ໂຢຊວຍ 13:9 - ພຣະຄຳພີສັກສິ

⁹ ເຂດແດນ​ຂອງ​ພວກເຂົາ​ຍາວ​ອອກ​ໄປ​ຈົນເຖິງ​ເມືອງ​ອາໂຣເອ (ແຄມ​ຮ່ອມພູ​ອາກໂນນ) ແລະ​ເມືອງ​ທີ່​ຢູ່​ທາງ​ກາງ​ຮ່ອມພູ ຕະຫລອດ​ທັງ​ພູພຽງ​ຂອງ​ເມືອງ​ເມເດບາ​ໄປ​ຈົນເຖິງ​ເມືອງ​ດີໂບນ.

ໂຢຊວຍ 13:9 Jak'a apnaqawi uñst'ayäwi

2 ຊາມູເອນ 24:5

ພວກເຂົາ​ຂ້າມ​ແມ່ນໍ້າ​ຈໍແດນ​ໄປ​ຕັ້ງ​ຄ້າຍ​ຢູ່​ທາງທິດໃຕ້​ຂອງ​ອາໂຣເອ ຊຶ່ງ​ເປັນ​ເມືອງ​ໜຶ່ງ​ທີ່​ຢູ່​ກາງ​ຮ່ອມພູ​ໃນ​ເຂດແດນ​ຂອງ​ເຜົ່າກາດ. ຈາກ​ບ່ອນ​ນີ້ ພວກເຂົາ​ກໍ​ອອກ​ໄປ​ທາງທິດເໜືອ​ຈົນເຖິງ​ເມືອງ​ຢາເຊ

1 ຂ່າວຄາວ 19:7

ລົດຮົບ​ສາມສິບສອງພັນ​ຄັນ ທີ່​ຖືກ​ຈ້າງ​ມາ ແລະ​ກອງທັບ​ຂອງ​ກະສັດ​ມາອາກາ ໄດ້​ຕັ້ງ​ຄ້າຍ​ຢູ່​ໃກ້​ເມືອງ​ເມເດບາ. ແລ້ວ​ຊາວ​ອຳໂມນ​ກໍໄດ້​ອອກ​ມາ​ຈາກ​ເມືອງຕ່າງໆ​ຂອງ​ພວກເຂົາ ເພື່ອ​ຕຽມ​ສູ້ຮົບ.

ເນເຫມີຢາ 11:25

ປະຊາຊົນ​ສ່ວນ​ຫລາຍ​ແມ່ນ​ໄດ້​ອາໄສ​ຢູ່​ໃນ​ເມືອງນ້ອຍ ໃກ້​ກັບ​ໄຮ່​ນາ​ຂອງ​ພວກເຂົາ. ພວກ​ທີ່​ເປັນ​ຄົນ​ໃນ​ເຜົ່າ​ຂອງ​ຢູດາ​ໄດ້​ອາໄສ​ຢູ່​ໃນ​ເມືອງ​ກີຣິອາດ​ອາກບາ, ດີໂບນ ແລະ​ເຢກັບເຊເອນ ແລະ​ໃນ​ໝູ່ບ້ານ​ຕ່າງໆ​ທີ່​ໃກ້ຄຽງ​ກັບ​ເມືອງ​ເຫຼົ່ານັ້ນ.

ເອຊາຢາ 15:2

ປະຊາຊົນ​ແຫ່ງ​ດີໂບນ ປີນຂຶ້ນ​ສູ່​ເທິງ​ພູ​ເພື່ອ​ໄປ​ຮ້ອງໄຫ້​ໃນ​ບ່ອນ​ທີ່​ມີ​ຮູບເຄົາຣົບ. ປະຊາຊົນ​ແຫ່ງ​ໂມອາບ​ຄໍ່າຄວນ​ດ້ວຍ​ຄວາມ​ໂສກເສົ້າ​ໃຫ້​ເມືອງ​ເນໂບ​ແລະ​ເມືອງ​ເມເດບາ; ພວກເຂົາ​ໄດ້​ແຖ​ຫົວ​ແລະ​ແຖ​ໜວດ​ເພື່ອ​ສະແດງ​ຄວາມ​ໂສກເສົ້າ.

