ໂຢເອນ 1:12 - ພຣະຄຳພີສັກສິ

¹² ເຄືອ​ອະງຸ່ນ​ແລະ​ກົກ​ໝາກເດື່ອ​ກໍ​ຮ່ວງໂຮຍ ຕົ້ນ​ໝາກພີລາ ກົກ​ຕານ​ແລະ​ຕົ້ນໝາກຈອງ​ດ້ວຍ. ຄື​ຕົ້ນ​ໝາກໄມ້​ທຸກໆ​ຕົ້ນ​ກໍ​ຫ່ຽວແຫ້ງ​ຕາຍໄປ ຄວາມ​ຊົມຊື່ນ​ຂອງ​ປະຊາຊົນ​ກໍ​ສູນຫາຍ​ໄປສິ້ນ.

ໂຢເອນ 1:12 Jak'a apnaqawi uñst'ayäwi

ເພງ^ສັນລະເສີນ 4:7

ແຕ່​ຄວາມ​ຊົມຊື່ນ​ຍິນດີ ທີ່​ພຣະອົງ​ຊົງ​ປະທານ​ໃຫ້​ຂ້ານ້ອຍ​ນັ້ນ ຈະ​ມີ​ຫລາຍກວ່າ​ເຂົ້າ ແລະ​ເຫຼົ້າ​ອະງຸ່ນ​ທີ່​ພວກເຂົາ​ມີ.

ເພງ^ສັນລະເສີນ 92:12

ຄົນ​ຊອບທຳ​ນັ້ນ​ຈະ​ຈະເລີນ​ຂຶ້ນ​ດັ່ງ​ຕົ້ນ​ຕານ ຈະ​ໃຫຍ່ຂຶ້ນ​ດັ່ງ​ຕົ້ນແປກ​ທີ່​ເລບານອນ​ນັ້ນ.

ຍອດເພງ 2:3

ຕົ້ນໝາກຈອງ​ເກີດ​ຢູ່​ທ່າມກາງ​ຕົ້ນໄມ້​ປ່າ​ສັນໃດ ຄົນຮັກ​ຂອງນ້ອງ​ກໍ​ປະປົນ​ຢູ່​ກັບ​ຊາຍ​ອື່ນ​ສັນນັ້ນ. ຂ້ອຍ​ມັກ​ມາ​ນັ່ງ​ພັກ​ເຊົາ​ຢູ່​ໃຕ້​ຮົ່ມ​ຂອງມັນ ແລະ​ໝາກ​ຂອງມັນ​ກໍ​ຫວານ​ແລະ​ຣົດຊາດ​ກໍ​ແຊບ.

ຍອດເພງ 4:13

ໃນ​ທີ່ນັ້ນ ຕົ້ນໄມ້​ກິນ​ໝາກ​ຕ່າງ​ກໍ​ໃຫຍ່​ຂຶ້ນ​ຫລາຍ ໃຫຍ່​ຂຶ້ນ​ມາ​ດັ່ງ​ສວນ​ຕົ້ນ​ໝາກ​ພິລາ​ທັງນັ້ນ ມີ​ໝາກໄມ້​ຣົດຊາດ​ດີເລີດ​ທຸກໆ​ຊະນິດ ມີ​ທັງ​ຕົ້ນ​ທຽນຊຳ​ແລະ​ຕົ້ນ​ຫອມແຝກ.

ເອຊາຢາ 16:10

ບັດນີ້ ໃນ​ທົ່ງໄຮ່​ທົ່ງນາ​ທີ່​ມີ​ດິນ​ດີ​ກໍ​ບໍ່ມີ​ຜູ້ໃດ​ຢູ່​ເປັນ​ສຸກ. ບໍ່ມີ​ຜູ້ໃດ​ໂຮຮ້ອງ​ຫລື​ຂັບລຳ​ທຳເພງ​ໃນ​ສວນອະງຸ່ນ​ເລີຍ. ບໍ່ມີ​ຜູ້ໃດ​ບີບ​ໝາກອະງຸ່ນ​ເຮັດ​ເຫຼົ້າ​ອະງຸ່ນ ສຽງ​ໂຮຮ້ອງ​ອັນ​ຊົມຊື່ນ​ຍິນດີ​ນັ້ນ​ໄດ້​ໝົດໄປ​ສາ​ແລ້ວ.

