ໂຢຊວຍ 20:5 - ພຣະຄຳພີສັກສິ

⁵ ຖ້າ​ຜູ້​ທີ່​ຕາມ​ຫາ​ແກ້ແຄ້ນ​ມາ​ເຖິງ​ເມືອງ​ນັ້ນ ຊາວ​ເມືອງ​ກໍ​ຈະ​ບໍ່​ຕ້ອງ​ມອບ​ເຂົາ​ໃຫ້​ຜູ້​ທີ່​ຕາມຫາ​ນັ້ນ. ພວກເຂົາ​ຕ້ອງ​ປ້ອງກັນ​ຄົນ​ເຫຼົ່ານີ້​ໄວ້ ເພາະ​ເຂົາ​ຂ້າ​ຄົນ​ໂດຍ​ບໍ່​ເຈດຕະນາ ແລະ​ບໍ່ແມ່ນ​ຍ້ອນ​ຄວາມ​ຄຽດແຄ້ນ​ແຕ່​ຢ່າງ​ໃດ.

ໂຢຊວຍ 20:5 Jak'a apnaqawi uñst'ayäwi

ລະບຽບ^ພວກເລວີ 4:2

ໃຫ້​ບອກ​ຊາວ​ອິດສະຣາເອນ​ວ່າ ຜູ້ໃດ​ຜູ້ໜຶ່ງ​ທີ່​ໄດ້​ເຮັດ​ບາບ ແລະ​ຝ່າຝືນ​ກົດບັນຍັດ​ຂອງ​ພຣະເຈົ້າຢາເວ​ໂດຍ​ບໍ່ຕັ້ງໃຈ ຕ້ອງ​ໃຫ້​ຜູ້ນັ້ນ​ປະຕິບັດ​ຕາມ​ລະບຽບ​ການ​ດັ່ງ​ຕໍ່ໄປນີ້:

ຈົດບັນຊີ 35:12

ຢູ່​ໃນ​ທີ່​ນີ້ ລາວ​ຈະ​ປອດໄພ​ຈາກ​ການ​ນຳ​ແກ້ແຄ້ນ​ຂອງ​ຍາດຕິພີ່ນ້ອງ​ຂອງ​ຜູ້​ຕາຍ. ຄົນ​ທີ່​ຖືກ​ກ່າວຫາ​ວ່າ​ເປັນ​ຜູ້ຂ້າຄົນ​ຈະ​ບໍ່​ຖືກ​ລົງໂທດ​ເຖິງ​ຕາຍ ຈົນກວ່າ​ໄດ້​ຮັບ​ການ​ຕັດສິນ​ຈາກ​ປະຊາຊົນ​ທັງປວງ​ເສຍກ່ອນ.

ຈົດບັນຊີ 35:25

ໃຫ້​ຊຸມຊົນ​ຊ່ວຍກູ້​ຄວາມຜິດ​ຂອງ​ຜູ້​ທີ່​ຂ້າ​ຄົນ ໃຫ້​ພົ້ນ​ຈາກ​ເງື້ອມມື​ຍາດພີ່ນ້ອງ​ຂອງ​ຜູ້ຕາຍ ໂດຍ​ສົ່ງ​ລາວ​ໄປ​ທີ່​ເມືອງ​ລີ້ໄພ. ໃຫ້​ລາວ​ຢູ່​ທີ່​ນັ້ນ​ຈົນກວ່າ​ປະໂຣຫິດ​ປະຈຳການ​ໃນ​ສະໄໝ​ນັ້ນ​ຕາຍໄປ.