ໂຢຊວຍ 15:12 - ພຣະຄຳພີສັກສິ

¹² ຊຶ່ງ​ເປັນ​ຊາຍແດນ​ທາງທິດ​ຕາເວັນຕົກ. ລະຫວ່າງ​ຊາຍແດນ​ເຫຼົ່ານີ້​ແມ່ນ​ຄອບຄົວ​ຕ່າງໆ​ໃນ​ເຜົ່າ​ຢູດາ​ອາໄສ​ຢູ່.

ໂຢຊວຍ 15:12 Jak'a apnaqawi uñst'ayäwi

ເອເຊກຽນ 47:20

ຊາຍແດນ​ທາງ​ທິດ​ຕາເວັນຕົກ​ປະກອບ​ດ້ວຍ ທະເລ​ເມດີແຕຣາເນ​ໄປ​ສູ່​ພາກ​ເໜືອ ເຖິງ​ຈຸດ​ໜຶ່ງ​ຢູ່​ທາງ​ຕາເວັນ​ຕົກ​ຂອງ​ຊ່ອງແຄບ​ຮາມັດ.

ພຣະບັນຍັດສອງ 11:24

ດິນ​ທຸກໆ​ບ່ອນ​ທີ່​ພວກເຈົ້າ​ຍ່າງ​ຢຽບ​ໄປ​ຈະ​ເປັນ​ຂອງ​ພວກເຈົ້າ. ເຂດແດນ​ຂອງ​ພວກເຈົ້າ​ຈະ​ຢຽດ​ອອກ ຕັ້ງແຕ່​ຖິ່ນ​ແຫ້ງແລ້ງ​ກັນດານ​ໃນ​ທິດໃຕ້ ຈົນ​ຮອດ​ພູ​ເລບານອນ​ໃນ​ທິດເໜືອ ແລະ​ຕັ້ງແຕ່​ແມ່ນໍ້າ​ເອີຟຣັດ​ທາງທິດ​ຕາເວັນອອກ ຈົນເຖິງ​ທະເລ​ເມດີແຕຣາເນ​ໃນ​ທິດ​ຕາເວັນຕົກ.

ໂຢຊວຍ 15:11

ແລ້ວ​ຊາຍແດນ​ນັ້ນ​ກໍໄດ້​ຍາວ​ອອກ​ໄປ ຈົນເຖິງ​ເນີນພູ​ດ້ານ​ເໜືອ​ຂອງ​ເມືອງ​ເອັກໂຣນ ລ້ຽວ​ໄປ​ທາງ​ຊິກເກໂຣນ, ຜ່ານ​ພູ​ບາອາລາ ແລະ​ໄປ​ຈົນເຖິງ​ຢຳນີຢາ. ເຂດແດນ​ນີ້​ເລີຍ​ໄປ​ສຸດ​ລົງ​ທີ່​ທະເລ​ເມດີແຕຣາເນ

ໂຢຊວຍ 15:47

ຍັງ​ມີ​ເມືອງ​ອາຊະໂດດ​ແລະ​ກາຊາ ພ້ອມ​ທັງ​ເມືອງເລັກ​ເມືອງນ້ອຍ​ກັບ​ໝູ່ບ້ານ​ຕ່າງໆ ໄປ​ຈົນເຖິງ​ລຳນໍ້າ​ທາງ​ຊາຍແດນ​ຂອງ​ປະເທດ​ເອຢິບ ແລະ​ທາງ​ຝັ່ງ​ທະເລ​ເມດີແຕຣາເນ.

ໂຢຊວຍ 18:5

ດິນແດນ​ນີ້​ຈະ​ຕ້ອງ​ແບ່ງ​ອອກ​ເປັນ​ເຈັດ​ສ່ວນ​ໃຫ້​ພວກເຂົາ​ຄື: ເຜົ່າຢູດາ​ໃຫ້​ຢູ່​ໃນ​ດິນແດນ​ຂອງ​ພວກເຂົາ​ທາງທິດໃຕ້ ແລະ​ເຜົ່າ​ໂຢເຊັບ​ໃຫ້​ຢູ່​ໃນ​ດິນແດນ​ຂອງ​ພວກເຂົາ​ທາງທິດເໜືອ.