ໂຢຊວຍ 10:29 - ພຣະຄຳພີສັກສິ

²⁹ ຫລັງຈາກ​ນັ້ນ ໂຢຊວຍ​ພ້ອມ​ທັງ​ທະຫານ​ຂອງ​ເພິ່ນ​ກໍໄດ້​ອອກ​ຈາກ​ເມືອງ​ມັກເກດາ ແລະ​ເດີນທາງ​ໄປ​ໂຈມຕີ​ເມືອງ​ລິບນາ.

ໂຢຊວຍ 10:29 Jak'a apnaqawi uñst'ayäwi

2 ກະສັດ 19:8

ຂ້າຣາຊການ​ອັດຊີເຣຍ​ໄດ້ຍິນ​ວ່າ ກະສັດ​ໄດ້​ອອກ​ແຕ່​ເມືອງ​ລາກິດ​ໄປ ແລະ​ກຳລັງ​ສູ້ຮົບ​ຢູ່​ໃກ້ໆ​ກັບ​ເມືອງ​ລິບນາ ລາວ​ຈຶ່ງ​ໄປ​ປຶກສາ​ນຳ​ເພິ່ນ​ຢູ່​ທີ່​ນັ້ນ.

2 ກະສັດ 8:22

ຕັ້ງແຕ່​ນັ້ນ​ມາ ເອໂດມ​ກໍ​ບໍ່ໄດ້​ຂຶ້ນ​ກັບ ອານາຈັກ​ຢູດາຍ​ອີກ​ຕໍ່ໄປ. ໃນ​ໄລຍະ​ເວລາ​ດຽວກັນນີ້ ເມືອງ​ລິບນາ​ກໍ​ເປັນ​ກະບົດ​ດ້ວຍ.

2 ຂ່າວຄາວ 21:10

ແຕ່​ນັ້ນ​ມາ ເອໂດມ​ກໍໄດ້​ແຍກ​ເປັນ​ອານາຈັກ​ເອກະລາດ​ຈາກ ອານາຈັກ​ຢູດາຍ. ໃນ​ເວລາ​ນັ້ນ​ເມືອງ​ລິບນາ​ໄດ້​ກະບົດ​ຄືກັນ ຍ້ອນ​ເຢໂຮຣາມ​ໄດ້​ປະຖິ້ມ​ພຣະເຈົ້າຢາເວ ພຣະເຈົ້າ​ຂອງ​ບັນພະບຸລຸດ​ຂອງຕົນ.

ເອຊາຢາ 37:8

ຂ້າຣາຊການ​ຊັ້ນ​ຜູ້ໃຫຍ່​ແຫ່ງ​ອັດຊີເຣຍ​ຮູ້​ວ່າ ກະສັດ​ໄດ້​ຈາກ​ເມືອງ​ລາກິດ​ໄປ​ແລ້ວ ແລະ​ກຳລັງ​ສູ້ຮົບ​ກັບ​ເມືອງ​ລິບນາ​ທີ່​ຢູ່​ໃກ້​ນັ້ນ; ສະນັ້ນ ຂ້າຣາຊການ​ຈຶ່ງ​ໄປ​ທີ່​ນັ້ນ​ເພື່ອ​ປຶກສາ​ຫາລື​ກັບ​ເພິ່ນ.

ເຢເຣມີຢາ 52:1

ເຈົ້າ​ເຊເດກີຢາ​ໄດ້​ຂຶ້ນ​ເປັນ​ກະສັດ​ແຫ່ງ​ຢູດາຍ ເມື່ອ​ເພິ່ນ​ມີ​ອາຍຸ​ຊາວເອັດ​ປີ ແລະ​ໄດ້​ປົກຄອງ​ຢູ່​ໃນ​ນະຄອນ​ເຢຣູຊາເລັມ​ເປັນ​ເວລາ​ສິບເອັດ​ປີ. ແມ່​ຂອງ​ເພິ່ນ​ຊື່​ວ່າ​ຮາມູຕານ. ນາງ​ເປັນ​ລູກສາວ​ຂອງ​ເຢເຣມີຢາ​ຊາວ​ເມືອງ​ລິບນາ.

ໂຢຊວຍ 10:28

ໃນ​ມື້ນັ້ນ ໂຢຊວຍ​ໄດ້​ໂຈມຕີ​ແລະ​ຢຶດຄອງ​ເມືອງ​ມັກເກດາ ແລະ​ໄດ້​ຂ້າ​ກະສັດ​ຂອງ​ເມືອງ​ນັ້ນ. ເພິ່ນ​ໄດ້​ຂ້າ​ທຸກໆ​ຄົນ​ຢູ່​ໃນ​ເມືອງ​ໂດຍ​ບໍ່​ໄວ້​ຊີວິດ​ໃຜ​ເລີຍ. ເພິ່ນ​ໄດ້​ເຮັດ​ຕໍ່​ກະສັດ​ແຫ່ງ​ມັກເກດາ ເໝືອນ​ດັ່ງ​ທີ່​ໄດ້​ເຮັດ​ຕໍ່​ກະສັດ​ແຫ່ງ​ເຢຣິໂກ.

