ໂຢຮັນ 7:8 - ພຣະຄຳພີສັກສິ

⁸ ໃຫ້​ພວກເຈົ້າ​ພາກັນ​ໄປ​ເທດສະການ​ສາ ເຮົາ​ຍັງ​ບໍ່​ໄປ ໃນ​ເທດສະການ​ນັ້ນ​ເທື່ອ ເພາະ​ເວລາ​ເໝາະ​ສຳລັບ​ເຮົາ​ຍັງ​ບໍ່​ມາ​ເຖິງ.”

ພຣະຄຳພີລາວສະບັບສະໄໝໃໝ່

⁸ ພວກເຈົ້າ​ໄປ​ຮ່ວມ​ເທດສະການ​ນັ້ນ​ສາ. ຝ່າຍ​ເຮົາ​ບໍ່​ໄປ​ເທດສະການ​ນັ້ນ, ເພາະ​ເວລາ​ທີ່​ເໝາະສົມ​ສຳລັບ​ເຮົາ​ຍັງ​ບໍ່​ທັນ​ມາເຖິງ”.

ໂຢຮັນ 7:8 Jak'a apnaqawi uñst'ayäwi

ມັດທາຍ 26:18

ພຣະອົງ​ຊົງ​ຕອບ​ວ່າ, “ຈົ່ງ​ເຂົ້າ​ໄປ​ຫາ​ຄົນ​ໜຶ່ງ​ຢູ່​ໃນ​ເມືອງ ແລະ​ບອກ​ລາວ​ວ່າ, ‘ອາຈານ​ບອກ​ວ່າ, ເວລາ​ຂອງເຮົາ​ໃກ້​ເຂົ້າ​ມາ​ແລ້ວ ເຮົາ​ຈະ​ສະຫລອງ​ປັດສະຄາ​ທີ່​ບ້ານ​ຂອງ​ເຈົ້າ ພ້ອມ​ກັບ​ພວກ​ສາວົກ​ຂອງເຮົາ.”’

ໂຢຮັນ 2:4

ພຣະເຢຊູເຈົ້າ​ຕອບ​ວ່າ, “ນາງ​ເອີຍ ປະ​ໃຫ້​ເປັນ​ທຸລະ​ຂອງເຮົາ​ເສຍ ເພາະ​ເວລາ​ຂອງເຮົາ​ຍັງ​ບໍ່​ທັນ​ມາ​ເຖິງ.”

ໂຢຮັນ 7:30

ແລ້ວ​ພວກເຂົາ​ກໍ​ຊອກ​ຫາ​ທາງ​ຈັບ​ພຣະອົງ, ແຕ່​ບໍ່ມີ​ຜູ້ໃດ​ຍື່ນ​ມື​ໄປ​ແຕະຕ້ອງ​ພຣະອົງ​ໄດ້ ເພາະ​ບໍ່​ເຖິງ​ກຳນົດ​ເວລາ​ຂອງ​ພຣະອົງ​ເທື່ອ.

ໂຢຮັນ 7:6

ພຣະເຢຊູເຈົ້າ​ຊົງ​ບອກ​ພວກເຂົາ​ວ່າ, “ເວລາ​ກຳນົດ​ສຳລັບ​ເຮົາ​ຍັງ​ບໍ່​ມາ​ເຖິງ​ເທື່ອ ແຕ່​ເວລາ​ຂອງ​ພວກເຈົ້າ​ແລ້ວ ແມ່ນ​ມີ​ຢູ່​ສະເໝີ.

ໂຢຮັນ 7:9

ເມື່ອ​ເວົ້າ​ດັ່ງນີ້​ແລ້ວ ພຣະອົງ​ກໍ​ຢູ່​ໃນ​ແຂວງ​ຄາລີເລ​ຕໍ່ໄປ.

ໂຢຮັນ 8:20

ພຣະເຢຊູເຈົ້າ​ໄດ້​ກ່າວ​ຄຳ​ເຫຼົ່ານີ້ ໃນ​ຂະນະທີ່​ພຣະອົງ​ສັ່ງສອນ​ໃນ​ພຣະວິຫານ ຢູ່​ຫ້ອງ​ບ່ອນ​ທີ່​ວາງ​ຫີບ​ຖວາຍ​ຊັບ, ແຕ່​ບໍ່ມີ​ຜູ້ໃດ​ຈັບ​ພຣະອົງ ເພາະ​ບໍ່​ເຖິງ​ກຳນົດ​ເວລາ​ຂອງ​ພຣະອົງ​ເທື່ອ.

ໂຢຮັນ 8:30

ມີ​ຫລາຍ​ຄົນ​ທີ່​ໄດ້ຍິນ​ພຣະເຢຊູເຈົ້າ​ກ່າວ​ຄຳ​ເຫຼົ່ານີ້ ກໍ​ເຊື່ອ​ໃນ​ພຣະອົງ.