ໂຢເອນ 3:8 - ພຣະຄຳພີສັກສິ

⁸ ເຮົາ​ຈະ​ຂາຍ​ລູກ​ຊາຍ​ຍິງ​ຂອງ​ພວກເຈົ້າ​ໃຫ້​ຊາວ​ຢູດາ ແລ້ວ​ຊາວ​ຢູດາ​ກໍ​ຈະ​ຂາຍ​ພວກເຂົາ​ຕໍ່ ໃຫ້​ຊາວ​ຊາເບອານ​ໃນ​ດິນແດນ​ທີ່​ຫ່າງໄກ. ພຣະເຈົ້າຢາເວ​ໄດ້​ກ່າວ​ດັ່ງນີ້ແຫຼະ.

ໂຢເອນ 3:8 Jak'a apnaqawi uñst'ayäwi

ພຣະທຳ​ໂຢບ 1:15

ໃນ​ທັນໃດນັ້ນ ກໍ​ມີ​ພວກ​ເຊບາ ເຂົ້າ​ມາ​ໂຈມຕີ ແລະ​ລັກ​ເອົາ​ສັດ​ໄປ​ຈົນ​ໝົດ. ພວກເຂົາ​ໄດ້​ຂ້າ​ຄົນ​ຮັບໃຊ້​ທຸກຄົນ​ຂອງທ່ານ ຍົກເວັ້ນ​ແຕ່​ຂ້ານ້ອຍ. ຂ້ານ້ອຍ​ແມ່ນ​ຜູ້ດຽວ​ເທົ່ານັ້ນ ທີ່​ລອດຊີວິດ​ໜີ​ມາ​ບອກ​ທ່ານ.”

ເພງ^ສັນລະເສີນ 72:10

ກະສັດ​ຂອງ​ສະເປນ​ແລະ​ເກາະ​ດອນ​ທັງຫລາຍ ຕ່າງ​ກໍ​ຈະ​ນຳ​ຂອງ​ບັນນາການ​ມາ​ມອບ​ໃຫ້​ເພິ່ນ. ບັນດາ​ກະສັດ​ແຫ່ງ​ອາຣາເບຍ​ແລະ​ເອທີໂອເປຍ ກໍ​ຈະ​ນຳ​ເອົາ​ເຄື່ອງ​ຖວາຍ​ມາ​ມອບ​ໃຫ້.

ເອຊາຢາ 60:14

ພວກ​ລູກຊາຍ​ຂອງ​ຄົນ​ທີ່​ກົດຂີ່​ເຈົ້າ​ກໍ​ຈະ​ມາ ກົ້ມ​ຂາບລົງ​ເພື່ອ​ໃຫ້​ຄວາມນັບຖື​ແກ່​ເຈົ້າ. ຜູ້​ທີ່​ເຄີຍ​ຫຍໍ້ຫຍັນ​ເຈົ້າ​ແຕ່​ເມື່ອກ່ອນ​ເມື່ອຫລັງ ກໍ​ຈະ​ນະມັດສະການ​ເຮົາ​ທີ່​ແທບ​ຕີນ​ເຈົ້າ. ພວກເຂົາ​ຈະ​ເອີ້ນ​ເຈົ້າ​ວ່າ, ‘ນະຄອນ​ຂອງ​ພຣະເຈົ້າຢາເວ’ ‘ຊີໂອນ ເມືອງ​ຂອງ​ອົງ​ບໍຣິສຸດ​ແຫ່ງ​ຊາດ​ອິດສະຣາເອນ.’

ເຢເຣມີຢາ 30:16

ແຕ່​ບັດນີ້ ທຸກຄົນ​ທີ່​ກືນ​ພວກເຈົ້າ​ຈະ​ຖືກ​ກືນຄືນ ແລະ​ເຫຼົ່າ​ສັດຕູ​ຈະ​ຖືກ​ຈັບ​ເປັນ​ຊະເລີຍ​ໝົດສິ້ນ. ທຸກຄົນ​ທີ່​ກົດຂີ່​ພວກເຈົ້າ​ຈະ​ຖືກ​ກົດຂີ່​ຄືນ ທຸກຄົນ​ທີ່​ປຸ້ນ​ພວກເຈົ້າ​ຈະ​ຖືກ​ປຸ້ນຄືນ.

ເຢເຣມີຢາ 6:20

ມີ​ປະໂຫຍດ​ຫຍັງ​ແກ່​ເຮົາ​ແດ່ ທີ່​ພວກເຂົາ​ໄດ້​ທູບຫອມ​ມາ​ແຕ່​ເມືອງ​ເຊບາ ຫລື​ໄດ້​ເຄື່ອງຫອມ​ມາ​ຈາກ​ທາງ​ໄກ? ເຮົາ​ຈະ​ບໍ່​ຍອມ​ຮັບ​ເອົາ​ເຄື່ອງຖວາຍ​ຂອງ​ພວກເຂົາ ຫລື​ຍິນດີ​ກັບ​ເຄື່ອງບູຊາ​ຂອງ​ພວກເຂົາ.

