ໂຢເອນ 1:7 - ພຣະຄຳພີສັກສິ

⁷ ມັນ​ໄດ້​ທຳລາຍ​ເຄືອ​ພົ້ວ​ອະງຸ່ນ​ຂອງ​ພວກເຮົາ ແລະ​ກັດ​ກິນ​ກົກ​ໝາກເດື່ອເທດ​ພວກເຮົາ​ດ້ວຍ. ມັນ​ໄດ້​ກັດ​ໄດ້​ແຫ້ນ​ເປືອກໄມ້​ອອກ​ໝົດ ຈົນ​ກິ່ງກ້ານ​ເປັນ​ສີຂາວ​ຫລ້ອນ.

ໂຢເອນ 1:7 Jak'a apnaqawi uñst'ayäwi

ເພງ^ສັນລະເສີນ 105:33

ພຣະອົງ​ທຳລາຍ​ເຄືອ​ອະງຸ່ນ​ແລະ​ຕົ້ນ​ເດື່ອເທດ ແລະ​ເຮັດ​ໃຫ້​ຕົ້ນໄມ້​ຕ່າງໆ​ຫັກ​ລົ້ມລົງ​ໝົດສິ້ນ.

ອົບພະຍົບ 10:14

ມັນ​ເກາະ​ມັນ​ໄຕ່​ໄປມາ​ເປັນ​ໝູ່ໆ​ຢູ່​ເຕັມ​ທົ່ວ​ປະເທດ​ເອຢິບ. ແມ່ນ​ຕັກແຕນ​ຝູງ​ໃຫຍ່​ທີ່ສຸດ​ທີ່​ເຄີຍ​ເຫັນ​ມາ ຫລື​ຈະ​ບໍ່ມີ​ໃຜ​ເຄີຍ​ໄດ້​ເຫັນ​ຝູງ​ຕັກແຕນ​ໃຫຍ່​ທໍ່​ຄາວ​ນີ້​ອີກ​ເລີຍ.

ອົບພະຍົບ 10:15

ຝູງ​ຕັກແຕນ​ໄດ້​ໄຕ່​ໄປມາ​ຫຸ້ມ​ໜ້າ​ດິນ​ຈົນ​ດຳ​ໄປ​ໝົດ; ທຸກໆ​ສິ່ງ​ທີ່​ເຫຼືອ​ຈາກ​ໝາກເຫັບ​ທຳລາຍ​ຖືກ​ມັນ​ກິນ​ໝົດ ລວມ​ທັງ​ໝາກໄມ້​ໃນ​ຕົ້ນ ພືດ​ຫລື​ຕົ້ນໄມ້​ໃນ​ປະເທດ​ເອຢິບ ບໍ່ມີ​ສິ່ງໃດ​ທີ່​ມີ​ສີ​ຂຽວ​ເຫຼືອ​ຢູ່​ເລີຍ.

ເອຊາຢາ 24:7

ກົກອະງຸ່ນ​ຈະ​ຫ່ຽວແຫ້ງ​ໄປ ແລະ​ເຫຼົ້າ​ອະງຸ່ນ​ຈະ​ຫາ​ຍາກ​ທີ່ສຸດ. ທຸກໆຄົນ​ທີ່​ເຄີຍ​ມີ​ຄວາມສຸກ ບັດນີ້ ກໍ​ຈະ​ມີ​ແຕ່​ຄວາມທຸກ

ເອຊາຢາ 32:12

ຈົ່ງ​ຕີ​ເອິກ​ຮ້ອງໄຫ້​ຢ່າງ​ຂົມຂື່ນ​ສາ ເພາະ​ທົ່ງນາ​ແລະ​ສວນອະງຸ່ນ​ທີ່​ອຸດົມສົມບູນ​ໄດ້​ຖືກ​ທຳລາຍ​ສາ​ແລ້ວ

ເອຊາຢາ 5:6

ຂ້ອຍ​ຈະ​ປ່ອຍ​ໃຫ້​ຫຍ້າ​ເກີດຂຶ້ນ​ເຕັມ​ໄປ​ທົ່ວ. ຂ້ອຍ​ຈະ​ບໍ່​ຕັດ​ແໜງ​ຫລື​ພວນດິນ; ແຕ່​ຈະ​ປ່ອຍ​ໃຫ້​ເຄືອ​ແລະ​ກົກ​ໜາມ​ປົ່ງ​ຂຶ້ນ​ຫຸ້ມຫໍ່. ຂ້ອຍ​ຈະ​ບໍ່​ໃຫ້​ແມ່ນແຕ່​ຝົນ​ຕົກລົງ​ມາ​ຮຳ​ສວນ​ນັ້ນ​ເລີຍ.”

