ໂຢຮັນ 7:1 - ພຣະຄຳພີສັກສິ

¹ ຫລັງຈາກນັ້ນ ພຣະເຢຊູເຈົ້າ​ໄດ້​ສະເດັດ​ທຽວ​ໄປມາ​ຕາມ​ແຂວງ​ຄາລີເລ ພຣະອົງ​ບໍ່​ຢາກ​ທຽວ​ໄປ​ໃນ​ແຂວງ​ຢູດາຍ ເພາະ​ພວກ​ເຈົ້າໜ້າທີ່​ຢິວ​ໃນ​ທີ່ນັ້ນ​ຢາກ​ຂ້າ​ພຣະອົງ.

ພຣະຄຳພີລາວສະບັບສະໄໝໃໝ່

¹ ຫລັງຈາກນັ້ນ ພຣະເຢຊູເຈົ້າ​ໄດ້​ໄປ​ທົ່ວ​ແຂວງ​ຄາລີເລ. ແຕ່​ພຣະອົງ​ບໍ່​ຢາກ​ໄປ​ແຂວງ​ຢູດາຍ ເພາະ​ພວກຜູ້ນຳ​ຊາວຢິວ​ຢູ່​ທີ່​ນັ້ນ​ກຳລັງ​ຊອກຫາ​ວິທີ​ທີ່​ຈະ​ຂ້າ​ພຣະອົງ.

ໂຢຮັນ 7:1 Jak'a apnaqawi uñst'ayäwi

ມັດທາຍ 10:23

ເມື່ອ​ພວກເຂົາ​ຂົ່ມເຫັງ​ພວກເຈົ້າ​ໃນ​ເມືອງ​ໜຶ່ງ ຈົ່ງ​ໜີໄປ​ທີ່​ເມືອງ​ອື່ນ, ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ພວກເຈົ້າ​ຈະ​ບໍ່​ທັນ​ໄປ​ໃນ​ທົ່ວ​ທຸກ​ເມືອງ​ຂອງ​ຊາດ​ອິດສະຣາເອນ ກ່ອນ​ທີ່​ບຸດ​ມະນຸດ​ມາ.”

ມັດທາຍ 21:38

ແຕ່​ເມື່ອ​ຄົນ​ເຊົ່າ​ສວນ​ເຫຼົ່ານັ້ນ ເຫັນ​ລູກຊາຍ​ຂອງ​ເພິ່ນ ພວກເຂົາ​ຈຶ່ງ​ເວົ້າ​ຕໍ່​ກັນແລະກັນ​ວ່າ, ‘ຄົນ​ນີ້​ແຫຼະ ເປັນ​ເຈົ້າ​ຂອງ​ມໍຣະດົກ ຈົ່ງ​ຂ້າ​ມັນ​ເສຍ ແລ້ວ​ພວກເຮົາ​ກໍ​ຈະ​ໄດ້​ມໍຣະດົກ​ຂອງ​ມັນ’

ມາຣະໂກ 11:18

ເມື່ອ​ພວກ​ຫົວໜ້າ​ປະໂຣຫິດ​ແລະ​ພວກ​ທຳມະຈານ ໄດ້ຍິນ​ເຊັ່ນ​ນີ້ ພວກເຂົາ​ຈຶ່ງ​ຊອກ​ຫາ​ວິທີ​ທາງ​ຈະ​ຂ້າ​ພຣະເຢຊູເຈົ້າ. ພວກເຂົາ​ຢ້ານ​ພຣະອົງ ເພາະ​ປະຊາຊົນ​ທັງໝົດ​ໄດ້​ປະຫລາດ​ໃຈ​ໃນ​ຄຳສັ່ງສອນ​ຂອງ​ພຣະອົງ.

ໂຢຮັນ 1:19

ນີ້​ແມ່ນ​ຄຳ​ພະຍານ​ຂອງ​ໂຢຮັນ ໃນ​ເວລາ​ພວກ​ເຈົ້າໜ້າທີ່​ຢິວ​ໄດ້​ໃຊ້​ພວກ​ປະໂຣຫິດ ແລະ​ພວກ​ເລວີ​ບາງຄົນ​ຈາກ​ນະຄອນ​ເຢຣູຊາເລັມ ມາ​ຖາມ​ເພິ່ນ​ວ່າ, “ທ່ານ​ແມ່ນ​ຜູ້ໃດ?”

ໂຢຮັນ 4:3

ພຣະເຢຊູເຈົ້າ​ໄດ້​ສະເດັດ​ອອກ​ຈາກ​ແຂວງ​ຢູດາຍ ແລະ​ກັບຄືນ​ໄປ​ແຂວງ​ຄາລີເລ.

ໂຢຮັນ 4:54

ນີ້​ເປັນ​ໝາຍສຳຄັນ​ການ​ອັດສະຈັນ​ຄັ້ງ​ທີ​ສອງ ທີ່​ພຣະເຢຊູເຈົ້າ​ໄດ້​ກະທຳ ຫລັງຈາກ​ທີ່​ພຣະອົງ​ໄດ້​ຈາກ​ແຂວງ​ຢູດາຍ​ໄປ​ຍັງ​ແຂວງ​ຄາລີເລ.