ເອຊາຢາ 24:11

ຊາວ​ເມືອງ​ຮ້ອງ​ດ່າ​ຕາມ​ຫົນທາງ​ຍ້ອນ​ບໍ່ມີ​ເຫຼົ້າ​ອະງຸ່ນ​ດື່ມ​ອີກ. ຄວາມສຸກ​ໝົດ​ໄປ​ຈາກ​ດິນແດນ​ຢ່າງ​ບໍ່ມີ​ມື້​ຈະ​ກັບຄືນ​ມາ.

ເອຊາຢາ 24:7

ກົກອະງຸ່ນ​ຈະ​ຫ່ຽວແຫ້ງ​ໄປ ແລະ​ເຫຼົ້າ​ອະງຸ່ນ​ຈະ​ຫາ​ຍາກ​ທີ່ສຸດ. ທຸກໆຄົນ​ທີ່​ເຄີຍ​ມີ​ຄວາມສຸກ ບັດນີ້ ກໍ​ຈະ​ມີ​ແຕ່​ຄວາມທຸກ

ເອຊາຢາ 9:3

ພຣະອົງ​ໃຫ້​ພວກເຂົາ​ມີ​ຄວາມ​ຍິນດີ​ອັນ​ຍິ່ງໃຫຍ່ ພຣະອົງ​ໄດ້​ເຮັດ​ໃຫ້​ພວກເຂົາ​ມີ​ຄວາມສຸກ​ໃນ​ຈິດໃຈ. ພວກເຂົາ​ຊົມຊື່ນ​ຍິນດີ​ດ້ວຍ​ສິ່ງ​ທີ່​ພຣະອົງ​ໄດ້​ກະທຳ ດັ່ງ​ຄົນ​ຊົມຊື່ນ​ຍິນດີ​ເມື່ອ​ພວກເຂົາ​ເກັບກ່ຽວ​ເຂົ້າ ຫລື​ເໝືອນ​ດັ່ງ​ຄົນ​ໂຮຮ້ອງ​ຢ່າງ​ຊົມຊື່ນ​ຍິນດີ ເວລາ​ທີ່​ພວກເຂົາ​ແບ່ງປັນ​ຊັບສິນ​ທີ່​ຢຶດ​ມາ​ໄດ້.

ເຢເຣມີຢາ 48:3

ຊາວ​ເມືອງ​ໂຮໂຣນາອິມ​ຕ່າງ​ກໍ​ຮ້ອງ​ອອກ​ມາ​ວ່າ, ‘ຈິບຫາຍ ຈິບຫາຍ​ກັນ​ໃຫຍ່​ແລ້ວ.’

ເຢເຣມີຢາ 48:33

ຄວາມສຸກ ແລະ​ຄວາມ​ຊົມຊື່ນ​ຍິນດີ​ໄດ້​ຖືກ​ນຳ​ເອົາ​ໜີໄປ​ຈາກ​ທີ່ດິນ​ອັນ​ອຸດົມສົມບູນ​ຂອງ​ໂມອາບ. ເຮົາ​ໄດ້​ເຮັດ​ໃຫ້​ນໍ້າ​ອະງຸ່ນ​ເຊົາ​ໄຫລ​ຈາກ​ທີ່​ບີບ​ໝາກອະງຸ່ນ; ບໍ່ມີ​ຄົນ​ເຮັດ​ເຫຼົ້າ​ອະງຸ່ນ​ອີກ​ແລ້ວ ແລະ​ບໍ່ມີ​ສຽງ​ໂຮຮ້ອງ​ຊົມຊື່ນ​ຍິນດີ.

