ໂຢຊວຍ 11:23 - ພຣະຄຳພີສັກສິ

²³ ໂຢຊວຍ​ໄດ້​ຢຶດຄອງ​ດິນແດນ​ທັງໝົດ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ. ເພິ່ນ​ໄດ້​ມອບ​ດິນແດນ​ນີ້​ໃຫ້​ເປັນ​ກຳມະສິດ​ຂອງ​ຊາວ​ອິດສະຣາເອນ ໂດຍ​ໄດ້​ແບ່ງປັນ​ດິນແດນ​ນັ້ນ​ເປັນ​ສ່ວນ​ໃຫ້​ແຕ່ລະເຜົ່າ. ສະນັ້ນ ປະຊາຊົນ​ຈຶ່ງ​ໄດ້​ເຊົາ​ສູ້ຮົບ ແລະ​ຢູ່​ຢ່າງ​ສະຫງົບສຸກ.

ໂຢຊວຍ 11:23 Jak'a apnaqawi uñst'ayäwi

ເນເຫມີຢາ 9:24

ພວກເພິ່ນ​ຕີ​ເອົາ​ໄດ້​ດິນແດນ​ການາອານ ພຣະອົງ​ໄດ້​ໄຊຊະນະ​ປະຊາຊົນ​ທີ່​ຢູ່​ທີ່​ນັ້ນ. ພຣະອົງ​ໃຫ້​ພວກເພິ່ນ​ມີ​ອຳນາດ​ເຮັດ​ຕາມຊອບໃຈ ຈັດການ​ກັບ​ປະຊາຊົນ​ແລະ​ກະສັດ​ການາອານ​ໄດ້​ຕາມ​ໃຈຊອບ.

ເພງ^ສັນລະເສີນ 46:9

ພຣະອົງ​ເຮັດ​ໃຫ້​ເສິກ​ສົງຄາມ​ໃນ​ທົ່ວ​ໂລກ​ຢຸດຕິ​ລົງ ຫັກ​ຄັນທະນູ​ທຳລາຍ​ຫອກ​ແລະ​ຈູດ​ໂລ້.

ອົບພະຍົບ 34:11

ຈົ່ງ​ເຮັດ​ຕາມ​ກົດບັນຍັດ​ຕ່າງໆ ທີ່​ເຮົາ​ກຳລັງ​ມອບ​ໃຫ້​ພວກເຈົ້າ​ໃນວັນນີ້. ເຮົາ​ຈະ​ຂັບໄລ່​ຊາວ​ອາໂມ, ຊາວ​ການາອານ, ຊາວ​ຮິດຕີ, ຊາວ​ເປຣີຊີ, ຊາວ​ຮີວີ ແລະ​ຊາວ​ເຢບຸດ​ອອກ​ໜີ ເມື່ອ​ພວກເຈົ້າ​ບຸກໜ້າ​ເຂົ້າ​ໄປ​ທີ່​ນັ້ນ.

ເອເຊກຽນ 45:8

ພື້ນທີ່​ນີ້​ຈະ​ເປັນ​ສ່ວນ​ຂອງ​ເຈົ້າຊາຍ​ຜູ້​ຈະ​ປົກຄອງ​ໄດ້​ຮັບ​ຢູ່​ໃນ​ດິນແດນ​ອິດສະຣາເອນ ເພື່ອ​ວ່າ​ເພິ່ນ​ຈະ​ບໍ່​ຂົ່ມເຫັງ​ປະຊາຊົນ​ອີກ​ຕໍ່ໄປ, ແຕ່​ຈະ​ໃຫ້​ດິນແດນ​ສ່ວນ​ທີ່​ເຫຼືອ​ຂອງ​ປະເທດ​ນັ້ນ ເປັນ​ຂອງ​ປະຊາຊົນ​ອິດສະຣາເອນ​ເຜົ່າ​ຕ່າງໆ.

ພຣະບັນຍັດສອງ 1:38

ແຕ່​ໂຢຊວຍ​ລູກຊາຍ​ຂອງ​ນູນ​ຜູ້​ຊ່ວຍ​ຂອງ​ເຈົ້າ ຈະ​ນຳ​ປະຊາຊົນ​ອິດສະຣາເອນ​ເຂົ້າ​ໄປ​ຢຶດຄອງ​ດິນແດນ. ສະນັ້ນ ຈົ່ງ​ໃຫ້​ກຳລັງໃຈ​ແກ່​ລາວ.’

