ໂຢນາ 1:8 - ພຣະຄຳພີສັກສິ

⁸ ສະນັ້ນ ພວກເຂົາ​ຈຶ່ງ​ເວົ້າ​ຕໍ່​ເພິ່ນ​ວ່າ, “ບັດນີ້ ຈົ່ງ​ບອກ​ໃຫ້​ພວກເຮົາ​ຮູ້​ສາ ເຈົ້າ​ເປັນ​ຜູ້​ເຮັດ​ຜິດ​ໃນ​ເລື່ອງ​ນີ້​ບໍ? ເຈົ້າ​ມາ​ເຮັດ​ຫຍັງ​ຢູ່​ໃນ​ທີ່​ນີ້? ເຈົ້າ​ມາ​ຈາກ​ປະເທດ​ໃດ? ເຈົ້າ​ເປັນ​ຄົນ​ສັນຊາດ​ໃດ?”

ໂຢນາ 1:8 Jak'a apnaqawi uñst'ayäwi

ປະຖົມມະການ 47:3

ກະສັດ​ຖາມ​ວ່າ, “ພວກເຈົ້າ​ມີ​ອາຊີບ​ຫຍັງ?” ພວກເຂົາ​ຕອບ​ວ່າ, “ທ່ານເອີຍ ພວກ​ຂ້ານ້ອຍ​ມີ​ອາຊີບ​ເປັນ​ຜູ້​ລ້ຽງສັດ ຄື​ກັບ​ບັນພະບຸລຸດ​ຂອງ​ພວກ​ຂ້ານ້ອຍ.

ຢາໂກໂບ 5:16

ເຫດສະນັ້ນ ເຈົ້າ​ທັງຫລາຍ ຈົ່ງ​ສາລະພາບ​ຜິດ​ຂອງຕົນ​ຕໍ່​ກັນແລະກັນ, ຈົ່ງ​ພາວັນນາ​ອະທິຖານ​ເພື່ອ​ກັນແລະກັນ, ເພື່ອ​ເຈົ້າ​ທັງຫລາຍ​ຈະ​ໄດ້​ດີ​ພະຍາດ. ຄຳ​ພາວັນນາ​ອະທິຖານ​ຂອງ​ຜູ້​ຊອບທຳ​ມີຣິດ​ສັກສິດ​ເຮັດ​ໃຫ້​ເກີດຜົນ.

ໂຢຊວຍ 7:19

ສະນັ້ນ ໂຢຊວຍ​ຈຶ່ງ​ໄດ້​ກ່າວ​ແກ່​ອາການ​ວ່າ, “ລູກ​ເອີຍ ຂໍ​ໃຫ້​ເຈົ້າ​ຈົ່ງ​ຖວາຍ​ສະຫງ່າຣາສີ​ຕໍ່​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ແລະ​ສາລະພາບ​ຜິດບາບ​ຕໍ່​ພຣະອົງ​ສາ. ຈົ່ງ​ບອກ​ເຮົາ​ມາ​ດຽວ​ນີ້​ວ່າ​ເຈົ້າ​ໄດ້​ເຮັດ​ຫຍັງ​ແດ່? ຢ່າ​ພະຍາຍາມ​ປິດບັງ​ເຮົາ​ເລີຍ.”

1 ຊາມູເອນ 14:43

ກະສັດ​ໂຊນ​ຈຶ່ງ​ຖາມ​ໂຢນາທານ​ວ່າ, “ເຈົ້າ​ເຮັດ​ຫຍັງ​ຜິດ?” ໂຢນາທານ​ຕອບ​ວ່າ, “ລູກ​ໄດ້​ກິນ​ນໍ້າເຜິ້ງ​ພຽງແຕ່​ເລັກນ້ອຍ​ເທົ່ານັ້ນ ລູກ​ຢູ່​ທີ່​ນີ້​ແລ້ວ​ແລະ​ພ້ອມ​ທີ່​ຈະ​ຕາຍ.”

1 ຊາມູເອນ 30:13

ດາວິດ​ຖາມ​ລາວ​ວ່າ, “ເຈົ້າ​ມາ​ແຕ່​ໃສ ນາຍ​ຂອງ​ເຈົ້າ​ແມ່ນ​ຜູ້ໃດ?” ລາວ​ຕອບ​ວ່າ, “ຂ້ານ້ອຍ​ເປັນ​ຄົນ​ເອຢິບ ທາດຮັບໃຊ້​ຂອງ​ຊາວ​ອາມາເຫຼັກ ນາຍ​ຂອງ​ຂ້ານ້ອຍ​ປະ​ຂ້ານ້ອຍ​ໄວ້​ສາມ​ວັນ​ແລ້ວ​ເພາະ​ຂ້ານ້ອຍ​ໄຂ້.