ໂຢຊວຍ 2:3 - ພຣະຄຳພີສັກສິ

³ ສະນັ້ນ ເພິ່ນ​ຈຶ່ງ​ໄດ້​ໃຊ້​ຄົນ​ໄປ​ບອກ​ນາງ​ຣາຮາບ​ວ່າ, “ຊາຍ​ທີ່​ມາ​ພັກ​ຢູ່​ໃນ​ເຮືອນ​ຂອງ​ເຈົ້າ​ນັ້ນ ໄດ້​ມາ​ສອດແນມ​ເບິ່ງ​ທົ່ວ​ດິນແດນ ຈົ່ງ​ນຳ​ພວກເຂົາ​ອອກ​ມາ.”

ໂຢຊວຍ 2:3 Jak'a apnaqawi uñst'ayäwi

ປະຖົມມະການ 38:24

ຢູ່​ຕໍ່​ມາ ປະມານ​ສາມ​ເດືອນ​ມີ​ຄົນ​ມາ​ບອກ​ຢູດາ​ວ່າ, “ດຽວ​ນີ້​ຕາມາ​ລູກໃພ້​ຂອງ​ເຈົ້າ​ຖືກ​ເຂົາ​ຫລິ້ນ​ມານ​ສາ​ແລ້ວ.” ຢູດາ​ຈຶ່ງ​ສັ່ງ​ວ່າ, “ເອົາ​ນາງ​ອອກ​ມາ​ແລະ​ເຜົາ​ໃຫ້​ຕາຍ​ທັງເປັນ.”

ປະຖົມມະການ 42:31

‘ພວກເຮົາ​ເປັນ​ຄົນ​ສັດຊື່​ແລະ​ບໍ່ແມ່ນ​ນັກສືບ.

2 ຊາມູເອນ 10:3

ບັນດາ​ຜູ້ນຳ​ຊາວ​ອຳໂມນ​ກໍ​ໄປ​ບອກ​ກະສັດ​ຂອງ​ພວກຕົນ​ວ່າ, “ທ່ານ​ຄິດ​ເຫັນ​ຢ່າງ​ໃດ​ທີ່​ກະສັດ​ດາວິດ​ສົ່ງ​ຄະນະທູດ ມາ​ສະແດງ​ຄວາມ​ເສຍໃຈ​ນຳ​ທ່ານ​ໃນ​ເວລາ​ເຊັ່ນນີ້ ເພື່ອ​ເປັນ​ການ​ໃຫ້ກຽດ​ແກ່​ພໍ່​ຂອງທ່ານ​ຊັ້ນບໍ? ຄົງ​ບໍ່​ເປັນ​ດັ່ງນັ້ນ​ດອກ ເພິ່ນ​ສົ່ງ​ພວກ​ເຫຼົ່ານີ້​ມາ​ສອດແນມ​ເບິ່ງ​ບ້ານ​ເມືອງ​ເພື່ອ​ເອົາ​ຊະນະ​ພວກເຮົາ.”

2 ຊາມູເອນ 17:20

ບັນດາ​ຂ້າຣາຊການ​ຂອງ​ອັບຊາໂລມ​ໄດ້​ເຂົ້າ​ມາ​ໃນ​ເຮືອນ​ຫລັງ​ນັ້ນ ແລະ​ຖາມ​ຍິງ​ນັ້ນ​ວ່າ, “ອາຮີມາອາດ​ແລະ​ໂຢນາທານ​ຢູ່​ໃສ?” ນາງ​ຕອບ​ວ່າ, “ພວກເຂົາ​ຂ້າມ​ແມ່ນໍ້າ​ໄປ​ແລ້ວ.” ເມື່ອ​ຊາຍ​ເຫຼົ່ານັ້ນ​ຊອກ​ຫາ​ຊາຍ​ທັງສອງ​ບໍ່​ພົບ​ຈຶ່ງ​ກັບຄືນ​ເມືອ​ນະຄອນ​ເຢຣູຊາເລັມ.

