ໂຢເອນ 3:5 - ພຣະຄຳພີສັກສິ

⁵ ພວກເຈົ້າ​ໄດ້​ຂົນ​ເອົາ​ເງິນ​ແລະ​ຄຳ ຕະຫລອດ​ທັງ​ຂອງ​ມີຄ່າ​ຂອງເຮົາ ໄປ​ໄວ້ໃນ​ບັນດາ​ວິຫານ​ຂອງ​ພວກເຈົ້າ.

ໂຢເອນ 3:5 Jak'a apnaqawi uñst'ayäwi

2 ກະສັດ 12:18

ກະສັດ​ໂຢອາດ​ແຫ່ງ​ຢູດາຍ​ໄດ້​ເກັບ​ເອົາ​ເຄື່ອງ​ຖວາຍ​ທັງໝົດ ທີ່​ບັນດາ​ກະສັດ​ຄົນ​ກ່ອນ​ໄດ້​ອຸທິດ​ຖວາຍ​ແກ່​ວິຫານ​ຂອງ​ພຣະເຈົ້າຢາເວ. ເຄື່ອງ​ເຫຼົ່ານັ້ນ​ມີ​ດັ່ງນີ້: ເຄື່ອງ​ຖວາຍ​ຈາກ​ກະສັດ​ເຢໂຮຊາຟັດ, ຈາກ​ກະສັດ​ເຢໂຮຣາມ ແລະ​ຈາກ​ກະສັດ​ອາຮາຊີຢາ​ພ້ອມ​ທັງ​ເຄື່ອງ​ຖວາຍ​ຂອງ​ເພິ່ນ​ເອງ ແລະ​ຄຳ​ທັງໝົດ​ທີ່​ມີ​ໃນ​ຄັງ​ຂອງ​ພຣະວິຫານ​ແລະ​ມີ​ໃນ​ຣາຊວັງ. ແລ້ວ​ເພິ່ນ​ກໍ​ສົ່ງ​ເຄື່ອງ​ທັງໝົດ​ນັ້ນ​ໄປ​ເປັນ​ຂອງຂວັນ​ໃຫ້​ແກ່​ກະສັດ​ຮາຊາເອນ ເພື່ອ​ໃຫ້​ຍົກທັບ​ຂອງ​ເພິ່ນ​ຖອຍ​ໜີໄປ​ຈາກ​ນະຄອນ​ເຢຣູຊາເລັມ.

2 ກະສັດ 16:8

ກະສັດ​ອາຮາດ​ໄດ້​ເອົາ​ເງິນ​ກັບ​ຄຳ​ຈາກ​ວິຫານ​ຂອງ​ພຣະເຈົ້າຢາເວ ແລະ​ຄັງ​ຂອງ​ຣາຊວັງ ແລະ​ສົ່ງ​ໄປ​ເປັນ​ຂອງຂວັນ​ໃຫ້​ແກ່​ກະສັດ​ແຫ່ງ​ອັດຊີເຣຍ.

2 ກະສັດ 24:13

ແລະ​ທັງ​ໄດ້​ກວາດລ້າງ​ເອົາ​ຊັບສົມບັດ​ທັງໝົດ​ໃນ​ວິຫານ​ຂອງ​ພຣະເຈົ້າຢາເວ ແລະ​ໃນ​ຣາຊວັງ ໄປ​ທີ່​ນະຄອນ​ບາບີໂລນ ຕາມ​ທີ່​ພຣະເຈົ້າຢາເວ​ໄດ້​ກ່າວ​ໄວ້ ກະສັດ​ເນບູ​ກາດເນັດຊາ​ໄດ້​ທຸບ​ເອົາ​ເຄື່ອງໃຊ້​ທັງໝົດ​ທີ່​ເປັນ​ຄຳ ຊຶ່ງ​ກະສັດ​ໂຊໂລໂມນ​ໄດ້​ເຮັດ​ໄວ້​ໃນ​ພຣະວິຫານ​ຂອງ​ພຣະເຈົ້າຢາເວ.

ເອຊາຢາ 11:11

ເມື່ອ​ວັນ​ນັ້ນ​ມາ​ເຖິງ ອີກເທື່ອໜຶ່ງ ອົງພຣະ​ຜູ້​ເປັນເຈົ້າ​ຈະ​ໃຊ້​ຣິດອຳນາດ​ຂອງ​ພຣະອົງ ແລະ​ນຳ​ປະຊາຊົນ​ຂອງ​ພຣະອົງ​ກັບຄືນ​ມາ​ຈາກ​ດິນແດນ​ເຫຼົ່ານີ້: ຄົນ​ທີ່​ເຫຼືອ​ຢູ່​ໃນ​ປະເທດ​ອັດຊີເຣຍ ແລະ​ໃນ​ປະເທດ​ເອຢິບ, ໃນ​ດິນແດນ​ປັດໂຣດ, ປະເທດ​ເອທີໂອເປຍ, ປະເທດ​ເອລາມ, ປະເທດ​ບາບີໂລນ ແລະ​ປະເທດ​ຮາມັດ ແລະ​ໃນ​ດິນແດນ​ຕາມ​ຝັ່ງ​ທະເລ​ແລະ​ທີ່​ເທິງ​ໝູ່ເກາະ.

