ໂຢຊວຍ 13:27 - ພຣະຄຳພີສັກສິ

²⁷ ສ່ວນ​ທີ່​ຢູ່​ໃນ​ຮ່ອມພູ​ຈໍແດນ​ນັ້ນ​ມີ​ດັ່ງນີ້: ເບັດ​ຮາຣາມ, ເບັດ​ນີມຣາ, ຊຸກໂກດ ແລະ​ຊາໂຟນ ແລະ​ອານາຈັກ​ສ່ວນ​ທີ່​ເຫຼືອ​ຂອງ​ເຈົ້າສີໂຫນ​ກະສັດ​ແຫ່ງ​ເຮັດຊະໂບນ. ສ່ວນ​ເຂດແດນ​ຂອງ​ພວກເຂົາ​ທາງ​ດ້ານ​ຕາເວັນຕົກ​ນັ້ນ ແມ່ນ​ແມ່ນໍ້າ​ຈໍແດນ​ເລີຍ​ໄປ​ທາງທິດເໜືອ​ຈົນເຖິງ​ທະເລສາບ​ຄາລີເລ.

ໂຢຊວຍ 13:27 Jak'a apnaqawi uñst'ayäwi

ປະຖົມມະການ 33:17

ສ່ວນ​ຢາໂຄບ​ນັ້ນ ໄດ້​ເດີນທາງ​ໄປ​ເຖິງ​ເມືອງ​ຊຸກໂກດ ແລະ​ສ້າງ​ເຮືອນ​ຫລັງ​ໜຶ່ງ​ສຳລັບ​ຄອບຄົວ​ຂອງຕົນ ແລະ​ສ້າງ​ຄອກ​ສຳລັບ​ຝູງສັດ. ດ້ວຍເຫດນີ້​ບ່ອນ​ນັ້ນ​ຈຶ່ງ​ມີ​ຊື່​ວ່າ ຊຸກໂກດ.

1 ກະສັດ 7:46

ກະສັດ​ໄດ້​ສັ່ງ​ໃຫ້​ເຮັດ​ສິ່ງ​ເຫຼົ່ານີ້​ທີ່​ໂຮງ​ຫລອມ ຢູ່​ລະຫວ່າງ​ເມືອງ​ຊຸກໂກດ ແລະ​ເມືອງ​ຊາເຣທານ​ໃນ​ຮ່ອມພູ​ຈໍແດນ.

ເພງ^ສັນລະເສີນ 60:6

ຈາກ​ພຣະວິຫານ​ນັ້ນ ພຣະເຈົ້າ ໄດ້​ກ່າວ​ວ່າ, “ໃນ​ຄວາມມີໄຊ ເຮົາ​ຈະ​ແຍກ​ເອົາ​ຊີເຄມ​ໄວ້ ແບ່ງ​ຮ່ອມພູ​ຊຸກໂກດ​ໃຫ້​ປະຊາຊົນ​ຂອງເຮົາ ກີເລອາດ​ເປັນ​ຂອງເຮົາ​ທັງ​ເຜົ່າ​ມານາເຊ​ດ້ວຍ ເຜົ່າ​ເອຟຣາອິມ​ຄື​ໝວກ​ປ້ອງກັນ​ຫົວ​ເຮົາ ແລະ​ເຜົ່າຢູດາ​ຄື​ຕະບອງ​ແຫ່ງ​ຣາຊອຳນາດ.

ຈົດບັນຊີ 32:3

“ດິນແດນ​ສ່ວນ​ທີ່​ພຣະເຈົ້າຢາເວ​ໄດ້​ຢຶດເອົາ​ສຳລັບ​ປະຊາຊົນ​ອິດສະຣາເອນ​ເຊັ່ນ: ເມືອງ​ອາຕາໂຣດ, ດີໂບນ, ຢາເຊ, ນີມຣາ, ເຮັດຊະໂບນ, ເອເລອາເລ, ສິບມາ, ເນໂບ ແລະ​ເບໂອນ ເປັນ​ດິນ​ດີ​ຊຶ່ງ​ເໝາະ​ສຳລັບ​ລ້ຽງ​ສັດ ແລະ​ພວກ​ຄົນ​ຮັບໃຊ້​ຂອງທ່ານ​ກໍ​ມີ​ຝູງສັດ​ຫລາຍ.

