ໂຢຊວຍ 10:41 - ພຣະຄຳພີສັກສິ

⁴¹ ໂຢຊວຍ​ໄດ້​ຊະນະ​ຂ້າເສິກ​ຈາກ​ເມືອງ​ກາເດັດ​ບາກເນອາ ທາງທິດໃຕ້​ຈົນເຖິງ​ເມືອງ​ກາຊາ ທາງ​ຝັ່ງ​ທະເລ​ລວມທັງ​ເຂດ​ໂກເຊັນ​ທັງໝົດ ຈົນ​ໄປ​ຮອດ​ເມືອງ​ກີເບໂອນ​ທາງທິດເໜືອ.

ໂຢຊວຍ 10:41 Jak'a apnaqawi uñst'ayäwi

ປະຖົມມະການ 10:19

ຈົນ​ເຂດແດນ​ຂອງ​ພວກເຂົາ ແຕ່​ຊີໂດນ​ທາງ​ພາກ​ໃຕ້​ໄປ​ເຖິງ​ເມືອງ​ເກຣາກ, ກາຊາ; ແລະ​ໃນ​ພາກ​ຕາເວັນອອກ​ໄປ​ຈົນເຖິງ​ເມືອງ​ໂຊໂດມ, ໂກໂມຣາ, ອັດມາ ແລະ​ເມືອງ​ເຊບົວອິມ ທີ່​ຢູ່​ໃກ້​ກັບ​ເມືອງ​ລາຊາ.

1 ກະສັດ 3:5

ໃນຄືນນັ້ນ ພຣະເຈົ້າຢາເວ​ໄດ້​ປາກົດ​ຕໍ່​ເພິ່ນ​ທາງ​ຄວາມຝັນ ແລະ​ຖາມ​ເພິ່ນ​ວ່າ, “ເຈົ້າ​ຢາກ​ໄດ້​ຫຍັງ​ຈາກ​ເຮົາ?”

ເຊກາຣີຢາ 9:5

ເມືອງ​ອາຊະເກໂລນ​ຈະ​ເຫັນ​ເຫດການ​ນີ້ ແລະ​ຈະ​ເກີດ​ຢ້ານກົວ. ເມືອງ​ກາຊາ​ຈະ​ເຫັນ​ເຫດການ​ນີ້ ແລະ​ຈະ​ເຈັບປວດ​ຢ່າງ​ທົນທຸກ​ທໍລະມານ​ໜັກ. ເມືອງ​ເອັກໂຣນ​ກໍ​ເຊັ່ນດຽວ​ກັນ ຄວາມຫວັງ​ຂອງຕົນ​ຈະ​ແຕກ​ສະຫລາຍ​ໄປ. ເມືອງ​ກາຊາ​ຈະ​ສູນເສຍ​ກະສັດ ແລະ​ເມືອງ​ອາຊະເກໂລນ​ຈະ​ຖືກ​ປະປ່ອຍ​ໃຫ້​ຮົກຮ້າງ.

ຈົດບັນຊີ 13:26

ພວກ​ນັກສືບ​ສອດແນມ​ຈຶ່ງ​ກັບຄືນ​ມາ​ຫາ​ໂມເຊ, ອາໂຣນ ແລະ​ຊຸມຊົນ​ອິດສະຣາເອນ​ທັງໝົດ​ທີ່​ກາເດັດ ຢູ່​ໃນ​ຖິ່ນ​ແຫ້ງແລ້ງ​ກັນດານ​ປາຣານ. ພວກເຂົາ​ໄດ້​ລາຍງານ​ສິ່ງ​ທີ່​ພວກເຂົາ​ໄດ້​ເຫັນ ແລະ​ໄດ້​ເອົາ​ໝາກໄມ້​ທີ່​ພວກເຂົາ​ໄດ້​ນຳ​ມາ​ນັ້ນ​ໃຫ້​ເບິ່ງ.

ຈົດບັນຊີ 32:8

ຕອນ​ເມື່ອ​ຂ້າພະເຈົ້າ​ໄດ້​ໃຊ້​ພໍ່​ຂອງ​ພວກເຈົ້າ​ຈາກ​ກາເດັດ​ບາກເນອາ​ໄປ​ສຳຫລວດ​ເບິ່ງ​ດິນແດນ​ນັ້ນ ພວກເຂົາ​ກໍ​ເຮັດ​ຄື​ພວກເຈົ້າ​ນີ້​ແຫຼະ.

