບ​ດິນແດນ​ເໝືອນກັນ​ກັບ​ພວກ​ຜູ້ຊາຍ ທີ່​ເປັນ​ຍາດຕິພີ່ນ້ອງ​ຂອງ​ພວກຕົນ.

ໂຢຊວຍ 19:51

ປະໂຣຫິດ​ເອເລອາຊາ, ໂຢຊວຍ ລູກຊາຍ​ຂອງ​ນູນ ແລະ​ພວກ​ຫົວໜ້າ​ຄອບຄົວ​ຕ່າງໆ​ໃນ​ບັນດາ​ເຜົ່າ​ແຫ່ງ​ຊາດ​ອິດສະຣາເອນ ໄດ້​ຮັບ​ມອບໝາຍ​ດິນແດນ​ເຫຼົ່ານີ້​ໂດຍ​ການ​ໃຊ້​ສະຫລາກ ຕໍ່ໜ້າ​ພຣະເຈົ້າຢາເວ​ທີ່​ເມືອງ​ຊີໂລ ທີ່​ທາງເຂົ້າ​ຫໍເຕັນ​ບ່ອນ​ຊຸມນຸມ. ດ້ວຍ​ການ​ກະທຳ​ດັ່ງ​ທີ່​ໄດ້​ກ່າວ​ມາ​ນີ້ ພວກເຂົາ​ຈຶ່ງ​ໄດ້​ແບ່ງປັນ​ດິນແດນ​ເປັນ​ທີ່​ສຳເລັດ.