ໂຢຮັນ 6:1

ຫລັງຈາກນັ້ນ ພຣະເຢຊູເຈົ້າ​ໄດ້​ສະເດັດ​ຂ້າມ​ທະເລສາບ​ຄາລີເລ (ມີ​ຊື່​ອີກ​ວ່າ​ທະເລ​ຕີເບເຣຍ).

ໂຢຮັນ 7:11

ສ່ວນ​ພວກ​ເຈົ້າໜ້າທີ່​ຢິວ​ກໍ​ຊອກ​ຫາ​ພຣະອົງ​ໃນ​ເທດສະການ​ນັ້ນ ພວກເຂົາ​ຖາມ​ວ່າ, “ຄົນ​ນັ້ນ​ຢູ່​ໃສ?”

ໂຢຮັນ 7:13

ແຕ່​ບໍ່ມີ​ຜູ້ໃດ​ກ້າ​ເວົ້າ​ເຖິງ​ເລື່ອງ​ຂອງ​ພຣະອົງ​ຢ່າງ​ເປີດເຜີຍ ເພາະ​ຢ້ານ​ເຈົ້າໜ້າທີ່​ຢິວ.

ໂຢຮັນ 7:19

ໂມເຊ​ໄດ້​ໃຫ້​ກົດບັນຍັດ​ແກ່​ພວກເຈົ້າ​ບໍ່ແມ່ນ​ບໍ? ແລະ​ມີ​ຜູ້ໃດ​ໃນ​ພວກເຈົ້າ​ທີ່​ປະຕິບັດ​ຕາມ​ກົດບັນຍັດ​ນັ້ນ ເປັນຫຍັງ​ພວກເຈົ້າ​ຈຶ່ງ​ຊອກ​ຫາ​ທີ່​ຈະ​ຂ້າ​ເຮົາ?”

ໂຢຮັນ 7:25

ຊາວ​ນະຄອນ​ເຢຣູຊາເລັມ​ບາງຄົນ​ໄດ້​ເວົ້າ​ວ່າ, “ບໍ່ແມ່ນ​ຊາຍ​ຜູ້​ນີ້​ບໍ ທີ່​ພວກ​ເຈົ້າໜ້າທີ່​ກຳລັງ​ຊອກ​ຫາ​ເພື່ອ​ຈະ​ຂ້າ?

ໂຢຮັນ 7:35

ພວກ​ຢິວ​ຈຶ່ງ​ເວົ້າ​ກັນ​ວ່າ, “ຊາຍ​ຄົນ​ນີ້​ກຳລັງ​ຈະ​ໄປ​ໃສ ທີ່​ພວກເຮົາ​ຈະ​ຊອກ​ຫາ​ລາວ​ບໍ່​ພົບ ລາວ​ຈະ​ໄປ​ເມືອງ​ຕ່າງໆ​ຂອງ​ຊາວ​ກຣີກ ບ່ອນ​ທີ່​ມີ​ປະຊາຊົນ​ຂອງ​ພວກເຮົາ​ຢູ່ ແລະ​ສັ່ງສອນ​ຊາວ​ກຣີກ​ຢູ່​ບ່ອນ​ນັ້ນ​ບໍ?

ໂຢຮັນ 8:37

ເຮົາ​ຮູ້​ຢູ່​ວ່າ ພວກເຈົ້າ​ເປັນ​ເຊື້ອສາຍ​ຂອງ​ອັບຣາຮາມ, ແຕ່​ພວກເຈົ້າ​ຊອກ​ຫາ​ທາງ​ຈະ​ຂ້າ​ເຮົາ ເພາະ​ຄຳສັ່ງສອນ​ຂອງເຮົາ​ບໍ່​ເຂົ້າ​ສູ່​ໃຈ​ຂອງ​ພວກເຈົ້າ.

ໂຢຮັນ 8:40

ເຮົາ​ພຽງແຕ່​ບອກ​ພວກເຈົ້າ​ເຖິງ​ຄວາມຈິງ ທີ່​ເຮົາ​ໄດ້ຍິນ​ຈາກ​ພຣະເຈົ້າ, ພວກເຈົ້າ​ກໍ​ຫາ​ທາງ​ທີ່​ຈະ​ຂ້າ​ເຮົາ, ການ​ຢ່າງ​ນີ້​ອັບຣາຮາມ​ບໍ່ໄດ້​ເຮັດ.

ກິດຈະການ 10:38

ພວກທ່ານ​ກໍ​ຮູ້​ເຖິງ​ເລື່ອງ​ພຣະເຢຊູເຈົ້າ​ໄທ​ນາຊາເຣັດ ຜູ້​ທີ່​ພຣະເຈົ້າ​ໄດ້​ຫົດສົງ​ດ້ວຍ​ພຣະວິນຍານ​ບໍຣິສຸດເຈົ້າ ແລະ​ດ້ວຍ​ຣິດເດດ, ພຣະອົງ​ໄດ້​ໄປ​ທຸກຫົນ​ທຸກແຫ່ງ​ເຮັດ​ຄຸນງາມ​ຄວາມດີ ແລະ​ຊົງ​ໂຜດ​ຮັກສາ​ທຸກຄົນ​ທີ່​ຖືກ​ອຳນາດ​ຂອງ​ມານຮ້າຍ​ບຽດບຽນ ເພາະວ່າ​ພຣະເຈົ້າ​ຊົງ​ສະຖິດ​ຢູ່​ກັບ​ພຣະອົງ.