ໂຢຊວຍ 18:24 - ພຣະຄຳພີສັກສິ

²⁴ ເກຟາອຳໂມນີ, ໂອຟະນີ ແລະ​ເກບາ. ລວມ​ທັງໝົດ​ມີ 12 ຕົວເມືອງ ຕະຫລອດ​ທັງ​ເມືອງເລັກ​ເມືອງນ້ອຍ​ທີ່​ຢູ່​ອ້ອມແອ້ມ​ນັ້ນ.

ໂຢຊວຍ 18:24 Jak'a apnaqawi uñst'ayäwi

2 ຊາມູເອນ 5:25

ກະສັດ​ດາວິດ​ເຮັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ ແລະ​ໄລ່​ພວກ​ຟີລິດສະຕິນ​ໃຫ້​ອອກ​ໜີໄປ​ຈາກ​ເມືອງ​ເກບາ​ຈົນເຖິງ​ເມືອງ​ເກເຊ.

1 ກະສັດ 15:22

ຕໍ່ມາ ກະສັດ​ອາສາ​ໄດ້​ອອກ​ຄຳສັ່ງ​ໄປ​ທົ່ວ​ອານາຈັກ​ຢູດາຍ​ຮຽກຮ້ອງ​ທຸກຄົນ​ໂດຍ​ບໍ່ມີ​ການ​ຍົກເວັ້ນ ເພື່ອ​ຊ່ວຍ​ຂົນ​ເອົາ​ຫີນ ແລະ​ໄມ້​ທີ່​ກະສັດ​ບາອາຊາ​ໃຊ້​ສ້າງ​ເມືອງ​ນັ້ນ​ອອກ​ໜີໄປ. ກະສັດ​ອາສາ​ໄດ້​ໃຊ້​ອຸປະກອນ​ເຫຼົ່ານີ້ ສ້າງ​ປ້ອມ​ປ້ອງກັນ​ເມືອງ​ມີຊະປາ ແລະ​ເມືອງ​ເກບາ​ຢູ່​ໃນ​ເຂດແດນ​ເບັນຢາມິນ.

2 ກະສັດ 23:8

ກະສັດ​ໂຢສີຢາ​ໄດ້​ນຳ​ບັນດາ​ປະໂຣຫິດ​ທັງໝົດ​ທີ່​ຢູ່​ໃນ​ເມືອງ​ຕ່າງໆ​ຂອງ​ຢູດາຍ ແລະ​ຢູ່​ທົ່ວ​ທຸກບ່ອນ​ຈາກ​ເກບາ​ເຖິງ​ເບເອນເຊບາ​ທີ່​ເພິ່ນ​ໄດ້​ທຳລາຍ​ແທ່ນບູຊາ​ຕ່າງໆ ແລະ​ສະຖານ​ທີ່​ສູງ​ທັງຫຼາຍ ຊຶ່ງ​ພວກເຂົາ​ຖວາຍ​ເຄື່ອງ​ບູຊາ​ໃສ່​ນັ້ນ ມາ​ທີ່​ນະຄອນ​ເຢຣູຊາເລັມ. ເພິ່ນ​ຍັງ​ໄດ້​ມ້າງ​ແທ່ນບູຊາ​ທີ່​ອຸທິດ​ຖວາຍ​ແກ່​ຜີ​ປີສາດແບ້ ໃກ້​ປະຕູ​ເມືອງ​ທີ່​ໂຢຊວຍ​ຜູ້ປົກຄອງ​ເມືອງ​ໄດ້​ສ້າງ​ຂຶ້ນ. ແທ່ນບູຊາ​ນີ້​ຢູ່​ທາງ​ເບື້ອງຊ້າຍ​ຂອງ​ປະຕູ​ໃຫຍ່​ທາງ​ເຂົ້າ​ເມືອງ.

ເອຊະຣາ 2:26

ຣາມາ ແລະ ເກບາ - 621 ຄົນ

ເນເຫມີຢາ 7:30

ຣາມາ​ແລະ​ເກບາ - 621 ຄົນ

ເອຊາຢາ 10:29

ພວກເຂົາ​ໄດ້​ຂ້າມ​ຊ່ອງແຄບ ແລະ​ກຳລັງ​ຄ້າງຄືນ​ຢູ່​ທີ່​ເກບາ ຊາວ​ເມືອງ​ຣາມາ​ຢ້ານກົວ​ໃຫຍ່ ແລະ​ປະຊາຊົນ​ທີ່​ເມືອງ​ກີເບອາ ບ້ານເກີດ​ເມືອງນອນ​ຂອງ​ກະສັດ​ໂຊນ​ກໍ​ປົບໜີໄປ.

ໂຢຊວຍ 18:23

ອາວິມ, ປາຣາ, ໂອຟະຣາ,

ໂຢຊວຍ 18:25

ນອກ​ນີ້​ກໍ​ຍັງ​ມີ​ເມືອງ​ກີເບໂອນ, ຣາມາ, ເບເອໂຣດ,

ໂຢຊວຍ 21:17

ຈາກ​ເຂດແດນ​ຂອງ​ເບັນຢາມິນ ພວກເຂົາ​ໄດ້​ຮັບ 4 ຕົວເມືອງ ມີ​ດັ່ງນີ້: ກີເບໂອນ, ເກບາ,

1 ຊາມູເອນ 13:3

ໂຢນາທານ​ໄດ້​ຂ້າ​ຜູ້​ບັນຊາການ​ທະຫານ​ຟີລິດສະຕິນ ໃນ​ເມືອງ​ເກບາ ແລະ​ຊາວ​ຟີລິດສະຕິນ​ທັງໝົດ​ກໍ​ໄດ້​ຍິນ​ກ່ຽວກັບ​ເລື່ອງນີ້. ແລ້ວ​ກະສັດ​ໂຊນ​ກໍໄດ້​ສົ່ງ​ຄົນນຳຂ່າວ​ເປົ່າແກ​ໄປ​ທົ່ວ​ປະເທດ ເພື່ອ​ເກນ​ເອົາ​ຊາວ​ເຮັບເຣີ​ເຂົ້າ​ເຮັດ​ເສິກ.