ໂຢຮັນ 21:2 - ພຣະຄຳພີສັກສິ

² ຊີໂມນ​ເປໂຕ, ໂທມາ​ທີ່​ເອີ້ນ​ວ່າ​ຝາແຝດ, ນະທານາເອັນ​ໄທ​ບ້ານ​ການາ ແຂວງ​ຄາລີເລ, ລູກຊາຍ​ທັງສອງ​ຂອງ​ເຊເບດາຍ ແລະ​ສາວົກ​ຂອງ​ພຣະອົງ​ອີກ​ສອງ​ຄົນ​ກໍ​ຢູ່​ພ້ອມ​ໜ້າ​ກັນ.

ພຣະຄຳພີລາວສະບັບສະໄໝໃໝ່

² ຊີໂມນ​ເປໂຕ, ໂທມາ (ທີ່​ເອີ້ນ​ວ່າ​ດີໄດມັດ), ນະທານາເອັນ ມາ​ຈາກ​ບ້ານ​ການາ​ໃນ​ແຂວງ​ຄາລີເລ, ລູກຊາຍ​ທັງ​ສອງ​ຂອງ​ເຊເບດາຍ ແລະ ສາວົກ​ອີກ​ສອງ​ຄົນ​ກໍ​ຢູ່​ນຳ​ກັນ.

ໂຢຮັນ 21:2 Jak'a apnaqawi uñst'ayäwi

ມັດທາຍ 10:3

ຟີລິບ ແລະ ບາຣະໂທໂລມາຍ, ໂທມາ ແລະ ມັດທາຍ​ຄົນ​ເກັບພາສີ, ຢາໂກໂບ​ລູກຊາຍ​ຂອງ​ອາລະຟາຍ ແລະ ທາດາຍ,

ມາຣະໂກ 1:19

ເມື່ອ​ພຣະອົງ​ເດີນທາງ​ໄປ​ອີກ​ໜ້ອຍ​ໜຶ່ງ ພຣະອົງ​ກໍ​ເຫັນ​ຢາໂກໂບ ແລະ ໂຢຮັນ​ນ້ອງຊາຍ​ຂອງຕົນ ພວກເພິ່ນ​ເປັນ​ລູກຊາຍ​ຂອງ​ເຊເບດາຍ ສອງ​ຄົນ​ນີ້​ກຳລັງ​ແປງ​ມອງ​ຂອງຕົນ​ຢູ່​ໃນ​ເຮືອ.

ລູກາ 5:10

ຢາໂກໂບ ແລະ ໂຢຮັນ​ລູກຊາຍ​ຂອງ​ເຊເບດາຍ ຜູ້​ຮ່ວມ​ງານ​ຂອງ​ຊີໂມນ ກໍ​ປະຫລາດ​ໃຈ​ເໝືອນກັນ ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ຊີໂມນ​ວ່າ, “ຢ່າ​ສູ່​ຢ້ານ ຕັ້ງແຕ່​ນີ້​ໄປ ເຈົ້າ​ຈະ​ເປັນ​ຜູ້​ຫາ​ຄົນ.”

ໂຢຮັນ 1:45

ຟີລິບ​ໄດ້​ໄປ​ຫາ​ນະທານາເອັນ ແລະ​ບອກ​ລາວ​ວ່າ, “ຂ້ອຍ​ໄດ້​ພົບ​ຜູ້​ທີ່​ໂມເຊ​ໄດ້​ຂຽນ​ເລື່ອງ​ຂອງ​ເພິ່ນ ໃນ​ໜັງສື​ກົດບັນຍັດ​ແລ້ວ ແລະ​ທັງ​ພວກ​ຜູ້ທຳນວາຍ​ກໍໄດ້​ຂຽນ​ໄວ້​ເໝືອນກັນ ເພິ່ນ​ແມ່ນ​ເຢຊູ ລູກ​ຂອງ​ໂຢເຊັບ​ໄທ​ນາຊາເຣັດ.”

ໂຢຮັນ 11:16

ໂທມາ​ມີ​ຊື່​ອີກ​ວ່າ, “ຝາແຝດ” ໄດ້​ເວົ້າ​ກັບ​ເພື່ອນ​ສາວົກ​ດ້ວຍ​ກັນ​ວ່າ, “ໃຫ້​ພວກເຮົາ​ພາກັນ​ໄປ​ນຳ​ກັນ ເພື່ອ​ວ່າ​ຈະ​ໄດ້​ຕາຍ​ກັບ​ພຣະອົງ.”

ໂຢຮັນ 2:1

ສາມ​ວັນ​ຕໍ່ມາ ໄດ້​ມີ​ງານ​ສົມຣົດ​ທີ່​ບ້ານ​ການາ​ໃນ​ແຂວງ​ຄາລີເລ ແລະ​ແມ່​ຂອງ​ພຣະເຢຊູເຈົ້າ​ກໍ​ຢູ່​ທີ່​ນັ້ນ,

ໂຢຮັນ 2:11

ພຣະເຢຊູເຈົ້າ​ໄດ້​ເຮັດ​ການ​ອັດສະຈັນ​ເທື່ອ​ທຳອິດ ທີ່​ບ້ານ​ການາ ແຂວງ​ຄາລີເລ, ໃນ​ທີ່ນັ້ນ ພຣະອົງ​ໄດ້​ເປີດເຜີຍ​ສະຫງ່າຣາສີ​ຂອງ​ພຣະອົງ​ໃຫ້​ປາກົດ ແລະ​ພວກ​ສາວົກ​ກໍໄດ້​ເຊື່ອ​ໃນ​ພຣະອົງ.

ໂຢຮັນ 20:28

ໂທມາ​ຕອບ​ພຣະອົງ​ວ່າ, “ພຣະອົງເຈົ້າ​ຂອງ​ຂ້ານ້ອຍ ແລະ​ພຣະເຈົ້າ​ຂອງ​ຂ້ານ້ອຍ.”

ໂຢຮັນ 4:46

ແລ້ວ​ພຣະອົງ​ກໍໄດ້​ສະເດັດ​ກັບຄືນ​ໄປ​ຍັງ​ບ້ານ​ການາ​ແຂວງ​ຄາລີເລ​ອີກ ບ່ອນ​ທີ່​ພຣະອົງ​ໄດ້​ເຮັດ​ໃຫ້​ນໍ້າ​ກາຍເປັນ​ເຫຼົ້າ​ອະງຸ່ນ ມີ​ລູກຊາຍ​ຂອງ​ຂ້າຣາຊການ​ຄົນ​ໜຶ່ງ ທີ່​ເມືອງ​ກາເປນາອູມ​ກຳລັງ​ປ່ວຍ​ຢູ່.

ໂຢຊວຍ 19:28

ເອັບໂຣນ, ເຣໂຮບ, ຮາມໂມນ ແລະ​ການາ, ຈົນ​ໄປ​ຮອດ​ຊີໂດນ.