ເຢເຣມີຢາ 23:7

ພຣະເຈົ້າຢາເວ​ກ່າວ​ວ່າ, “ເມື່ອ​ເວລາ​ນັ້ນ​ມາ​ເຖິງ ປະຊາຊົນ​ຈະ​ບໍ່​ສາບານ​ໃນ​ນາມ​ຂອງເຮົາ​ວ່າ​ພຣະເຈົ້າຢາເວ​ອົງ​ຊົງ​ພຣະຊົນຢູ່ ອົງ​ໄດ້​ນຳພາ​ປະຊາຊົນ​ອິດສະຣາເອນ​ອອກ​ມາ​ຈາກ​ປະເທດ​ເອຢິບ​ອີກ​ຕໍ່ໄປ.

ເຢເຣມີຢາ 50:28

ພວກ​ອົບພະຍົບ​ປົບໜີ​ຈາກ​ບາບີໂລນ​ມາ​ສູ່​ນະຄອນ​ເຢຣູຊາເລັມ ແລະ​ພວກເຂົາ​ບອກ​ວ່າ, ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ແກ້ແຄ້ນ​ຊາວ​ບາບີໂລນ​ໃນ​ສິ່ງ​ທີ່​ພວກເຂົາ​ໄດ້​ເຮັດ​ຕໍ່​ພຣະວິຫານ​ຂອງ​ພຣະອົງ.)

ເຢເຣມີຢາ 51:11

ພຣະເຈົ້າຢາເວ​ໄດ້​ກຸກກວນ​ພວກ​ກະສັດ​ແຫ່ງ​ເມເດຍ ເພາະ​ພຣະອົງ​ຕັ້ງໃຈ​ຈະ​ທຳລາຍ​ບາບີໂລນ. ດ້ວຍ​ວິທີ​ນີ້ແຫຼະ ພຣະເຈົ້າຢາເວ​ຈະ​ໄດ້​ແກ້ແຄ້ນ​ຄືນ​ຍ້ອນ​ພຣະວິຫານ​ຂອງ​ພຣະອົງ​ຖືກ​ທຳລາຍ. ບັນດາ​ນາຍ​ທະຫານ​ທີ່​ບັນຊາການ​ໂຈມຕີ​ສັ່ງ​ວ່າ, “ຝົນ​ລູກສອນ​ໃຫ້​ແຫລມ ຈົ່ງ​ຕຽມ​ໂລ້​ໄວ້​ໃຫ້​ພ້ອມ

ເອເຊກຽນ 37:12

ສະນັ້ນ ເຈົ້າ​ຈົ່ງ​ປະກາດ​ພຣະທຳ​ໃຫ້​ແກ່​ປະຊາຊົນ​ອິດສະຣາເອນ​ຂອງເຮົາ ແລະ​ບອກ​ພວກເຂົາ​ວ່າ, ‘ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, ເຮົາ​ກຳລັງ​ໄຂ​ຂຸມຝັງສົບ​ຂອງ​ພວກເຂົາ​ອອກ. ເຮົາ​ກຳລັງ​ຈະ​ເອົາ​ພວກເຂົາ​ອອກ​ມາ ແລະ​ນຳ​ກັບຄືນ​ໄປ​ສູ່​ດິນແດນ​ຂອງ​ຊາດ​ອິດສະຣາເອນ.

ດານີເອນ 11:38

ແຕ່​ແທນທີ່​ລາວ​ຈະ​ໃຫ້ກຽດ​ພຣະ​ທີ່​ຄຸ້ມຄອງ​ປ້ອມ​ປ້ອງກັນ​ເມືອງ. ລາວ​ຈະ​ຖວາຍ​ເງິນ, ຄຳ, ເພັດພອຍ ແລະ​ສິ່ງຂອງ​ມີຄ່າ​ອື່ນໆ​ໃຫ້​ແກ່​ພະ​ຕົນ​ໜຶ່ງ ທີ່​ບັນພະບຸລຸດ​ຂອງຕົນ​ບໍ່ເຄີຍ​ຂາບໄຫວ້​ມາ​ກ່ອນ.

ໂອບາດີຢາ 1:17

ແຕ່​ບາງຄົນ​ເຫຼືອ​ຢູ່​ທີ່​ພູເຂົາ​ຊີໂອນ​ຈະ​ໄດ້​ພົ້ນໄພ ທີ່​ນັ້ນ​ຈະ​ໄດ້​ເປັນ​ສະຖານທີ່​ສັກສິດ​ທີ່ສຸດ​ແທ້ໆ. ປະຊາຊົນ​ຂອງ​ຢາໂຄບ​ຈະ​ໄດ້​ເປັນ​ກຳມະສິດ ດິນແດນ​ທີ່​ເປັນ​ຂອງ​ພວກເຂົາ​ຕາມ​ສິດທິ​ທີ່​ພວກເຂົາ​ມີຢູ່.