ໂຢນາ 2:4 - ພຣະຄຳພີສັກສິ

⁴ ຂ້ານ້ອຍ​ຄິດ​ວ່າ​ຖືກ​ກຳຈັດ​ຈາກ​ພຣະອົງ​ໄປ ແລະ​ຄົງ​ບໍ່ໄດ້​ເຫັນ​ພຣະວິຫານ​ອັນ​ສັກສິດ​ຕໍ່ໄປ​ແລ້ວ.

ໂຢນາ 2:4 Jak'a apnaqawi uñst'ayäwi

1 ກະສັດ 8:48

ຢູ່​ໃນ​ດິນແດນ​ນັ້ນ ຖ້າ​ພວກເຂົາ​ກັບໃຈ​ໃໝ່​ຢ່າງ​ຈິງໃຈ​ແທ້ ແລະ​ພາວັນນາ​ອະທິຖານ​ຫາ​ພຣະອົງ ໂດຍ​ປິ່ນໜ້າ​ມາທາງ​ດິນແດນ​ທີ່​ພຣະອົງ​ໄດ້​ມອບ​ໃຫ້​ແກ່​ພວກ​ປູ່ຍ່າຕາຍາຍ​ຂອງ​ພວກ​ຂ້ານ້ອຍ ຄື​ເມືອງ​ທີ່​ພຣະອົງ​ໄດ້​ເລືອກໄວ້ ແລະ​ປິ່ນໜ້າ​ມາ​ທາງ​ວິຫານ​ນີ້ ທີ່​ຂ້ານ້ອຍ​ໄດ້​ສ້າງ​ສຳລັບ​ນາມຊື່​ຂອງ​ພຣະອົງ;

1 ກະສັດ 9:7

ແລ້ວ​ເຮົາ​ກໍ​ຈະ​ຕັດ​ປະຊາຊົນ​ອິດສະຣາເອນ​ຂອງເຮົາ ອອກ​ຈາກ​ດິນແດນ​ທີ່​ເຮົາ​ໄດ້​ໃຫ້​ພວກເຂົາ​ນັ້ນ. ເຮົາ​ຈະ​ປະຖິ້ມ​ວິຫານ​ນີ້ ຊຶ່ງ​ເຮົາ​ໄດ້​ໃຫ້​ເປັນ​ບ່ອນ​ສັກສິດ ເພື່ອ​ນະມັດສະການ​ເຮົາ​ຄືກັນ. ປະຊາຊົນ​ທົ່ວ​ທຸກ​ແຫ່ງ​ຈະ​ດູຖູກ ແລະ​ໝິ່ນປະໝາດ​ຊາດ​ອິດສະຣາເອນ.

2 ຂ່າວຄາວ 6:38

ທີ່​ດິນແດນ​ນັ້ນ ຖ້າ​ພວກເຂົາ​ຈິງໃຈ​ກັບໃຈ​ໃໝ່​ແທ້ ແລະ​ພາວັນນາ​ອະທິຖານ​ຫາ​ພຣະອົງ​ໂດຍ​ປິ່ນໜ້າ​ມາ​ທາງ​ເມືອງ​ນີ້ ຊຶ່ງ​ພຣະອົງ​ໄດ້​ເລືອກ​ໄວ້ ແລະ​ມາ​ທີ່​ວິຫານ​ນີ້ ຊຶ່ງ​ຂ້ານ້ອຍ​ໄດ້​ສ້າງ​ເພື່ອ​ພຣະນາມ​ຂອງ​ພຣະອົງ

ເພງ^ສັນລະເສີນ 31:22

ຂ້ານ້ອຍ​ຢ້ານ​ແລະ​ຄິດ​ວ່າ​ພຣະອົງ​ໄລ່​ຂ້ານ້ອຍ​ໜີໄປ​ຈາກ​ພຣະອົງ ແຕ່​ພຣະອົງ​ໄດ້ຍິນ​ຄຳຮ້ອງຂໍ​ໃຫ້​ຊ່ວຍເຫລືອ​ແລ້ວ.