ໂຢຊວຍ 10:30

ພຣະເຈົ້າຢາເວ​ໄດ້​ໃຫ້​ຊາວ​ອິດສະຣາເອນ​ຊະນະ​ເມືອງ​ນີ້​ອີກ​ພ້ອມ​ທັງ​ກະສັດ. ພວກເຂົາ​ໄດ້​ຂ້າ​ທຸກໆ​ຄົນ​ຢູ່​ໃນ​ເມືອງ​ໂດຍ​ບໍ່​ໄວ້​ຊີວິດ​ໃຜ​ເລີຍ. ເພິ່ນ​ໄດ້​ເຮັດ​ຕໍ່​ກະສັດ​ຂອງ​ເມືອງ​ນີ້ ເໝືອນດັ່ງ​ທີ່​ໄດ້​ເຮັດ​ຕໍ່​ກະສັດ​ແຫ່ງ​ເຢຣິໂກ.

ໂຢຊວຍ 12:15

ກະສັດ​ຂອງ​ລິບນາ, ກະສັດ​ຂອງ​ອາດຸນລຳ,

ໂຢຊວຍ 15:42

ມີ​ເມືອງ​ຕ່າງໆ​ອີກ​ດັ່ງນີ້: ລິບນາ, ເອເທ, ອາຊານ,

ໂຢຊວຍ 21:13

ນອກຈາກ​ເຮັບໂຣນ (ໜຶ່ງ​ໃນ​ບັນດາ​ເມືອງ​ລີ້ໄພ) ເມືອງ​ທີ່​ໄດ້​ຖືກ​ມອບໝາຍ​ໃຫ້​ເຊື້ອສາຍ​ຂອງ​ປະໂຣຫິດ​ອາໂຣນ ມີ​ດັ່ງນີ້: ລິບນາ,

ໂຢຊວຍ 6:21

ພວກເຂົາ​ໄດ້​ໃຊ້​ດາບ​ຂ້າ​ທັງ​ຍິງ​ແລະ​ຊາຍ ຜູ້ໜຸ່ມ​ແລະ​ຜູ້ເຖົ້າ, ຕະຫລອດ​ທັງ​ຝູງງົວ, ຝູງແກະ ແລະ​ຝູງ​ລໍ​ດ້ວຍ.

ໂຢຊວຍ 8:2

ເຈົ້າ​ຈົ່ງ​ເຮັດ​ຕໍ່​ເມືອງ​ອາອີ​ແລະ​ກະສັດ​ຂອງ​ເມືອງ​ນີ້ ເໝືອນດັ່ງ​ທີ່​ເຈົ້າ​ໄດ້​ເຮັດ​ຕໍ່​ເມືອງ​ເຢຣິໂກ​ແລະ​ກະສັດ​ຂອງ​ເມືອງ​ນັ້ນ. ແຕ່​ໃນຄັ້ງນີ້ ໃຫ້​ພວກເຈົ້າ​ເອົາ​ສິ່ງຂອງ ແລະ​ຝູງສັດ​ມາ​ເປັນ​ຂອງ​ພວກເຈົ້າ​ໄດ້. ຈົ່ງ​ຕຽມ​ໂຈມຕີ​ເມືອງ​ທາງ​ດ້ານຫລັງ ໂດຍ​ບໍ່​ໃຫ້​ພວກເຂົາ​ຮູ້ຕົວ.”

ໂຢຊວຍ 8:29

ເພິ່ນ​ໄດ້​ແຂວນ​ຄໍ​ກະສັດ​ແຫ່ງ​ອາອີ​ທີ່​ເທິງ​ຕົ້ນໄມ້ ແລະ​ປະ​ໄວ້​ຈົນ​ຮອດ​ຄໍ່າ. ພໍ​ຕາເວັນ​ຕົກ​ດິນ​ແລ້ວ ໂຢຊວຍ​ກໍ​ສັ່ງ​ໃຫ້​ຄົນ​ປົດ​ເອົາ​ສົບ​ລົງ​ມາ​ຈາກ​ຕົ້ນໄມ້ ແລະ​ໄດ້​ໂຍນ​ສົບ​ນັ້ນ​ຖິ້ມ​ໄວ້​ທາງ​ປະຕູ​ເຂົ້າ​ເມືອງ. ພວກເຂົາ​ໄດ້​ເອົາ​ກ້ອນຫີນ​ກອງ​ຖົມ​ລາວ​ໄວ້​ເປັນ​ກອງ​ໃຫຍ່ ຊຶ່ງ​ຍັງ​ມີ​ຢູ່​ເທົ່າ​ທຸກ​ວັນນີ້.