ຈົດບັນຊີ 34:4

ແລ້ວ​ໂຄ້ງ​ໄປ​ທາງໃຕ້​ຂອງ​ທາງ​ຜ່ານ​ຊ່ອງແຄບ​ອັກຣັບບິມ ແລະ​ຜ່ານ​ຊິນ​ໄປ​ສູ່​ທາງໃຕ້​ເຖິງ​ກາເດັດ​ບາກເນອາ. ແລ້ວ​ກໍ​ໂຄ້ງ​ຂຶ້ນ​ໄປ​ທາງ​ທິດ​ຕາເວັນຕົກ​ສ່ຽງ​ເໜືອ​ເຖິງ​ຮາຊາອັດດາ ແລະ​ເລີຍ​ໄປ​ຮອດ​ອາຊະໂມນ

ກິດຈະການ 8:26

ແລ້ວ​ເທວະດາ​ຕົນ​ໜຶ່ງ ຂອງ​ອົງພຣະ​ຜູ້​ເປັນເຈົ້າ​ໄດ້​ສັ່ງ​ຟີລິບ​ວ່າ, “ຈົ່ງ​ລຸກ​ຂຶ້ນ ຕຽມຕົວ​ໃຫ້​ພ້ອມ ແລະ​ໄປ​ທາງ​ທິດ​ໃຕ້ ຕາມ​ທາງ​ແຕ່​ນະຄອນ​ເຢຣູຊາເລັມ​ລົງ​ໄປ​ສູ່​ກາຊາ.” (ຫົນທາງ​ນີ້​ຄົນ​ບໍ່​ທຽວ​ກັນ​ແລ້ວ.)

ພຣະບັນຍັດສອງ 1:19

“ພວກເຮົາ​ໄດ້​ປະຕິບັດ​ຕາມ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ໄດ້​ສັ່ງ​ໄວ້. ພວກເຮົາ​ໄດ້​ຈາກ​ພູເຂົາ​ຊີນາຍ​ແລະ​ເດີນທາງ​ຜ່ານ ຖິ່ນ​ແຫ້ງແລ້ງ​ກັນດານ​ອັນ​ກວ້າງໃຫຍ່​ແລະ​ໜ້າຢ້ານ ໄປ​ຕາມ​ທາງ​ສູ່​ເຂດ​ເນີນພູ​ຂອງ​ຊາວ​ອາໂມ. ເມື່ອ​ພວກເຮົາ​ໄດ້​ມາ​ຮອດ​ເມືອງ​ກາເດັດ​ບາກເນອາ

ພຣະບັນຍັດສອງ 2:23

ສ່ວນ​ດິນແດນ​ຕາມ​ແຄມ​ຝັ່ງ​ຂອງ​ທະເລ​ເມດີແຕຣາເນ ແມ່ນ​ປະຊາຊົນ​ທີ່​ມາ​ຈາກ​ເກາະ​ກະເຣເຕ​ໄດ້​ຕັ້ງ​ຫຼັກແຫຼ່ງ​ຢູ່. ພວກເຂົາ​ໄດ້​ທຳລາຍ​ລ້າງຜານ​ຊາວ​ອາວິມ ຊາວ​ພື້ນເມືອງ ແລະ​ໄດ້​ຢຶດຄອງ​ດິນແດນ​ທັງໝົດ​ຂອງ​ພວກເຂົາ ແຕ່​ໃຕ້​ສຸດ​ຈົນ​ຮອດ​ເມືອງ​ກາຊາ.

ພຣະບັນຍັດສອງ 9:23

ເມື່ອ​ພຣະເຈົ້າຢາເວ​ໃຊ້​ພວກເຈົ້າ​ໄປ​ຈາກ​ເມືອງ​ກາເດັດ​ບາກເນອາ ໂດຍ​ສັ່ງ​ໃຫ້​ເຂົ້າ​ໄປ​ຢຶດຄອງ​ດິນແດນ​ທີ່​ພຣະອົງ​ມອບ​ໃຫ້​ພວກເຈົ້າ ພວກເຈົ້າ​ກໍໄດ້​ກະບົດ​ຕໍ່ສູ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ພວກເຈົ້າ​ບໍ່ໄດ້​ໄວ້ວາງໃຈ​ພຣະອົງ​ຫລື​ເຊື່ອຟັງ​ພຣະອົງ.

ໂຢຊວຍ 10:12

ໃນ​ມື້​ທີ່​ພຣະເຈົ້າຢາເວ​ໄດ້​ບັນດານ​ໃຫ້ ພວກ​ອິດສະຣາເອນ​ຊະນະ​ພວກອາໂມ​ນັ້ນ ໂຢຊວຍ​ໄດ້​ກ່າວ​ຕໍ່​ພຣະເຈົ້າຢາເວ​ຕໍ່ໜ້າ​ຊາວ​ອິດສະຣາເອນ​ວ່າ, “ດວງອາທິດ​ເອີຍ ຈົ່ງ​ຢຸດ​ຢູ່​ທີ່​ເມືອງ​ກີເບໂອນ​ສາ ດວງເດືອນ​ເອີຍ ຈົ່ງ​ຢຸດ​ຢູ່​ເທິງ​ຮ່ອມພູ​ໄອຢາໂລນ​ເຖີດ.”