ເອເຊກຽນ 23:42

ສຽງ​ຜູ້ຄົນ​ທີ່​ປ່ອຍຕົວ​ກໍ​ດັງ​ຢູ່​ກັບ​ພວກເຂົາ ເປັນ​ສຽງ​ຂອງ​ຊາຍ​ໝວດ​ໜຶ່ງ​ທີ່​ຖືກ​ນຳ​ມາ​ແຕ່​ຖິ່ນ​ແຫ້ງແລ້ງ​ກັນດານ. ພວກເຂົາ​ໄດ້​ໃສ່​ປອກແຂນ​ໃຫ້​ພວກຜູ້ຍິງ ແລະ​ສວມ​ມົງກຸດ​ໃສ່​ຫົວ​ຂອງ​ພວກເຂົາ.

ເອເຊກຽນ 38:13

ປະຊາຊົນ​ເຊບາ ແລະ​ຊາວ​ເດດານ ຕະຫລອດ​ທັງ​ພວກ​ພໍ່ຄ້າ​ຈາກ​ເມືອງ​ຕ່າງໆ​ຂອງ​ສະເປນ ຈະ​ຖາມ​ເຈົ້າ​ວ່າ, ‘ເຈົ້າ​ໄດ້​ທ້ອນໂຮມ​ທະຫານ​ໄວ້​ເພື່ອ​ປຸ້ນຈີ້​ບໍ? ເຈົ້າ​ຕັ້ງໃຈ​ຈະ​ເອົາ​ເງິນ​ແລະ​ຄຳ, ຝູງງົວ​ກັບ​ຊັບສິນ ແລະ​ຍົກທັບ​ໜີໄປ​ພ້ອມ​ກັບ​ສິ່ງ​ທີ່​ເຈົ້າ​ປຸ້ນຈີ້​ໄດ້​ນັ້ນ​ບໍ?”’

ພຣະບັນຍັດສອງ 32:30

ເປັນຫຍັງ​ຄົນ​ຜູ້ດຽວ​ນັ້ນ ຈຶ່ງ​ຊະນະ​ຄົນ​ເປັນພັນ ແລະ​ເປັນຫຍັງ​ພຽງ​ສອງ​ຄົນ ຈຶ່ງ​ຊະນະ​ຄົນ​ເປັນ​ໝື່ນ? ກໍ​ເພາະວ່າ​ພຣະເຈົ້າ​ໄດ້​ປະຖິ້ມ​ພວກເຂົາ ພຣະເຈົ້າຢາເວ​ອົງ​ຍິ່ງໃຫຍ່​ໄດ້​ໃຫ້​ພວກເຂົາ​ພ່າຍແພ້.

ພວກ^ຜູ້ປົກຄອງ 2:14

ສະນັ້ນ ພຣະເຈົ້າຢາເວ​ຈຶ່ງ​ໂກດຮ້າຍ​ຊາດ​ອິດສະຣາເອນ​ຢ່າງໜັກ ແລະ​ພຣະອົງ​ໄດ້​ປ່ອຍ​ໃຫ້​ພວກ​ໂຈນ​ເຂົ້າ​ມາ​ໂຈມຕີ ປຸ້ນຈີ້​ແລະ​ເອົາ​ສິ່ງຂອງ​ຂອງ​ພວກເຂົາ. ພຣະອົງ​ຍັງ​ປ່ອຍ​ໃຫ້​ເຫຼົ່າ​ສັດຕູ​ທີ່​ຢູ່​ອ້ອມຮອບ​ນັ້ນ​ຊະນະ​ພວກເຂົາ ຈົນ​ຊາວ​ອິດສະຣາເອນ​ບໍ່​ສາມາດ​ປ້ອງກັນ​ຕົນເອງ​ໄດ້.

ພວກ^ຜູ້ປົກຄອງ 4:2

ດັ່ງນັ້ນ ພຣະເຈົ້າຢາເວ​ຈຶ່ງ​ໄດ້ຂາຍ​ພວກເຂົາ​ໃຫ້​ຢູ່​ໃນ​ມື​ຂອງ​ເຈົ້າ​ຢາບິນ ກະສັດ​ຂອງ​ຊາວ​ການາອານ​ຜູ້​ທີ່​ປົກຄອງ​ຢູ່​ທີ່​ນະຄອນ​ຮາໂຊ. ແມ່ທັບ​ຂອງ​ເພິ່ນ​ຊື່​ວ່າ ສີເສຣາ. ລາວ​ເປັນ​ຊາວ​ເມືອງ​ຮາໂຣເຊັດ​ຂອງ​ຄົນຕ່າງຊາດ.

ພວກ^ຜູ້ປົກຄອງ 4:9

ນາງ​ເດໂບຣາ​ຈຶ່ງ​ຕອບ​ວ່າ, “ຕົກລົງ ຂ້ອຍ​ຈະ​ໄປ​ກັບ​ເຈົ້າ, ແຕ່​ເຈົ້າ​ຈະ​ບໍ່ມີ​ຊື່ສຽງ​ສຳລັບ​ໄຊຊະນະ​ໃນຄັ້ງນີ້ ເພາະ​ພຣະເຈົ້າຢາເວ​ຈະ​ຂາຍ​ສີເສຣາ​ໄວ້​ຢູ່​ໃນ​ເງື້ອມມື​ຂອງ​ຍິງ​ຄົນ​ໜຶ່ງ.” ແລ້ວ​ນາງ​ເດໂບຣາ​ກໍ​ໄປ​ທີ່​ເມືອງ​ເກເດັດ​ກັບ​ບາຣັກ.