ໂຢຊວຍ 10:8 - ພຣະຄຳພີສັກສິ

⁸ ແລ້ວ​ພຣະເຈົ້າຢາເວ​ໄດ້ກ່າວ​ແກ່​ໂຢຊວຍ​ວ່າ, “ຢ່າ​ຢ້ານ​ພວກເຂົາ​ເລີຍ. ເຮົາ​ມອບ​ໄຊຊະນະ​ໃຫ້​ເຈົ້າ​ແລ້ວ. ບໍ່ມີ​ໃຜ​ໃນ​ພວກເຂົາ​ຈະ​ສາມາດ​ຕໍ່ສູ້​ເຈົ້າ​ໄດ້.”

ໂຢຊວຍ 10:8 Jak'a apnaqawi uñst'ayäwi

1 ກະສັດ 20:13

ໃນຂະນະ​ດຽວກັນ​ນັ້ນ ກໍ​ມີ​ຜູ້ທຳນວາຍ​ຄົນ​ໜຶ່ງ​ມາ​ຫາ​ກະສັດ​ອາຮາບ ແລະ​ບອກ​ເພິ່ນ​ວ່າ, “ພຣະເຈົ້າຢາເວ​ບອກ​ວ່າ ຢ່າ​ຢ້ານ​ກອງທັບ​ໃຫຍ່​ນັ້ນ​ເລີຍ ວັນ​ນີ້ ເຮົາ​ຈະ​ໃຫ້​ເຈົ້າ​ມີ​ໄຊຊະນະ​ເໜືອ​ພວກເຂົາ ແລະ​ເຈົ້າ​ຈະ​ຮູ້​ວ່າ​ເຮົາ​ແມ່ນ​ພຣະເຈົ້າຢາເວ.”

ໂຣມ 8:31

ຖ້າ​ເປັນ​ຢ່າງ​ນັ້ນ ເຮົາ​ທັງຫລາຍ​ຈະ​ວ່າ​ຢ່າງ​ໃດ? ຖ້າ​ພຣະເຈົ້າ​ຢູ່​ຝ່າຍ​ພວກເຮົາ ຜູ້ໃດ​ຈະ​ຕໍ່ສູ້​ພວກເຮົາ​ໄດ້?

ພຣະບັນຍັດສອງ 3:2

ແຕ່​ພຣະເຈົ້າຢາເວ​ໄດ້​ກ່າວ​ແກ່​ຂ້າພະເຈົ້າ​ວ່າ, ‘ຢ່າ​ຢ້ານ​ລາວ​ເລີຍ. ເຮົາ​ກຳລັງ​ມອບ​ເຈົ້າໂອກ​ພ້ອມ​ກອງທັບ ແລະ​ເຂດແດນ​ທັງໝົດ​ຂອງ​ລາວ​ໃຫ້​ເຈົ້າ. ຈົ່ງ​ເຮັດ​ກັບ​ລາວ​ຢ່າງ​ດຽວ​ກັບ​ທີ່​ເຈົ້າ​ໄດ້​ເຮັດ​ຕໍ່​ເຈົ້າສີໂຫນ ກະສັດ​ຊາວ​ອາໂມ​ຜູ້​ທີ່​ປົກຄອງ​ນະຄອນ​ເຮັດຊະໂບນ.’

ພຣະບັນຍັດສອງ 7:24

ພຣະອົງ​ຈະ​ໃຫ້​ບັນດາ​ກະສັດ​ຂອງ​ພວກເຂົາ​ຢູ່​ໃຕ້​ອຳນາດ​ຂອງ​ພວກເຈົ້າ. ພວກເຈົ້າ​ຈະ​ຂ້າ​ພວກເຂົາ​ແລະ​ບໍ່ມີ​ໃຜ​ຈະ​ຈົດຈຳ​ພວກເຂົາ​ໄດ້​ອີກ​ເລີຍ ບໍ່ມີ​ຜູ້ໃດ​ຈະ​ສາມາດ​ຢັບຢັ້ງ​ພວກເຈົ້າ​ໄດ້ ພວກເຈົ້າ​ຈະ​ທຳລາຍ​ພວກເຂົາ​ທຸກຄົນ.

ໂຢຊວຍ 10:25

ໂຢຊວຍ​ບອກ​ພວກ​ນາຍ​ທະຫານ​ວ່າ, “ຢ່າ​ຢ້ານ​ຫລື​ທໍ້ຖອຍ​ໃຈ. ຈົ່ງ​ມີ​ໃຈ​ເດັດດ່ຽວ​ແລະ​ກ້າຫານ ເພາະ​ພຣະເຈົ້າຢາເວ​ຈະ​ກະທຳ​ດັ່ງນີ້​ຕໍ່​ເຫຼົ່າ​ສັດຕູ​ຂອງ​ພວກເຈົ້າ.”