ໂຢຊວຍ 10:2

ປະຊາຊົນ​ໃນ​ເມືອງ​ເຢຣູຊາເລັມ​ພາກັນ​ຕົກໃຈ​ຫຼາຍ​ກ່ຽວກັບ​ຂ່າວ​ນັ້ນ ຍ້ອນ​ວ່າ​ເມືອງ​ກີເບໂອນ​ເປັນ​ເມືອງ​ໃຫຍ່​ເທົ່າ​ກັບ​ເມືອງ​ໃດໆ​ທີ່​ມີ​ກະສັດ ທັງ​ໃຫຍ່​ກວ່າ​ເມືອງ​ອາອີ ແລະ ທະຫານ​ກໍ​ເປັນ​ນັກຮົບ​ທີ່​ເກັ່ງກ້າ​ດ້ວຍ.

ໂຢຊວຍ 11:16

ໂຢຊວຍ​ໄດ້​ຍົກທັບ​ໄປ​ຢຶດຄອງ​ດິນແດນ​ທັງໝົດ ຄື​ດິນແດນ​ຕາມ​ເຂດ​ເນີນພູ ແລະ​ຕາມ​ຕີນ​ພູ​ທາງ​ທິດເໜືອ​ແລະ​ທິດໃຕ້, ເຂດ​ໂກເຊັນ​ທັງໝົດ​ກັບ​ດິນແດນ​ທີ່​ແຫ້ງແລ້ງ​ທາງທິດໃຕ້​ຂອງ​ເຂດ​ນັ້ນ, ຕະຫລອດ​ທັງ​ຮ່ອມພູ​ຈໍແດນ​ດ້ວຍ.

ໂຢຊວຍ 11:22

ບໍ່ມີ​ພວກ​ອານາກີມ​ຈັກ​ຄົນ​ທີ່​ເຫຼືອ​ຢູ່​ໃນ​ດິນແດນ​ອິດສະຣາເອນ ແຕ່​ຍັງ​ມີ​ບາງຄົນ​ທີ່​ໄດ້​ເຫຼືອ​ຢູ່​ໃນ​ເມືອງ​ກາຊາ, ເມືອງກາດ ແລະ​ເມືອງ​ອາຊະໂດດ.

ໂຢຊວຍ 15:51

ໂກເຊັນ, ໂຮໂລນ ແລະ​ກິໂລ. ລວມ​ທັງໝົດ​ມີ 11 ຕົວເມືອງ ຕະຫລອດ​ທັງ​ເມືອງເລັກ​ເມືອງນ້ອຍ​ທີ່​ຢູ່​ອ້ອມແອ້ມ​ນັ້ນ.

ພວກ^ຜູ້ປົກຄອງ 16:1

ຕໍ່ມາ ແຊມຊັນ​ໄດ້​ຈາກ​ເມືອງ​ເລຮີ​ໄປ​ທີ່​ເມືອງ​ກາຊາ. ໃນ​ເມືອງ​ນີ້ ລາວ​ໄດ້​ພົບ​ຍິງໂສເພນີ​ຜູ້ໜຶ່ງ​ຈຶ່ງ​ເຂົ້າ​ໄປ​ນອນ​ນຳ​ນາງ.

ພວກ^ຜູ້ປົກຄອງ 16:21

ຕໍ່ມາ ພວກ​ຟີລິດສະຕິນ​ກໍ​ຈັບ​ແຊມຊັນ​ໄດ້ ແລະ​ເຈາະ​ແກ່ນຕາ​ທັງສອງ​ຂອງ​ລາວ. ພວກເຂົາ​ໄດ້​ນຳ​ລາວ​ໄປ​ທີ່​ເມືອງ​ກາຊາ ແລະ​ໃຊ້​ໂສ້​ທີ່​ເປັນ​ທອງສຳຣິດ​ລ່າມ​ລາວ​ໄວ້ ແລະ​ທັງ​ບັງຄັບ​ລາວ​ໃຫ້​ໂມ້ແປ້ງ​ຢູ່​ໃນ​ຄຸກ.

1 ຊາມູເອນ 6:17

ຄຳ​ທີ່​ເປັນ​ຮູບ​ຕຸ່ມຝີ​ຫ້າ​ກ້ອນ​ຊຶ່ງ​ພວກ​ຟີລິດສະຕິນ​ໄດ້​ຈັດ​ສົ່ງ​ມາ ເປັນ​ຂອງ​ຖວາຍ​ແກ່​ພຣະເຈົ້າຢາເວ​ເພື່ອ​ຊົດໃຊ້​ບາບ​ນັ້ນ ແຕ່ລະ​ກ້ອນ​ແມ່ນ​ສຳລັບ​ແຕ່ລະ​ເມືອງ ດັ່ງນີ້: ອາຊະໂດດ, ກາຊາ, ອາຊະເກໂລນ, ກາດ ແລະ​ເອັກໂຣນ.