ໂຢເອນ 1:10

ທົ່ງໄຮ່​ທົ່ງນາ​ກໍ​ຖືກ​ທຳລາຍ​ຈົນ​ໝົດ ທີ່ດິນ​ກໍ​ຈົມ​ຢູ່​ໃນ​ຄວາມ​ງຽບເຫງົາ​ທັງສິ້ນ. ບໍ່ມີ​ຮວງເຂົ້າ​ແລະ​ບໍ່ມີ​ພົ້ວ​ໝາກອະງຸ່ນ ໝາກກອກເທດ​ກໍ​ບໍ່ມີ​ຢູ່​ຕົ້ນ ພໍ​ເຮັດ​ນໍ້າມັນ​ໄດ້.

ໂຢເອນ 1:16

ພວກເຮົາ​ໝົດ​ທີ່​ເພິ່ງ ເມື່ອ​ເບິ່ງ​ພືດຜົນ​ຖືກ​ທຳລາຍ ຄວາມ​ມ່ວນຊື່ນ​ໃນ​ວິຫານ​ຂອງ​ພຣະເຈົ້າ​ຂອງ​ພວກເຮົາ ກໍ​ຫັບຫາຍ​ໄປສິ້ນ.

ໂຢນາ 4:7

ແຕ່​ໃນ​ຕອນເຊົ້າ​ຂອງ​ມື້​ຕໍ່ມາ ຕາມ​ຄຳສັ່ງ​ຂອງ​ພຣະເຈົ້າ ດ້ວງ​ໂຕໜຶ່ງ​ໄດ້​ກັດ​ກິນ​ຕົ້ນໄມ້​ນັ້ນ ແລະ​ມັນ​ກໍໄດ້​ຫ່ຽວແຫ້ງ​ຕາຍໄປ.

ຮັກກາຍ 2:19

ເຖິງ​ແມ່ນ​ວ່າ​ຈະ​ບໍ່ມີ​ເຂົ້າ​ກິນ​ເຫຼືອ​ຢູ່, ຕົ້ນ​ໝາກອະງຸ່ນ, ຕົ້ນ​ໝາກເດື່ອ, ຕົ້ນ​ໝາກພີລາ ແລະ​ຕົ້ນ​ໝາກກອກເທດ ຍັງ​ບໍ່​ເກີດຜົນ​ກໍຕາມ, ແຕ່​ບັດນີ້​ຕໍ່ໄປ ເຮົາ​ຈະ​ອວຍພອນ​ພວກເຈົ້າ.”

ມາລາກີ 3:11

ເຮົາ​ຈະ​ບໍ່​ປ່ອຍ​ໃຫ້​ຝູງ​ແມງໄມ້​ມາ​ທຳລາຍ​ຜົນລະປູກ​ຂອງ​ພວກເຈົ້າ ແລະ​ຕົ້ນອະງຸ່ນ​ຂອງ​ພວກເຈົ້າ​ກໍ​ຈະ​ມີ​ໝາກ​ຫລາຍ.” ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ດັ່ງນີ້ແຫຼະ.

ຈົດບັນຊີ 13:23

ພວກເຂົາ​ໄດ້​ມາ​ຮອດ​ຮ່ອມພູ​ເອັດຊະໂຄນ ແລະ​ຢູ່​ໃນ​ທີ່ນັ້ນ​ພວກເຂົາ​ໄດ້​ຕັດ​ເອົາ​ງ່າ​ອະງຸ່ນ​ຊຶ່ງ​ມີ​ໝາກ​ດົກ​ຫລາຍ ຈົນ​ຕ້ອງ​ໃຊ້​ໄມ້ຄານ​ສອດ​ໃຫ້​ສອງ​ຄົນ​ຫາມ. ພວກເຂົາ​ຍັງ​ໄດ້​ນຳ​ເອົາ​ໝາກພີລາ​ແລະ​ໝາກເດື່ອ​ບາງສ່ວນ​ມາ​ດ້ວຍ.