ເພງ^ສັນລະເສີນ 42:8

ຂໍ​ພຣະເຈົ້າຢາເວ​ຊົງ​ໂຜດ​ສຳແດງ ຄວາມຮັກ​ອັນ​ໝັ້ນຄົງ​ຂອງ​ພຣະອົງ ໃນ​ເວລາ​ກາງເວັນ​ແກ່​ຂ້ານ້ອຍ​ດ້ວຍ ເພື່ອ​ຈະ​ໄດ້​ຮ້ອງເພງ​ເວລາ​ກາງຄືນ ຄື​ຄຳພາວັນນາ​ອະທິຖານ​ເຖິງ​ພຣະເຈົ້າ ທີ່​ຊົງ​ໃຫ້​ຊີວິດ​ແກ່​ຂ້ານ້ອຍ​ນັ້ນ.

ເພງ^ສັນລະເສີນ 5:7

ແຕ່​ເພາະ​ຄວາມຮັກ​ອັນ​ຍິ່ງໃຫຍ່​ຂອງ​ພຣະອົງ ຂ້ານ້ອຍ​ຈຶ່ງ​ສາມາດ​ເຂົ້າ​ມາ​ໃນ​ວິຫານ​ຂອງ​ພຣະອົງ​ໄດ້ ຂ້ານ້ອຍ​ນະມັດສະການ​ໃນ​ທີ່​ສັກສິດ​ຂອງ​ພຣະອົງ ແລະ​ກົ້ມຂາບ​ພຣະອົງ​ດ້ວຍ​ຄວາມ​ຢຳເກງ​ຍິ່ງ.

ເພງ^ສັນລະເສີນ 88:6

ພຣະອົງ​ໄດ້​ໂຍນ​ຂ້ານ້ອຍ​ຖິ້ມ​ລົງ​ໃນ​ອຸບມຸງ​ເລິກ​ສຸດ ໃນ​ຂຸມ​ບ່ອນ​ມືດໜາ ແລະ​ເລິກ​ທີ່ສຸດ​ດ້ວຍ.

ເພງ^ສັນລະເສີນ 88:7

ຄວາມ​ໂກດຮ້າຍ​ຂອງ​ພຣະອົງ​ໄດ້​ທັບເຕັງ​ຂ້ານ້ອຍ​ລົງ​ຢ່າງໜັກ ແລະ​ຂ້ານ້ອຍ​ຖືກ​ຢຽບ​ໃຫ້​ໝຸ່ນ​ດ້ວຍ​ຄື້ນ​ແຫ່ງ​ຄວາມ​ໂກດຮ້າຍ.

ເອຊາຢາ 38:17

ແລ້ວ​ຄວາມ​ຂົມຂື່ນ​ກໍ​ຈະ​ຫັນ​ປ່ຽນ​ເປັນ​ສັນຕິສຸກ ເພາະ​ພຣະອົງ​ເອງ​ຊ່ວຍ​ກູ້​ເອົາ ​ຊີວິດ​ຂ້ານ້ອຍ​ໄວ້; ໂດຍ​ເຮັດ​ໃຫ້​ພົ້ນ​ຈາກ​ອັນຕະລາຍ​ທຸກຢ່າງ ການບາບ​ຂອງ​ຂ້ານ້ອຍ​ກໍໄດ້​ຮັບ​ອະໄພ.

ເອຊາຢາ 49:14

ແຕ່​ປະຊາຊົນ​ຊາວ​ເຢຣູຊາເລັມ​ນັ້ນ​ເວົ້າ​ວ່າ, “ພຣະເຈົ້າຢາເວ​ປະຖິ້ມ​ແລະ​ລືມໄລ​ພວກເຮົາ.”

ເຢເຣມີຢາ 15:1

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ຂ້າພະເຈົ້າ​ວ່າ, “ເຖິງ​ແມ່ນ​ວ່າ​ໂມເຊ​ກັບ​ຊາມູເອນ​ຢືນ​ຮ້ອງຂໍ​ນຳ​ເຮົາ​ຢູ່​ທີ່​ນີ້; ເຮົາ​ກໍ​ຈະ​ບໍ່ມີ​ໃຈ​ເມດຕາ​ຕໍ່​ປະຊາຊົນ​ເຫຼົ່ານີ້​ເລີຍ. ຈົ່ງ​ໄລ່​ພວກເຂົາ​ໜີໄປ; ຈົ່ງ​ໃຫ້​ພວກເຂົາ​ໜີ​ພົ້ນ​ໄປ​ຈາກ​ສາຍຕາ​ຂອງເຮົາ​ສາ.

