ໂຢຊວຍ 19:18 - ພຣະຄຳພີສັກສິ

¹⁸ ເຂດແດນ​ຂອງ​ພວກເຂົາ​ມີ​ດັ່ງນີ້: ຢິດຊະເຣນ, ເກສຸນໂລດ, ຊູເນມ,

ໂຢຊວຍ 19:18 Jak'a apnaqawi uñst'ayäwi

2 ຊາມູເອນ 2:9

ຢູ່​ໃນ​ເມືອງ​ນີ້ ອັບເນ​ໄດ້​ແຕ່ງຕັ້ງ​ອີຊະໂບເຊັດ​ໃຫ້​ເປັນ​ກະສັດ​ປົກຄອງ ເຂດແດນ​ກີເລອາດ, ອາເຊ ຢິດຊະເຣນ, ເອຟຣາອິມ, ເບັນຢາມິນ ແລະ​ທົ່ວ​ທັງ​ດິນແດນ​ອິດສະຣາເອນ​ອີກ​ດ້ວຍ.

1 ກະສັດ 1:3

ແລ້ວ​ການ​ຊອກຫາ​ຍິງສາວ​ບໍຣິສຸດ​ທີ່​ສວຍງາມ​ທົ່ວ​ທັງ​ປະເທດ​ອິດສະຣາເອນ ກໍໄດ້​ມີ​ຂຶ້ນ. ພວກເຂົາ​ໄດ້​ພົບ​ນາງ​ອາບີຊາກ​ຍິງສາວ​ຊາວ​ຊູເນມ ແລະ​ໄດ້​ພາ​ນາງ​ເຂົ້າ​ມາ​ຫາ​ກະສັດ.

1 ກະສັດ 2:17

ລາວ​ຕອບ​ວ່າ, “ກະລຸນາ​ຂໍ​ນຳ​ກະສັດ​ໂຊໂລໂມນ ໃຫ້​ເອົາ​ນາງ​ອາບີຊາກ ຍິງສາວ​ຊາວ​ເມືອງ​ຊູເນມ​ມາ​ເປັນ​ເມຍ​ຂອງຂ້ອຍ ຂ້ອຍ​ຮູ້​ວ່າ​ເພິ່ນ​ຄົງ​ຈະ​ບໍ່​ປະຕິເສດ​ເຈົ້າ​ດອກ.”

1 ກະສັດ 2:21

ຣາຊິນີ​ຕອບ​ວ່າ, “ແມ່​ຂໍ​ລູກ​ຍົກ​ນາງ​ອາບີຊາກ​ຊາວ​ຊູເນມ​ໃຫ້​ເປັນ​ເມຍ​ຂອງ​ອາໂດນີຢາ ອ້າຍ​ຂອງ​ລູກ​ສາ​ເຖີດ.”

1 ກະສັດ 21:1

ນາໂບດ​ຊາວ​ຢິດຊະເຣນ ມີ​ສວນອະງຸ່ນ​ຕອນ​ໜຶ່ງ​ຢູ່​ໃກ້​ກັບ​ວັງ​ຂອງ​ກະສັດ​ອາຮາບ​ແຫ່ງ​ຊາມາເຣຍ.

2 ກະສັດ 4:12

ເພິ່ນ​ບອກ​ໃຫ້​ເກຮາຊິ​ຄົນ​ຮັບໃຊ້​ຂອງ​ເພິ່ນ​ໄປ​ເອີ້ນ​ຍິງ​ຄົນ​ນັ້ນ​ມາ, ເມື່ອ​ນາງ​ໄດ້​ມາ​ຢືນ​ຢູ່​ຕໍ່ໜ້າ​ຂອງ​ເພິ່ນ​ແລ້ວ

