ໂຢນາ 1:3 - ພຣະຄຳພີສັກສິ

³ ແຕ່​ໂຢນາ​ກັບ​ໄປ​ທາງ​ຕາກຊິດ ເພື່ອ​ຫລົບ​ໜີ​ຈາກ​ພຣະເຈົ້າຢາເວ. ເພິ່ນ​ໄດ້​ໄປ​ທີ່​ເມືອງ​ຢົບປາ ທີ່​ນັ້ນ​ເພິ່ນ​ໄດ້​ພົບ​ເຮືອ​ລຳ​ໜຶ່ງ ກຳລັງ​ຈະ​ໄປ​ຕາກຊິດ. ເພິ່ນ​ຈຶ່ງ​ຈ່າຍ​ຄ່າ​ໂດຍສານ ແລະ​ລົງ​ເຮືອ​ກັບ​ພວກ​ລູກເຮືອ, ແລ້ວ​ກໍ​ອອກ​ເດີນທາງ​ໄປ​ສູ່​ຕາກຊິດ ເພື່ອ​ຫລົບ​ໜີ​ຈາກ​ພຣະເຈົ້າຢາເວ.

ໂຢນາ 1:3 Jak'a apnaqawi uñst'ayäwi

ປະຖົມມະການ 3:8

ໃນ​ແລງ​ວັນ​ນັ້ນ ພວກເຂົາ​ໄດ້ຍິນ​ສຽງ​ຍ່າງ​ຂອງ​ພຣະເຈົ້າຢາເວ​ພຣະເຈົ້າ​ຢູ່​ໃນ​ສວນ ແລະ​ຊາຍ​ຄົນນັ້ນ​ກັບ​ເມຍ​ຂອງຕົນ​ໄດ້​ພາກັນ​ໄປ​ຫລົບລີ້​ຊ່ອນຕົວ​ໃຫ້​ພົ້ນ​ຈາກ​ພຣະເຈົ້າຢາເວ​ພຣະເຈົ້າ​ຢູ່​ໃນ​ທ່າມກາງ​ຕົ້ນໄມ້​ທັງຫລາຍ.

ປະຖົມມະການ 4:16

ກາອິນ​ຈຶ່ງ​ໜີ​ໄກ​ຈາກ​ພຣະພັກ​ພຣະເຈົ້າຢາເວ ໄປ​ອາໄສ​ຢູ່​ໃນ​ດິນແດນ​ແຫ່ງ​ໜຶ່ງ​ຊື່​ວ່າ, ແດນ​ພະເນຈອນ.

1 ກະສັດ 19:3

ເອລີຢາ​ເກີດ​ຢ້ານກົວ​ຫລາຍ ຈຶ່ງ​ໜີ​ເອົາ​ຊີວິດ​ລອດ ເພິ່ນ​ໄດ້​ເອົາ​ຄົນ​ຮັບໃຊ້​ຂອງ​ເພິ່ນ​ໄປ​ທີ່​ເມືອງ​ເບເອນເຊບາ​ໃນ​ອານາຈັກ​ຢູດາຍ. ແລ້ວ​ເອລີຢາ​ກໍໄດ້​ປະ​ຄົນ​ຮັບໃຊ້​ຂອງຕົນ​ໄວ້​ຢູ່​ໃນ​ເມືອງ​ນີ້

1 ກະສັດ 19:9

ແລ້ວ​ເພິ່ນ​ກໍ​ເຂົ້າ​ໄປ​ນອນ​ຄ້າງຄືນ​ຢູ່​ໃນ​ຖໍ້າ. ໃນທັນໃດ ຖ້ອຍຄຳ​ຂອງ​ພຣະເຈົ້າຢາເວ​ໄດ້ມາ​ເຖິງ​ເພິ່ນ​ວ່າ, “ເອລີຢາ ເຈົ້າ​ເຮັດ​ຫຍັງ​ຢູ່​ທີ່ນີ້?”