ພຣະບັນຍັດສອງ 25:19

ເຫດສະນັ້ນ ເມື່ອ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ໃຫ້​ພວກເຈົ້າ​ຢຸດພັກ​ຈາກ​ເຫຼົ່າ​ສັດຕູ​ທີ່​ຢູ່​ອ້ອມຂ້າງ​ແລ້ວ, ໃນ​ດິນແດນ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ມອບ​ໃຫ້​ເປັນ​ມໍຣະດົກ, ຈົ່ງ​ຈັດການ​ກັບ​ຊາວ​ອາມາເຫຼັກ​ໂດຍ​ຂ້າ​ພວກເຂົາ​ໃຫ້​ໝົດກ້ຽງ ເພື່ອ​ວ່າ​ຈະ​ບໍ່ມີ​ໃຜ​ລະນຶກ​ເຖິງ​ພວກເຂົາ​ອີກ​ຕໍ່ໄປ ຢ່າ​ລືມ​ຄຳສັ່ງ​ນີ້.”

ໂຢຊວຍ 12:7

ໂຢຊວຍ​ແລະ​ປະຊາຊົນ​ອິດສະຣາເອນ​ໄດ້​ຊະນະ​ບັນດາ​ກະສັດ​ທັງຫລາຍ ທີ່​ຢູ່​ເຂດແດນ​ທາງທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ຈາກ​ບາອານກາດ​ໃນ​ຮ່ອມພູ​ຂອງ​ເລບານອນ ຈົນເຖິງ​ພູ​ຮາລັກ​ຊຶ່ງ​ຢູ່​ທາງທິດໃຕ້​ໃກ້​ກັບ​ດິນແດນ​ເອໂດມ. ໂຢຊວຍ​ໄດ້​ແບ່ງປັນ​ດິນແດນ​ນີ້​ໃຫ້​ເຜົ່າ​ຕ່າງໆ​ໃນ​ຊາດ​ອິດສະຣາເອນ ເພື່ອ​ເປັນ​ກຳມະສິດ​ຂອງ​ພວກເຂົາ​ຕະຫລອດໄປ.

ໂຢຊວຍ 18:10

ໂຢຊວຍ​ໄດ້​ໃຊ້​ສະຫລາກ​ໃຫ້​ພວກເຂົາ​ຢູ່​ທີ່​ຊີໂລ​ຊ້ອງໜ້າ​ພຣະເຈົ້າຢາເວ ແລະ​ໄດ້​ມອບ​ດິນແດນ​ໃຫ້​ແກ່​ທຸກໆ​ເຜົ່າ​ທີ່​ເຫຼືອ​ຢູ່​ນັ້ນ ຕາມ​ສ່ວນແບ່ງ​ຂອງ​ໃຜ​ລາວ.

ໂຢຊວຍ 22:4

ບັດນີ້ ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ໃຫ້​ພີ່ນ້ອງ​ຊາວ​ອິດສະຣາເອນ​ຂອງ​ພວກເຈົ້າ​ມີ​ຄວາມ​ສະຫງົບສຸກ​ແລ້ວ ຕາມ​ທີ່​ພຣະອົງ​ໄດ້​ສັນຍາ​ໄວ້. ສະນັ້ນ ຂໍ​ໃຫ້​ພວກເຈົ້າ​ຄືນ​ສູ່​ດິນແດນ ຊຶ່ງ​ພວກເຈົ້າ​ໄດ້​ຮຽກຮ້ອງ​ເອົາ​ເປັນ​ກຳມະສິດ ທີ່​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ​ນັ້ນ​ສາ ທີ່​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ມອບໝາຍ​ໃຫ້​ພວກເຈົ້າ​ນັ້ນ.

ໂຢຊວຍ 23:1

ຕໍ່ມາ​ອີກ​ເປັນ​ເວລາ​ດົນນານ ພຣະເຈົ້າຢາເວ​ໄດ້​ໃຫ້​ຊາດ​ອິດສະຣາເອນ ຢູ່​ຢ່າງ​ສະຫງົບສຸກ​ຈາກ​ເຫຼົ່າ​ສັດຕູ​ທີ່​ຢູ່​ອ້ອມແອ້ມ​ພວກເຂົາ. ໃນ​ເວລາ​ນັ້ນ​ໂຢຊວຍ​ກໍ​ເຖົ້າແກ່​ຫລາຍ​ແລ້ວ