ໂຢຊວຍ 14:11 - ພຣະຄຳພີສັກສິ

¹¹ ແລະ​ຍັງ​ແຂງແຮງ​ຢູ່ ດັ່ງ​ຄາວ​ທີ່​ໂມເຊ​ໄດ້​ໃຊ້​ຂ້າພະເຈົ້າ​ອອກ​ໄປ​ນັ້ນ. ຂ້າພະເຈົ້າ​ຍັງ​ມີ​ແຮງ​ພຽງພໍ​ໃນ​ການ​ສູ້ຮົບ​ແລະ​ໃນ​ວຽກງານ​ອື່ນໆ.

ໂຢຊວຍ 14:11 Jak'a apnaqawi uñst'ayäwi

ເພງ^ສັນລະເສີນ 103:5

ພຣະອົງ​ເຮັດ​ໃຫ້​ຊີວິດ​ຂອງ​ຂ້ານ້ອຍ ເຕັມ​ດ້ວຍ​ສິ່ງ​ທີ່​ດີ ໃຫ້​ຂ້ານ້ອຍ​ໜຸ່ມແໜ້ນ​ແຂງແຮງ​ດັ່ງ​ນົກອິນຊີ​ນັ້ນ.

ເພງ^ສັນລະເສີນ 90:10

ພວກ​ຂ້ານ້ອຍ​ມີ​ຊີວິດ​ຢູ່​ພຽງແຕ່​ເຈັດສິບ​ປີ ອາດຮອດ​ແປດສິບ​ປີ​ຖ້າ​ມີ​ເຫື່ອແຮງ​ຢູ່ ແຕ່​ຊ່ວງ​ໄລຍະ​ອາຍຸ​ນັ້ນ​ກໍ​ພົບ​ຄວາມ​ລຳບາກ ແລະ​ເຮັດ​ໃຫ້​ລະທົມ​ທຸກໃຈ ໃນບໍ່ຊ້າ​ຊີວິດ​ຈະ​ຈົບ​ລົງ​ແລະ​ຕາຍໄປ​ເທົ່ານັ້ນ.

ເອຊາຢາ 40:31

ແຕ່​ພວກ​ທີ່​ລໍຄອຍ​ໄວ້ວາງໃຈ​ໃນ​ພຣະເຈົ້າຢາເວ ຈະ​ໄດ້​ຮັບ​ການ​ເສີມກຳລັງ​ເຮື່ອແຮງ​ຂຶ້ນ​ໃໝ່ ພວກເຂົາ​ຈະ​ບິນ​ຂຶ້ນ​ດ້ວຍ​ປິກ​ດັ່ງ​ນົກອິນຊີ​ບິນ​ໄປ; ພວກເຂົາ​ຈະ​ແລ່ນ​ໄດ້​ແລະ​ບໍ່​ອິດເມື່ອຍ​ອ່ອນແຮງ, ພວກເຂົາ​ຈະ​ຍ່າງ​ໄປ ແລະ​ບໍ່​ອ່ອນເພຍ​ລົງ​ອີກ.

ພຣະບັນຍັດສອງ 31:2

ແລະ​ກ່າວ​ວ່າ, “ດຽວ​ນີ້​ອາຍຸ​ຂອງ​ຂ້າພະເຈົ້າ​ກໍໄດ້ 120 ປີ​ແລ້ວ ແລະ​ຂ້າພະເຈົ້າ​ຈະ​ເປັນ​ຜູ້ນຳ​ຂອງ​ພວກເຈົ້າ​ຕໍ່ໄປ​ອີກ​ບໍ່ໄດ້. ນອກຈາກນີ້​ອີກ ພຣະເຈົ້າຢາເວ​ໄດ້​ບອກ​ຂ້າພະເຈົ້າ​ວ່າ ຂ້າພະເຈົ້າ​ຈະ​ບໍ່ໄດ້​ຂ້າມ​ແມ່ນໍ້າ​ຈໍແດນ​ໄປ.

ພຣະບັນຍັດສອງ 33:25

ຂໍ​ໃຫ້​ເມືອງ​ມີ​ປະຕູ​ເຫຼັກ​ປ້ອງກັນ​ໄພ​ໃຫ້​ແຂງແກ່ນ ຂໍ​ໃຫ້​ມີ​ແຮງ​ຊຸກຍູ້​ຊີວິດ​ເຈົ້າ​ໃຫ້​ປອດໄພ​ຕະຫລອດ.”

ພຣະບັນຍັດສອງ 34:7

ເມື່ອ​ໂມເຊ​ຕາຍ​ນັ້ນ ເພິ່ນ​ມີ​ອາຍຸ​ໄດ້ 120 ປີ ທັງ​ຍັງ​ແຂງແຮງ​ດີ ແລະ​ຕາ​ກໍ​ຍັງ​ເຫັນ​ຮຸ່ງ​ຢູ່.

ໂຢຊວຍ 14:10

ແຕ່​ດຽວ​ນີ້​ເບິ່ງແມ! ນັບ​ຕັ້ງແຕ່​ຄາວ​ທີ່​ພຣະເຈົ້າຢາເວ ພຣະເຈົ້າ​ຂອງ​ຂ້າພະເຈົ້າ​ໄດ້​ກ່າວ​ແກ່​ໂມເຊ ກໍ​ເປັນ​ເວລາ​ສີ່ສິບຫ້າ​ປີ​ແລ້ວ. ນັ້ນ​ແມ່ນ​ຄາວ​ທີ່​ຊາວ​ອິດສະຣາເອນ​ໄດ້​ເດີນທາງ​ຜ່ານ​ຖິ່ນ​ແຫ້ງແລ້ງ​ກັນດານ ແລະ​ພຣະເຈົ້າຢາເວ​ກໍໄດ້​ໃຫ້​ຂ້າພະເຈົ້າ​ມີ​ຊີວິດ​ຕະຫລອດ​ມາ ຕາມ​ທີ່​ພຣະອົງ​ໄດ້​ສັນຍາ​ໄວ້. ເບິ່ງດູ ດຽວ​ນີ້​ຂ້າພະເຈົ້າ​ມີ​ອາຍຸ​ແປດສິບຫ້າ​ປີ​ແລ້ວ