2 ຂ່າວຄາວ 2:15

ສະນັ້ນ ຈົ່ງ​ຈັດ​ສົ່ງ​ສະບຽງ​ອາຫານ​ມາ​ໃຫ້​ພວກເຮົາ​ຄື: ເຂົ້າບາເລ, ເຂົ້າເດືອຍ, ເຫຼົ້າ​ອະງຸ່ນ ແລະ​ນໍ້າມັນ​ໝາກກອກເທດ ຕາມ​ທີ່​ທ່ານ​ໄດ້​ສັນຍາ​ໄວ້​ນັ້ນ.

2 ຂ່າວຄາວ 2:16

ພວກເຮົາ​ຈະ​ຕັດ​ໄມ້​ສົນສີດາ​ທັງໝົດ​ທີ່​ທ່ານ​ຕ້ອງການ ເຮັດ​ເປັນ​ແພ​ແລະ​ໄຫລ​ນໍ້າ​ທະເລ​ໄປ​ໃຫ້​ຮອດ​ເມືອງ​ຢົບປາ. ຈາກ​ທີ່​ນັ້ນ​ທ່ານ​ຈະ​ຂົນ​ໄປ​ສູ່​ນະຄອນ​ເຢຣູຊາເລັມ​ໄດ້.”

2 ຂ່າວຄາວ 9:21

ເພິ່ນ​ໄດ້​ມີ​ຂະບວນ​ເຮືອ​ແລ່ນ​ທາງ​ທະເລ ຮ່ວມ​ກັບ​ຂະບວນ​ເຮືອ​ຂອງ​ກະສັດ​ຮີຣາມ. ທຸກໆ​ສາມ​ປີ​ໃດ​ຂະບວນ​ເຮືອ​ເຫຼົ່ານີ້ ຈະ​ກັບ​ມາ​ພ້ອມ​ທັງ​ນຳ​ເອົາ​ຄຳ, ເງິນ, ງາ​ຊ້າງ, ລີງໃຫຍ່ ແລະ​ລີງນ້ອຍ​ມາ​ດ້ວຍ.

ເອຊະຣາ 3:7

ຕໍ່ມາ ປະຊາຊົນ​ກໍ​ຈ່າຍ​ເງິນ​ໃຫ້​ຊ່າງ​ຕັດ​ຫີນ ແລະ​ຊ່າງ​ໄມ້; ແລະ​ໄດ້​ເອົາ​ອາຫານ, ເຄື່ອງດື່ມ ແລະ​ນໍ້າມັນ​ໝາກກອກເທດ ສົ່ງ​ໄປ​ທີ່​ເມືອງ​ຕີເຣ ແລະ ຊີໂດນ ເພື່ອ​ແລກປ່ຽນ​ກັບ​ໄມ້ແປກ​ຈາກ​ເລບານອນ ຊຶ່ງ​ໄມ້​ເຫຼົ່ານີ້​ໄດ້​ຖືກ​ນຳ​ມາ​ທາງ​ທະເລ​ຈາກ​ເມືອງ​ຢົບປາ. ທຸກສິ່ງ​ທີ່​ໄດ້​ລົງມື​ເຮັດ​ນັ້ນ​ແມ່ນ​ໄດ້​ຮັບ​ອະນຸຍາດ​ຈາກ​ກະສັດ​ໄຊຣັດ​ແຫ່ງ​ເປີເຊຍ.

ພຣະທຳ​ໂຢບ 1:12

ພຣະເຈົ້າຢາເວ​ກ່າວ​ແກ່​ມານຊາຕານ​ວ່າ, “ຕົກລົງ ທຸກໆ​ສິ່ງ​ທີ່​ລາວ​ມີ​ນັ້ນ ຢູ່​ໃນ​ອຳນາດ​ຂອງ​ເຈົ້າ ແຕ່​ເຈົ້າ​ບໍ່​ຕ້ອງ​ທຳຮ້າຍ​ຕົວ​ໂຢບ.” ແລ້ວ​ມານຊາຕານ​ກໍ​ຈາກ​ພຣະເຈົ້າຢາເວ​ໄປ.

