ໂຢຊວຍ 16:3 - ພຣະຄຳພີສັກສິ

³ ແລ້ວ​ຊາຍແດນ​ນີ້​ກໍ​ໄປ​ທາງ​ທິດ​ຕາເວັນຕົກ ທາງ​ເຂດ​ຂອງ​ພວກ​ຢາຟະເລດ ຈົນເຖິງ​ເຂດ​ເບັດ​ໂຮໂຣນ​ລຸ່ມ, ແຕ່​ບ່ອນ​ນີ້​ເລີຍ​ໄປ​ຈົນເຖິງ​ເກເຊ ແລະ​ສຸດ​ທີ່​ທະເລ​ເມດີແຕຣາເນ.

ໂຢຊວຍ 16:3 Jak'a apnaqawi uñst'ayäwi

1 ຂ່າວຄາວ 20:4

ຕໍ່ມາ ຊາດ​ອິດສະຣາເອນ​ໄດ້​ເຮັດ​ເສິກ​ກັບ​ພວກ​ຟີລິດສະຕິນ​ອີກ​ທີ່​ເກເຊ. ໃນ​ການ​ສູ້ຮົບ​ຄັ້ງ​ນີ້ ສິບເບກາຍ​ຊາວ​ເມືອງ​ຮູຊາ​ໄດ້​ຂ້າ​ຄົນ​ຮ່າງໃຫຍ່​ຜູ້ໜຶ່ງ​ຊື່​ວ່າ​ສິບປາຍ ແລະ​ພວກ​ຟີລິດສະຕິນ​ກໍໄດ້​ພ່າຍແພ້.

1 ຂ່າວຄາວ 7:24

ເອຟຣາອິມ​ມີ​ລູກສາວ​ຄົນ​ໜຶ່ງ​ຊື່​ວ່າ ເຊເອຣາ. ນາງ​ໄດ້​ສ້າງ​ເມືອງ​ຕ່າງໆ​ຢູ່​ທາງ​ເບັດ​ໂຮໂຣນ​ຕອນເທິງ​ແລະ​ຕອນ​ລຸ່ມ ແລະ​ອຸດເຊັນ-ເຊເອຣາ.

1 ຂ່າວຄາວ 7:28

ເຂດແດນ​ທີ່​ພວກເຂົາ​ຕັ້ງ​ຫລັກແຫຼ່ງ​ຢູ່​ນັ້ນ​ລວມເອົາ​ທັງ​ເບັດເອນ ແລະ​ຕົວເມືອງ​ຕ່າງໆ​ທີ່​ຢູ່​ອ້ອມແອ້ມ ຈົນເຖິງ​ທາງທິດ​ຕາເວັນອອກ​ຂອງ​ນາອາຣານ ເລີຍ​ໄປ​ຮອດ​ທິດ​ຕາເວັນຕົກ​ເກເຊ​ແລະ​ຕົວເມືອງ​ຕ່າງໆ​ທີ່​ຢູ່​ອ້ອມແອ້ມ​ນັ້ນ. ເຂດແດນ​ນີ້​ໄດ້​ລວມເອົາ​ເມືອງ​ທັງຫລາຍ​ຂອງ​ຊີເຄມ​ແລະ​ໄອຢາ ຕະຫລອດ​ທັງ​ເມືອງ​ຕ່າງໆ​ທີ່​ຢູ່​ອ້ອມແອ້ມ​ນັ້ນ​ດ້ວຍ.

2 ຂ່າວຄາວ 8:5

ກະສັດ​ໂຊໂລໂມນ​ໄດ້​ສ້າງ​ເມືອງ​ເຫຼົ່ານີ້​ຂຶ້ນ​ໃໝ່​ເຊັ່ນກັນ ດັ່ງນີ້: ເບັດ​ໂຮໂຣນ​ເບື້ອງເທິງ ແລະ​ເບັດ​ໂຮໂຣນ​ເບື້ອງລຸ່ມ (ເມືອງ​ທັງສອງ​ນີ້​ໄດ້​ມີ​ປ້ອມ​ປ້ອງກັນ ແລະ​ມີ​ກອນ​ປະຕູ​ເປັນ​ເຫລັກແທ່ງ),

ຈົດບັນຊີ 34:6

ຊາຍແດນ​ທາງ​ທິດ​ຕາເວັນຕົກ​ແມ່ນ​ທະເລ​ເມດີແຕຣາເນ.

ໂຢຊວຍ 10:33

ໃນ​ຄັ້ງ​ນັ້ນ ເຈົ້າ​ໂຮຣາມ​ກະສັດ​ແຫ່ງ​ເກເຊ​ໄດ້​ມາ​ຊ່ວຍ​ເມືອງ​ລາກິດ ແຕ່​ໂຢຊວຍ​ໄດ້​ຂ້າ​ລາວ​ແລະ​ທະຫານ​ໂດຍ​ບໍ່​ໄວ້​ຊີວິດ​ໃຜ​ເລີຍ.

ໂຢຊວຍ 18:13

ແລ້ວ​ຊາຍແດນ​ກໍ​ເລີຍ​ໄປ​ຈົນເຖິງ​ເນີນພູ​ທາງໃຕ້​ຂອງ​ເມືອງ​ລູເຊ (ມີ​ຊື່​ອີກ​ວ່າ​ເບັດເອນ) ແລ້ວ​ລົງ​ໄປ​ຈົນເຖິງ​ອາຕາໂຣດ​ອັດດາ ທີ່​ເທິງ​ພູ​ທາງໃຕ້​ເມືອງ​ເບັດ​ໂຮໂຣນ​ລຸ່ມ.

1 ຊາມູເອນ 13:18

ໝວດ​ທີ​ສອງ​ໄປ​ທາງ​ເມືອງ​ເບັດ​ໂຮໂຣນ, ແລະ​ໝວດ​ທີ​ສາມ​ໄປ​ທາງ​ຊາຍແດນ​ທີ່​ຢູ່​ຊື່​ກັບ​ຮ່ອມພູ​ເຊບົວອິມ​ແລະ​ຖິ່ນ​ແຫ້ງແລ້ງ​ກັນດານ.