ເຢເຣມີຢາ 8:13

“ເຮົາ​ປາຖະໜາ​ຈະ​ຮວບຮວມ​ເອົາ​ປະຊາຊົນ​ຂອງເຮົາ ດັ່ງ​ຄົນ​ຜູ້ໜຶ່ງ​ຮວບຮວມ​ເອົາ​ຜົນລະປູກ​ຂອງຕົນ, ພຣະເຈົ້າຢາເວ​ກ່າວ​ດັ່ງນີ້ແຫລະ. ແຕ່​ພວກເຂົາ​ເປັນ​ດັ່ງ​ຕົ້ນອະງຸ່ນ​ທີ່​ບໍ່ມີ​ໝາກ ດັ່ງ​ຕົ້ນ​ເດື່ອ​ທີ່​ບໍ່ມີ​ໝາກ; ແມ່ນແຕ່​ໃບ​ກໍ​ຫ່ຽວແຫ້ງ​ໝົດ. ສະນັ້ນ ເຮົາ​ຈຶ່ງ​ໄດ້​ອະນຸຍາດ​ໃຫ້​ຄົນ​ພາຍນອກ​ຢຶດຄອງ​ດິນແດນ.”

ໂຮເສອາ 2:12

ເຮົາ​ຈະ​ທຳລາຍ​ເຄືອ​ອະງຸ່ນ​ແລະ​ກົກ​ໝາກເດື່ອເທດ​ຂອງ​ນາງ ຊຶ່ງ​ນາງ​ເວົ້າ​ວ່າ, ແມ່ນ​ຄົນຮັກ​ທີ່​ເອົາ​ໃຫ້​ນາງ ເພາະ​ນາງ​ຮັບໃຊ້​ບໍລິການ​ພວກເຂົາ. ເຮົາ​ຈະ​ເຮັດ​ໃຫ້​ສວນ​ໝາກອະງຸ່ນ ແລະ​ສວນ​ໝາກໄມ້​ທັງຫລາຍ​ຂອງ​ນາງ ເປັນ​ຖິ່ນ​ແຫ້ງແລ້ງ​ກັນດານ; ຝູງ​ສັດປ່າ​ຈະ​ທຳລາຍ​ສິ່ງ​ເຫຼົ່ານັ້ນ​ຖິ້ມ.

ໂຢເອນ 1:12

ເຄືອ​ອະງຸ່ນ​ແລະ​ກົກ​ໝາກເດື່ອ​ກໍ​ຮ່ວງໂຮຍ ຕົ້ນ​ໝາກພີລາ ກົກ​ຕານ​ແລະ​ຕົ້ນໝາກຈອງ​ດ້ວຍ. ຄື​ຕົ້ນ​ໝາກໄມ້​ທຸກໆ​ຕົ້ນ​ກໍ​ຫ່ຽວແຫ້ງ​ຕາຍໄປ ຄວາມ​ຊົມຊື່ນ​ຂອງ​ປະຊາຊົນ​ກໍ​ສູນຫາຍ​ໄປສິ້ນ.

ອາໂມດ 4:9

“ເຮົາ​ໄດ້​ສົ່ງ​ລົມຮ້ອນ ມາ​ເຮັດ​ໃຫ້​ເຄື່ອງປູກ​ຂອງ​ພວກເຈົ້າ​ຫ່ຽວແຫ້ງ​ໄປ. ຝູງຕັກແຕນ​ໄດ້​ກິນ​ເຄື່ອງປູກ​ໃນ​ສວນ​ຜັກ ແລະ​ສວນອະງຸ່ນ​ຂອງ​ພວກເຈົ້າ​ໝົດ​ພ້ອມ​ທັງ​ຕົ້ນ​ໝາກເດື່ອ ແລະ​ຕົ້ນ​ໝາກກອກ​ດ້ວຍ. ເຖິງປານນັ້ນ ພວກເຈົ້າ​ກໍ​ຍັງ​ບໍ່​ກັບຄືນ​ມາ​ຫາ​ເຮົາ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ຮາບາກຸກ 3:17

ເຖິງ​ແມ່ນ​ວ່າ​ຕົ້ນ​ໝາກເດື່ອ​ນັ້ນ​ບໍ່ມີ​ໝາກ​ກໍດີ ຕົ້ນອະງຸ່ນ​ບໍ່​ເກີດຜົນ​ຕາມ​ເຄືອ​ກໍຕາມ. ເຖິງ​ແມ່ນ​ວ່າ​ຕົ້ນ​ໝາກກອກເທດ​ບໍ່​ເກີດຜົນ​ກໍດີ ທົ່ງໄຮ່​ທົ່ງນາ​ບໍ່​ຜະລິດ​ຜົນ​ຫຍັງ​ກໍຕາມ. ເຖິງ​ແມ່ນ​ວ່າ​ຝູງແກະ​ນັ້ນ​ລົ້ມ​ຕາຍໄປ​ຈົນ​ໝົດ​ກໍດີ ຄອກ​ງົວ​ທັງຫລາຍ​ເປົ່າແປນ​ກໍຕາມ.

ມາລາກີ 3:11

ເຮົາ​ຈະ​ບໍ່​ປ່ອຍ​ໃຫ້​ຝູງ​ແມງໄມ້​ມາ​ທຳລາຍ​ຜົນລະປູກ​ຂອງ​ພວກເຈົ້າ ແລະ​ຕົ້ນອະງຸ່ນ​ຂອງ​ພວກເຈົ້າ​ກໍ​ຈະ​ມີ​ໝາກ​ຫລາຍ.” ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນີ້ແຫຼະ.