ໂຢຊວຍ 18:3 - ພຣະຄຳພີສັກສິ

³ ດັ່ງນັ້ນ ໂຢຊວຍ​ຈຶ່ງ​ໄດ້​ຖາມ​ປະຊາຊົນ​ອິດສະຣາເອນ​ວ່າ, “ພວກເຈົ້າ​ຈະ​ລໍ​ຖ້າ​ຢູ່​ອີກ​ດົນ​ປານໃດ​ຈຶ່ງ​ຈະ​ເຂົ້າ​ໄປ​ຢຶດຄອງ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ປູ່ຍ່າຕາຍາຍ​ຂອງ​ພວກເຈົ້າ​ໄດ້​ມອບ​ໃຫ້?

ໂຢຊວຍ 18:3 Jak'a apnaqawi uñst'ayäwi

ສຸພາສິດ 10:4

ຄົນ​ຂີ້ຄ້ານ​ຈະ​ຍາກຈົນ​ລົງ, ແຕ່​ຄົນ​ຂະຫຍັນ​ຂັນແຂງ​ກໍ​ຈະ​ຮັ່ງມີ​ຂຶ້ນ.

ສຸພາສິດ 13:4

ຄົນ​ຂີ້ຄ້ານ​ຈະ​ບໍ່ໄດ້​ສິ່ງ​ທີ່​ຕົນ​ໄຝ່ຝັນ, ແຕ່​ຄົນ​ດຸໝັ່ນ​ຈະ​ໄດ້​ຕາມ​ທີ່​ຕົນ​ຕ້ອງການ​ທັງນັ້ນ.

ສຸພາສິດ 15:19

ຄົນ​ຂີ້ຄ້ານ​ພົບ​ຄວາມ​ລຳບາກ​ທຸກ​ທາງ, ແຕ່​ຄົນ​ສັດຊື່​ກໍ​ຫວິດ​ພົ້ນ​ຄວາມ​ເດືອດຮ້ອນ.

ປັນຍາຈານ 9:10

ບໍ່​ວ່າ​ຈະ​ເຮັດ​ສິ່ງໃດ​ກໍຕາມ ຈົ່ງ​ເຮັດ​ສິ່ງ​ນັ້ນ​ຢ່າງ​ເຕັມ​ກຳລັງ ເພາະ​ໃນ​ແດນ​ຂອງ​ຄົນຕາຍ​ນັ້ນ​ຈະ​ບໍ່ມີ​ການກະທຳ, ບໍ່ມີ​ຄວາມຄິດ, ບໍ່ມີ​ຄວາມຮູ້, ບໍ່ມີ​ປັນຍາ​ໃດໆ ແລະ​ໃນ​ບ່ອນນັ້ນແຫລະ​ທີ່​ພວກເຈົ້າ​ຈະ​ໄປ.

ເຊຟານີຢາ 3:16

ເມື່ອ​ວັນ​ນັ້ນ​ມາ​ເຖິງ ພວກເຂົາ​ຈະ​ເວົ້າ​ຕໍ່​ນະຄອນ​ເຢຣູຊາເລັມ​ວ່າ, “ນະຄອນ​ຊີໂອນ ຢ່າ​ຢ້ານ, ຢ່າ​ເສຍ​ກຳລັງໃຈ​ເທາະ

ມັດທາຍ 20:6

ພໍ​ເພິ່ນ​ອອກ​ໄປ​ອີກ​ເມື່ອ​ເວລາ​ປະມານ​ຫ້າ​ໂມງ​ແລງ ແລະ​ເຫັນ​ຄົນອື່ນ​ຢືນ​ຢູ່​ທີ່​ນັ້ນ ເພິ່ນ​ຈຶ່ງ​ຖາມ​ພວກເຂົາ​ວ່າ ‘ດ້ວຍເຫດໃດ​ພວກເຈົ້າ​ຈຶ່ງ​ຢູ່​ທີ່​ນີ້​ໝົດ​ມື້ ໂດຍ​ບໍ່​ເຮັດ​ຫຍັງ?’