ພຣະທຳ​ໂຢບ 2:7

ແລ້ວ​ມານຊາຕານ​ກໍ​ໜີ​ອອກ​ຈາກ​ການ​ຊ້ອງໜ້າ​ພຣະເຈົ້າຢາເວ​ໄປ ແລະ​ເຮັດ​ໃຫ້​ຮ່າງກາຍ​ຂອງ​ໂຢບ​ເປັນ​ບາດແຜ​ເຕັມຕົວ.

ເພງ^ສັນລະເສີນ 107:23

ບາງຄົນ​ຂີ່​ເຮືອ​ທ່ອງທ່ຽວ​ໄປມາ​ໃນ​ມະຫາສະໝຸດ ຫາ​ລ້ຽງ​ຊີວິດ​ຕົນ​ຕາມ​ທ້ອງ​ທະເລ​ກວ້າງ.

ເອຊາຢາ 2:16

ພຣະອົງ​ຈະ​ເຮັດ​ໃຫ້​ແມ່ນແຕ່​ເຮືອໃຫຍ່​ແລະ​ງາມ​ທີ່ສຸດ​ຈົມ.

ເອຊາຢາ 23:1

ຕໍ່ໄປນີ້​ແມ່ນ​ຖ້ອຍຄຳ​ກ່ຽວກັບ​ຕີເຣ. ຈົ່ງ​ໂສກເສົ້າ​ຮໍ່າໄຮ​ເຖີດ ພວກ​ແລ່ນ​ເຮືອ​ແຫ່ງ​ຕາກຊິດ​ເອີຍ ທ່າ​ເຮືອ​ໃນ​ເມືອງ​ທ່າ​ຂອງ​ພວກເຈົ້າ​ຖືກ​ທຳລາຍ​ສາ​ແລ້ວ; ບ້ານ​ເຮືອນ​ກັບ​ທ່າ​ເຮືອ​ຖືກ​ພັງ​ພິນາດ​ສາ​ແລ້ວ. ພວກເຈົ້າ​ຮູ້​ຂ່າວ​ຕ່າງໆ ເມື່ອ​ເຮືອ​ຂອງ​ພວກເຈົ້າ​ກັບ​ມາ​ແຕ່​ເມືອງ​ໄຊປຣັດ.

ເອຊາຢາ 23:10

ຈົ່ງ​ໄປ​ເຮັດ​ໄຮ່​ເຮັດ​ນາ​ເຖີດ ພວກເຈົ້າ​ຄົນ​ທີ່​ຢູ່​ໃນ​ເມືອງ​ຂຶ້ນ​ຕ່າງໆ​ຂອງ​ຕາກຊິດ​ເອີຍ ບໍ່ມີ​ຜູ້ໃດ​ທີ່​ຈະ​ປົກປ້ອງ​ເຈົ້າ​ໄວ້​ຕໍ່ໄປ​ອີກ​ແລ້ວ.

ເອຊາຢາ 23:6

ຊາວ​ເມືອງ​ໂຟນີເຊຍ​ເອີຍ ຈົ່ງ​ໂສກເສົ້າ​ຮໍ່າໄຮ​ເຖີດ ຈົ່ງ​ພະຍາຍາມ​ປົບໜີໄປ​ຍັງ​ຕາກຊິດ​ສາ