ເຢເຣມີຢາ 48:18

ພວກເຈົ້າ​ຜູ້​ທີ່​ອາໄສ​ຢູ່​ໃນ​ເມືອງ​ດີໂບນ​ເອີຍ ລົງ​ຈາກ​ຕຳແໜ່ງ​ສູງ​ຂອງ​ພວກເຈົ້າ​ສາ​ເທາະ ແລະ​ລົງ​ມາ​ນັ່ງ​ໃນ​ຂີ້ຝຸ່ນ​ເທິງ​ພື້ນດິນ​ສາ ຜູ້​ທຳລາຍ​ໄດ້​ມາ ແລະ​ປ້ອມ​ຖືກ​ເພພັງ​ແລ້ວ.

ເຢເຣມີຢາ 48:22

ດີໂບນ, ເນໂບ, ເບັດດິບລາທາອິມ,

ເຢເຣມີຢາ 48:8

ບໍ່ມີ​ແມ່ນແຕ່​ເມືອງ​ໜຶ່ງ​ຈະ​ຫວິດ​ອັນຕະລາຍ ບໍ່ມີ​ເມືອງໃດ​ຈະ​ພົ້ນ​ຖືກ​ທຳລາຍ​ໄດ້. ຮ່ອມພູ ແລະ​ທົ່ງພຽງ​ຈະ​ຖືກ​ຮົກຮ້າງ​ຫວ່າງເປົ່າ ຕາມທີ່​ພຣະເຈົ້າຢາເວ​ໄດ້​ກ່າວ​ໄວ້.

ຈົດບັນຊີ 21:30

ແຕ່​ບັດນີ້ ລູກຫລານ​ຂອງ​ພວກເຂົາ​ນັ້ນ ຊໍ້າ​ຖືກ​ທຳລາຍ​ຖິ້ມ​ໝົດ; ຕາຍ​ຢາຍ​ກັນ​ຕາມ​ທາງ ແຕ່​ເຮັດຊະໂບນ​ເຖິງ​ດີໂບນ​ພຸ້ນ. ຕາຍ​ແຕ່​ນາຊິມ​ດ້ວຍ ຈົນເຖິງ​ເມືອງ​ໂນຟາ​ແດ່; ຄື​ບ່ອນ​ທີ່​ຢູ່​ໃກ້ ກັບ​ເຂດ​ເມເດບາ”.

ພຣະບັນຍັດສອງ 2:36

ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ໄດ້​ໃຫ້​ພວກເຮົາ​ຢຶດເອົາ​ເມືອງ​ຕ່າງໆ ຕັ້ງແຕ່​ອາໂຣເອ​ໄປ ດັ່ງນີ້: ເມືອງ​ແຄມ​ຮ່ອມພູ​ອາກໂນນ ແລະ​ເມືອງ​ທີ່​ຢູ່​ທາງ​ກາງ​ຮ່ອມພູ, ຕະຫລອດ​ທຸກ​ເມືອງ​ທີ່​ຢູ່​ຕາມ​ທາງ​ໄປ​ສູ່​ເຂດແດນ​ກີເລອາດ. ບໍ່ມີ​ເມືອງ​ໃດ​ທີ່​ມີ​ກຳແພງ​ແໜ້ນໜາ ພໍ​ທີ່​ພວກເຮົາ​ຈະ​ຢຶດເອົາ​ບໍ່ໄດ້.

ພຣະບັນຍັດສອງ 3:12

“ເມື່ອ​ພວກເຮົາ​ຢຶດເອົາ​ດິນແດນ​ມາ​ເປັນ​ກຳມະສິດ​ນັ້ນ ຂ້າພະເຈົ້າ​ໄດ້​ມອບ​ໃຫ້​ເຜົ່າ​ຣູເບັນ​ແລະ​ກາດ ເຂດແດນ​ທາງທິດເໜືອ​ຂອງ​ເມືອງ​ອາໂຣເອ​ໃກ້​ກັບ​ແມ່ນໍ້າ​ອາກໂນນ ແລະ​ເຄິ່ງ​ໜຶ່ງ​ຂອງ​ເຂດ​ເນີນພູ​ກີເລອາດ​ພ້ອມ​ກັບ​ເມືອງເລັກ​ເມືອງນ້ອຍ​ຕ່າງໆ.