ເຢເຣມີຢາ 7:15

ເຮົາ​ຈະ​ຂັບໄລ່​ພວກເຈົ້າ​ອອກ​ໄປ​ໃຫ້​ຫ່າງ​ຈາກ​ສາຍຕາ​ຂອງເຮົາ ດັ່ງ​ທີ່​ໄດ້​ເຮັດ​ກັບ​ຊາວ​ເອຟຣາອິມ ພີ່ນ້ອງ​ຂອງເຈົ້າ.”

ເພງ^ຄໍ່າຄວນ 3:54

ນໍ້າ​ເລີ່ມ​ໄຫລ​ຖ້ວມ​ຂ້ານ້ອຍ​ຂຶ້ນໄປ ຄິດວ່າ​ຄວາມຕາຍ​ໃກ້​ເຂົ້າ​ມາ​ສາ​ແລ້ວ.

ເອເຊກຽນ 37:11

ແລ້ວ​ພຣະອົງ​ໄດ້​ກ່າວ​ແກ່​ຂ້າພະເຈົ້າ​ວ່າ, “ມະນຸດ​ເອີຍ ປະຊາຊົນ​ອິດສະຣາເອນ​ກໍ​ເປັນ​ດັ່ງ​ກະດູກ​ເຫຼົ່ານີ້​ແຫຼະ. ພວກເຂົາ​ເວົ້າ​ວ່າ, ຕົນເອງ​ແຫ້ງແລ້ງ, ໄຮ້​ຄວາມຫວັງ ແລະ​ບໍ່ມີ​ອະນາຄົດ.

ດານີເອນ 6:10

ເມື່ອ​ດານີເອນ​ຮູ້ວ່າ​ໜັງສື​ຄຳສັ່ງ​ໄດ້​ເຊັນ​ລົງ​ໄປ​ແລ້ວ ເພິ່ນ​ກໍ​ກັບຄືນ​ເມືອ​ເຮືອນ​ຂອງຕົນ. ໃນ​ຫ້ອງ​ຊັ້ນ​ເທິງ​ຂອງ​ເຮືອນ​ນັ້ນ ມີ​ປ່ອງຢ້ຽມ​ຢູ່​ສາມ​ປ່ອງ​ປິ່ນໜ້າ​ໃສ່​ນະຄອນ​ເຢຣູຊາເລັມ. ຢູ່​ທີ່​ນັ້ນ​ດັ່ງ​ທີ່​ເຄີຍ​ປະຕິບັດ​ມາ ດານີເອນ​ໄດ້​ຄຸເຂົ່າ​ລົງ​ຕໍ່ໜ້າ​ປ່ອງຢ້ຽມ​ທີ່​ໄຂ​ໄວ້, ພາວັນນາ​ອະທິຖານ ແລະ​ໂມທະນາ​ຂອບ​ພຣະຄຸນ​ຕໍ່​ພຣະເຈົ້າ​ຂອງເພິ່ນ ວັນ​ລະ​ສາມ​ເທື່ອ ດັ່ງ​ທີ່​ເພິ່ນ​ເຄີຍ​ປະຕິບັດ​ມາ​ແຕ່ກ່ອນ.

ໂຢນາ 2:7

ເມື່ອ​ຊີວິດ​ຂ້ານ້ອຍ​ກຳລັງ​ເລື່ອນລອຍ​ຫາຍໄປ ຂ້ານ້ອຍ​ກໍ​ຄິດຫາ​ພຣະເຈົ້າຢາເວ; ແລ້ວ​ຂ້ານ້ອຍ​ກໍໄດ້​ພາວັນນາ​ອະທິຖານ​ຫາ​ພຣະອົງ ໃນ​ພຣະວິຫານ​ອັນ​ສັກສິດ​ກໍ​ຊົງ​ໄດ້ຍິນ​ຂ້ານ້ອຍ.