ເອຊາຢາ 60:9

ແມ່ນ​ຂະບວນ​ເຮືອ​ໃຫຍ່​ທີ່​ກຳລັງ​ມາ​ຈາກ​ແດນໄກ ກຳລັງ​ນຳ​ປະຊາຊົນ​ຂອງ​ພຣະອົງ​ກັບຄືນ​ມາ​ບ້ານ. ພວກເຂົາ​ເອົາ​ເງິນ​ແລະ​ຄຳ​ກັບຄືນ​ມາ​ນຳ ເພື່ອ​ຖວາຍ​ເປັນ​ກຽດ​ແກ່​ນາມຊື່​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ສຳລັບ​ອົງ​ບໍຣິສຸດ​ຂອງ​ຊາດ​ອິດສະຣາເອນ ທີ່​ເຮັດ​ໃຫ້​ທຸກ​ຊົນຊາດ​ຍົກຍໍ​ປະຊາຊົນ​ຂອງ​ພຣະອົງ.

ເຢເຣມີຢາ 10:9

ຮູບເຄົາຣົບ​ພວກເຂົາ​ໂອບ​ດ້ວຍ​ເງິນ​ຈາກ​ຕາກຊິດ ໂອບ​ດ້ວຍ​ຄຳ​ທີ່​ຖືກ​ນຳ​ມາ​ຈາກ​ແດນ​ອູຟາດ ຊຶ່ງ​ລ້ວນແຕ່​ແຕ້ມ​ດ້ວຍ​ສີມື​ຂອງ​ນັກ​ສິນລະປິນ ພວກເຂົາ​ນຸ່ງ​ເຄື່ອງ​ງົດງາມ​ໃຫ້​ຮູບເຄົາຣົບ​ເຫຼົ່ານັ້ນ ເປັນ​ສີແດງແຈດ​ແລະ​ສີມ່ວງ​ຢ່າງດີ ຊຶ່ງ​ຊ່າງ​ຜູ້​ຊຳນິ​ຊຳນານ​ຕໍ່າ​ອອກ​ມາ​ໃຫ້.

ເອເຊກຽນ 2:8

ມະນຸດ​ເອີຍ ຈົ່ງ​ຟັງ​ສິ່ງ​ທີ່​ເຮົາ​ບອກ​ເຈົ້າ. ຢ່າ​ເປັນ​ຄົນ​ກະບົດ​ເໝືອນດັ່ງ​ພວກເຂົາ. ຈົ່ງ​ອ້າ​ປາກ ແລະ​ກິນ​ສິ່ງ​ທີ່​ເຮົາ​ຈະ​ໃຫ້​ເຈົ້າ.”

ເອເຊກຽນ 27:12

ເຈົ້າ​ໄດ້​ເຮັດ​ທຸລະກິດ​ກັບ​ຕາກຊິດ​ແລະ​ໄດ້​ເອົາ​ເງິນ, ເຫຼັກ, ກົ່ວ ແລະ​ຊືນ ຈ່າຍ​ເປັນ​ຄ່າ​ສິນຄ້າ​ອັນ​ຫລວງຫລາຍ​ຂອງ​ເຈົ້າ.

ເອເຊກຽນ 3:14

ຣິດອຳນາດ​ຂອງ​ພຣະເຈົ້າຢາເວ​ໄດ້​ລົງ​ມາ​ສູ່​ຂ້າພະເຈົ້າ​ເຕັມ​ກຳລັງ ແລະ​ຂະນະທີ່​ພຣະວິນຍານ​ໄດ້​ຍົກ​ຂ້າພະເຈົ້າ​ຂຶ້ນ​ນັ້ນ ຂ້າພະເຈົ້າ​ກໍ​ຮູ້ສຶກ​ວ່າ​ຂົມຂື່ນ ແລະ​ຄຽດແຄ້ນ​ຫລາຍ.

ໂຢນາ 1:10

ໂຢນາ​ໄດ້​ເວົ້າ​ສູ່​ພວກເຂົາ​ຟັງ​ຕໍ່ໄປ​ວ່າ ຕົນ​ໄດ້​ປົບໜີ​ຈາກ​ອົງພຣະ​ຜູ້​ເປັນເຈົ້າ. ແລ້ວ​ພວກ​ລູກເຮືອ​ຕ່າງ​ກໍ​ເກີດ​ສະທ້ານ​ຢ້ານກົວ ແລະ​ເວົ້າ​ຕໍ່​ເພິ່ນ​ວ່າ, “ແມ່ນ​ຄວາມຜິດ​ທີ່​ຮ້າຍແຮງ​ຫລາຍ​ແທ້ໆ.”

