ໂຢຊວຍ 15:14 - ພຣະຄຳພີສັກສິ

¹⁴ ສ່ວນ​ກາເລັບ​ກໍໄດ້​ຂັບໄລ່​ເຊື້ອສາຍ​ຂອງ​ອານາກ ຄື​ຕະກຸນ​ເຊຊາຍ, ອາຮີມານ ແລະ​ຕານໄມ​ອອກ​ໄປ​ຈາກ​ເມືອງ.

ໂຢຊວຍ 15:14 Jak'a apnaqawi uñst'ayäwi

2 ຊາມູເອນ 21:16

ມີ​ຄົນ​ຮ່າງ​ໃຫຍ່​ຜູ້ໜຶ່ງ​ຊື່​ວ່າ ອີສະບີເບໂນບ​ໄດ້​ຖື​ຫອກ​ເປັນ​ທອງສຳຣິດ ໜັກ​ປະມານ​ສາມ​ກິໂລກຼາມ​ເຄິ່ງ​ທັງ​ມີ​ດາບ​ດວງ​ໃໝ່​ຄາດ​ແອວ ໂດຍ​ຄິດ​ວ່າ​ຕົນ​ຈະ​ຂ້າ​ກະສັດ​ດາວິດ​ໄດ້.

ຈົດບັນຊີ 13:33

ແລະ​ຄົນ​ຮູບຮ່າງ​ໃຫຍ່​ສູງ​ທີ່​ເປັນ​ເຊື້ອສາຍ​ຂອງ​ຊາວ​ອານາກີມ​ກໍ​ອາໄສ​ຢູ່​ໃນ​ບ່ອນນັ້ນ. ພວກເຮົາ​ເລີຍ​ເບິ່ງ​ເປັນ​ດັ່ງ​ຕັກແຕນ​ໃນ​ສາຍ​ຕາ​ຂອງ​ຄົນ​ເຫຼົ່ານັ້ນ.”

ພຣະບັນຍັດສອງ 9:2

ປະຊາຊົນ​ມີ​ຕົວ​ສູງ​ແລະ​ແຂງແຮງ ພວກເຂົາ​ມີ​ຮູບຮ່າງ​ໃຫຍ່​ເປັນ​ລູກຫຼານ​ຂອງ​ພວກ​ອານາກີມ ແລະ​ພວກເຈົ້າ​ກໍ​ໄດ້​ຍິນ​ມາ​ແລ້ວ​ວ່າ ບໍ່ມີ​ຜູ້ໃດ​ຕໍ່ສູ້​ກັບ​ພວກເຂົາ​ໄດ້​ນັ້ນ.

ໂຢຊວຍ 11:21

ໃນ​ເທື່ອ​ນີ້ ໂຢຊວຍ​ໄດ້​ຍົກທັບ​ອອກ​ໄປ​ທຳລາຍ​ຄົນ​ຮ່າງ​ໃຫຍ່​ພວກ​ໜຶ່ງ ຊື່​ວ່າ ອານາກີມ. ຄົນ​ພວກ​ນີ້​ໄດ້​ອາໄສ​ຢູ່​ຕາມ​ເນີນພູ​ຕ່າງໆ ດັ່ງນີ້: ເຮັບໂຣນ, ເດບີ, ອານາບ, ແລະ​ຕາມ​ເນີນພູ​ທັງໝົດ​ຂອງ​ຢູດາ​ແລະ​ເນີນພູ​ທັງໝົດ​ຂອງ​ອິດສະຣາເອນ. ໂຢຊວຍ​ໄດ້​ທຳລາຍ​ພວກເຂົາ​ແລະ​ເມືອງ​ຂອງ​ພວກເຂົາ​ຈົນກ້ຽງ.

ໂຢຊວຍ 11:22

ບໍ່ມີ​ພວກ​ອານາກີມ​ຈັກ​ຄົນ​ທີ່​ເຫຼືອ​ຢູ່​ໃນ​ດິນແດນ​ອິດສະຣາເອນ ແຕ່​ຍັງ​ມີ​ບາງຄົນ​ທີ່​ໄດ້​ເຫຼືອ​ຢູ່​ໃນ​ເມືອງ​ກາຊາ, ເມືອງກາດ ແລະ​ເມືອງ​ອາຊະໂດດ.

ພວກ^ຜູ້ປົກຄອງ 1:10

ພວກເຂົາ​ໄດ້​ຍົກທັບ​ອອກ​ໄປ​ສູ້ຮົບ​ພວກ​ການາອານ​ຢູ່​ໃນ​ເມືອງ​ເຮັບໂຣນ ຊຶ່ງ​ແຕ່​ກ່ອນ​ມີ​ຊື່​ວ່າ ກີຣິອາດ​ອາກບາ. ຢູ່​ທີ່​ນັ້ນ ພວກເຂົາ​ໄດ້​ເອົາ​ຊະນະ​ຕະກຸນ​ຕ່າງໆ​ຂອງ​ເຊຊາຍ, ອາຮີມານ ແລະ​ຕານໄມ.

ພວກ^ຜູ້ປົກຄອງ 1:20

ກາເລັບ​ໄດ້​ຮັບ​ເມືອງ​ເຮັບໂຣນ​ເປັນ​ກຳມະສິດ​ຕາມ​ຄຳສັ່ງ​ຂອງ​ໂມເຊ. ສະນັ້ນ ກາເລັບ​ຈຶ່ງ​ຂັບໄລ່​ເຊື້ອສາຍ​ຂອງ​ອານາກ​ທັງ​ສາມ​ຕະກຸນ ອອກ​ໄປ​ຈາກ​ເມືອງ​ນີ້.