ໂຢຊວຍ 13:12 - ພຣະຄຳພີສັກສິ

¹² ດິນແດນ​ນັ້ນ​ຍັງ​ລວມເອົາ​ທັງ​ອານາຈັກ​ຂອງ​ເຈົ້າໂອກ ກະສັດ​ຄົນ​ສຸດທ້າຍ​ຂອງ​ເຜົ່າ​ເຣຟາອິມ ຜູ້​ໄດ້​ປົກຄອງ​ຢູ່​ທີ່​ເມືອງ​ອັດຊະຕາໂຣດ​ແລະ​ເອັດເຣອີ. ໂມເຊ​ໄດ້​ຊະນະ​ພວກ​ເຫຼົ່ານີ້ ແລະ​ໄດ້​ຂັບໄລ່​ພວກເຂົາ​ໃຫ້​ອອກ​ໄປ​ຈາກ​ເມືອງ​ເຫຼົ່ານັ້ນ.

ໂຢຊວຍ 13:12 Jak'a apnaqawi uñst'ayäwi

ພຣະບັນຍັດສອງ 1:4

ເຫດການ​ນີ້​ເກີດຂຶ້ນ​ຫລັງຈາກ​ທີ່​ອົງພຣະ​ຜູ້​ເປັນເຈົ້າ ໄດ້​ຊະນະ​ເຈົ້າສີໂຫນ ກະສັດ​ຊາວ​ອາໂມ ຜູ້​ທີ່​ໄດ້​ປົກຄອງ​ນະຄອນ​ເຮັດຊະໂບນ ແລະ​ເຈົ້າໂອກ​ກະສັດ​ຊາວ​ບາຊານ ຜູ້​ທີ່​ໄດ້​ປົກຄອງ​ນະຄອນ​ອັດຊະຕາໂຣດ​ແລະ​ເອັດເຣອີ.

ໂຢຊວຍ 12:4

ພວກເຂົາ​ຍັງ​ໄດ້​ຊະນະ​ເຈົ້າໂອກ​ກະສັດ​ແຫ່ງ​ບາຊານ ທີ່​ເປັນ​ຜູ້​ສຸດທ້າຍ​ເຫຼືອ​ໃນ​ພວກ​ເຣຟາອິມ; ເພິ່ນ​ໄດ້​ປົກຄອງ​ຢູ່​ທີ່​ເມືອງ​ອັດຊະຕາໂຣດ​ແລະ​ເອັດເຣອີ.

ໂຢຊວຍ 13:13

ເຖິງ​ຢ່າງ​ໃດ​ກໍຕາມ ຊາວ​ອິດສະຣາເອນ​ບໍ່ໄດ້​ຂັບໄລ່​ພວກ​ເກຊູ ແລະ​ພວກ​ມາອາກາ​ໃຫ້​ອອກ​ໄປ, ແຕ່​ພວກ​ນີ້​ຍັງ​ຢູ່​ຕາມ​ດິນແດນ​ອິດສະຣາເອນ​ຕໍ່ໄປ.

ໂຢຊວຍ 13:31

ຊຶ່ງ​ໄດ້​ກວມ​ເອົາ​ເຄິ່ງ​ໜຶ່ງ​ຂອງ​ກີເລອາດ, ອັດຊະຕາໂຣດ​ແລະ​ເອັດເຣອີ ແລະ​ເມືອງ​ໃຫຍ່ໆ​ໃນ​ອານາຈັກ​ຂອງ​ເຈົ້າໂອກ​ທີ່​ບາຊານ. ທັງໝົດ​ນີ້​ແມ່ນ​ໄດ້​ຖືກ​ມອບໝາຍ​ໃຫ້​ຄອບຄົວ​ຕ່າງໆ ທີ່​ສືບ​ເຊື້ອສາຍ​ມາ​ຈາກ​ມາກີ​ລູກຊາຍ​ຂອງ​ມານາເຊ.