ໂຢນາ 4:2

ດັ່ງນັ້ນ ເພິ່ນ​ຈຶ່ງ​ພາວັນນາ​ອະທິຖານ​ຕໍ່​ພຣະເຈົ້າຢາເວ​ວ່າ, “ຂ້າແດ່​ພຣະເຈົ້າຢາເວ ຂ້ານ້ອຍ​ໄດ້​ເວົ້າ​ກັບ​ພຣະອົງ​ແລ້ວ ກ່ອນ​ຈາກ​ເຮືອນ​ມາ​ບໍ່ແມ່ນ​ຫລື​ວ່າ ພຣະອົງ​ຈະ​ຕ້ອງ​ກະທຳ​ເຊັ່ນນີ້? ສະນັ້ນ ຂ້ານ້ອຍ​ຈຶ່ງ​ພະຍາຍາມ​ສຸດຂີດ ທີ່​ຈະ​ໜີໄປ​ຕາກຊິດ ເພາະ​ຂ້ານ້ອຍ​ຮູ້​ວ່າ ພຣະອົງ​ເປັນ​ພຣະເຈົ້າ​ທີ່​ມີ​ຄວາມຮັກ​ແລະ​ມີ​ຄວາມ​ເມດຕາ ອົດທົນ​ສະເໝີ, ໃຈດີ​ສະເໝີ, ພ້ອມ​ທີ່​ຈະ​ປ່ຽນໃຈ​ສະເໝີ​ແລະ​ບໍ່​ລົງໂທດ.

ລູກາ 9:62

ພຣະເຢຊູເຈົ້າ​ກ່າວ​ແກ່​ລາວ​ວ່າ, “ຜູ້ໃດ​ທີ່​ເອົາ​ມື​ຈັບ​ງ້ອນໄຖ​ແລ້ວ​ຍັງ​ຫລຽວ​ຄືນ​ຫລັງ ຜູ້ນັ້ນ​ກໍ​ບໍ່​ສົມ​ກັບ​ອານາຈັກ​ຂອງ​ພຣະເຈົ້າ.”

ກິດຈະການ 15:38

ແຕ່​ໂປໂລ​ຄິດ​ວ່າ​ບໍ່ຄວນ​ເອົາ​ຜູ້​ກ່ຽວ​ໄປ​ນຳ ເພາະ​ລາວ​ບໍ່ໄດ້​ຢູ່​ຮ່ວມ​ງານ​ຈົນ​ສິ້ນສຸດ​ພາລະກິດ, ແຕ່​ໄດ້​ກັບຄືນ​ໄປ ແລະ​ປະ​ພວກເພິ່ນ​ໄວ້​ທີ່​ແຂວງ​ປຳຟີເລຍ.

ກິດຈະການ 26:19

“ກະສັດ​ອັກຄຼີປາ​ທີ່​ນັບຖື ເມື່ອ​ເປັນ​ເຊັ່ນນັ້ນ ຂ້ານ້ອຍ​ບໍ່ໄດ້​ຂັດຂືນ​ຕໍ່​ນິມິດ​ຈາກ​ສະຫວັນ​ທີ່​ມາ​ເຖິງ​ຂ້ານ້ອຍ.