ໂຢຊວຍ 10:9

ໂຢຊວຍ​ໄດ້​ເຄື່ອນທັບ​ອອກ​ຈາກ​ກິນການ​ໄປ​ກີເບໂອນ​ຕະຫລອດ​ຄືນ ແລະ​ເຂົ້າ​ຫລອນ​ໂຈມຕີ​ຊາວ​ອາໂມ.

ໂຢຊວຍ 11:6

ພຣະເຈົ້າຢາເວ​ໄດ້​ກ່າວ​ແກ່​ໂຢຊວຍ​ວ່າ, “ຢ່າ​ຢ້ານ​ພວກເຂົາ ເພາະ​ມື້ອື່ນ​ໃນ​ເວລາ​ດຽວກັນ​ນີ້ ເຮົາ​ຈະ​ຂ້າ​ພວກເຂົາ​ທັງໝົດ​ໃຫ້​ຊາດ​ອິດສະຣາເອນ. ໃຫ້​ເຈົ້າ​ຕັດ​ເອັນຄະນ່ອງ​ມ້າ ແລະ​ຈູດ​ລົດຮົບ​ຂອງ​ພວກເຂົາ​ຖິ້ມ.”

ໂຢຊວຍ 8:1

ພຣະເຈົ້າຢາເວ​ໄດ້​ສັ່ງ​ໂຢຊວຍ​ວ່າ, “ຈົ່ງ​ນຳ​ເອົາ​ທະຫານ​ທັງໝົດ​ຂຶ້ນ​ໄປ​ສູ່​ເມືອງ​ອາອີ. ຢ່າຢ້ານ​ຫລື​ທໍ້ຖອຍ​ໃຈ​ເລີຍ. ເຮົາ​ຈະ​ໃຫ້​ເຈົ້າ​ຮົບ​ຊະນະ​ກະສັດ​ແຫ່ງ​ອາອີ, ປະຊາຊົນ, ເມືອງ ຕະຫລອດ​ທັງ​ດິນແດນ​ຂອງ​ລາວ​ດ້ວຍ.

ພວກ^ຜູ້ປົກຄອງ 6:16

ພຣະເຈົ້າຢາເວ​ໄດ້ກ່າວ​ຕໍ່​ລາວ​ວ່າ, “ເຈົ້າ​ເຮັດ​ສິ່ງ​ນີ້​ໄດ້​ເພາະ​ເຮົາ​ຈະ​ຊ່ວຍ​ເຈົ້າ. ເຈົ້າ​ຈະ​ທຳລາຍ​ພວກ​ມີດີອານ​ໄດ້​ຢ່າງ​ງ່າຍດາຍ ຄ້າຍ​ກັບ​ວ່າ​ພວກເຂົາ​ມີ​ພຽງແຕ່​ຄົນ​ດຽວ​ເທົ່ານັ້ນ.”

ພວກ^ຜູ້ປົກຄອງ 7:9

ໃນ​ຄືນ​ນັ້ນ ພຣະເຈົ້າຢາເວ​ໄດ້​ສັ່ງ​ກີເດໂອນ​ວ່າ, “ຈົ່ງ​ລຸກ​ຂຶ້ນ​ໄປ​ບຸກໂຈມຕີ​ທີ່ໝັ້ນ​ຂອງ​ພວກເຂົາ; ເຮົາ​ຈະ​ໃຫ້​ເຈົ້າ​ມີ​ໄຊຊະນະ​ເໜືອ​ພວກເຂົາ.

1 ຊາມູເອນ 17:47

ແລະ​ທຸກໆ​ຄົນ​ໃນ​ທີ່ນີ້​ຈະ​ເຫັນ​ວ່າ ພຣະເຈົ້າຢາເວ​ບໍ່​ຈຳເປັນ​ໃຊ້​ດາບ​ຫລື​ຫອກ ເພື່ອ​ຊ່ວຍ​ປະຊາຊົນ​ຂອງ​ພຣະອົງ​ໃຫ້​ພົ້ນ. ພຣະເຈົ້າຢາເວ​ເປັນ​ເຈົ້າຂອງ​ສະໜາມຮົບ ແລະ​ພຣະອົງ​ຈະ​ມອບ​ພວກເຈົ້າ​ໄວ້​ໃນ​ກຳມື​ຂອງ​ພວກເຮົາ.”