ໂຢຮັນ 7:16 - ພຣະຄຳພີສັກສິ

¹⁶ ພຣະເຢຊູເຈົ້າ​ຊົງ​ຕອບ​ພວກເຂົາ​ວ່າ, “ສິ່ງ​ທີ່​ເຮົາ​ສັ່ງສອນ​ບໍ່ແມ່ນ​ຂອງເຮົາ ແຕ່​ແມ່ນ​ຄຳສັ່ງສອນ​ຈາກ​ພຣະເຈົ້າ​ຜູ້​ທີ່​ໄດ້​ໃຊ້​ເຮົາ​ມາ.

ພຣະຄຳພີລາວສະບັບສະໄໝໃໝ່

¹⁶ ພຣະເຢຊູເຈົ້າ​ຕອບ​ວ່າ, “ຄຳສອນ​ຂອງ​ເຮົາ​ບໍ່​ແມ່ນ​ຂອງ​ເຮົາ​ເອງ ແຕ່​ຄຳສອນ​ນັ້ນ​ມາ​ຈາກ​ພຣະອົງ​ຜູ້​ໃຊ້​ເຮົາ​ມາ.

ໂຢຮັນ 7:16 Jak'a apnaqawi uñst'ayäwi

ໂຢຮັນ 14:10

ຟີລິບ​ເອີຍ ເຈົ້າ​ຍັງ​ບໍ່​ເຊື່ອ​ຫລື​ວ່າ ເຮົາ​ຢູ່​ໃນ​ພຣະບິດາເຈົ້າ ແລະ​ພຣະບິດາເຈົ້າ​ຢູ່​ໃນ​ເຮົາ? ຖ້ອຍຄຳ​ທີ່​ເຮົາ​ກ່າວ​ແກ່​ພວກເຈົ້າ​ນັ້ນ ບໍ່ໄດ້​ມາ​ຈາກ​ເຮົາ​ເອງ ແຕ່​ພຣະບິດາເຈົ້າ ຜູ້​ທີ່​ສະຖິດ​ຢູ່​ໃນ​ເຮົາ​ກະທຳ​ການ​ຂອງ​ພຣະອົງ​ເອງ.

ໂຢຮັນ 14:24

ຜູ້ໃດ​ທີ່​ບໍ່​ຮັກ​ເຮົາ ກໍ​ບໍ່​ປະຕິບັດ​ຕາມ​ຖ້ອຍຄຳ​ຂອງເຮົາ ຖ້ອຍຄຳ​ທີ່​ພວກເຈົ້າ​ໄດ້ຍິນ​ນັ້ນ​ບໍ່ແມ່ນ​ຂອງເຮົາ ແຕ່​ມາ​ຈາກ​ພຣະບິດາເຈົ້າ​ຜູ້​ທີ່​ໃຊ້​ເຮົາ​ມາ.”

ໂຢຮັນ 17:14

ຝ່າຍ​ຂ້ານ້ອຍ​ໄດ້​ມອບ​ພຣະຄຳ​ຂອງ​ພຣະອົງ​ໃຫ້​ແກ່​ພວກເຂົາ​ແລ້ວ ແລະ​ໂລກນີ້​ໄດ້​ກຽດຊັງ​ພວກເຂົາ ເພາະ​ພວກເຂົາ​ບໍ່​ເປັນ​ຂອງ​ໂລກ ເໝືອນ​ດັ່ງ​ຂ້ານ້ອຍ​ບໍ່​ເປັນ​ຂອງ​ໂລກ.

ໂຢຮັນ 17:8

ຂ້ານ້ອຍ​ໄດ້​ມອບ​ຖ້ອຍຄຳ​ທີ່​ພຣະອົງ​ໄດ້​ປະທານ​ແກ່​ຂ້ານ້ອຍ ໃຫ້​ແກ່​ພວກເຂົາ ແລະ​ພວກເຂົາ​ກໍໄດ້​ຮັບ​ຖ້ອຍຄຳ​ນັ້ນ​ແລ້ວ ພວກເຂົາ​ຮູ້​ຢ່າງ​ຄັກແນ່​ວ່າ​ຂ້ານ້ອຍ​ໄດ້​ມາ​ຈາກ​ພຣະອົງ ແລະ​ເຊື່ອ​ວ່າ​ພຣະອົງ​ໄດ້​ໃຊ້​ຂ້ານ້ອຍ​ມາ.

ໂຢຮັນ 3:11

ເຮົາ​ບອກ​ເຈົ້າ​ຕາມ​ຄວາມຈິງ​ວ່າ, ພວກເຮົາ​ເວົ້າ​ໃນ​ສິ່ງ​ທີ່​ພວກເຮົາ​ຮູ້ ແລະ​ເປັນ​ພະຍານ​ເຖິງ​ສິ່ງ​ທີ່​ພວກເຮົາ​ໄດ້​ເຫັນ ແຕ່​ພວກເຈົ້າ​ບໍ່​ຮັບ​ເອົາ​ຄຳ​ພະຍານ​ຂອງ​ພວກເຮົາ.

