ໂຢເອນ 3:3 - ພຣະຄຳພີສັກສິ

³ ພວກເຂົາ​ໃຊ້​ສະຫລາກ​ຊີ້ຂາດ​ຊາຕາກຳ​ຂອງ​ປະຊາຊົນ ຄື​ປະຊາຊົນ​ຂອງເຮົາ​ຜູ້​ທີ່​ພວກເຂົາ​ໄດ້​ຈັບ​ໄປ​ນັ້ນ. ພວກເຂົາ​ໄດ້​ຂາຍ​ເດັກຊາຍ​ຍິງ​ທັງຫລາຍ​ໃຫ້​ເປັນ​ທາດ. ເອົາ​ເງິນ​ໄປ​ຈ່າຍ​ໂສເພນີ​ແລະ​ຊື້​ເຫຼົ້າ​ອະງຸ່ນ​ດື່ມ.

ໂຢເອນ 3:3 Jak'a apnaqawi uñst'ayäwi

ພຣະທຳ​ໂຢບ 6:27

ພວກເຈົ້າ​ຈົກ​ສະຫລາກ​ເອົາ​ເດັກ​ກຳພ້າ​ເປັນ​ທາດຮັບໃຊ້ ແລະ​ສ້າງຮັ່ງ​ຄູນມີ​ເທິງ​ຫລັງ​ເພື່ອນ​ສະໜິດ​ໄດ້

ເອເຊກຽນ 27:13

ເຈົ້າ​ໄດ້​ເຮັດ​ທຸລະກິດ​ໃນ​ກຣີກ, ຕູບານ ແລະ​ເມເຊັກ ທັງ​ໄດ້​ເອົາ​ສິນຄ້າ​ຂອງ​ເຈົ້າ​ປ່ຽນ​ເອົາ​ພວກ​ທາດຮັບໃຊ້​ແລະ​ເຄື່ອງ​ທອງສຳຣິດ.

ໂຢເອນ 1:5

ພວກ​ຂີ້ເຫລົ້າ​ເອີຍ ຈົ່ງ​ຕື່ນ​ຂຶ້ນ​ຮ້ອງ​ຄໍ່າຄວນ​ເຖີດ ນັກດື່ມ​ເຫຼົ້າ​ອະງຸ່ນ​ເອີຍ ຈົ່ງ​ຮ້ອງໄຫ້​ຮໍ່າໄຮ​ເຖີດ ເພາະ​ພົ້ວ​ໝາກອະງຸ່ນ​ທີ່​ຫວັງ​ເຮັດ​ເຫຼົ້າ​ໃໝ່ ກໍໄດ້​ຖືກ​ທຳລາຍ​ໄປ​ໝົດກ້ຽງ​ແລ້ວ​ເດ

ອາໂມດ 2:6

ພຣະເຈົ້າຢາເວ​ກ່າວ​ວ່າ, “ປະຊາຊົນ​ຊາວ​ອິດສະຣາເອນ​ໄດ້​ເຮັດ​ບາບ​ເພີ່ມ​ຂຶ້ນ​ຢູ່​ເລື້ອຍໆ; ດັ່ງນັ້ນ ເຮົາ​ຈຶ່ງ​ຈະ​ລົງໂທດ​ພວກເຂົາ​ຢ່າງ​ແນ່ນອນ. ພວກເຂົາ​ຂາຍ​ຄົນ​ສັດຊື່​ໃຫ້​ເປັນ​ທາດຮັບໃຊ້​ຍ້ອນ​ພວກເຂົາ​ບໍ່ມີ​ເງິນ​ຈ່າຍ​ໜີ້ ແລະ​ຍັງ​ຂາຍ​ຄົນ​ຍາກຈົນ​ຍ້ອນ​ບໍ່ມີ​ເງິນ​ຈ່າຍ​ຄ່າ​ເກີບ​ພຽງ​ຄູ່ດຽວ.

ໂອບາດີຢາ 1:11

ພວກເຈົ້າ​ຢືນຢູ່​ຊື່ໆ​ໃນ​ມື້​ທີ່​ສັດຕູ​ພັງ​ປະຕູ​ເມືອງ​ຂອງ​ພວກເຂົາ ຕ່າງ​ກໍ​ຊົ່ວ​ກັນ​ໝົດ​ເທົ່າກັບ​ຄົນຕ່າງຊາດ​ເຫຼົ່ານັ້ນ ທີ່​ໄດ້​ຂົນ​ຊັບສົມບັດ​ໜີໄປ​ຈາກ​ນະຄອນ​ເຢຣູຊາເລັມ ແລະ​ໄດ້​ແບ່ງປັນ​ໃນ​ທ່າມກາງ​ພວກ​ເຂົາເຈົ້າ.

ນາຮູມ 3:10

ແຕ່​ປະຊາຊົນ​ເມືອງ​ເທເບ​ໄດ້​ຖືກ​ຈັບ​ໄປ​ເປັນ​ຊະເລີຍ​ໃນ​ຕ່າງຖິ່ນ. ບັນດາ​ລູກໆ​ຂອງ​ພວກເຂົາ​ໄດ້​ຖືກ​ຕີ​ຈົນຕາຍ​ຢູ່​ຕາມ​ທຸກ​ແຈ​ຂອງ​ຖະໜົນ​ຫົນທາງ. ບັນດາ​ຜູ້ນຳ​ຂອງ​ພວກເຂົາ​ໄດ້​ຖືກ​ລ່າມໂສ້​ຄຸມ​ໄປ ແລະ​ຖືກ​ແບ່ງປັນ​ໃຫ້​ພວກ​ທີ່​ຈັບ​ພວກເຂົາ​ໄປ​ນັ້ນ.

ພຣະນິມິດ 18:13

ເຄື່ອງເທດ​ແລະ​ເຄື່ອງຫອມ, ກຳຍານ, ນໍ້າມັນ​ຫອມ​ແລະ​ເຄື່ອງຫອມ​ເຜົາບູຊາ, ເຫຼົ້າ​ອະງຸ່ນ​ແລະ​ນໍ້າມັນ​ໝາກກອກເທດ, ເຂົ້າ​ແປ້ງ​ລະອຽດ​ແລະ​ເຂົ້າ​ບະເລ, ງົວ​ແລະ​ແກະ, ມ້າ​ແລະ​ລົດມ້າ, ຂ້ອຍໃຊ້, ຕະຫລອດ​ທັງ​ຊີວິດ​ຈິດໃຈ​ມະນຸດ​ດ້ວຍ.