ໂຢຊວຍ 12:3 - ພຣະຄຳພີສັກສິ

³ ລວມທັງ​ຮ່ອມພູ​ຂອງ​ແມ່ນໍ້າ​ຈໍແດນ ແຕ່​ທະເລສາບ​ຄາລີເລ​ໄປ​ທາງທິດໃຕ້ ຈົນເຖິງ​ເບັດ​ເຢຊີໂມດ (ທາງທິດ​ຕາເວັນອອກ​ຂອງ​ທະເລຕາຍ) ແລະ​ຕີນ​ພູ​ປີສະກາ.

ໂຢຊວຍ 12:3 Jak'a apnaqawi uñst'ayäwi

ປະຖົມມະການ 14:3

ກະສັດ​ທັງ​ຫ້າ​ຄົນ​ນີ້​ຮ່ວມ​ກັນ​ເຂົ້າ​ເປັນ​ພັນທະມິດ ແລະ​ໂຮມ​ກຳລັງ​ກັນ​ຢູ່​ໃນ​ທົ່ງ​ຮາບພຽງ​ສິດດິມ ຊຶ່ງ​ໃນ​ປັດຈຸບັນ​ນີ້​ແມ່ນ​ທະເລຕາຍ.

ປະຖົມມະການ 19:25

ແລະ​ທຳລາຍ​ສອງ​ຕົວເມືອງ, ຮ່ອມພູ​ທັງໝົດ, ຊາວ​ເມືອງ​ທຸກຄົນ​ພ້ອມ​ກັບ​ພືດພັນ​ຕ່າງໆ ທີ່​ເກີດຂຶ້ນ​ຈາກ​ພື້ນດິນ​ນັ້ນ​ຈົນ​ກ້ຽງ.

1 ກະສັດ 15:20

ກະສັດ​ເບັນຮາດາດ​ໄດ້​ຕົກລົງ​ຕາມ​ຂໍ້​ສະເໜີ​ຂອງ​ກະສັດ​ອາສາ. ເພິ່ນ​ໄດ້​ສົ່ງ​ຜູ້​ບັນຊາການ​ກອງທັບ​ຂອງ​ເພິ່ນ ພ້ອມດ້ວຍ​ພວກ​ທະຫານ​ໄປ​ໂຈມຕີ​ເມືອງ​ຕ່າງໆ ໃນ​ອານາຈັກ​ອິດສະຣາເອນ. ພວກເຂົາ​ຢຶດເອົາ​ຫົວເມືອງຕ່າງໆ​ໄດ້ ມີ​ດັ່ງນີ້: ເມືອງ​ອີໂຢນ, ດານ, ອາເບັນເບັດ​ມາອາກາ, ເຂດ​ທີ່​ຢູ່​ໃກ້​ທະເລ​ສາບ​ຄາລີເລ ແລະ​ເຂດແດນ​ທັງໝົດ​ຂອງ​ເນັບທາລີ.

ເອເຊກຽນ 25:9

ເຮົາ​ຈະ​ປະ​ໃຫ້​ເມືອງ​ທັງຫລາຍ​ທີ່​ປ້ອງກັນ​ຊາຍແດນ​ຂອງ​ໂມອາບ ຖືກ​ໂຈມຕີ​ລວມທັງ​ເມືອງ​ທີ່​ສວຍງາມ​ດ້ວຍ ເຊັ່ນ: ເບັດ​ເຢຊີໂມດ, ບາອານ​ເມໂອນ ແລະ​ກີຣິອາດທາອິມ.

ຈົດບັນຊີ 21:20

ແລະ​ຈາກ​ບາໂມດ​ເຖິງ​ຮ່ອມພູ​ທີ່​ເຂດແດນ​ຂອງ​ໂມອາບ ໃຕ້​ຍອດ​ພູ​ປີສະກາ​ຊຶ່ງ​ແນມ​ອອກ​ໄປ​ເຫັນ​ຖິ່ນ​ແຫ້ງແລ້ງ​ກັນດານ.

ຈົດບັນຊີ 34:11

ຕໍ່ຈາກນັ້ນ ຈະ​ເລີຍ​ລົງ​ໄປ​ທາງໃຕ້​ເຖິງ​ຣິບລາ ທາງ​ຕາເວັນອອກ​ຂອງ​ອາອິນ ແລະ​ຂຶ້ນ​ສູ່​ເນີນພູ​ທາງທິດ​ຕາເວັນອອກ​ຂອງ​ຝັ່ງ​ທະເລສາບ​ຄາລິເລ

ລູກາ 5:1

ວັນ​ໜຶ່ງ ຂະນະທີ່​ພຣະເຢຊູເຈົ້າ​ຢືນ​ຢູ່​ທີ່​ແຄມ​ທະເລສາບ​ເຄັນເນຊາເຣັດ ປະຊາຊົນ​ກໍ​ບຸບຽດ​ກັນ​ເຂົ້າ​ມາ​ຫາ​ພຣະອົງ ເພື່ອ​ຟັງ​ພຣະທຳ​ຂອງ​ພຣະເຈົ້າ.