ໂຢຮັນ 3:31

ພຣະອົງ​ຜູ້​ທີ່​ມາ​ຈາກ​ເບື້ອງ​ເທິງ ກໍ​ເໜືອ​ກວ່າ​ທຸກສິ່ງ, ສ່ວນ​ຜູ້​ທີ່​ມາ​ຈາກ​ແຜ່ນດິນ ຍ່ອມ​ເປັນ​ຝ່າຍ​ໂລກ ແລະ​ເວົ້າ​ເຖິງ​ເລື່ອງ​ໂລກ ແຕ່​ຜູ້​ທີ່​ມາ​ຈາກ​ສະຫວັນ​ກໍ​ຢູ່​ເໜືອ​ທຸກສິ່ງ.

ໂຢຮັນ 5:30

“ເຮົາ​ເຮັດ​ສິ່ງໜຶ່ງ​ສິ່ງໃດ​ຕາມ​ລຳພັງໃຈ​ຂອງເຮົາ​ເອງ​ບໍ່ໄດ້ ເຮົາ​ຕັດສິນ​ຕາມ​ທີ່​ພຣະເຈົ້າ​ບອກ​ເຮົາ​ເທົ່ານັ້ນ ແລະ​ການ​ຕັດສິນ​ຂອງເຮົາ​ກໍ​ຍຸດຕິທຳ ເພາະ​ເຮົາ​ບໍ່ໄດ້​ພະຍາຍາມ​ເຮັດ​ຕາມ​ໃຈ​ຂອງເຮົາ​ເອງ ແຕ່​ເຮັດ​ຕາມ​ໃຈ​ຂອງ​ພຣະອົງ​ຜູ້​ທີ່​ໄດ້​ໃຊ້​ເຮົາ​ມາ.”

ໂຢຮັນ 6:44

ບໍ່ມີ​ຜູ້ໃດ​ມາ​ຫາ​ເຮົາ​ໄດ້ ນອກຈາກ​ພຣະບິດາເຈົ້າ​ຜູ້​ທີ່​ໄດ້​ໃຊ້​ເຮົາ​ມາ ຊັກນຳ​ຜູ້ນັ້ນ​ມາ​ຫາ​ເຮົາ ແລະ​ເຮົາ​ຈະ​ໃຫ້​ລາວ​ເປັນ​ຄືນ​ມາ​ສູ່​ຊີວິດ​ໃນ​ວັນ​ສຸດທ້າຍ.

ໂຢຮັນ 8:28

ດັ່ງນັ້ນ ພຣະເຢຊູເຈົ້າ​ຈຶ່ງ​ໄດ້​ກ່າວ​ຕໍ່​ພວກເຂົາ​ວ່າ, “ເມື່ອໃດ​ເຈົ້າ​ທັງຫລາຍ​ຍົກ​ບຸດ​ມະນຸດ​ຂຶ້ນ​ແລ້ວ ເມື່ອນັ້ນ​ແຫຼະ ພວກເຈົ້າ​ຈຶ່ງ​ຈະ​ຮູ້​ວ່າ, ‘ເຮົາ​ເປັນ​ຜູ້​ທີ່​ເຮົາ​ເປັນ’ ແລ້ວ​ພວກເຈົ້າ​ກໍ​ຈະ​ຮູ້​ວ່າ ເຮົາ​ບໍ່ໄດ້​ເຮັດ​ສິ່ງໃດ​ຕາມ​ໃຈ​ຂອງເຮົາ​ເອງ, ແຕ່​ເຮົາ​ກ່າວ​ຕາມ​ທີ່​ພຣະບິດາເຈົ້າ​ໄດ້​ສອນ​ໃຫ້​ເຮົາ​ກ່າວ​ເທົ່ານັ້ນ.

2 ໂຢຮັນ 1:9

ຜູ້ໃດ​ທີ່​ລ່ວງເກີນ ບໍ່​ດຳລົງ​ຢູ່​ໃນ​ຄຳສອນ​ຂອງ​ພຣະຄຣິດ ຜູ້​ນັ້ນ​ກໍ​ບໍ່ມີ​ພຣະເຈົ້າ ຜູ້ໃດ​ທີ່​ດຳລົງ​ຢູ່​ໃນ​ຄຳສັ່ງສອນ​ນີ້ ກໍ​ມີ​ທັງ​ພຣະບິດາເຈົ້າ​ແລະ​ພຣະບຸດ.

ພຣະນິມິດ 1:1

ການ​ຊົງ​ສຳແດງ​ຂອງ​ພຣະເຢຊູເຈົ້າ ຊຶ່ງ​ພຣະເຈົ້າ​ໄດ້​ຊົງ​ປະທານ​ແກ່​ພຣະອົງ ເພື່ອ​ຊົງ​ຊີ້ແຈງ​ໃຫ້​ບັນດາ​ຜູ້ຮັບໃຊ້​ຂອງ​ພຣະອົງ ຮູ້​ເຖິງ​ເຫດການ​ທັງຫລາຍ​ທີ່​ຕ້ອງ​ບັງເກີດ​ຂຶ້ນ​ໃນ​ບໍ່​ຊ້າ​ນີ້. ພຣະຄຣິດ​ໄດ້​ຊົງ​ໃຊ້​ເທວະດາ​ຂອງ​ພຣະອົງ ໄປ​ສຳແດງ​ໝາຍສຳຄັນ​ແກ່​ໂຢຮັນ ຜູ້ຮັບໃຊ້​ຂອງ​ພຣະອົງ.