ໂຢຊວຍ 13:14 - ພຣະຄຳພີສັກສິ

¹⁴ ໂມເຊ​ບໍ່ໄດ້​ແບ່ງປັນ​ດິນແດນ​ໃຫ້​ເຜົ່າ​ເລວີ ເພາະ​ອົງພຣະ​ຜູ້​ເປັນເຈົ້າ​ໄດ້​ບອກ​ໄວ້​ວ່າ, ພວກເຂົາ​ໄດ້​ຮັບ​ເຄື່ອງ​ຖວາຍ​ເຜົາບູຊາ​ດ້ວຍ​ໄຟ ທີ່​ເທິງ​ແທ່ນບູຊາ​ເປັນ​ສ່ວນ​ຂອງ​ພວກເຂົາ​ແລ້ວ ຕາມ​ທີ່​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ສັ່ງ​ໄວ້​ກັບ​ໂມເຊ.

ໂຢຊວຍ 13:14 Jak'a apnaqawi uñst'ayäwi

ເອເຊກຽນ 44:28

ການ​ເປັນ​ປະໂຣຫິດ​ຂອງ​ພວກເຂົາ​ນັ້ນ​ແມ່ນ​ສ່ວນ​ແບ່ງ ຊຶ່ງ​ເຮົາ​ໄດ້​ມອບ​ໃຫ້​ປະຊາຊົນ​ອິດສະຣາເອນ​ສືບຕໍ່​ກັນ​ໄປ​ຕະຫລອດ​ທຸກ​ເຊັ່ນຄົນ. ພວກເຂົາ​ຈະ​ບໍ່ມີ​ຊັບສົມບັດ​ໃດໆ​ໃນ​ຊາດ​ອິດສະຣາເອນ; ເພາະ​ເຮົາ​ຈະ​ເປັນ​ທຸກສິ່ງ​ທີ່​ພວກເຂົາ​ຈຳເປັນ.

ເອເຊກຽນ 44:29

ເຄື່ອງ​ຖວາຍ​ພືດຜົນ​ເປັນເມັດ, ເຄື່ອງ​ຖວາຍ​ເພື່ອ​ລຶບລ້າງ​ບາບ ແລະ​ເຄື່ອງ​ຖວາຍ​ເພື່ອ​ຊົດໃຊ້​ແທນຄືນ​ຈະ​ເປັນ​ອາຫານ​ຂອງ​ພວກ​ປະໂຣຫິດ ແລະ​ໃຫ້​ພວກເຂົາ​ຮັບ​ເອົາ​ທຸກໆສິ່ງ​ໃນ​ຊາດ​ອິດສະຣາເອນ ທີ່​ໄດ້​ແຍກ​ໄວ້​ຕ່າງຫາກ​ສຳລັບ​ເຮົາ.

ພຣະບັນຍັດສອງ 10:9

ດ້ວຍເຫດນີ້ ເຜົ່າ​ເລວີ​ຈົ່ງ​ບໍ່ໄດ້​ຮັບ​ດິນແດນ​ສ່ວນ​ໃດ​ເໝືອນ​ດັ່ງ​ເຜົ່າ​ອື່ນໆ ສິ່ງ​ທີ່​ພວກເຂົາ​ໄດ້​ຮັບ​ແມ່ນ​ສິດທິ​ພິເສດ ໃນ​ການ​ເປັນ​ປະໂຣຫິດ​ຂອງ​ພຣະເຈົ້າຢາເວ ຕາມ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສັນຍາ​ໄວ້​ກັບ​ພວກເຂົາ).

ພຣະບັນຍັດສອງ 12:12

ຈົ່ງ​ຊົມຊື່ນ​ຍິນດີ​ຢູ່​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ພ້ອມ​ກັບ​ລູກຫລານ​ຂອງ​ພວກເຈົ້າ, ຄົນ​ຮັບໃຊ້​ຂອງ​ພວກເຈົ້າ ແລະ​ຊາວ​ເລວີ​ທີ່​ອາໄສ​ຢູ່​ໃນ​ເມືອງ​ຂອງ​ພວກເຈົ້າ; ຈົ່ງ​ຈົດຈຳ​ໄວ້​ວ່າ​ຊາວ​ເລວີ​ຈະ​ບໍ່ມີ​ດິນແດນ​ເປັນ​ຂອງ​ຕົນເອງ.

ພຣະບັນຍັດສອງ 12:19

ຈົ່ງ​ໃຫ້​ແນ່ໃຈ​ເໝືອນກັນ​ວ່າ ຊາວ​ເລວີ​ບໍ່ໄດ້​ຖືກ​ປ່ອຍປະ ຕາບໃດ​ທີ່​ພວກເຈົ້າ​ອາໄສ​ຢູ່​ໃນ​ດິນແດນ​ນີ້.

ໂຢຊວຍ 13:13

ເຖິງ​ຢ່າງ​ໃດ​ກໍຕາມ ຊາວ​ອິດສະຣາເອນ​ບໍ່ໄດ້​ຂັບໄລ່​ພວກ​ເກຊູ ແລະ​ພວກ​ມາອາກາ​ໃຫ້​ອອກ​ໄປ, ແຕ່​ພວກ​ນີ້​ຍັງ​ຢູ່​ຕາມ​ດິນແດນ​ອິດສະຣາເອນ​ຕໍ່ໄປ.

ໂຢຊວຍ 13:15

ໂມເຊ​ໄດ້​ມອບ​ດິນແດນ​ສ່ວນ​ໜຶ່ງ​ໃຫ້​ຄອບຄົວ​ຕ່າງໆ​ໃນ​ເຜົ່າ​ຣູເບັນ ເພື່ອ​ໃຫ້​ເປັນ​ກຳມະສິດ​ຂອງ​ພວກເຂົາ.

ໂຢຊວຍ 13:33

ແຕ່​ໂມເຊ​ບໍ່ໄດ້​ມອບໝາຍ​ດິນແດນ​ສ່ວນ​ໃດໆ​ໃຫ້​ເຜົ່າເລວີ. ເພິ່ນ​ໄດ້​ບອກ​ພວກເຂົາ​ວ່າ ສ່ວນແບ່ງ​ຂອງ​ພວກເຂົາ​ນັ້ນ​ຄື​ການ​ຮັບໃຊ້​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ.

ໂຢຊວຍ 18:7

ແຕ່​ສຳລັບ​ພວກເລວີ​ແລ້ວ ພວກເຂົາ​ຈະ​ບໍ່ໄດ້​ຮັບ​ດິນແດນ​ສ່ວນ​ໃດໆ​ເໝືອນ​ດັ່ງ​ພວກເຈົ້າ ເພາະ​ສ່ວນ​ຂອງ​ພວກເຂົາ​ແມ່ນ​ຮັບໃຊ້​ພຣະເຈົ້າຢາເວ​ໃນ​ຖານະ​ເປັນ​ປະໂຣຫິດ. ສ່ວນ​ເຜົ່າກາດ, ເຜົ່າ​ຣູເບັນ ແລະ​ເຜົ່າ​ມານາເຊ​ຕາເວັນອອກ​ນັ້ນ​ໄດ້​ຮັບ​ດິນແດນ ທາງ​ຝັ່ງ​ຕາເວັນອອກ​ຂອງ​ແມ່ນໍ້າ​ຈໍແດນ​ແລ້ວ ຊຶ່ງ​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ມອບ​ໃຫ້​ແກ່​ພວກເຂົາ.”