ໂຢຊວຍ 17:2 - ພຣະຄຳພີສັກສິ

² ສ່ວນ​ດິນແດນ​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ​ນັ້ນ ຖືກ​ມອບໝາຍ​ໃຫ້​ຄອບຄົວ​ຕ່າງໆ​ທີ່​ເຫຼືອ​ຢູ່​ໃນ​ເຜົ່າ​ມານາເຊ​ດັ່ງນີ້: ອາບີເອເຊ, ເຮເລັກ, ອາສະຣິເອນ, ເຊເຄມ, ເຮເຟ ແລະ ເຊມີດາ. ຄົນ​ເຫຼົ່ານີ້​ແມ່ນ​ພວກ​ຜູ້ຊາຍ​ຈາກ​ເຊື້ອສາຍ​ຂອງ​ມານາເຊ ລູກຊາຍ​ຂອງ​ໂຢເຊັບ; ພວກເຂົາ​ຕ່າງ​ກໍ​ເປັນ​ຫົວໜ້າ​ຄອບຄົວ.

ໂຢຊວຍ 17:2 Jak'a apnaqawi uñst'ayäwi

1 ຂ່າວຄາວ 7:18

ຮາມໂມເລເກັດ​ເອື້ອຍ​ຂອງ​ກີເລອາດ​ມີ​ລູກຊາຍ​ສາມ​ຄົນ ດັ່ງນີ້: ອີໂຊດ, ອາບີເອເຊ ແລະ​ມາລາ.

ໂຢຊວຍ 17:1

ດິນແດນ​ສ່ວນ​ໜຶ່ງ​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ໄດ້​ຖືກ​ມອບໝາຍ​ໃຫ້​ບາງ​ຄອບຄົວ​ໃນ​ເຜົ່າ​ມານາເຊ ເນື່ອງ​ຈາກ​ວ່າ​ມານາເຊ​ເປັນ​ລູກຊາຍກົກ​ຂອງ​ໂຢເຊັບ. ມາກີ​ພໍ່​ຂອງ​ກີເລອາດ ເປັນ​ລູກຊາຍກົກ​ຂອງ​ມານາເຊ​ແລະ​ເປັນ​ວິລະບູລຸດ​ຜູ້​ເກັ່ງກ້າ; ດັ່ງນັ້ນ ເຂດແດນ​ກີເລອາດ​ກັບ​ບາຊານ​ທາງທິດ​ຕາເວັນອອກ​ແມ່ນໍ້າ​ຈໍແດນ ຈຶ່ງ​ຖືກ​ມອບໝາຍ​ໃຫ້​ແກ່​ມາກີ.

ໂຢຊວຍ 17:3

ເຊໂລເຟຮັດ​ເປັນ​ລູກຊາຍ​ຂອງ​ເຮເຟ, ເຮເຟ​ເປັນ​ລູກຊາຍ​ຂອງ​ກີເລອາດ, ກີເລອາດ​ເປັນ​ລູກຊາຍ​ຂອງ​ມາກີ, ມາກີ​ເປັນ​ລູກຊາຍ​ຂອງ​ມານາເຊ. ເຊໂລເຟຮັດ​ບໍ່ມີ​ລູກ​ຜູ້ຊາຍ ແຕ່​ມີ​ລູກ​ຜູ້ຍິງ​ທັງໝົດ. ພວກເຂົາ​ຊື່​ວ່າ: ມາຮະລາ, ໂນອາ, ໂຮກະລາ, ມີລະກາ ແລະ ຕີຣະຊາ.

ພວກ^ຜູ້ປົກຄອງ 6:11

ແລ້ວ​ເທວະດາ​ຂອງ​ພຣະເຈົ້າຢາເວ​ກໍ​ມາ​ໃນ​ບ້ານ​ໂອຟະຣາ ນັ່ງ​ຢູ່​ໃຕ້​ຕົ້ນໂອກ​ຊຶ່ງ​ເປັນ​ຂອງ​ໂຢອາດ ຄົນ​ໃນ​ຕະກຸນ​ອາບີເອເຊ. ກີເດໂອນ​ລູກຊາຍ​ຂອງ​ໂຢອາດ ກຳລັງ​ລີ້​ຟາດເຂົ້າ​ຢູ່​ໃນ​ບ່ອນ​ທີ່​ບີບ​ນໍ້າ​ໝາກອະງຸ່ນ ເພື່ອ​ບໍ່​ໃຫ້​ຊາວ​ມີດີອານ​ເຫັນ.

ພວກ^ຜູ້ປົກຄອງ 8:2

ແຕ່​ກີເດໂອນ​ຕອບ​ພວກເຂົາ​ວ່າ, “ສິ່ງ​ທີ່​ຂ້ອຍ​ໄດ້​ເຮັດ​ມາ​ນັ້ນ​ບໍ່​ມີ​ຫຍັງ​ໝົດ ເມື່ອ​ປຽບທຽບ​ໃສ່​ກັບ​ສິ່ງ​ທີ່​ພວກເຈົ້າ​ໄດ້​ເຮັດ. ແມ່ນແຕ່​ສິ່ງ​ເລັກນ້ອຍ​ທີ່​ຊາວ​ເອຟຣາອິມ​ໄດ້​ເຮັດ ກໍ​ມີ​ຄຸນຄ່າ​ກວ່າ​ສິ່ງ​ທັງໝົດ​ທີ່​ຕະກຸນ​ຂອງຂ້ອຍ​ໄດ້​ເຮັດ​ມາ.