ໂຢຊວຍ 15:1 - ພຣະຄຳພີສັກສິ

¹ ຄອບຄົວ​ຕ່າງໆ​ໃນ​ເຜົ່າ​ຢູດາ​ໄດ້​ຮັບ​ສ່ວນ​ໜຶ່ງ​ຂອງ​ດິນແດນ​ມີ​ດັ່ງນີ້: ດິນແດນ​ທາງທິດໃຕ້​ໄປ​ຈົນເຖິງ​ໃຕ້​ສຸດ​ຮອດ​ຖິ່ນ​ແຫ້ງແລ້ງ​ກັນດານ​ຊິນ ທີ່​ຊາຍແດນ​ຂອງ​ດິນແດນ​ເອໂດມ.

ໂຢຊວຍ 15:1 Jak'a apnaqawi uñst'ayäwi

ປະຖົມມະການ 35:23

ລູກຊາຍ​ທີ່​ເກີດ​ຈາກ​ນາງ​ເລອາ ມີ​ດັ່ງນີ້: ຣູເບັນ​ຜູ້​ເປັນ​ອ້າຍກົກ, ຊີເມໂອນ, ເລວີ, ຢູດາ, ອິດຊາຄາ ແລະ​ເຊບູໂລນ.

1 ກະສັດ 8:65

ທີ່​ພຣະວິຫານ ກະສັດ​ໂຊໂລໂມນ​ແລະ​ປະຊາຊົນ​ອິດສະຣາເອນ​ທັງໝົດ ໄດ້​ສະເຫລີມ​ສະຫລອງ​ເທດສະການ​ປຸກຕູບຢູ່​ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ເປັນ​ເວລາ​ເຈັດ​ວັນ. ປະຊາຊົນ​ຈຳນວນ​ຫລວງຫລາຍ​ໄດ້​ມາ​ຮ່ວມ​ນຳ ຄື​ມາ​ແຕ່​ທາງ​ເໜືອສຸດ​ຂອງ​ຊ່ອງແຄບ​ຮາມັດ ແລະ​ເຂດແດນ​ທາງໃຕ້​ຂອງ​ປະເທດ​ເອຢິບ.

ເອເຊກຽນ 47:19

ຊາຍແດນ​ດ້ານ​ໃຕ້ ນັບ​ຈາກ​ທິດ​ຕາເວັນອອກ​ສ່ຽງໃຕ້​ຂອງ​ຕາມາ ເຖິງ​ນໍ້າພຸ​ກາເດັດ​ເມຣີບາ ແມ່ນ​ໄປ​ທາງ​ທິດ​ຕາເວັນຕົກ​ສ່ຽງເໜືອ ລຽບຕາມ​ຊາຍແດນ​ປະເທດ​ເອຢິບ​ຈົນເຖິງ​ທະເລ​ເມດີແຕຣາເນ.

ຈົດບັນຊີ 20:16

ແລະ​ພວກ​ຂ້າພະເຈົ້າ​ກໍໄດ້​ຮ້ອງ​ຂໍ​ຕໍ່​ພຣະເຈົ້າຢາເວ​ໃຫ້​ຊ່ວຍເຫລືອ. ພຣະອົງ​ໄດ້ຍິນ​ຄຳ​ຮ້ອງໄຫ້​ຂອງ​ພວກ​ຂ້າພະເຈົ້າ ຈຶ່ງ​ສົ່ງ​ເທວະດາ​ຕົນ​ໜຶ່ງ​ນຳພາ​ພວກ​ຂ້າພະເຈົ້າ​ອອກ​ມາ​ຈາກ​ປະເທດ​ເອຢິບ. ໃນ​ເວລານີ້ ພວກ​ຂ້າພະເຈົ້າ​ພັກ​ຢູ່​ທີ່​ກາເດັດ ເມືອງ​ທີ່​ຢູ່​ໃກ້​ກັບ​ເຂດແດນ​ຂອງທ່ານ​ນີ້ເອງ.

ມາຣະໂກ 3:8

ຈາກ​ນະຄອນ​ເຢຣູຊາເລັມ, ຈາກ​ເຂດແດນ​ອີດູມາຍ, ຈາກ​ເຂດແດນ​ຟາກ​ຕາເວັນອອກ​ຂອງ​ແມ່ນໍ້າ​ຈໍແດນ ແລະ​ຂົງເຂດ​ອ້ອມແອ້ມ​ເມືອງ​ຕີເຣ​ແລະ​ຊີໂດນ ປະຊາຊົນ​ໝູ່ໃຫຍ່​ນີ້​ໄດ້​ມາ​ຫາ​ພຣະເຢຊູເຈົ້າ ເພາະ​ພວກເຂົາ​ໄດ້ຍິນ​ເຖິງ​ສິ່ງ​ທີ່​ພຣະອົງ​ໄດ້​ກະທຳ.

ພຣະບັນຍັດສອງ 32:51

ເພາະ​ເຈົ້າ​ທັງສອງ​ບໍ່​ສັດຊື່​ຕໍ່​ເຮົາ​ຕໍ່ໜ້າ​ປະຊາຊົນ​ອິດສະຣາເອນ. ຄາວ​ຢູ່​ທີ່​ແມ່ນໍ້າ​ເມຣີບາ ໃກ້​ກັບ​ເມືອງ​ກາເດັດ​ໃນ​ຖິ່ນ​ແຫ້ງແລ້ງ​ກັນດານ​ຊິນ​ນັ້ນ ພວກເຈົ້າ​ຫລົບລູ່​ກຽດ​ຂອງເຮົາ​ໃນ​ທ່າມກາງ​ປະຊາຊົນ​ອິດສາຣະເອນ.

ໂຢຊວຍ 14:2

ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ ເຂດແດນ​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ​ທີ່​ຖືກ​ມອບ​ໃຫ້​ເກົ້າ​ເຜົ່າ​ເຄິ່ງ​ນັ້ນ ໃຫ້​ພວກເຂົາ​ກຳນົດ​ເອົາ​ໂດຍ​ການ​ໃຊ້​ສະຫລາກ.

ໂຢຊວຍ 15:2

ດິນແດນ​ທາງທິດໃຕ້​ນີ້​ເລີ່ມ​ແຕ່​ທາງ​ໃຕ້​ສຸດ​ຂອງ​ທະເລຕາຍ

ໂຢຊວຍ 18:5

ດິນແດນ​ນີ້​ຈະ​ຕ້ອງ​ແບ່ງ​ອອກ​ເປັນ​ເຈັດ​ສ່ວນ​ໃຫ້​ພວກເຂົາ​ຄື: ເຜົ່າຢູດາ​ໃຫ້​ຢູ່​ໃນ​ດິນແດນ​ຂອງ​ພວກເຂົາ​ທາງທິດໃຕ້ ແລະ​ເຜົ່າ​ໂຢເຊັບ​ໃຫ້​ຢູ່​ໃນ​ດິນແດນ​ຂອງ​ພວກເຂົາ​ທາງທິດເໜືອ.