ພຣະບັນຍັດສອງ 3:16

ສ່ວນ​ເຜົ່າ​ຣູເບັນ​ແລະ​ເຜົ່າ​ກາດ​ນັ້ນ ຂ້າພະເຈົ້າ​ໄດ້​ມອບ​ເຂດແດນ​ຕັ້ງແຕ່​ກີເລອາດ​ຈົນເຖິງ​ແມ່ນໍ້າ​ອາກໂນນ. ທາງ​ກາງ​ແມ່ນໍ້າ​ນີ້ ໃຊ້​ເປັນ​ຊາຍແດນ​ຕອນ​ໃຕ້​ຂອງ​ພວກເຂົາ ແລະ​ຊາຍແດນ​ຕອນເໜືອ​ແມ່ນ​ແມ່ນໍ້າ​ຢັບໂບກ ຊຶ່ງ​ສ່ວນ​ໜຶ່ງ​ເປັນ​ຊາຍແດນ​ຂອງ​ພວກ​ອຳໂມນ.

ໂຢຊວຍ 12:2

ຄົນ​ທີ​ໜຶ່ງ​ຄື​ເຈົ້າ​ສີໂຫນ​ຜູ້​ເປັນ​ກະສັດ​ຂອງ​ຊາວ​ອາໂມ ທີ່​ປົກຄອງ​ເມືອງ​ເຮັດຊະໂບນ. ອານາຈັກ​ຂອງ​ເພິ່ນ​ນັ້ນ​ໄດ້​ລວມເອົາ​ເຄິ່ງ​ໜຶ່ງ​ຂອງ​ກີເລອາດ​ຄື: ຈາກ​ອາໂຣເອ (ຕາມ​ແຄມ​ຮ່ອມພູ​ອາກໂນນ) ແລະ​ຈາກ​ເມືອງ​ຢູ່​ໃນ ກາງ​ຮ່ອມພູ​ອາກໂນນ​ຈົນເຖິງ​ແມ່ນໍ້າ​ຢັບໂບກ ເຂດແດນ​ຂອງ​ຊາວ​ອຳໂມນ

ໂຢຊວຍ 13:10

ດິນແດນ​ນີ້​ໄດ້​ເລີຍ​ໄປ​ຈົນເຖິງ​ຊາຍແດນ​ຂອງ​ເມືອງ​ອຳໂມນ ແລະ​ລວມທັງ​ເມືອງ​ຕ່າງໆ​ທີ່​ຂຶ້ນ​ກັບ​ເຈົ້າ​ສີໂຫນ ກະສັດ​ຂອງ​ຊາວ​ອາໂມ​ຜູ້​ໄດ້​ປົກຄອງ​ຢູ່​ທີ່​ເມືອງ​ເຮັດຊະໂບນ.

ໂຢຊວຍ 13:16

ເຂດແດນ​ຂອງ​ພວກເຂົາ​ຍາວ​ອອກ​ໄປ​ຈົນເຖິງ​ເມືອງ​ອາໂຣເອ (ຢູ່​ທີ່​ແຄມ​ຮ່ອມພູ​ອາກໂນນ) ແລະ​ໄປ​ຈົນເຖິງ​ເມືອງ​ທີ່​ຢູ່​ກາງ​ຮ່ອມພູ​ຕະຫລອດ​ທັງ​ພູພຽງ​ທັງໝົດ ທີ່​ຢູ່​ອ້ອມແອ້ມ​ເມືອງ​ເມເດບາ.

ໂຢຊວຍ 13:8

ສ່ວນ​ເຜົ່າ​ຣູເບັນ, ເຜົ່າກາດ ແລະ​ເຜົ່າ​ມານາເຊ​ເຄິ່ງເຜົ່າ​ໄດ້​ຮັບ​ດິນແດນ ທີ່​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ແບ່ງປັນ​ໃຫ້. ດິນແດນ​ເຫຼົ່ານີ້​ຢູ່​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ.