ໂຢຊວຍ 10:32 - ພຣະຄຳພີສັກສິ

³² ໃນ​ມື້​ທີ​ສອງ​ຂອງ​ການ​ສູ້ຮົບ ພຣະເຈົ້າຢາເວ​ໄດ້​ໃຫ້​ຊາວ​ອິດສະຣາເອນ​ຊະນະ​ເມືອງ​ລາກິດ ແລະ​ພວກເຂົາ​ໄດ້​ຂ້າ​ທຸກໆ​ຄົນ​ໃນ​ເມືອງ​ໂດຍ​ບໍ່​ໄວ້​ຊີວິດ​ໃຜ​ເລີຍ ດັ່ງ​ທີ່​ໄດ້​ເຮັດ​ຕໍ່​ເມືອງ​ລິບນາ.

ໂຢຊວຍ 10:32 Jak'a apnaqawi uñst'ayäwi

ອົບພະຍົບ 17:13

ໂດຍ​ວິທີ​ນີ້ ໂຢຊວຍ​ຈຶ່ງ​ໄດ້​ຊະນະ​ທະຫານ​ອາມາເຫຼັກ​ຢ່າງ​ສິ້ນເຊີງ.

ເອຊາຢາ 37:8

ຂ້າຣາຊການ​ຊັ້ນ​ຜູ້ໃຫຍ່​ແຫ່ງ​ອັດຊີເຣຍ​ຮູ້​ວ່າ ກະສັດ​ໄດ້​ຈາກ​ເມືອງ​ລາກິດ​ໄປ​ແລ້ວ ແລະ​ກຳລັງ​ສູ້ຮົບ​ກັບ​ເມືອງ​ລິບນາ​ທີ່​ຢູ່​ໃກ້​ນັ້ນ; ສະນັ້ນ ຂ້າຣາຊການ​ຈຶ່ງ​ໄປ​ທີ່​ນັ້ນ​ເພື່ອ​ປຶກສາ​ຫາລື​ກັບ​ເພິ່ນ.

ພຣະບັນຍັດສອງ 7:2

ແລະ​ເມື່ອ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃຫ້​ຊົນຊາດ​ເຫຼົ່ານີ້ ຢູ່​ໃຕ້​ອຳນາດ​ຂອງ​ພວກເຈົ້າ ແລະ​ພວກເຈົ້າ​ຊະນະ​ພວກເຂົາ​ແລ້ວ ຢ່າ​ໄວ້​ຊີວິດ​ຂອງ​ພວກເຂົາ​ເປັນ​ເດັດຂາດ. ຢ່າ​ເຮັດ​ສັນຍາ​ໃດໆ​ກັບ​ພວກເຂົາ ຫລື​ສະແດງ​ຄວາມ​ເມດຕາ​ຕໍ່​ພວກເຂົາ​ເລີຍ.

ໂຢຊວຍ 10:28

ໃນ​ມື້ນັ້ນ ໂຢຊວຍ​ໄດ້​ໂຈມຕີ​ແລະ​ຢຶດຄອງ​ເມືອງ​ມັກເກດາ ແລະ​ໄດ້​ຂ້າ​ກະສັດ​ຂອງ​ເມືອງ​ນັ້ນ. ເພິ່ນ​ໄດ້​ຂ້າ​ທຸກໆ​ຄົນ​ຢູ່​ໃນ​ເມືອງ​ໂດຍ​ບໍ່​ໄວ້​ຊີວິດ​ໃຜ​ເລີຍ. ເພິ່ນ​ໄດ້​ເຮັດ​ຕໍ່​ກະສັດ​ແຫ່ງ​ມັກເກດາ ເໝືອນ​ດັ່ງ​ທີ່​ໄດ້​ເຮັດ​ຕໍ່​ກະສັດ​ແຫ່ງ​ເຢຣິໂກ.

ໂຢຊວຍ 10:31

ຫລັງຈາກ​ນີ້​ແລ້ວ ໂຢຊວຍ​ແລະ​ພວກ​ທະຫານ​ຂອງ​ເພິ່ນ ກໍໄດ້​ອອກ​ຈາກ​ເມືອງ​ລິບນາ​ໄປ​ທີ່​ເມືອງ​ລາກິດ ແລະ​ອ້ອມ​ເມືອງ​ໄວ້​ເພື່ອ​ບຸກໂຈມຕີ.

ໂຢຊວຍ 10:33

ໃນ​ຄັ້ງ​ນັ້ນ ເຈົ້າ​ໂຮຣາມ​ກະສັດ​ແຫ່ງ​ເກເຊ​ໄດ້​ມາ​ຊ່ວຍ​ເມືອງ​ລາກິດ ແຕ່​ໂຢຊວຍ​ໄດ້​ຂ້າ​ລາວ​ແລະ​ທະຫານ​ໂດຍ​ບໍ່​ໄວ້​ຊີວິດ​ໃຜ​ເລີຍ.

ໂຢຊວຍ 11:12

ໂຢຊວຍ​ໄດ້​ຢຶດຄອງ​ເມືອງ​ຕ່າງໆ ທັງ​ຈັບ​ເອົາ​ກະສັດ​ຂອງ​ເມືອງ​ເຫຼົ່ານີ້. ເພິ່ນ​ໄດ້​ຂ້າ​ທຸກໆ​ຄົນ​ຕາມ​ທີ່​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ສັ່ງ​ໄວ້.