2 ກະສັດ 4:8

ມື້ໜຶ່ງ ເອລີຊາ​ໄດ້​ໄປ​ທີ່​ເມືອງ​ຊູເນມ ບ່ອນ​ທີ່​ຍິງ​ຊາວ​ຊູເນມ​ຜູ້​ຮັ່ງມີ​ຄົນ​ໜຶ່ງ​ອາໄສ​ຢູ່. ນາງ​ໄດ້​ເຊີນ​ເອລີຊາ​ໄປ​ຮັບປະທານ​ອາຫານ​ນຳ ແລະ​ຕັ້ງແຕ່​ນັ້ນ​ມາ ເອລີຊາ​ກໍ​ຮັບປະທານ​ອາຫານ​ທີ່​ເຮືອນ​ນາງ​ທຸກ​ເທື່ອ ທີ່​ເພິ່ນ​ໄປ​ເມືອງ​ຊູເນມ.

2 ກະສັດ 8:29

ເພິ່ນ​ໄດ້​ກັບຄືນ​ເມືອ​ເມືອງ​ຢິດຊະເຣນ​ເພື່ອ​ປິ່ນປົວ​ບາດແຜ​ຂອງຕົນ ແລະ​ກະສັດ​ອາຮາຊີຢາ​ກໍໄດ້​ໄປ​ຢ້ຽມຢາມ​ເພິ່ນ​ຢູ່​ໃນ​ເມືອງນີ້.

2 ກະສັດ 9:30

ເຢຮູ​ໄດ້​ມາ​ຮອດ​ເມືອງ​ຢິດຊະເຣນ. ນາງ​ເຢເຊເບນ​ໄດ້ຍິນ​ທຸກ​ເລື່ອງ​ທີ່​ເກີດຂຶ້ນ ນາງ​ກໍ​ແຕ້ມ​ຄິ້ວ​ແຕ່ງ​ຜົມ ແລະ​ຢືນ​ແນມເບິ່ງ​ໄປ​ທາງ​ປ່ອງຢ້ຽມ​ວັງ.

ໂຢຊວຍ 15:56

ຢິດຊະເຣນ, ຢົກເດອາມ, ຊາໂນອາ,

ໂຢຊວຍ 17:16

ແລ້ວ​ພວກເຂົາ​ກໍ​ຕອບ​ວ່າ, “ທາງ​ເຂດ​ເນີນພູ​ນີ້​ນ້ອຍ​ໂພດ​ສຳລັບ​ພວກເຮົາ ສ່ວນ​ພວກ​ການາອານ​ທີ່​ຢູ່​ຕາມ​ທົ່ງພຽງ ຕ່າງ​ກໍ​ມີ​ລົດຮົບ​ເຫຼັກ ທັງ​ພວກ​ທີ່​ຢູ່​ໃນ​ເບັດ​ເຊອານ ແລະ​ພວກ​ທີ່​ຢູ່​ຕາມ​ເມືອງເລັກ​ເມືອງນ້ອຍ​ອ້ອມແອ້ມ ແລະ​ພວກ​ທີ່​ຢູ່​ໃນ​ຮ່ອມພູ​ຢິດຊະເຣນ.”

ໂຢຊວຍ 19:17

ການ​ໃຊ້​ສະຫລາກ​ຄັ້ງ​ທີ​ສີ່​ໄດ້​ຕົກ​ຖືກ​ຄອບຄົວ​ຕ່າງໆ​ໃນ​ເຜົ່າ​ອິດຊາຄາ.

ໂຢຊວຍ 19:19

ຮາຟາຣາອິມ, ຊິໂອນ, ອານາຮາຣັດ,

1 ຊາມູເອນ 28:4

ພວກ​ຟີລິດສະຕິນ​ໄດ້​ເຕົ້າໂຮມ​ກຳລັງ​ກັນ ແລະ​ຕັ້ງ​ຄ້າຍ​ຢູ່​ໃກ້​ກັບ​ເມືອງ​ຊູເນມ. ສ່ວນ​ກະສັດ​ໂຊນ​ນັ້ນ​ໄດ້​ເຕົ້າໂຮມ​ເອົາ​ຊາວ​ອິດສະຣາເອນ ໄປ​ຕັ້ງ​ຄ້າຍ​ຢູ່​ທີ່​ເທິງ​ພູ​ກິນໂບອາ.