ກິດຈະການ 9:36

ແລ້ວ​ໃນ​ເມືອງ​ຢົບປາ​ກໍ​ມີ​ລູກສິດ​ຜູ້ໜຶ່ງ ຊື່​ວ່າ ຕາບີທາ (ນາງ​ມີ​ຊື່​ເປັນ​ພາສາ​ກຣີກ​ວ່າ ໂດຣະກາ ໝາຍຄວາມວ່າ ກວາງ​ແມ່). ນາງ​ເຮັດ​ແຕ່​ຄຸນງາມ​ຄວາມດີ ແລະ​ເຄີຍ​ໃຫ້​ທານ​ຄົນ​ຍາກຈົນ​ຕະຫລອດ​ມາ.

ກິດຈະການ 9:38

ເມືອງ​ຢົບປາ​ຢູ່​ໃກ້​ເມືອງ​ລິດດາ ແລະ​ເມື່ອ​ຄົນ​ທີ່​ເຊື່ອ​ໄດ້ຍິນ​ວ່າ ເປໂຕ​ຢູ່​ທີ່​ເມືອງ​ລິດດາ ພວກເຂົາ​ຈຶ່ງ​ໃຊ້​ສອງ​ຄົນ​ນຳ​ຄຳ​ຮ້ອງ​ຂໍ​ໄປ​ຫາ​ເພິ່ນ​ວ່າ, “ຂໍ​ຄວາມ​ກະລຸນາ ຟ້າວ​ມາ​ຫາ​ພວກເຮົາ​ດ້ວຍ ຢ່າ​ໄດ້​ຊັກຊ້າ.”

ກິດຈະການ 9:42

ຂ່າວ​ກ່ຽວກັບ​ເລື່ອງ​ນີ້ ໄດ້​ແຜ່​ອອກ​ໄປ​ທົ່ວ​ເມືອງ​ຢົບປາ ແລະ​ມີ​ຫລາຍ​ຄົນ​ໄດ້​ເຊື່ອ​ໃນ​ອົງພຣະ​ຜູ້​ເປັນເຈົ້າ.

ກິດຈະການ 9:43

ຈາກ​ນັ້ນ ເປໂຕ​ໄດ້​ອາໄສ​ຢູ່​ໃນ​ເມືອງ​ຢົບປາ​ເປັນ​ເວລາ​ຫລາຍ​ວັນ ຢູ່​ກັບ​ຊາຍ​ຄົນ​ໜຶ່ງ ຊື່​ວ່າ ຊີໂມນ​ເປັນ​ຊ່າງ​ຟອກໜັງ.

1 ໂກຣິນໂທ 9:16

ເພາະ​ການ​ທີ່​ເຮົາ​ປະກາດ​ຂ່າວປະເສີດ​ນັ້ນ ເຮົາ​ບໍ່ມີ​ເຫດ​ທີ່​ຈະ​ອວດອ້າງ​ໄດ້ ເພາະ​ຄວາມ​ຈຳເປັນ​ໄດ້​ຕົກ​ໃສ່​ເຮົາ ວິບັດ​ຈະ​ເກີດ​ມີ​ແກ່​ເຮົາ ຖ້າ​ເຮົາ​ບໍ່​ປະກາດ​ຂ່າວປະເສີດ.

2 ເທສະໂລນິກ 1:9

ພຣະເຈົ້າ​ຈະ​ເຮັດ​ໃຫ້​ພວກເຂົາ​ຖືກ​ທົນທຸກ​ແລະ​ໄດ້​ຮັບ​ໂທດ ແລະ​ຖືກ​ທຳລາຍ​ຕະຫລອດໄປ ຄື​ຖືກ​ແຍກ​ຈາກ​ອົງພຣະ​ຜູ້​ເປັນເຈົ້າ ແລະ​ຈາກ​ຣິດທານຸພາບ ສະຫງ່າຣາສີ​ອັນ​ຮຸ່ງເຮືອງ​ຂອງ​ພຣະອົງ

ໂຢຊວຍ 19:46

ເມຢາຣະໂກນ ແລະ ຣັກໂກນ, ຮວມ​ທັງ​ເຂດແດນ​ທີ່​ຢູ່​ອ້ອມແອ້ມ​ຢົບປາ.