ໂຢຮັນ 6:27

ຢ່າ​ພະຍາຍາມ​ຫາ​ອາຫານ​ທີ່​ເສຍ​ໄປ ແຕ່​ຈົ່ງ​ຫາ​ອາຫານ​ທີ່​ຕັ້ງໝັ້ນ​ຢູ່ ຄື​ອາຫານ​ສຳລັບ​ຊີວິດ​ນິຣັນດອນ ອາຫານ​ນີ້​ແມ່ນ​ບຸດ​ມະນຸດ​ທີ່​ຈະ​ໃຫ້​ແກ່​ພວກເຈົ້າ ເພາະ​ແມ່ນ​ພຣະອົງ​ນີ້​ແຫຼະ ທີ່​ພຣະເຈົ້າ​ຄື​ພຣະບິດາເຈົ້າ​ໄດ້​ປະທັບຕາ​ໝາຍ​ໄວ້​ແລ້ວ.”

ໂຢຊວຍ 1:6

ສະນັ້ນ ຈົ່ງ​ມີ​ໃຈ​ເດັດດ່ຽວ​ແລະ​ກ້າຫານ ເພາະ​ເຈົ້າ​ຈະ​ເປັນ​ຜູ້​ນຳພາ​ປະຊາຊົນ​ເຫຼົ່ານີ້ ເຂົ້າ​ໄປ​ຢຶດຄອງ​ດິນແດນ​ຊຶ່ງ​ເຮົາ​ໄດ້​ສັນຍາ​ວ່າ ຈະ​ມອບ​ໃຫ້​ແກ່​ປູ່ຍ່າຕາຍາຍ​ຂອງ​ພວກເຂົາ.

ໂຢຊວຍ 13:1

ເມື່ອ​ໂຢຊວຍ​ເຖົ້າແກ່​ແລະ​ມີ​ອາຍຸ​ສູງ​ແລ້ວ. ພຣະເຈົ້າຢາເວ​ໄດ້​ກ່າວ​ແກ່​ເພິ່ນ​ວ່າ, “ເຈົ້າ​ກໍ​ເຖົ້າແກ່​ແລະ​ມີ​ອາຍຸ​ສູງ​ແລ້ວ ແຕ່​ຍັງ​ມີ​ດິນແດນ​ຢູ່​ອີກ​ຫລາຍ​ແຫ່ງ​ທີ່​ເຈົ້າ​ຈະ​ຕ້ອງ​ຢຶດຄອງ ດັ່ງນີ້:

ໂຢຊວຍ 18:2

ແຕ່​ໄດ້​ມີ​ປະຊາຊົນ​ອິດສະຣາເອນ​ຢູ່​ເຈັດ​ເຜົ່າ ທີ່​ຍັງ​ບໍ່​ທັນ​ໄດ້​ຮັບ​ດິນແດນ​ເປັນ​ສ່ວນແບ່ງ​ຂອງ​ພວກເຂົາ.

ໂຢຊວຍ 18:4

ຈົ່ງ​ເລືອກ​ເອົາ​ສາມ​ຄົນ ຈາກ​ແຕ່ລະເຜົ່າ​ໃຫ້​ຂ້າພະເຈົ້າ. ຂ້າພະເຈົ້າ​ຈະ​ໃຊ້​ພວກເຂົາ​ອອກ​ໄປ​ທົ່ວ​ທັງ​ດິນແດນ ເພື່ອ​ແຕ້ມ​ແຜນທີ່​ເຂດແດນ ຊຶ່ງ​ພວກເຂົາ​ຢາກ​ໄດ້​ເປັນ​ກຳມະສິດ ແລ້ວ​ໃຫ້​ພວກເຂົາ​ກັບຄືນ​ມາ​ຫາ​ຂ້າພະເຈົ້າ.

ພວກ^ຜູ້ປົກຄອງ 18:9

ພວກເຂົາ​ຈຶ່ງ​ຕອບ​ວ່າ, “ໃຫ້​ພວກເຮົາ​ພາກັນ​ໄປ​ຕີ​ເອົາ​ເມືອງ​ລາອິດ ພວກຂ້ອຍ​ໄດ້​ເຫັນ​ເມືອງ​ນັ້ນ​ເປັນ​ດິນແດນ​ດີທີ່ສຸດ. ຢ່າ​ພາກັນ​ຢູ່​ບ່ອນ​ນີ້​ລ້າໆ ຈົ່ງ​ຮີບ​ຟ້າວ​ໄປ​ຢຶດ​ດິນແດນ​ນັ້ນ