ໂຢຊວຍ 15:47 - ພຣະຄຳພີສັກສິ

⁴⁷ ຍັງ​ມີ​ເມືອງ​ອາຊະໂດດ​ແລະ​ກາຊາ ພ້ອມ​ທັງ​ເມືອງເລັກ​ເມືອງນ້ອຍ​ກັບ​ໝູ່ບ້ານ​ຕ່າງໆ ໄປ​ຈົນເຖິງ​ລຳນໍ້າ​ທາງ​ຊາຍແດນ​ຂອງ​ປະເທດ​ເອຢິບ ແລະ​ທາງ​ຝັ່ງ​ທະເລ​ເມດີແຕຣາເນ.

ໂຢຊວຍ 15:47 Jak'a apnaqawi uñst'ayäwi

1 ກະສັດ 5:4

ແຕ່​ບັດນີ້ ພຣະເຈົ້າຢາເວ ພຣະເຈົ້າ​ຂອງ​ຂ້າພະເຈົ້າ​ໄດ້​ໃຫ້​ຄວາມ​ສະຫງົບສຸກ​ແກ່​ຊາຍແດນ​ຂອງ​ຂ້າພະເຈົ້າ. ຂ້າພະເຈົ້າ​ບໍ່ມີ​ສັດຕູ ແລະ​ບໍ່ມີ​ໂພຍໄພ​ໃດໆ​ມາ​ລົບກວນ.

2 ກະສັດ 18:8

ເພິ່ນ​ໄດ້​ຊະນະ​ພວກ​ຟີລິດສະຕິນ ແລະ​ປຸ້ນສະດົມ​ບ່ອນ​ຕັ້ງ​ຖິ່ນຖານ​ຂອງ​ພວກເຂົາ ເລີ່ມ​ແຕ່​ບ້ານ​ນ້ອຍໆ​ຈົນເຖິງ​ເມືອງ​ໃຫຍ່ ລວມທັງ​ເມືອງ​ກາຊາ ແລະ​ທົ່ວ​ທັງ​ເຂດແດນ​ນັ້ນ​ດ້ວຍ.

2 ຂ່າວຄາວ 26:6

ອຸດຊີຢາ​ໄດ້​ໄປ​ເຮັດ​ເສິກ​ຕໍ່ສູ້​ຊາວ​ຟີລິດສະຕິນ. ເພິ່ນ​ໄດ້​ຮື້​ກຳແພງ​ເມືອງກາດ, ຢຳນີຢາ ແລະ​ອາຊະໂດດ​ໃຫ້​ເພພັງ​ລົງ ແລະ​ໄດ້​ສ້າງ​ເມືອງ​ທີ່​ມີ​ປ້ອມ​ປ້ອງກັນ​ຂຶ້ນ​ໃນ​ເມືອງ​ຕ່າງໆ​ໃກ້​ເມືອງ​ອາຊະໂດດ ແລະ​ໃນ​ເມືອງ​ທັງຫລາຍ​ຂອງ​ດິນແດນ​ຟີລິດສະຕິນ.

ອົບພະຍົບ 23:31

ເຮົາ​ຈະ​ກຳນົດ​ເຂດແດນ​ຂອງ​ພວກເຈົ້າ​ໄວ້ ຕັ້ງແຕ່​ອ່າວ​ອາກາບາ​ຈົນເຖິງ​ທະເລ​ເມດີແຕຣາເນ ແລະ​ຕັ້ງແຕ່​ຖິ່ນ​ແຫ້ງແລ້ງ​ກັນດານ​ຊີນາຍ​ຈົນເຖິງ​ແມ່ນໍ້າ​ເອີຟຣັດ. ເຮົາ​ຈະ​ໃຫ້​ພວກເຈົ້າ​ມີ​ອຳນາດ​ເໜືອ​ປະຊາຊົນ​ຕ່າງໆ​ໃນ​ດິນແດນ ແລະ​ພວກເຈົ້າ​ຈະ​ຂັບໄລ່​ພວກເຂົາ​ອອກ​ໜີ ເມື່ອ​ພວກເຈົ້າ​ບຸກໜ້າ​ເຂົ້າ​ໄປ.

ເຢເຣມີຢາ 47:1

ກ່ອນ​ກະສັດ​ແຫ່ງ​ເອຢິບ​ໄດ້​ໂຈມຕີ​ເມືອງ​ກາຊາ ຖ້ອຍຄຳ​ຂອງ​ພຣະເຈົ້າຢາເວ​ໄດ້​ມາເຖິງ​ຂ້າພະເຈົ້າ​ກ່ຽວກັບ​ຟີລິດສະຕິນ.

ເຢເຣມີຢາ 47:5

ຄວາມ​ເສົ້າໂສກ​ໜັກ​ໄດ້​ມາ​ສູ່​ປະຊາຊົນ​ກາຊາ ປະຊາຊົນ​ອາຊະເກໂລນ​ກໍ​ພາກັນ​ມິດງຽບ. ພວກເຈົ້າ​ຜູ້​ລອດຕາຍ​ຈາກ​ພວກ​ຄົນ​ຮ່າງໃຫຍ່ ຕ່າງ​ກໍ​ຈະ​ໄວ້ທຸກ​ດົນນານ​ປານໃດ?

