ໂຢຊວຍ 18:21 - ພຣະຄຳພີສັກສິ

²¹ ເມືອງ​ທັງຫລາຍ​ທີ່​ເປັນ​ສ່ວນ​ຂອງ​ຄອບຄົວ​ຕ່າງໆ​ໃນ​ເຜົ່າ​ເບັນຢາມິນ​ນັ້ນ ມີ​ດັ່ງນີ້: ເຢຣິໂກ, ເບັດ​ໂຮກະລາ, ເອເມັກເກຊິດ,

ໂຢຊວຍ 18:21 Jak'a apnaqawi uñst'ayäwi

1 ກະສັດ 3:4

ໃນຄັ້ງໜຶ່ງ ກະສັດ​ໂຊໂລໂມນ​ໄດ້​ໄປ​ທີ່​ເມືອງ​ກີເບໂອນ​ເພື່ອ​ຖວາຍ​ເຄື່ອງ​ບູຊາ ເພາະ​ແທ່ນບູຊາ​ໃນ​ເມືອງ​ນີ້​ມີ​ຊື່ສຽງ​ສຳຄັນ​ຫລາຍ. ໃນ​ເວລາ​ຜ່ານ​ມາ ເພິ່ນ​ເຄີຍ​ຖວາຍ​ເຄື່ອງ​ເຜົາບູຊາ​ໃນ​ບ່ອນ​ນີ້​ເປັນ​ພັນໆ​ເທື່ອ​ແລ້ວ.

ເອເຊກຽນ 48:23

ທາງໃຕ້​ຂອງ​ສ່ວນ​ພິເສດ ແຕ່ລະເຜົ່າ​ຊຶ່ງ​ຍັງເຫລືອ​ຢູ່​ນັ້ນ ຈະ​ຕ້ອງ​ໄດ້​ຮັບ​ສ່ວນ​ໜຶ່ງ​ຂອງ​ດິນແດນ ໂດຍ​ນັບ​ຈາກ​ຊາຍແດນ​ທາງດ້ານ​ຕາເວັນອອກ ຈົນເຖິງ​ທະເລ​ເມດີແຕຣາເນ​ທາງ​ດ້ານ​ຕາເວັນຕົກ ຕາມ​ລະດັບ​ແຕ່​ທິດເໜືອ​ສູ່​ທິດໃຕ້​ດັ່ງນີ້: ເບັນຢາມິນ ຊີເມໂອນ ອິດຊາຄາ ເຊບູໂລນ ກາດ

ລູກາ 10:30

ພຣະເຢຊູເຈົ້າ​ໃຫ້​ຄຳຕອບ​ແກ່​ລາວ​ດັ່ງນີ້​ວ່າ, “ຍັງ​ມີ​ຊາຍ​ຄົນ​ໜຶ່ງ ລົງ​ຈາກ​ນະຄອນ​ເຢຣູຊາເລັມ​ໄປ​ທີ່​ເມືອງ​ເຢຣີໂກ ແລະ​ຕົກ​ຢູ່​ໃນ​ກຳມື​ຂອງ​ພວກ​ນັກປຸ້ນ, ພວກ​ນັກປຸ້ນ​ໄດ້​ເອົາ​ທຸກສິ່ງ​ທີ່​ຊາຍ​ຜູ້​ນັ້ນ​ມີ ທັງ​ຕົບຕີ​ລາວ ແລະ​ປະຖິ້ມ​ໄວ້​ເກືອບ​ຕາຍ.

ລູກາ 19:1

ຕໍ່ມາ ຫລັງຈາກ​ພຣະເຢຊູເຈົ້າ​ໄດ້​ເຂົ້າ​ໄປ​ໃນ​ເມືອງ​ເຢຣີໂກ ແລະ​ຜ່ານ​ຕົວເມືອງ​ໄປ.

ໂຢຊວຍ 15:6

ໄປ​ຈົນເຖິງ​ເບັດ​ໂຮກະລາ ແລະ​ເລີຍ​ໄປ​ທາງເໜືອ​ຂອງ​ເບັດ​ອາຣາບາ ແລ້ວ​ກໍ​ຂຶ້ນ​ໄປ​ຈົນເຖິງ​ໂງ່ນຫີນ​ໂບຮານ (ໂບຮານ​ເປັນ​ລູກຊາຍ​ຂອງ​ຣູເບັນ).

