ໂຢຊວຍ 13:26 - ພຣະຄຳພີສັກສິ

²⁶ ດິນແດນ​ຂອງ​ພວກເຂົາ​ນັ້ນ​ຍາວ​ອອກ​ໄປ​ແຕ່​ເມືອງ​ເຮັດຊະໂບນ ຈົນເຖິງ​ຣາມັດມີຊະເປ​ແລະ​ເບໂຕນີມ ແຕ່​ມະຫານາອິມ​ໄປ​ຈົນເຖິງ​ຊາຍແດນ​ຂອງ​ໂລເດບາ.

ໂຢຊວຍ 13:26 Jak'a apnaqawi uñst'ayäwi

ປະຖົມມະການ 31:49

ລາບານ​ອວຍພອນ​ອີກ​ວ່າ, “ຂໍ​ໃຫ້​ພຣະເຈົ້າຢາເວ​ເຝົ້າ​ຄອຍ​ເບິ່ງ​ພວກເຮົາ ເວລາ​ຫ່າງ​ຈາກ​ກັນ​ໄປ.” ດັ່ງນັ້ນ ບ່ອນ​ນີ້​ຈຶ່ງ​ມີ​ຊື່​ອີກ​ວ່າ, “ມີຊະປາ.”

2 ຊາມູເອນ 17:27

ເມື່ອ​ກະສັດ​ດາວິດ​ມາ​ຮອດ​ເມືອງ​ມະຫານາອິມ; ໂຊບີ ລູກຊາຍ​ຂອງ​ນາຮາດ​ຈາກ​ເມືອງ​ຣັບບາ​ໃນ​ອຳໂມນ​ກໍ​ມາ​ພົບ​ເພິ່ນ; ມາກີ ລູກຊາຍ​ຂອງ​ອຳມີເອນ​ຈາກ​ໂລເດບາ​ກໍໄດ້​ມາ​ພົບ​ເພິ່ນ​ຄື​ກັນ ແລະ​ບາກຊິນໄລ ຈາກ​ໂຣເກລິມ​ໃນ​ກີເລອາດ​ກໍ​ມາ​ພົບ​ເພິ່ນ​ດ້ວຍ.

2 ຊາມູເອນ 2:8

ອັບເນ​ລູກຊາຍ​ຂອງ​ເນຣະ ຜູ້​ບັນຊາການ​ທະຫານ​ຂອງ​ກະສັດ​ໂຊນ ໄດ້​ປົບໜີໄປ​ກັບ​ອີຊະໂບເຊັດ​ລູກຊາຍ​ຂອງ​ກະສັດ​ໂຊນ. ພວກເຂົາ​ໄດ້​ຂ້າມ​ແມ່ນໍ້າ​ຈໍແດນ​ໄປ​ທີ່​ເມືອງ​ມະຫານາອິມ.

1 ກະສັດ 22:3

ກະສັດ​ອາຮາບ​ໄດ້​ຖາມ​ຂ້າຣາຊການ​ຂອງ​ເພິ່ນ​ວ່າ, “ເປັນຫຍັງ​ພວກເຮົາ​ຈຶ່ງ​ບໍ່​ເຮັດ​ສິ່ງໃດ​ສິ່ງໜຶ່ງ ເພື່ອ​ເອົາ​ເມືອງ​ຣາໂມດ​ໃນ​ກີເລອາດ​ຄືນ​ມາ​ຈາກ​ກະສັດ​ແຫ່ງ​ຊີເຣຍ? ເພາະ​ມັນ​ເປັນ​ເມືອງ​ຂອງ​ພວກເຮົາ.”

1 ກະສັດ 4:14

ອາຮີນາດາບ ລູກຊາຍ​ຂອງ​ອິດໂດ ຮັບຜິດຊອບ​ເຂດ​ທ້ອງຖິ່ນ​ມະຫານາອິມ.

ໂຢຊວຍ 13:25

ເຂດແດນ​ຂອງ​ພວກເຂົາ​ນັ້ນ ມີ​ດັ່ງນີ້: ຢາເຊ​ແລະ​ເມືອງ​ທັງໝົດ​ຕາມ​ພູ​ກີເລອາດ, ດິນແດນ​ເຄິ່ງ​ໜຶ່ງ​ຂອງ​ຊາວ​ອຳໂມນ​ໄປ​ຈົນເຖິງ​ເມືອງ​ອາໂຣເອ ທີ່​ຢູ່​ທາງທິດ​ຕາເວັນອອກ​ຂອງ​ຣັບບາ

