ໂຢຊວຍ 17:17 - ພຣະຄຳພີສັກສິ

¹⁷ ໂຢຊວຍ​ໄດ້​ກ່າວ​ແກ່​ເຜົ່າ​ເອຟຣາອິມ ແລະ​ມານາເຊ​ຕາເວັນຕົກ​ວ່າ, “ຕາມ​ທີ່​ຈິງ​ແລ້ວ ພວກເຈົ້າ​ມີ​ຄົນ​ຫລາຍ ແລະ​ມີ​ອຳນາດ​ເຂັ້ມແຂງ. ພວກເຈົ້າ​ຄວນ​ຈະ​ໄດ້​ຮັບ​ເກີນກວ່າ​ໜຶ່ງ​ສ່ວນ.

ໂຢຊວຍ 17:17 Jak'a apnaqawi uñst'ayäwi

ປະຖົມມະການ 48:16

ຂໍ​ໃຫ້​ເທວະດາ​ຕົນ​ທີ່​ໄດ້​ຊ່ວຍ​ກູ້​ເອົາ​ຂ້ານ້ອຍ; ຈົ່ງ​ອວຍພອນ​ເຂົາ​ເຫຼົ່ານີ້​ດ້ວຍ ຂໍ​ໃຫ້​ຊື່​ຂອງ​ຂ້ານ້ອຍ​ທັງ​ອີຊາກ​ແລະ​ອັບຣາຮາມ ດຳລົງ​ຄົງ​ຢູ່​ນຳ​ເດັກນ້ອຍ​ເຫຼົ່ານີ້ ຂໍ​ໃຫ້​ພວກເຂົາ​ຈົ່ງ​ມີ​ລູກຫລານ​ຢ່າງ​ຫຼວງຫລາຍ ທັງ​ມີ​ເຊື້ອສາຍ​ມາກມາຍ​ຫລາຍ​ລົ້ນ ແດ່ທ້ອນ.”

ໂຢຊວຍ 17:16

ແລ້ວ​ພວກເຂົາ​ກໍ​ຕອບ​ວ່າ, “ທາງ​ເຂດ​ເນີນພູ​ນີ້​ນ້ອຍ​ໂພດ​ສຳລັບ​ພວກເຮົາ ສ່ວນ​ພວກ​ການາອານ​ທີ່​ຢູ່​ຕາມ​ທົ່ງພຽງ ຕ່າງ​ກໍ​ມີ​ລົດຮົບ​ເຫຼັກ ທັງ​ພວກ​ທີ່​ຢູ່​ໃນ​ເບັດ​ເຊອານ ແລະ​ພວກ​ທີ່​ຢູ່​ຕາມ​ເມືອງເລັກ​ເມືອງນ້ອຍ​ອ້ອມແອ້ມ ແລະ​ພວກ​ທີ່​ຢູ່​ໃນ​ຮ່ອມພູ​ຢິດຊະເຣນ.”

ໂຢຊວຍ 17:18

ດັ່ງນັ້ນ ທາງ​ເຂດ​ເນີນພູ​ຈຶ່ງ​ຈະ​ເປັນ​ຂອງ​ພວກເຈົ້າ. ເຖິງ​ແມ່ນ​ວ່າ​ມັນ​ເປັນ​ປ່າ​ກໍຕາມ ແຕ່​ພວກເຈົ້າ​ກໍ​ສາມາດ​ຖາງ​ໃຫ້​ແປນ ແລະ​ຢຶດຄອງ​ຈາກ​ສົ້ນ​ເບື້ອງນີ້​ຈົນເຖິງ​ສົ້ນ​ເບື້ອງນັ້ນ ເປັນ​ກຳມະສິດ​ຂອງ​ພວກເຈົ້າ​ໄດ້. ສຳລັບ​ພວກ​ການາອານ​ນັ້ນ ເຖິງ​ແມ່ນ​ວ່າ​ພວກເຂົາ​ມີ​ລົດຮົບ​ເຫຼັກ ແລະ​ມີ​ກຳລັງ​ຫລາຍ​ກໍຕາມ ພວກເຈົ້າ​ກໍ​ຈະ​ຂັບໄລ່​ພວກເຂົາ​ອອກ​ໄປ​ໄດ້.”

1 ຊາມູເອນ 1:1

ຍັງ​ມີ​ຊາຍ​ຄົນ​ໜຶ່ງ​ຊື່​ວ່າ ເອນການາ ຄົນ​ໃນ​ເຜົ່າ​ເອຟຣາອິມ ຜູ້​ທີ່​ອາໄສ​ຢູ່​ໃນ​ເມືອງ​ຣາມາ​ໃນ​ເຂດ​ເນີນພູ​ເອຟຣາອິມ. ລາວ​ເປັນ​ລູກຊາຍ​ຂອງ​ເຢໂຣຮາມ​ແລະ​ຫລານຊາຍ​ຂອງ​ເອລີຮູ ແລະ​ເປັນ​ຄົນ​ໃນ​ຄອບຄົວ​ໂຕຮູ ຊຶ່ງ​ເປັນ​ສ່ວນ​ໜຶ່ງ​ຂອງ​ຕະກຸນ​ຊູເຟ.