ໂຢຊວຍ 18:12

ທາງ​ພາກເໜືອ ຊາຍແດນ​ຂອງ​ພວກເຂົາ​ເລີ່ມ​ແຕ່​ແມ່ນໍ້າ​ຈໍແດນ ຈົນ​ຂຶ້ນ​ໄປ​ເຖິງ​ເນີນພູ​ທາງທິດເໜືອ​ຂອງ​ເມືອງ​ເຢຣິໂກ​ອອກ​ໄປ​ທາງທິດ​ຕາເວັນຕົກ ໂດຍ​ຜ່ານ​ເຂດ​ເນີນພູ​ໄປ​ຈົນເຖິງ​ຖິ່ນ​ແຫ້ງແລ້ງ​ກັນດານ​ເບັດອາເວນ.

ໂຢຊວຍ 18:19

ໂດຍ​ຜ່ານ​ໄປ​ທາງ​ສັນພູ​ເບັດ​ໂຮກະລາ ແລະ​ໄປ​ສຸດ​ທີ່​ທາງ​ເຂົ້າ​ທະເລຕາຍ​ເບື້ອງເໜືອ ບ່ອນ​ທີ່​ແມ່ນໍ້າ​ຈໍແດນ​ໄຫລ​ໄປ​ໃສ່. ນີ້​ແມ່ນ​ຊາຍແດນ​ທາງທິດໃຕ້.

ໂຢຊວຍ 18:20

ແມ່ນໍ້າ​ຈໍແດນ​ເປັນ​ຊາຍແດນ​ທາງທິດ​ຕາເວັນອອກ. ນີ້​ແມ່ນ​ຊາຍແດນ​ຂອງ​ດິນແດນ ທີ່​ຄອບຄົວ​ຕ່າງໆ​ໃນ​ເຜົ່າ​ເບັນຢາມິນ​ໄດ້​ຮັບ​ເປັນ​ກຳມະສິດ.

ໂຢຊວຍ 18:22

ເບັດ​ອາຣາບາ, ເຊມາຣາອິມ, ເບັດເອນ,

ໂຢຊວຍ 2:1

ແລ້ວ​ໂຢຊວຍ​ລູກຊາຍ​ຂອງ​ນູນ​ກໍໄດ້​ສົ່ງ​ສອດແນມ​ສອງ​ຄົນ​ຈາກ​ຄ້າຍພັກ​ທີ່​ຊິດຕິມ ພ້ອມ​ທັງ​ສັ່ງ​ໃຫ້​ພວກເຂົາ​ໄປ​ສຳຫລວດ​ເບິ່ງ​ດິນແດນ​ການາອານ​ຢ່າງ​ລັບໆ ໂດຍ​ສະເພາະ​ແລ້ວ​ແມ່ນ​ຕົວເມືອງ​ເຢຣິໂກ. ເມື່ອ​ມາ​ຮອດ​ເມືອງ​ເຢຣິໂກ​ແລ້ວ ສອດແນມ​ທັງສອງ​ຄົນ​ກໍໄດ້​ນອນ​ຄ້າງຄືນ​ຢູ່​ໃນ​ເຮືອນ​ຂອງ​ຍິງ​ໂສເພນີ​ຄົນ​ໜຶ່ງ​ຊື່​ວ່າ ຣາຮາບ.

ໂຢຊວຍ 6:1

ປະຕູ​ເມືອງ​ເຢຣິໂກ​ຖືກ​ອັດ​ໄວ້​ຢ່າງ​ແໜ້ນໜາ ແລະ​ມີ​ຄົນ​ຍາມ​ເພື່ອ​ບໍ່​ໃຫ້​ຊາວ​ອິດສະຣາເອນ​ເຂົ້າ​ໄປ​ໄດ້. ບໍ່ມີ​ໃຜ​ເຂົ້າ​ໄປ​ໃນເມືອງ ຫລື​ອອກ​ໄປ​ນອກເມືອງ​ໄດ້.

ພວກ^ຜູ້ປົກຄອງ 1:16

ເຊື້ອສາຍ​ຂອງ​ພໍ່ເຖົ້າ​ໂມເຊ ຊາວ​ເກນິດ ໄດ້​ອອກ​ຈາກ​ເຢຣິໂກ​ເມືອງ​ທີ່​ມີ​ຕົ້ນ​ຕານ ໄປ​ກັບ​ຊາວ​ຢູດາ​ສູ່​ຖິ່ນ​ແຫ້ງແລ້ງ​ທີ່​ຢູ່​ທາງ​ເຂດ​ພາກໃຕ້​ຂອງ​ອາຣາດ. ພວກເຂົາ​ໄດ້​ເດີນທາງ​ຮ່ວມ​ກັບ​ຊາວ​ຢູດາ ໄປ​ຕັ້ງ​ຖິ່ນຖານ​ຢູ່​ທີ່​ນັ້ນ​ທ່າມກາງ​ຊາວ​ອາມາເຫຼັກ.