ເຊຟານີຢາ 2:4

ຈະ​ບໍ່ມີ​ຜູ້ໃດ​ເຫຼືອ​ຢູ່​ໃນ​ເມືອງ​ກາຊາ. ອາຊະເກໂລນ​ຈະ​ກາຍເປັນ​ເມືອງ​ຮົກຮ້າງ. ປະຊາຊົນ​ຂອງ​ເມືອງ​ອາຊະໂດດ​ຈະ​ຖືກ​ຂັບໄລ່​ໃຫ້​ອອກ​ໄປ​ໃນ​ເຄິ່ງ​ມື້ ແລະ​ຊາວ​ເອັກໂຣນ​ຈະ​ຖືກ​ຂັບໄລ່​ໃຫ້​ອອກ​ໄປ​ຈາກ​ເມືອງ​ຂອງ​ພວກເຂົາ.

ກິດຈະການ 8:26

ແລ້ວ​ເທວະດາ​ຕົນ​ໜຶ່ງ ຂອງ​ອົງພຣະ​ຜູ້​ເປັນເຈົ້າ​ໄດ້​ສັ່ງ​ຟີລິບ​ວ່າ, “ຈົ່ງ​ລຸກ​ຂຶ້ນ ຕຽມຕົວ​ໃຫ້​ພ້ອມ ແລະ​ໄປ​ທາງ​ທິດ​ໃຕ້ ຕາມ​ທາງ​ແຕ່​ນະຄອນ​ເຢຣູຊາເລັມ​ລົງ​ໄປ​ສູ່​ກາຊາ.” (ຫົນທາງ​ນີ້​ຄົນ​ບໍ່​ທຽວ​ກັນ​ແລ້ວ.)

ພຣະບັນຍັດສອງ 2:23

ສ່ວນ​ດິນແດນ​ຕາມ​ແຄມ​ຝັ່ງ​ຂອງ​ທະເລ​ເມດີແຕຣາເນ ແມ່ນ​ປະຊາຊົນ​ທີ່​ມາ​ຈາກ​ເກາະ​ກະເຣເຕ​ໄດ້​ຕັ້ງ​ຫຼັກແຫຼ່ງ​ຢູ່. ພວກເຂົາ​ໄດ້​ທຳລາຍ​ລ້າງຜານ​ຊາວ​ອາວິມ ຊາວ​ພື້ນເມືອງ ແລະ​ໄດ້​ຢຶດຄອງ​ດິນແດນ​ທັງໝົດ​ຂອງ​ພວກເຂົາ ແຕ່​ໃຕ້​ສຸດ​ຈົນ​ຮອດ​ເມືອງ​ກາຊາ.

ໂຢຊວຍ 11:22

ບໍ່ມີ​ພວກ​ອານາກີມ​ຈັກ​ຄົນ​ທີ່​ເຫຼືອ​ຢູ່​ໃນ​ດິນແດນ​ອິດສະຣາເອນ ແຕ່​ຍັງ​ມີ​ບາງຄົນ​ທີ່​ໄດ້​ເຫຼືອ​ຢູ່​ໃນ​ເມືອງ​ກາຊາ, ເມືອງກາດ ແລະ​ເມືອງ​ອາຊະໂດດ.

ໂຢຊວຍ 13:3

ແລະ​ດິນແດນ​ຂອງ​ຊາວ​ອາວິມ​ທີ່​ຢູ່​ທາງທິດໃຕ້. (ດິນແດນ​ແຕ່​ແມ່ນໍ້າ​ຊີໂຮເຣ ຕາມ​ຊາຍແດນ​ຂອງ​ປະເທດ​ເອຢິບ​ຂຶ້ນ​ໄປ​ທາງເໜືອ ຈົນເຖິງ​ເຂດແດນ​ເອັກໂຣນ​ຖື​ວ່າ​ເປັນ​ຖິ່ນ​ຂອງ​ຊາວ​ການາອານ; ບັນດາ​ຜູ້ປົກຄອງ​ຂອງ​ຊາວ​ຟີລິດສະຕິນ 5 ຄົນ ທີ່​ຢູ່​ໃນ​ເມືອງ​ກາຊາ, ເມືອງ​ອາຊະໂດດ, ເມືອງ​ອາຊະເກໂລນ, ເມືອງກາດ ແລະ​ເມືອງ​ເອັກໂຣນ).

ໂຢຊວຍ 15:4

ຂຶ້ນ​ໄປ​ທາງ​ອາຊະໂມນ ແລະ​ລຽບ​ໄປ​ຕາມ​ລຳນໍ້າ​ຂອງ​ຊາຍແດນ​ແຫ່ງ​ປະເທດ​ເອຢິບ ລົງ​ສູ່​ທະເລ​ເມດີແຕຣາເນ. ອັນນີ້​ແມ່ນ​ຊາຍແດນ​ທາງທິດໃຕ້​ຂອງ​ເຜົ່າຢູດາ.

ໂຢຊວຍ 15:46

ຕະຫລອດ​ທັງ​ເມືອງ​ຕ່າງໆ​ທັງໝົດ​ຊຶ່ງ​ຢູ່​ໃກ້​ກັບ​ອາຊະໂດດ ຕັ້ງແຕ່​ເອັກໂຣນ​ຈົນ​ໄປ​ເຖິງ​ທະເລ​ເມດີແຕຣາເນ.

ໂຢຊວຍ 15:48

ສ່ວນ​ທາງ​ເຂດ​ເນີນພູ​ນັ້ນ​ມີ​ດັ່ງນີ້: ຊາເມຍ, ຢັດຕີ, ໂສໂກ,