ໂຢຊວຍ 1:2 - ພຣະຄຳພີສັກສິ

² “ໂມເຊ​ຜູ້ຮັບໃຊ້​ຂອງເຮົາ​ກໍ​ຕາຍໄປ​ແລ້ວ ບັດນີ້ ເຈົ້າ​ກັບ​ປະຊາຊົນ​ອິດສະຣາເອນ​ທຸກຄົນ ຈົ່ງ​ຕຽມຕົວ​ໃຫ້​ພ້ອມ ແລະ​ຂ້າມ​ແມ່ນໍ້າ​ຈໍແດນ ເຂົ້າ​ໄປ​ໃນ​ດິນແດນ​ທີ່​ເຮົາ​ກຳລັງ​ໃຫ້​ພວກເຈົ້າ.

ໂຢຊວຍ 1:2 Jak'a apnaqawi uñst'ayäwi

ປະຖົມມະການ 17:8

ເຮົາ​ຈະ​ມອບ​ດິນແດນ ທີ່​ເຈົ້າ​ອາໄສ​ຢູ່​ປັດຈຸບັນ​ໃນ​ຖານະ​ເປັນ​ຄົນ​ຕ່າງດ້າວ​ນີ້ ໃຫ້​ແກ່​ເຈົ້າ​ແລະ​ເຊື້ອສາຍ​ຂອງ​ພວກເຈົ້າ. ດິນແດນ​ການາອານ​ທັງໝົດ ຈະ​ເປັນ​ຂອງ​ພວກເຈົ້າ​ຕະຫລອດໄປ ແລະ​ເຮົາ​ຈະ​ເປັນ​ພຣະເຈົ້າ​ຂອງ​ພວກເຂົາ.”

ເນເຫມີຢາ 9:23

ພຣະອົງ​ໃຫ້​ພວກເພິ່ນ​ມີ​ລູກຫລານ​ຢ່າງ​ຫລວງຫລາຍ ດັ່ງ​ໝູ່​ດວງດາວ​ຢູ່​ໃນ​ທ້ອງຟ້າ ໃຫ້​ຕີ​ເອົາ​ດິນແດນ​ໄດ້​ຄື​ບ່ອນ​ພວກເພິ່ນ​ອາໄສ​ຢູ່ ທີ່​ຊົງ​ໄດ້​ສັນຍາ​ໄວ້​ກັບ​ບັນພະບຸລຸດ​ຂອງ​ພວກເພິ່ນ.

ພຣະທຳ​ໂຢບ 1:8

ພຣະເຈົ້າຢາເວ​ຖາມ​ມານຊາຕານ​ວ່າ, “ເຈົ້າ​ໄດ້​ສັງເກດ​ເບິ່ງ​ໂຢບ ຜູ້ຮັບໃຊ້​ຂອງເຮົາ​ບໍ? ເທິງ​ແຜ່ນດິນ​ໂລກນີ້​ບໍ່ມີ​ຜູ້ໃດ​ທີ່​ສັດຊື່​ແລະ​ດີ​ເທົ່າ​ກັບ​ລາວ. ລາວ​ຢຳເກງ​ພຣະເຈົ້າ​ແລະ​ລະມັດ​ລະວັງ​ຕົວ​ບໍ່​ເຮັດ​ຊົ່ວ.”

ເອຊາຢາ 42:1

ພຣະເຈົ້າ​ກ່າວ​ວ່າ, “ນີ້​ຄື​ຜູ້ຮັບໃຊ້​ທີ່​ເຮົາ​ໃຫ້​ກຳລັງ” “ຜູ້​ທີ່​ເຮົາ​ໄດ້​ເລືອກເອົາ​ແລະ​ພໍໃຈ​ນຳ​ດ້ວຍ. ເຮົາ​ໃຫ້​ລາວ​ເຕັມ​ໄປ​ດ້ວຍ​ພຣະວິນຍານ​ຂອງເຮົາ ລາວ​ຈະ​ນຳ​ຄວາມ​ຍຸດຕິທຳ​ມາ​ສູ່​ທຸກ​ຊົນຊາດ.

