ໂຢຮັນ 2:5 - ພຣະຄຳພີສັກສິ

⁵ ແມ່​ຂອງ​ພຣະອົງ​ຈຶ່ງ​ບອກ​ຕໍ່​ຄົນ​ຮັບໃຊ້​ວ່າ, “ເພິ່ນ​ບອກ​ພວກເຈົ້າ​ໃຫ້​ເຮັດ​ອັນ​ໃດ ຈົ່ງ​ເຮັດ​ຕາມ​ເດີ.”

ພຣະຄຳພີລາວສະບັບສະໄໝໃໝ່

⁵ ແມ່​ຂອງ​ພຣະອົງ​ຈຶ່ງ​ບອກ​ບັນດາ​ຄົນຮັບໃຊ້​ວ່າ, “ຈົ່ງ​ເຮັດ​ທຸກຢ່າງ​ຕາມ​ທີ່​ເພິ່ນ​ບອກ​ພວກເຈົ້າ”.

ໂຢຮັນ 2:5 Jak'a apnaqawi uñst'ayäwi

ປະຖົມມະການ 41:55

ເມື່ອ​ປະເທດ​ເອຢິບ​ເລີ່ມຕົ້ນ​ອຶດຢາກ ປະຊາຊົນ​ທັງຫຼາຍ​ກໍ​ໄດ້​ມາ​ຂໍ​ອາຫານ​ນຳ​ກະສັດ. ສະນັ້ນ ກະສັດ​ຈຶ່ງ​ສັ່ງ​ພວກເຂົາ​ໃຫ້​ໄປ​ຫາ​ໂຢເຊັບ ແລະ​ເຮັດ​ຕາມ​ທີ່​ໂຢເຊັບ​ບອກ​ໃຫ້​ເຮັດ.

ປະຖົມມະການ 6:22

ໂນອາ​ໄດ້​ເຮັດ​ຕາມ​ທີ່​ພຣະເຈົ້າ​ໄດ້​ສັ່ງ​ໄວ້​ທຸກປະການ.

ເອເຊກຽນ 12:7

ຂ້າພະເຈົ້າ​ໄດ້​ເຮັດ​ຕາມ​ທີ່​ອົງພຣະ​ຜູ້​ເປັນເຈົ້າ​ໄດ້​ບອກ. ໃນ​ວັນ​ນັ້ນ ຂ້າພະເຈົ້າ​ໄດ້​ພົກ​ເອົາ​ເຄື່ອງຂອງ​ດັ່ງ​ອົບພະຍົບ​ຜູ້ໜຶ່ງ ແລະ​ໃນ​ຕອນແລງ​ໃນ​ຂະນະທີ່​ມືດ​ຢູ່​ນັ້ນ ຂ້າພະເຈົ້າ​ໄດ້​ເຈາະ​ຝາເຮືອນ​ດ້ວຍ​ມື​ເປົ່າ ແລະ​ອອກ​ໄປ. ຂະນະທີ່​ທຸກຄົນ​ເຝົ້າເບິ່ງ​ຢູ່​ນັ້ນ ຂ້າພະເຈົ້າ​ກໍ​ຍົກ​ພົກ​ຂຶ້ນ​ໃສ່​ບ່າ​ແລະ​ຈາກ​ໄປ.

ມັດທາຍ 12:46

ຂະນະທີ່​ພຣະເຢຊູເຈົ້າ​ກຳລັງ​ກ່າວ​ກັບ​ປະຊາຊົນ​ຢູ່​ນັ້ນ ມານດາ​ແລະ​ບັນດາ​ນ້ອງຊາຍ​ຂອງ​ພຣະອົງ​ໄດ້​ມາ​ຖ້າ​ຢູ່​ຂ້າງ​ນອກ ເພື່ອ​ຢາກ​ເວົ້າ​ກັບ​ພຣະອົງ.

ໂຢຮັນ 15:14

ຖ້າ​ພວກເຈົ້າ​ປະຕິບັດ​ຕາມ​ຂໍ້ຄຳສັ່ງ​ຂອງເຮົາ ພວກເຈົ້າ​ກໍ​ເປັນ​ມິດ​ສະຫາຍ​ຂອງເຮົາ.

ກິດຈະການ 9:6

ເຈົ້າ​ຈົ່ງ​ລຸກ​ຂຶ້ນ ເຂົ້າ​ໄປ​ໃນ​ເມືອງ ແລ້ວ​ຈະ​ມີ​ຜູ້​ບອກ​ເຈົ້າ​ວ່າ​ຕ້ອງ​ເຮັດ​ຢ່າງ​ໃດ.”

ເຮັບເຣີ 11:8

ເພາະ​ອັບຣາຮາມ​ມີ​ຄວາມເຊື່ອ​ແບບ​ນີ້ ເມື່ອ​ພຣະເຈົ້າ​ຊົງ​ເອີ້ນ​ໃຫ້​ເພິ່ນ​ອອກ​ເດີນທາງ​ໄປ​ສູ່​ດິນແດນ​ທີ່​ພຣະອົງ​ໄດ້​ຊົງ​ສັນຍາ​ໄວ້​ວ່າ ຈະ​ມອບ​ໃຫ້​ເພິ່ນ ເພິ່ນ​ໄດ້​ເຊື່ອຟັງ ແລະ​ອອກ​ຈາກ​ບ້ານເກີດ​ເມືອງນອນ​ຂອງຕົນ​ໄປ ໂດຍ​ບໍ່​ຮູ້​ເລີຍ​ວ່າ​ຕົນ​ຈະ​ໄປ​ໃສ.

ເຮັບເຣີ 5:9

ເມື່ອ​ພຣະເຈົ້າ​ໄດ້​ຊົງ​ບັນດານ​ໃຫ້​ພຣະບຸດ ເຖິງ​ທີ່​ສຳເລັດ​ແລ້ວ ພຣະບຸດ​ນັ້ນ ຈຶ່ງ​ໄດ້​ເກີດ​ເປັນ​ຕົ້ນ​ກຳເນີດ​ແຫ່ງ​ຄວາມ​ລອດພົ້ນ​ອັນ​ຕະຫລອດໄປ​ເປັນນິດ ແກ່​ຄົນ​ທັງປວງ​ທີ່​ເຊື່ອຟັງ​ພຣະອົງ,

ພວກ^ຜູ້ປົກຄອງ 13:14

ນາງ​ບໍ່​ຕ້ອງ​ກິນ​ສິ່ງໃດໆ​ທີ່​ໄດ້​ມາ​ຈາກ​ຕົ້ນອະງຸ່ນ ທັງ​ບໍ່​ຕ້ອງ​ດື່ມ​ນໍ້າ​ອະງຸ່ນ​ຫລື​ເຫຼົ້າ ແລະ​ບໍ່​ຕ້ອງ​ກິນ​ອາຫານ​ໃດໆ​ທີ່​ຫວງຫ້າມ. ນາງ​ຕ້ອງ​ເຮັດ​ທຸກໆ​ສິ່ງ​ຕາມ​ທີ່​ເຮົາ​ໄດ້​ບອກ​ນາງ​ໄວ້​ນັ້ນ.”

ນາງຣຸດ 3:6

ດັ່ງນັ້ນ ນາງຣຸດ​ຈຶ່ງ​ເຂົ້າ​ໄປ​ທີ່​ລານ​ຟາດເຂົ້າ ແລະ​ເຮັດ​ຕາມ​ທີ່​ຍ່າ​ໄດ້​ບອກ​ນັ້ນ​ທຸກຢ່າງ.