1 ຂ່າວຄາວ 19:3

ພວກ​ຜູ້ນຳ​ຊາວ​ອຳໂມນ​ຈຶ່ງ​ໄປ​ບອກ​ກະສັດ​ວ່າ, “ທ່ານ​ຄິດ​ວ່າ​ກະສັດ​ດາວິດ​ສົ່ງ​ຄະນະທູດ ມາ​ສະແດງ​ການ​ໄວ້​ອາໄລ​ນຳ​ທ່ານ​ໃນ​ເວລາ​ນີ້ ເພື່ອ​ເປັນ​ການ​ໃຫ້ກຽດ​ພໍ່​ຂອງທ່ານ​ບໍ? ແນ່ນອນ​ບໍ່ແມ່ນ​ດອກ ເພິ່ນ​ສົ່ງ​ພວກເຂົາ​ມາ​ທີ່​ນີ້​ເພື່ອ​ສອດແນມ​ເບິ່ງ​ເມືອງ​ຂອງ​ພວກເຮົາ ເພື່ອ​ວ່າ​ເພິ່ນ​ຈະ​ສາມາດ​ຮົບ​ຊະນະ​ພວກເຮົາ​ໄດ້.”

ພຣະທຳ​ໂຢບ 21:30

ວ່າ​ຄົນຊົ່ວ​ຖືກ​ສະຫງວນ​ໄວ້​ສຳລັບ​ຄວາມ​ຈິບຫາຍ ແລະ​ພວກເຂົາ​ຈະ​ຖືກ​ນຳ​ໄປ​ໃນ​ວັນ​ແຫ່ງ​ຄວາມ​ໂກດຮ້າຍ.

ລະບຽບ^ພວກເລວີ 24:14

“ໃຫ້​ນຳ​ຊາຍ​ຜູ້​ນີ້​ອອກ​ໄປ​ນອກ​ຄ້າຍ. ທຸກໆ​ຄົນ​ທີ່​ໄດ້ຍິນ​ລາວ​ສາບແຊ່ງ ຈະ​ຕ້ອງ​ວາງ​ມື​ໃສ່​ເທິງ​ຫົວ​ຂອງ​ລາວ ເພື່ອ​ຢັ້ງຢືນ​ວ່າ​ຊາຍ​ຄົນ​ນີ້​ໄດ້​ກະທຳ​ຜິດ ແລະ​ຕໍ່ໄປ​ຊຸມຊົນ​ອິດສະຣາເອນ​ຈະ​ຕ້ອງ​ຄວ່າງ​ກ້ອນຫີນ​ໃສ່​ລາວ​ໃຫ້​ຕາຍ.

ໂຢຮັນ 19:4

ປີລາດ​ໄດ້​ອອກ​ໄປ​ອີກເທື່ອໜຶ່ງ ແລະ​ກ່າວ​ຕໍ່​ປະຊາຊົນ​ວ່າ, “ເຮົາ​ຈະ​ນຳ​ລາວ​ອອກ​ມາ​ເພື່ອ​ໃຫ້​ພວກທ່ານ​ຮູ້​ວ່າ ເຮົາ​ບໍ່​ພົບ​ຄວາມຜິດ​ຈັກ​ຢ່າງ​ໃນ​ຄົນ​ນີ້.”

ກິດຈະການ 12:4

ຫລັງຈາກ​ຈັບ​ເປໂຕ​ແລ້ວ ກໍ​ຂັງ​ເພິ່ນ​ໄວ້​ຄຸກ​ໂດຍ​ມອບ​ໃຫ້​ທະຫານ​ສີ່​ໝູ່, ໝູ່​ລະ​ສີ່​ຄົນ​ເປັນ​ຜູ້​ຄຸມ​ຮັກສາ, ໂດຍ​ໝາຍໃຈ​ໄວ້​ວ່າ ຫລັງຈາກ​ງານ​ສະຫລອງ​ປັດສະຄາ​ໄດ້​ຜ່ານ​ພົ້ນ​ໄປ​ແລ້ວ ຈະ​ນຳ​ເປໂຕ​ອອກ​ມາ​ສອບສວນ​ເປີດເຜີຍ​ຕໍ່​ປະຊາຊົນ.