ຈົດບັນຊີ 12:7

ມັນ​ແຕກຕ່າງ​ກັບ​ເມື່ອ​ເຮົາ​ກ່າວ​ແກ່​ໂມເຊ ຄົນ​ຮັບໃຊ້​ທີ່​ສັດຊື່​ຂອງເຮົາ; ເຮົາ​ໄດ້​ໃຫ້​ລາວ​ຮັບຜິດຊອບ​ປະຊາຊົນ​ອິດສະຣາເອນ​ທັງໝົດ​ຂອງເຮົາ.

ພຣະບັນຍັດສອງ 3:28

ເຈົ້າ​ຈົ່ງ​ແນະນຳ​ໂຢຊວຍ​ແລະ​ໃຫ້​ກຳລັງໃຈ​ລາວ ໃຫ້​ເດັດດ່ຽວ​ກ້າຫານ​ຫລາຍ​ຍິ່ງ​ຂຶ້ນ ເພາະ​ລາວ​ຈະ​ຕ້ອງ​ເປັນ​ຜູ້​ນຳພາ​ປະຊາຊົນ​ຂ້າມ​ແມ່ນໍ້າ​ຈໍແດນ ເຂົ້າ​ໄປ​ຢຶດຄອງ​ດິນແດນ​ທີ່​ເຈົ້າ​ເຫັນ​ຢູ່​ນີ້.’

ພຣະບັນຍັດສອງ 31:7

ແລ້ວ​ໂມເຊ​ກໍໄດ້​ເອີ້ນ​ໂຢຊວຍ​ເຂົ້າ​ມາ​ຫາ ແລະ​ກ່າວ​ແກ່​ລາວ​ຕໍ່ໜ້າ​ປະຊາຊົນ​ອິດສະຣາເອນ​ທັງໝົດ​ວ່າ, “ຈົ່ງ​ເດັດດ່ຽວ​ແລະ​ກ້າຫານ ເຈົ້າ​ຕ້ອງ​ເປັນ​ຜູ້​ທີ່​ຈະ​ນຳພາ​ປະຊາຊົນ​ເຫຼົ່ານີ້​ເຂົ້າ​ໄປ​ຢຶດຄອງ​ດິນແດນ​ທີ່​ພຣະເຈົ້າຢາເວ​ໄດ້​ສັນຍາ​ໄວ້​ກັບ​ປູ່ຍ່າຕາຍາຍ​ຂອງ​ພວກເຮົາ.

ພຣະບັນຍັດສອງ 34:5

ດັ່ງນັ້ນ ໂມເຊ ຜູ້ຮັບໃຊ້​ຂອງ​ພຣະເຈົ້າຢາເວ ຈຶ່ງ​ໄດ້​ຕາຍ​ຢູ່​ທີ່​ນັ້ນ​ໃນ​ດິນແດນ​ໂມອາບ ຕາມ​ທີ່​ພຣະເຈົ້າຢາເວ​ໄດ້​ບອກ​ໄວ້.

ໂຢຊວຍ 1:1

ຫລັງຈາກ​ໂມເຊ​ຜູ້ຮັບໃຊ້​ຂອງ​ພຣະເຈົ້າຢາເວ​ໄດ້​ຕາຍໄປ​ແລ້ວ ພຣະເຈົ້າຢາເວ​ໄດ້​ສັ່ງ​ໂຢຊວຍ​ລູກຊາຍ​ຂອງ​ນູນ ຜູ້​ຊ່ວຍ​ວຽກ​ຂອງ​ໂມເຊ​ວ່າ,

ໂຢຊວຍ 1:11

ໃຫ້​ໄປ​ປ່າວ​ເຕືອນ​ປະຊາຊົນ​ຕາມ​ຄ້າຍພັກ​ວ່າ, “ຈົ່ງ​ຈັດແຈງ​ເອົາ​ອາຫານ​ໃຫ້​ພ້ອມ ເພາະ​ພາຍ​ໃນ​ສາມ​ວັນ ພວກເຈົ້າ​ຈະ​ຂ້າມ​ແມ່ນໍ້າ​ຈໍແດນ​ເຂົ້າ​ໄປ​ຢຶດຄອງ​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຳລັງ​ຈະ​ມອບ​ໃຫ້.”