ຈົດບັນຊີ 32:36

ເບັດ​ນີມຣາ ແລະ​ເບັດ​ຮາຣານ.

ຈົດບັນຊີ 34:11

ຕໍ່ຈາກນັ້ນ ຈະ​ເລີຍ​ລົງ​ໄປ​ທາງໃຕ້​ເຖິງ​ຣິບລາ ທາງ​ຕາເວັນອອກ​ຂອງ​ອາອິນ ແລະ​ຂຶ້ນ​ສູ່​ເນີນພູ​ທາງທິດ​ຕາເວັນອອກ​ຂອງ​ຝັ່ງ​ທະເລສາບ​ຄາລິເລ

ລູກາ 5:1

ວັນ​ໜຶ່ງ ຂະນະທີ່​ພຣະເຢຊູເຈົ້າ​ຢືນ​ຢູ່​ທີ່​ແຄມ​ທະເລສາບ​ເຄັນເນຊາເຣັດ ປະຊາຊົນ​ກໍ​ບຸບຽດ​ກັນ​ເຂົ້າ​ມາ​ຫາ​ພຣະອົງ ເພື່ອ​ຟັງ​ພຣະທຳ​ຂອງ​ພຣະເຈົ້າ.

ພຣະບັນຍັດສອງ 3:17

ທາງທິດ​ຕາເວັນຕົກ ເຂດແດນ​ຂອງ​ພວກເຂົາ​ຍາວ​ອອກ​ໄປ​ຮອດ​ແມ່ນໍ້າ​ຈໍແດນ ຕັ້ງແຕ່​ທະເລສາບ​ຄາລີເລ​ໃນ​ຕອນເໜືອ ລົງ​ມາ​ຮອດ​ທະເລຕາຍ​ໃນ​ຕອນ​ໃຕ້ ແລະ​ເລີຍ​ມາ​ຮອດ​ຕີນ​ພູ​ປີສະກາ​ທາງທິດ​ຕາເວັນອອກ.

ໂຢຊວຍ 11:2

ແລະ​ບັນດາ​ກະສັດ​ທີ່​ຢູ່​ຕາມ​ເຂດ​ເນີນພູ​ທາງ​ພາກເໜືອ, ຢູ່​ທາງ​ຮ່ອມພູ​ຈໍແດນ​ໃຕ້​ທະເລສາບ​ຄາລີເລ, ຢູ່​ຕາມ​ຕີນ​ພູ ແລະ​ຢູ່​ຕາມ​ຝັ່ງ​ທະເລ​ໃກ້​ກັບ​ເມືອງ​ໂດເຣ.

ໂຢຊວຍ 12:3

ລວມທັງ​ຮ່ອມພູ​ຂອງ​ແມ່ນໍ້າ​ຈໍແດນ ແຕ່​ທະເລສາບ​ຄາລີເລ​ໄປ​ທາງທິດໃຕ້ ຈົນເຖິງ​ເບັດ​ເຢຊີໂມດ (ທາງທິດ​ຕາເວັນອອກ​ຂອງ​ທະເລຕາຍ) ແລະ​ຕີນ​ພູ​ປີສະກາ.

ໂຢຊວຍ 13:26

ດິນແດນ​ຂອງ​ພວກເຂົາ​ນັ້ນ​ຍາວ​ອອກ​ໄປ​ແຕ່​ເມືອງ​ເຮັດຊະໂບນ ຈົນເຖິງ​ຣາມັດມີຊະເປ​ແລະ​ເບໂຕນີມ ແຕ່​ມະຫານາອິມ​ໄປ​ຈົນເຖິງ​ຊາຍແດນ​ຂອງ​ໂລເດບາ.

ໂຢຊວຍ 13:28

ອັນ​ນີ້​ແມ່ນ​ເມືອງ​ຕ່າງໆ ທີ່​ໄດ້​ຖືກ​ມອບໝາຍ​ໃຫ້​ເປັນ​ກຳມະສິດ​ຂອງ​ບັນດາ​ຄອບຄົວ​ໃນ​ເຜົ່າກາດ.