ໂຢຮັນ 6:1

ຫລັງຈາກນັ້ນ ພຣະເຢຊູເຈົ້າ​ໄດ້​ສະເດັດ​ຂ້າມ​ທະເລສາບ​ຄາລີເລ (ມີ​ຊື່​ອີກ​ວ່າ​ທະເລ​ຕີເບເຣຍ).

ພຣະບັນຍັດສອງ 3:17

ທາງທິດ​ຕາເວັນຕົກ ເຂດແດນ​ຂອງ​ພວກເຂົາ​ຍາວ​ອອກ​ໄປ​ຮອດ​ແມ່ນໍ້າ​ຈໍແດນ ຕັ້ງແຕ່​ທະເລສາບ​ຄາລີເລ​ໃນ​ຕອນເໜືອ ລົງ​ມາ​ຮອດ​ທະເລຕາຍ​ໃນ​ຕອນ​ໃຕ້ ແລະ​ເລີຍ​ມາ​ຮອດ​ຕີນ​ພູ​ປີສະກາ​ທາງທິດ​ຕາເວັນອອກ.

ພຣະບັນຍັດສອງ 4:49

ດິນແດນ​ນັ້ນ​ຍັງ​ນັບ​ລວມ​ເອົາ​ອານາເຂດ​ທັງໝົດ ທີ່​ຢູ່​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ ຈົນ​ໄປ​ຮອດ​ທະເລຕາຍ​ທີ່​ຕີນ​ພູ​ປີສະກາ.

ໂຢຊວຍ 11:2

ແລະ​ບັນດາ​ກະສັດ​ທີ່​ຢູ່​ຕາມ​ເຂດ​ເນີນພູ​ທາງ​ພາກເໜືອ, ຢູ່​ທາງ​ຮ່ອມພູ​ຈໍແດນ​ໃຕ້​ທະເລສາບ​ຄາລີເລ, ຢູ່​ຕາມ​ຕີນ​ພູ ແລະ​ຢູ່​ຕາມ​ຝັ່ງ​ທະເລ​ໃກ້​ກັບ​ເມືອງ​ໂດເຣ.

ໂຢຊວຍ 13:20

ເບັດເປອໍ, ເນີນພູ​ປີສະກາ ແລະ​ເບັດ​ເຢຊີໂມດ.

ໂຢຊວຍ 15:2

ດິນແດນ​ທາງທິດໃຕ້​ນີ້​ເລີ່ມ​ແຕ່​ທາງ​ໃຕ້​ສຸດ​ຂອງ​ທະເລຕາຍ

ໂຢຊວຍ 15:5

ສ່ວນ​ຊາຍແດນ​ທາງທິດ​ຕາເວັນອອກ​ນັ້ນ​ແມ່ນ​ທະເລຕາຍ ແລະ​ເລີຍ​ຂຶ້ນ​ໄປ​ຈົນເຖິງ​ອ່າວ​ບ່ອນ​ທີ່​ແມ່ນໍ້າ​ຈໍແດນ​ໄຫລ​ໄປ​ສູ່​ນັ້ນ. ສ່ວນ​ຊາຍແດນ​ທາງທິດເໜືອ​ເລີ່ມ​ແຕ່​ອ່າວ​ຂອງ​ທະເລ​ນີ້

ໂຢຊວຍ 3:16

ທັນໃດນັ້ນ ນໍ້າ​ທີ່​ໄຫລ​ມາ​ຈາກ​ທາງ​ເໜືອ​ກໍ​ຢຸດ​ໄຫລ​ແລະ​ໂຮມ​ເຂົ້າ​ກັນ​ທີ່​ເມືອງ​ອາດາມ ຢູ່​ໃກ້​ກັບ​ເມືອງ​ຊາເຣທານ ສາຍ​ນໍ້າ​ທີ່​ໄຫລ​ລົງ​ສູ່​ທະເລຕາຍ​ຖືກ​ຕັດຂາດ​ໝົດກ້ຽງ ແລະ​ປະຊາຊົນ​ຈຶ່ງ​ສາມາດ​ຂ້າມ​ນໍ້າ​ໄປ​ໃກ້​ກັບ​ເມືອງ​ເຢຣິໂກ​ໄດ້.