ໂຢຊວຍ 13:27

ສ່ວນ​ທີ່​ຢູ່​ໃນ​ຮ່ອມພູ​ຈໍແດນ​ນັ້ນ​ມີ​ດັ່ງນີ້: ເບັດ​ຮາຣາມ, ເບັດ​ນີມຣາ, ຊຸກໂກດ ແລະ​ຊາໂຟນ ແລະ​ອານາຈັກ​ສ່ວນ​ທີ່​ເຫຼືອ​ຂອງ​ເຈົ້າສີໂຫນ​ກະສັດ​ແຫ່ງ​ເຮັດຊະໂບນ. ສ່ວນ​ເຂດແດນ​ຂອງ​ພວກເຂົາ​ທາງ​ດ້ານ​ຕາເວັນຕົກ​ນັ້ນ ແມ່ນ​ແມ່ນໍ້າ​ຈໍແດນ​ເລີຍ​ໄປ​ທາງທິດເໜືອ​ຈົນເຖິງ​ທະເລສາບ​ຄາລີເລ.

ໂຢຊວຍ 20:8

ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ​ໃນ​ຖິ່ນ​ແຫ້ງແລ້ງ​ກັນດານ ຕາມ​ພູພຽງ​ທາງທິດ​ຕາເວັນອອກ​ຂອງ​ເມືອງ​ເຢຣິໂກ ພວກເຂົາ​ໄດ້​ເລືອກເອົາ​ເມືອງ​ເບເຊ​ໃນ​ເຂດແດນ​ຂອງ​ເຜົ່າ​ຣູເບັນ; ເມືອງ​ຣາໂມດ​ໃນ​ກີເລອາດ​ໃນ​ເຂດແດນ​ຂອງ​ເຜົ່າກາດ ແລະ​ເມືອງ​ໂກລານ​ແຫ່ງ​ບາຊານ​ໃນ​ເຂດແດນ​ຂອງ​ເຜົ່າ​ມານາເຊ.

ໂຢຊວຍ 21:38

ຈາກ​ເຂດແດນ​ຂອງ​ກາດ ພວກເຂົາ​ໄດ້​ຮັບ 4 ຕົວເມືອງ ມີ​ດັ່ງນີ້: ຣາໂມດ​ໃນ​ກີເລອາດ ພ້ອມ​ທັງ​ທົ່ງຫຍ້າ (ເມືອງ​ໜຶ່ງ​ໃນ​ຈຳນວນ​ເມືອງ​ລີ້ໄພ), ມະຫານາອິມ,

ພວກ^ຜູ້ປົກຄອງ 10:17

ຕໍ່ມາ ຊາວ​ອຳໂມນ​ໄດ້​ຕຽມ​ພົນ​ສູ້ຮົບ ແລະ​ມາ​ຕັ້ງ​ຄ້າຍ​ຢູ່​ທີ່​ເຂດແດນ​ກີເລອາດ. ຝ່າຍ​ພວກ​ອິດສະຣາເອນ​ກໍໄດ້​ມາ​ເຕົ້າໂຮມ​ກັນ ແລະ​ຕັ້ງ​ຄ້າຍ​ທີ່​ເມືອງ​ມີຊະປາ​ໃນ​ກີເລອາດ​ເຊັ່ນກັນ.

ພວກ^ຜູ້ປົກຄອງ 11:11

ດັ່ງນັ້ນ ເຢັບທາ​ຈຶ່ງ​ຄືນ​ເມືອ​ກັບ​ພວກ​ຜູ້ນຳ​ຊາວ​ກີເລອາດ ແລະ​ປະຊາຊົນ​ໄດ້​ແຕ່ງຕັ້ງ​ລາວ​ໃຫ້​ເປັນ​ນາຍ​ແລະ​ເປັນ​ຜູ້ນຳ​ຂອງ​ພວກເຂົາ. ຝ່າຍ​ເຢັບທາ​ກໍ​ກ່າວ​ປະຕິຍານ​ທີ່​ມີຊະປາ ຊ້ອງໜ້າ​ພຣະເຈົ້າຢາເວ.

ພວກ^ຜູ້ປົກຄອງ 11:29

ແລ້ວ​ພຣະວິນຍານ​ຂອງ​ພຣະເຈົ້າຢາເວ​ກໍ​ລົງ​ມາ​ສະຖິດ​ກັບ​ເຢັບທາ. ລາວ​ໄດ້​ໄປ​ທາງເມືອງ​ກີເລອາດ​ແລະ​ມານາເຊ​ແລະ​ກັບຄືນ​ມາ​ທີ່​ມີຊະປາ​ໃນ​ກີເລອາດ ແລະ​ເດີນທາງ​ເຂົ້າ​ໄປ​ສູ່​ດິນແດນ​ຂອງ​ຊາວ​ອຳໂມນ.