ກິດຈະການ 12:6

ໃນ​ກາງຄືນ ກ່ອນ​ທີ່​ເຮໂຣດ​ຈະ​ນຳ​ເປໂຕ​ອອກ​ມາ​ໃຫ້​ປະຊາຊົນ​ນັ້ນ ເປໂຕ​ກໍ​ນອນ​ຫລັບ​ຢູ່​ລະຫວ່າງ​ທະຫານ​ຍາມ​ສອງ​ຄົນ ໂດຍ​ມີ​ໂສ້​ສອງ​ເສັ້ນ​ລ່າມ​ເປໂຕ​ໄວ້ ແລະ​ຕໍ່ໜ້າ​ປະຕູ​ຄຸກ​ກໍ​ມີ​ທະຫານ​ຍາມ​ເຝົ້າ​ຢູ່.

ໂຢຊວຍ 10:23

ດັ່ງນັ້ນ ປາກ​ຖໍ້າ​ຈຶ່ງ​ຖືກ​ເປີດ​ອອກ​ແລະ​ກະສັດ​ແຫ່ງ​ເຢຣູຊາເລັມ, ເຮັບໂຣນ, ຢາຣະມຸດ, ລາກິດ ແລະ​ເອກໂລນ​ຈຶ່ງ​ຖືກ​ນຳ​ອອກ​ມາ

ໂຢຊວຍ 2:2

ກະສັດ​ແຫ່ງ​ເມືອງ​ເຢຣິໂກ​ໄດ້ຍິນ​ຂ່າວ​ວ່າ ມີ​ຊາວ​ອິດສະຣາເອນ​ບາງຄົນ​ໄດ້​ເຂົ້າ​ມາ​ໃນ​ຄືນນັ້ນ ເພື່ອ​ສອດແນມ​ເບິ່ງ​ດິນແດນ.

ໂຢຊວຍ 2:4

ນາງ​ຣາຮາບ​ໄດ້​ເອົາ​ນັກສືບ​ສອດແນມ​ທັງສອງ​ໄປ​ເຊື່ອງ​ໄວ້​ເທິງ​ຫລັງຄາ​ພຽງ ໃນ​ກອງ​ລຳຕົ້ນ​ປ່ານ​ທີ່​ນາງ​ລຽນ​ໄວ້​ຢູ່​ຂ້າງ​ເທິງ​ນັ້ນ. ນາງ​ໄດ້​ຕອບ​ກະສັດ​ວ່າ, “ພວກເຂົາ​ມາ​ພັກ​ຢູ່​ທີ່​ເຮືອນ​ຂອງ​ຂ້ານ້ອຍ​ແທ້ຈິງ, ແຕ່​ຂ້ານ້ອຍ​ບໍ່​ຮູ້​ວ່າ​ພວກເຂົາ​ມາ​ຈາກ​ໃສ. ພວກເຂົາ​ອອກ​ໜີໄປ​ແລ້ວ​ແຕ່​ເວລາ​ມືດຊຸ້ມ​ກ່ອນ​ປະຕູ​ເມືອງ​ຖືກ​ອັດ. ຂ້ານ້ອຍ​ເອງ​ກໍ​ບໍ່ໄດ້​ຖາມ​ວ່າ​ພວກເຂົາ​ຈະ​ໄປ​ທາງ​ໃດ ແຕ່​ຖ້າ​ທ່ານ​ຟ້າວ​ອອກ​ຕິດຕາມ ທ່ານ​ອາດ​ຈະ​ຕາມ​ໄປ​ທັນ​ແລະ​ຈັບ​ພວກເຂົາ​ໄດ້.”

ພວກ^ຜູ້ປົກຄອງ 4:20

ແລ້ວ​ສີເສຣາ​ກໍໄດ້​ບອກ​ນາງ​ວ່າ, “ໃຫ້​ເຈົ້າ​ໄປ​ຢືນ​ຢູ່​ທາງ​ປະຕູເຂົ້າ​ຜ້າເຕັນ​ພຸ້ນ ຖ້າ​ໃຜ​ມາ​ຖາມ​ວ່າ​ມີ​ຄົນ​ມາລີ້​ຢູ່​ທີ່​ນີ້​ບໍ່? ໃຫ້​ເຈົ້າ​ບອກ​ວ່າ ບໍ່ມີ​ເດີ.”